ەەڭ جاڭا مازمۇندار
2020-جىلى 1-ايدىڭ 22-كۇنى 18-سان
كەدەيلىك قالپاعىن الىپ تاستاپ، شىت جاڭا تۇرمىس كەشىردى
ايماق باسشىلارى كوكتەم مەرەكەسى قارساڭىندا حال سۇراۋ قيمىلىن ورىستەتتى
شاعانتوعاي اۋدانىنىڭ 2019-جىلعى ساياحات كىرىسى 511 ميلليون يۋان بولدى
اۆتونوميالى رايون دەمالىسقا، پەنسياعا شىققان ساقا كادرلار اڭگىمە ءماجىلىسىن اشتى
”ەكىنى قورعاۋ“ ارقىلى بۇكىل پارتيانىڭ ىنتىماعى مەن بىرلىگىنە جەتەكشىلىك ەتۋگە تاباندى بولايىق
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، پارتيانى جاپپاي قاتاڭ جونگە سالۋدىڭ جاڭا ناتيجەلەرىمەن جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋدىڭ شەشۋش
تىشقان جىلىن قارسى الىپ، باقىتقا شومدى بارشا جۇرت
مەرەكەلىك زات ساتىپ الىپ،مەرەكەلىك تىلەك ءبىلدىردى
2020-جىلى 1-ايدىڭ 21-كۇنى 17-سان
شاۋەشەك قالاسى: كوكتەم مەرەكەسىنە قاراعان تۇنگى باس قوسۋ داستارقانىنا زاكاز كوبەيدى
شيحۋدىڭ ەلەكتروندى ساۋداسى اۋىل شارۋاشىلىق ەرەكشە ونىمدەرىنىڭ الىس جەرلەرگە ساتىلۋىنا دەم بەردى
 مەملەكەتتىك ۇلت ىستەرى كوميتەتى قوبىقسارى اۋدانىنا «مەملەكەتتىك ۇلتتار ىنتىماعى،العاباسارلىعىنداعى ۇلگى اۋدان» تاقتاسىن بەردى
”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، نازاردى باس نىساناعا شوعىرلاندىرىپ، پارتيانى جاپپاي قاتاڭ جونگە سالۋدىڭ تەرەڭدەي دامۋىن بۇلجىماستان ىلگەرىلەتەيىك
ساياسي - زاڭ قىزمەتىنىڭ وسىزاماندانۋ دەڭگەيىن كۇش سالا جوعارىلاتىپ، اناعۇرلىم جوعارى دەڭگەيدەگى تىنىش جۇڭگو، زاڭمەن جونگە سالىناتىن جۇڭگو قۇرۋ كەرەك
2020-جىلى 1-ايدىڭ 20-كۇنى 16-سان
2020-جىلى 1-ايدىڭ 18-كۇنى 15-سان
تاريحي بورىشتى باتىلدىقپەن ارقالاپ،ۇلى گۇلدەنۋدى جۇزەگە اسىرايىق
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ،اۋەلگى ماقساتتى،بورىشتى ەستە بەرىك ساقتاپ،جاراسىمدى،ەكولوگياسى كوركەم،قونىستانۋعا جايلى تارباعاتاي قۇرۋدى جەدەلدەتەيىك
اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ءتۇزىمىنىڭ تياناقتانۋىن، ناقتىلانۋىن ىلگەرىلەتەيىك
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
كۇرەس جاساۋ رۋحىن ساۋلەلەندىرىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتەيىك
ۇلى وزىندىك توڭكەرىس ارقىلى ۇلى قوعامدىق توڭكەرىسكە جەتەكشىلىك ەتۋگە تاباندى بولايىق
جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتى ءتورتىنشى جالپى ءماجىلىسىنىڭ مازمۇنداماسى
كوكتەم مەرەكەسى تاقىرىبىنداعى ءمورال ساباقحاناسىن وتكىزدى
زىمىرايىق،2020
ەكولوگياسى كوركەم،وركەنيەتتى، باقىتتى شاعانتوعاي قۇرۋعا قادام تاستايىق
قۇرتوبە قىستاعى مەملەكەتتىك اۋىل-قىستاقتى جونگە سالۋدان ۇلگى كورسەتەتىن قىستاق قاتارىنا كىردى
اكىمشىلىك مەكەمەسى 2020-جىلعى 1-رەتكى پارتيا باسشىلىق گرۋپپاسى ءماجىلىسىن اشتى
قۇدىرەتتى ساياسي پارتيا وزىنە توڭكەرىس جاساۋ بارىسىندا شىڭدالىپ شىققان

قالتقىسىز ۇلەس قوسىپ، جاستىقتىڭ جالىنىن ايگىلەدى

جولدانعان ۋاقىتى : 2019/3/13 13:16:10

ءتۇسىرۋ
قالتقىسىز ۇلەس قوسىپ، جاستىقتىڭ جالىنىن ايگىلەدى
-شاۋەشەك قالالىق 5-باستاۋىش مەكتەپتەن «ۇعىسۋ، تيىمدىلىك جاساۋ، توعىستىرۋ» قىزمەتى بويىنشا
بايگەتوبە الەۋمەتتىك اۋماعىندا تۇراتىن قىزمەت اترەتىنىڭ مۇشەسى مياسار تايىر جايلى

 

  تىلشىلەرىمىز ايان قايرات ۇلى، تۇيمەقان يساقان قىزى، ۋاڭ گاۋشىڭ حابارلايدى. شاۋەشەك قالاسى دۋبەك ءمالى باسقارماسى بايگەتوبە الەۋمەتتىك اۋماعى قالا مەن اۋىلدىڭ تۇيىلىسىنە ورنالاسقان، بۇكىل قالاداعى 17 الەۋمەتتىك اۋماقتىڭ ىشىندەگى مۇگەدەكتەر مەن قيىنشىلىعى بار وتباسى، سونداي-اق جەر ءۇي ەڭ كوپ ورنالاسقان الەۋمەتتىك اۋماق بولىپ، قىزمەت ورىستەتۋ قيىندىعى ءبىرشاما زور.

  2017-جىلدان باستاپ شاۋەشەك قالالىق 5-باستاۋىش مەكتەبى «ۇعىسۋ، تيىمدىلىك جاساۋ، توعىستىرۋ» قىزمەتى بويىنشا وسى الەۋمەتتىك اۋماقتا تۇرىپ قىزمەت ورىستەتتى. ۇيعۇر وقىتۋشى مياسار تايىر وسى الەۋمەتتىك اۋماقتا قاتارىنان ەكى جىل تۇرعان قىزمەت اترەتىنىڭ بىردەن-ءبىر مۇشەسى.

  مياسار ءوزى جاس، ءومىر تاجىريبەسى از بولعانىمەن، ناقتىلى ارەكەتى ارقىلى قىزمەت اترەتى مۇشەسىنىڭ مىندەتىن بۇلجىتپاي اتقارىپ كەلدى. قىزمەت بەينەسى كورنەكتى بولعاندىقتان، 2018-جىلى شاۋەشەك قالاسى ونى اۆتونوميالى رايون دارەجەلى «ۇعىسۋ، تيىمدىلىك جاساۋ، توعىستىرۋ» قىزمەتىنىڭ ۇزدىك اترەتى مۇشەلىگىنە كورسەتەدى.

  ويعا العانى ورىندالسا دا قاناعاتتانبادى

  33 جاستاعى مياسار، باستاۋىش مەكتەپ وقىتۋشىسى. ول بالا كەزىنەن وقىتۋشى بولىپ، وقۋشى تاربيەلەۋدى ارماندايتىن. الايدا،اتا-اناسى ونىڭ شيپاگەر بولۋىن ءۇمىت ەتەتىن ەدى.

  ويعا العانىنىڭ ءبارى ورىندالا بەرمەيدى. 2006-جىلى ول شينجياڭ كاسىپتىك تەحنيكا داشۋەسىنە قابىلدانىپ، اۆياتسيا كاسىبىن وقيدى. 2009-جىلى مەكتەپ بىتىرگەننەن كەيىن، باتىس بولەك ەرىكتىلەر قاتارىندا ايماقتىق پارتكوم ۇيىمداستىرۋ بولىمىنە كەلىپ، ەرىكتى قىزمەت وتەيدى، 2011-جىلى ەرەكشە ورىنداعى وقىتۋشىلىققا اشىق قابىلدانىپ، مياساردىڭ ارمانى ورىندالىپ، ساۋان اۋدانى نيۋجۋانزى مال فەرماسى جاتاقتى مەكتەبىنىڭ وقىتۋشىسى بولادى.

  2016-جىلى 9-ايدىڭ 6-كۇنى ول شاۋەشەك قالالىق 5-باستاۋىش مەكتەپكە اۋىسىپ كەلەدى، قىزمەتكە شىققان ەكىنشى كۇنى مياسار شاۋەشەك قالاسى بەيبىت ءمالى باسقارماسىنىڭ تارباعاتاي الەۋمەتتىك اۋماعىنا جىبەرىلىپ، «ۇعىسۋ، تيىمدىلىك جاساۋ، توعىستىرۋ» بويىنشا قىزمەت ىستەيدى. مياسار ەرىكتى قىزمەت وتەگەن ەكى جىلدا «ۇعىسۋ، تيىمدىلىك جاساۋ، توعىستىرۋ» قىزمەتىنەن ازدى-كوپتى حابارلى بولعاندىقتان، قىستاقتا تۇرعان قىزمەت اترەتىنىڭ مۇشەسى بولىپ، اۋىل-قىستاققا بارىپ شىنىعۋدى ارماندادى.

  2017-جىلى ونىڭ ويلاعانى تاعى دا ورىندالىپ، قىزمەت اترەتىنىڭ مۇشەسى بولىپ، باسقا ءتورت قىزمەتتەسىمەن بىرگە، بايگەتوبە الەۋمەتتىك اۋماعىندا تۇرىپ قىزمەت ىستەيدى. قىزمەت بەينەسى جاقسى بولعاندىقتان، الەۋمەتتىك اۋماق پارتيا ياچەيكاسى الىپ قالىپ، 2018-جىلى ول الەۋمەتتىك اۋماقتا «ۇعىسۋ، تيىمدىلىك جاساۋ، توعىستىرۋ» قىزمەتى بويىنشا جالعاستى قىزمەت ىستەيدى.

  باسقالارعا كومەكتەسۋدى قۋانىش دەپ بىلەدى

  46 جاستاعى الەۋمەتتىك اۋماقتىڭ تۇرعىنى ليۋ يان مياساردىڭ تۋىستىق قاتىناس ورناتقان تۋىسى. 2010-جىلى ليۋ يان جولداسىمەن بىرگە گانسۋ ولكەسىنىڭ گاۋتاي اۋدانىنان شاۋەشەككە جۇمىس ىستەۋگە كەلگەن، 2013-جىلى جولداسى ۇيىنەن بەزىپ كەتىپ، بۇگىنگە دەيىن ەش حابارىن الا المايدى. وسى بىرنەشە جىلدا ليۋ يان جالعىز ءوزى كوتەرمە جۇمىس ىستەپ، بالاسىن وقىتىپ كەلدى، بىلتىر بالاسى داشۋەنى ءبىتىرىپ اسكەرگە قابىلداندى.

  شاۋەشەككە كەلگەنىنە ۇزاق جىل بولسا دا، ليۋ ياننىڭ وتباسى قازىرگە دەيىن ءۇي مايلاپ تۇرعان. قالانىڭ ىشىندە شىر ايلانىپ كوشىپ ءجۇردى. قايسى ءۇيدىڭ ماي اقىسى ارزان بولسا، سول ۇيگە كوشەدى، وسى كۇنگە دەيىن قانشا ءۇي الماستىرعانىن ءوزى دە بىلمەيدى.

  «الاڭسىز شات-شادىمان تىرشىلىك ەتۋ» دەمەكشى، مياسار ليۋ ياننىڭ وسى جاعدايلارىنان حابار تاپقاننان كەيىن ۋاقىت شىعارىپ، ليۋ يانعا ارزان باعادا مايعا بەرىلەتىن ءۇي الۋ جۇمىستارىنا كومەكتەسەدى. جالىقپاي قۇلشىنۋدىڭ ارقاسىندا، اقىرى بىلتىر ءوتىنىشى بەكىتىلىپ، ليۋ يانعا ارزان باعادا مايعا بەرىلەتىن ءۇيدى الىپ بەرەدى. مەجەمەن بيىل كوشۋىنە بولادى ەكەن.

  كۇتپەگەن جەردەن قۋانىشقا بولەنگەن ليۋ يان وسى حاباردى ەستىگەندە قۋانىشى قوينىنا سيماي تۇنىمەن ۇيىقتاي الماي شىقتى. ول ارناۋلى مياسارعا العىس ايتقالى قىزمەت اترەتىنە بارعاندا قۋانعانى سونشالىق، اۋزىنا ءسوز تۇسپەي قالدى.

  كۇلاي وسى الەۋمەتتىك اۋماقتىڭ تۇرعىنى، ەگىز قىزى بار، ۇلكەن قىزى اقىلدى، زەرەك، كىشى قىزى جەڭىل دارەجەلى كەم اقىل اۋرۋىنا شالدىققان. جولداسى جۇمىستان بوساعانىنا كوپ جىل بولىپ، ۋاقىتتىق جۇمىس ىستەپ كەلگەن، تۇرمىس جاعدايلارى دا توتەنشە ناشار ەدى.

  وتكەن جىلى كۇلايدىڭ تۋىسى وعان 40 شارشى مەترلىك دۇكەندى بەرىپ، ونىڭ بالكۇلشە پىسىرىپ ساتىپ اقشا تاۋىپ، ۇلكەن قىزىن وقىتۋىنا كومەكتەسەدى. كۇلاي ءبىر جاعىنان، دۇكەننىڭ جۇمىسىمەن ابىگەر بولسا، ەندى ءبىر جاعىنان، كىشى قىزىنا قارايلاسادى.

  مياسار كۇلايدىڭ جاعدايىن كورگەننەن كەيىن، ىشتەي قاتتى قىنجىلادى. سونىمەن حالىق ىستەرى مەكەمەسىنە، جۇمىسشىلار ۇيىمىنا بارىپ، كۇلايعا لايىقتى سۇيەمەلدەۋ ساياساتىن ىزدەستىرەدى ءارى ءبىر اپتانىڭ ىشىندە ماتەريالدارىن جيناپ، رەتتەپ، كوبەيتىپ جوعارى ورىنعا جولدايدى، بىلتىر 12-ايدا كۇلايدىڭ وتباسى 4000 يۋاننان استام تۇرمىستىق قوسىمشا قاراجاتىنا يە بولادى.

  بۇگىنگى كۇنى قىزمەت اترەتىندەگى مياساردىڭ اتى اۋىزعا الىنار بولسا، كۇلاي ونى اۋىز جاپپاي ماقتايدى.

  قىزمەت ورنىن تياناق ەتىپ، اۋەلگى ماقساتتى ۇمىتپادى

  ادام تاربيەلەۋ ۇزاق ۋاقىتتىق جۇمىس. مەيلى، تۇرمىستا ياكي قىزمەتتە بولسىن مياسار باستان- اياق ءوزىنىڭ ءبىر وقىتۋشى ەكەندىگىن ەشقاشان ۇمىتقان ەمەس. قىزمەت اترەتىندە ول اۋىلىنا قايتقان ستۋدەنتتەر جانە ورتا، باستاۋىش مەكتەپ وقۋشىلارىن ۇيىمداستىرىپ، قوعامدىق امالياتتىق قيمىلداردى ورىستەتۋگە جاۋاپتى بولدى، وسى بارىستا قىزمەت ونىمدىلىگى كورنەكتى بولعاندىقتان، جوعارى دارەجەلى پارتكومنىڭ قولداۋى مەن القاۋىنا يە بولادى.

  2017-جىلى جازدىق دەمالىستا ول ىلگەرىندى-كەيىندى 30 دان ارتىق جوعارى جانە ورتا، باستاۋىش مەكتەپ وقۋشىلارىن ۇيىمداستىرىپ، تارباعاتاي قىزىل ءۇي مۇراجايى مەن گارمون  مۇراجايىن ەكسكۋرسيالاتىپ، بالالارعا تۋعان مەكەندەرىنىڭ مادەنيەت-تاريحى، ءداستۇرلى مادەنيەتىن ءتۇسىندىرىپ، وتاندى، تۋعان مەكەندى ءسۇيۋ سەزىمدەرىن كۇشەيتتى. سونىمەن بىرگە، الەۋمەتتىك اۋماقتاعى 100 گە جۋىق جوعارى، ورتا،باستاۋىش مەكتەپ وقۋشىلارىن وزدەرىنىڭ كيىم-كەشەك،سومكە،ويىنشىق،كىتاپ سياقتى بۇيىمدارىن جىلۋعا اتاپ،ايماقتىق كەم اقىلدى  بالالاردى ساۋىقتىرۋ ورتالىعىنا بارىپ،ولاردان حال سۇراۋعا ۇيىمداستىرىپ،كەم اقىلدى بالالارمەن بىرگە «قول ۇستاسۋ» قيمىلىن ورىستەتتى ءارى تۇستەن كەيىنگى ۋاقىتتان پايدالانىپ،بالالاردىڭ جاتاعىن تازالاپ،كەم اقىلدى بالالارعا قوعام سىندى ۇلكەن شاڭىراقتىڭ مەيىرىن سەزىندىردى، قيمىلعا قاتىناسقان وقۋشىلار جونىنەن العاندا،بۇل ءبىر ساعاتتىق مەيىر جەتكىزۋ ساباعى بولدى.

  بۇقارانى ۋايىم-قايعىدان ارىلتىپ، قيىنشىلىعىن شەشىم ەتۋدە سالعىرتتىققا سالىنبادى

  الەۋمەتتىك اۋماقتاعى يۋەجين كوشەسى مياساردىڭ جاۋاپتى ءوڭىرى. بيىل 2-ايدىڭ 20-كۇنى تۇرعىندار وتباسىمەن بايلانىس جاساۋشى اقسۋات وعان تەلەفون بەرىپ، يۋەجين كوشەسى حالىق ىستەرى شاعىن رايونى 2-عيمارات 5-كورپۋس 1-قاباتىنىڭ كاريدورىنداعى جىلۋمەن قامداۋ  قۇبىرى جارىلىپ،كوپ مولشەردە سۋ اعىپ،عيماراتتىڭ سىرتىنا اققان سۋ مۇز بولىپ قاتىپ،12 وتباسىنىڭ قالىپتى ءجۇرىس-تۇرىسىنا اۋىر دارەجەدە ىقپال جاساعاندىعىن اڭىس ەتەدى.

  اڭىس ەتۋ تەلەفونىن قابىلداعاننان كەيىن، مياسار ناق مايدانعا بارىپ، تەكسەرۋ جۇرگىزەدى. ناقتىلى جاعدايدان حاباردار بولعاننان كەيىن ول ءبىر جاعىنان، كاسىپتىك جوندەۋشىگە حابارلاسسا، ەندى ءبىر جاعىنان، تۇرعىنداردىڭ وتباسىلارىن ارالاپ، پىكىرىن تىڭدايدى. بارلىق تۇرعىن ءبىر بايلامعا كەلگەننەن كەيىن ول جوندەۋشىگە تەلەفون بەرىپ،14 پار جابدىعىن اۋىستىرتىپ،جارتى  كۇندە ماسەلەنى شەشىم ەتەدى.
جۋىقتاعى ەكى جىلدان بەرى مۇنداي ىستەردى مياسار وتە كوپ ىستەدى.

  بۇل ءىس جونىندە اقسۋات تەبىرەنىسپەن: «مياساردىڭ جاسى كىشى بولعانىمەن، ونەرى   ۇستەم. بۇل قىز ءبىزدىڭ جۇمىسىمىزدى ءوز وتباسىنىڭ جۇمىسىنداي كورىپ ىستەيدى، پارتيانىڭ تاربيەلەگەن جاقسى كادرىنا راقىمەت ايتامىز» دەدى.

  «ءبىر تامشى سۋدان دا كۇن شۇعىلاسىن كورۋگە بولادى». مياساردىڭ شاماسى شاقتى بولعانىمەن، توڭىرەگىنە وزىنشە اسەر ەتتى، بۇل ونىڭ ءوزى ايتقانىنداي: «مەن ءبىر وقىتۋشىمىن، ءارقاشان ونەگە-ۇلگى كورسەتۋىم كەرەك» دەگەن سوزىنەن بەينەلەنىپ جاتادى.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn