لەي فىڭ رۋحىن ساۋلەلەندىرۋدى وزىمىزدەن باستايىق

  تىلشىلەرىمىز تۇيمەقان يساقان قىزى، ۇسىنىس ەتىلگەن ءتىلشى ياڭ حۋاگۋاڭ، ەرىكتى تىلشىلەر جاڭ لان، فان شۋەجياۋ حابارلايدى. جۋىقتان بەرى شاعانتوعاي اۋدانىنداعى ءارقايسى جەرلەر فورماسى الۋان ءتۇرلى لەي فىڭنان ۇيرەنۋ قيمىلىن ورىستەتىپ، قالىڭ جاستار مەن وسپىرىمدەردى جانە قوعامنىڭ ءار سالاسىن بەلسەندى اتتانىسقا كەلتىرىپ، لەي فىڭ رۋحىن بارىنشا ساۋلەلەندىرىپ، سوتسياليستىك وزەكتى قۇن كوزقاراسىن امالياتتا ايگىلەدى.

  شاعانتوعاي اۋدانى قارابۋرا قالاشىعى قاراشوقى كوشەسى الەۋمەتتىك اۋماعى اۋداندىق 2-ورتا مەكتەپپەن بىرلەسىپ، 40 تان ارتىق ەرىكتىنى ۇيىمداستىرىپ، «لەي فىڭنان ۇيرەنىپ، مەكەنىمىزدى تازا ۇستاپ، ورتانى كورىكتەندىرەيىك» تاقىرىبىندا قيمىل ورىستەتىپ، لەي فىڭ رۋحىن ءىس جۇزىندىك ارەكەتتەر ارقىلى تياناقتاندىردى.

  ەرىكتىلەر قولدارىنا كۇرەك سياقتى قۇرالداردى الىپ، قاراستى اۋماقتاعى جول بويىنداعى ارىقتارداعى جينالعان قار مەن قوقىر-قوقسىقتاردى تازالادى. كوپشىلىك بىلعانىشتان، شارشاپ-شالدىعۋدان قورىقپاي بار كۇشتەرىن سالىپ، 2 ساعاتتان ارتىق قۇلشىنىس ارقىلى جول جاعاسىنداعى ارىقتى تازالاپ شىقتى.
شاعانتوعاي اۋداندىق 1-باستاۋىش مەكتەپ «لەي فىڭ رۋحىن ساۋلەلەندىرۋدى وزىمىزدەن باستايىق» تاقىرىبىنداعى جەلىلەس قيمىل ورىستەتتى.

  اۋداندىق 1-باستاۋىش مەكتەپ دۇيسەنبى كۇنگى مەملەكەت تۋىن شىعارۋ سالتىنان پايدالانىپ، لەي فىڭنان ۇيرەنۋ تاربيە ايى باستالۋ سالتىن ورىستەتتى. سالتتا كوپشىلىك لەي فىڭ رۋحىن بىرگە ۇيرەنىپ، لەي فىڭ ءانىن شىرقاپ، جالپى وقىتۋشى-وقۋشىلاردى وزدەرىن تياناق ەتىپ، وزدەرى باس بولىپ مەيىرىمدىلىكتى، ءتارتىپتى دارىپتەپ، جاراسىمدى، جايلى مەكتەپ  اۋلاسىن قۇرۋعا جۇمىلدىردى.

  سالت اياقتالعاننان كەيىن «كىشكەنتاي لەي فىڭشىلدار» قىزىل گالستۋك كوشەسىنە كەلىپ، لەي فىڭنان ۇيرەنۋ الەۋمەتتىك يگىلىك قيمىلىن ورىستەتتى. كوپشىلىك اتتانىسقا كەلىپ، جاياۋلار جولىنىڭ ەكى جاعالاۋىنداعى قوقىر-قوقسىقتاردى تازالادى. بالالار ءىس جۇزىندىك ارەكەتتەرى ارقىلى لەي فىڭ رۋحىن امالياتتان وتكىزىپ، «لەي فىڭ ايى» قيمىلىن ىشكەرىلەي ورىستەتتى.

  شاعانتوعاي اۋداندىق 1-باستاۋىش مەكتەپتىڭ وقىتۋشىسى جاڭ رۇڭ: «3-اي لەي فىڭنان ۇيرەنۋ ايى، شاعانتوعاي اۋداندىق 1-باستاۋىش مەكتەپ لەي فىڭنان ۇيرەنۋ قيمىلىن ورىستەتتى. ءبىز پيونەرلەرمەن بىرگە قىزىل گالستۋك كوشەسىنە كەلىپ تازالىق ىستەپ، لەي فىڭ رۋحىن جالعاستىردىق، ساباقتاستاردىڭ مۇنان بىلايعى تۇرمىس بارىسىندا لەي فىڭ رۋحىن ۇزدىكسىز ساۋلەلەندىرىپ، لەي فىڭ رۋحىن جالعاستىرۋىن ءۇمىت ەتەمىن» دەدى.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى