ەەڭ جاڭا مازمۇندار
قۋاتتى الەۋمەتتىك دەنساۋلىق ساقتاۋ جۇيەسىن ورناتىپ، حالىقتىڭ دەنساۋلىعىن قورعاۋدى پارمەندى قامتاماسىزداندىرۋ كەرەك
تەگىن تاۋىق تاراتىپ،مۇگەدەكتەردىڭ كىرىستەرىن ارتتىرۋىنا كومەكتەستى
جەردى اينالىمعا سالۋدىڭ ونىمدىلىگى جوعارى بولىپ،قىستاق تۇرعىندارىنىڭ كىرىسى ارتتى
اۋقاتتانۋ جولىنا باستاعان ازامات
جەرگىلىكتى ۇگىت-لەكسياشىلار تاماشا كەلبەتتى ايگىلەپ،وزگەرىستەردى باياندادى
«ساباق مىنبەسىنەن ءومىر بويى قول ۇزگىم كەلمەيدى»
2020-جىلى 6-ايدىڭ 5-كۇنى 115-سان
نەگىزگى تاقىرىپتىق پارتيا كۇنى قيمىل وتكىزىپ،پارتياعا كىرگەندەگى سەرتتەرىن ەسكە ءتۇسىردى
وركەنيەتتىلىككە،اقاۋسىزدىققا بىرگە ۇمتىلايىق
تۇزىمدە شوعىرلى جاڭالىق اشۋدى كورنەكتى ورىنعا قويىپ ەركىن ساۋدا پورتىن جوعارى ساپامەن، جوعارى ولشەممەن قۇرۋ كەرەك
شينحۋا اگەنتتىگىنىڭ وكىلەتتىگىمەن «جۇڭحۋا حالىق رەسپۋبليكاسىنىڭ ازاماتتىق زاڭناماسى» جاريالاندى
باس شۋجي شي جينپيڭنىڭ مەملەكەتتىك ەكى ءماجىلىس كەزىندە سويلەگەن ماڭىزدى سوزدەرى مەن مەملەكەتتىك ەكى ءماجىلىستىڭ رۋحىن ىشكەرىلەي دايەكتىلەندىرىپ،پارتيا ورتالىق كوميتەتىنىڭ شەشىمدەرى مەن اۆتونوميالى رايوندىق پارتكومنىڭ ورنالاستىرۋلارىنىڭ قاز-قالپىندا تياناق
سۋرەتتەر اۋىل-قىستاقتاعى وراسان زور وزگەرىستەرگە كۋا بولدى
كەدەيلىك قالپاعىن الىپ تاستاپ،تاماشا تۇرمىسقا كەنەلدى
تۇتىنۋ ارقىلى كەدەيلەردى سۇيەمەلدەۋدى جاقسى ىستەدى
اۋلا شارۋاشىلىعىن دامىتىپ،كەدەيلىكتەن ارىلۋىنا كومەكتەستى
قىستاقتا كوتەرمە جۇمىس ىستەپ كىرىستى ارتتىردى
2020-جىلى 6-ايدىڭ 4-كۇنى 114-سان
قاز باعىمشىلىعىمەن شۇعىلداندى
قاجىرلىلىقپەن ءبىلىم ۇيرەنىپ، مۇرات - سەنىمدى بەكەمدەپ، بەرىك ەرىك - جىگەردى شىڭداپ، دەنە شىنىقتىرىپ دەنساۋلىقتى كۇشەيتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاي - قاشاندا دايىن تۇرايىق
جاپپاي دوڭگەلەك داۋلەتتى قوعام ورناتۋداعى ولقىلىقتاردى تولىقتاۋ ماسەلەسى جونىندە
ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ جاڭا جەڭىسىن قولعا كەلتىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتۋ كەرەك
تارباعاتاي ايماقتىق اكىمشىلىك مەكەمەسى مەن جۇڭگو ونەركاسىپ-ساۋدا بانكەسىنىڭ شينجياڭ بولىمشە بانكەسى سەلبەستىك ورناتۋ جۇلگەلىك كەلىسىمىنە قول قويىستى
قالا كوركىنىڭ تولىمدى اجارلاندىرۋشىسى بولايىق
2020-جىلى 6-ايدىڭ 3-كۇنى 113-سان
ەكى ءماجىلىس رۋحىن ۇيرەنىپ،تاس جول ىستەرىنە ۇلەس قوسامىز
2020-جىلى 6-ايدىڭ 2-كۇنى 112-سان
ازاماتتىق زاڭنامانى جاريالاپ اتقارۋدىڭ كەلەلى ماڭىزىن جەتكىلىكتى تانىپ، حالىقتىڭ زاڭدى ۇقىق - مۇددەسىن زاڭ بويىنشا اناعۇرلىم ويداعىداي قامتاماسىز ەتۋ كەرەك
ۇكىمەت قىزمەتىنەن بايانداما
باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتىپ، جاپپاي دوڭگەلەك داۋلەتتى قوعام ورناتۋ كەرەك

وسىماننىڭ حانزۋ شەشەسى

جولدانعان ۋاقىتى : 2019/4/1 20:08:16

ما ۋىنحۋا
 
   ءار جىلى كوكتەم مەرەكەسىنىڭ  ءبىرىنشى كۇنى،وسىمان وتباسىنداعىلاردى ەرتىپ، ساۋان اۋدانى داچۋان   اۋىلى ياڭجياجۋاڭ قىستاعىنداعى حانزۋ تۇرعىن جيا گۇيلاننىڭ وتباسىنا بارىپ،مەرەكەسىنە قۇتتى بولسىن ايتادى.

   بيىل دا قاعىس قالدىرمادى. وسىمان جۇبايىن،اپەكەسىن جانە ۇلىن ەرتىپ، جيا گۇيلاننىڭ وتباسىنا بارىپ، ونى قۇشاقتاپ، ىقىلاستى پەيىلمەن: «شەشە، مەرەكەڭىز قۇتتى بولسىن! مەرەكەڭىزگە قۇتتى بولسىن ايتا كەلدىك» دەدى.  جيا گۇيلاننىڭ بالالارى وسىماننىڭ كەلەتىنىن ەرتەدەن ءبىلىپ، مول داستارقان ازىرلەپ قويعان بولاتىن، ولار   وسىمان وتباسىنداعىلارمەن داستارقان باسىنا  وتىرىپ،بىرگە ءان شىرقاپ، ءوزارا اق تىلەك ايتىپ، شاتتىق پەن باقىت ءۇنىن اۋەلەتتى.

  82 جاستاعى جيا گۇيلان بەس ۇرپاق تاربيەلەدى، قازىر ياڭجياجۋاڭ قىستاعىندا تۇرادى. وسىماندى اۋىزعا السا،جيا گۇيلاننىڭ اڭگىمەسىنىڭ تيەگى ارىدان اعىتىلادى.

   وتكەن عاسىردىڭ 60 -جىلدارىنىڭ   باسىندا جيا گۇيلان مەن وسىماننىڭ اتا-اناسى ءبىر قىستاقتا كورشى وتىرادى، ولار جەر كەپەدە جۇپىنى تۇرمىس كەشىرىپ كەلگەن ەدى. وسىماننىڭ شەشەسى    جۇرەك اۋرۋى مەن دەمىكپە اۋرۋىنا شالدىققاندىقتان، ۇزاق جىلدار بويى   ءدارى ءىشىپ، اۋرۋ كورسەتىپ، تاقىر كەدەيگە اينالادى. 1966-جىلى قىس كۇندەرىنىڭ بىرىندە وسىمان ەندى عانا ەكى ايعا تولعاندا، شەشەسى  38 جاسىندا دۇنيەدەن وتەدى. تۋىس-تۋعان، دوس-جاراندارىنىڭ كومەگىندە وسىماننىڭ اكەسى باتىر جۇبايىن جەرلەيدى. ۇيىندە نارەستەگە بەرەتىن ەشقانداي ازىقتىق بولماعاندىقتان، باتىر اشتىقتان شىرىلداپ جىلاعان نارەستەنى باۋىرىنا باسىپ، قايتەرىن بىلمەي، قاتتى مازاسىزدانادى.

   سول كەزدە جيا گۇيلاننىڭ بەس  ايلىق ۇلى ومىراۋدا ەدى. وسىماننىڭ شىرىلداعان ءۇنىن ەستىگەن جيا گۇيلاننىڭ انا جۇرەگى قارس ايرىلىپ، كۇيەۋىمەن اقىلداسىپ،وسىماندى الىپ كەلىپ،ەكى بالانى بىردەي باعۋ بەكىمىنە كەلەدى. وسىلايشا، اشتىقتان ازاپ شەككەن نارەستەنى ۇيلەرىنە الىپ كەلەدى. اۋزىنان ۋىز ءسۇتى ارىلماعان ءسابي ەمىرەنە  ەمگەندە، انا جانىنىڭ ۇلىلىعى مەن مولدىرلىگى جاس ءسابيدى جاتىرقاپ،جاتسىنباي، ىستىق مەيىرىمىمەن ايمالاپ،اق سۇتپەن نارلەندىردى.

   جيا گۇيلان ۇلىن 8 دە 9 اي بولعاندا ومىراۋدان شىعارىپ، جۇگەرى بوتقاسىن بەرىپ باعادى دا، جالعاستى وسىماندى ەمىزەدى.

   وسىمان جيا گۇيلاننىڭ باعىپ-قاعۋىندا بىرتىندەپ ەسەيدى. بەس جاستان بۇرىن وسىمان جيا گۇيلاننىڭ ۇيىندە ءجۇرىپ،ءار كۇنى اعا-اپەكەلەرىمەن بىرگە تاماقتانىپ، ويىن قىزىعىنا باتىپ،بىرگە ۇيىقتاپ، وسى ءبىر جىلى جانۇيادا قام-قايعىسىز كوڭىلدى ساتتەرىن وتكىزەدى.

   جيا گۇيلاننىڭ قىزى شىن گوشيۋ ماعان سول كەزدە ۇيلەرىندە ءبىر  ۇلكەن سۇپى بار ەكەنىن، وندا ۇلكەندى-كىشىلى 7 دە 8 ادام بىرگە    ۇيىقتايتىنىن؛ ءار كۇنى ۇيىقتار الدىندا بالالار اسىر سالىپ ويىن قىزىعىنا باتقاندا، وسىمان ۇيعۇر ۇلتىنىڭ بيىنە باساتىنىن؛ ونىڭ ويناقى ءجۇزى، يكەمدى ارەكەتى، جايدارى كۇلكىسى ءالى كۇنگە اپ-انىق ەسىندە ەكەنىن ايتتى.

   جيا گۇيلان: «وسىمان بەس جاسقا كەلگەندە، باتىر وتباسىنداعىلار داچۋان 8-اترەتىنە كوشىپ كەتتى. الايدا،باتىر ۇنەمى وتباسىمىزعا وسىماندى ەرتىپ  كەلىپ،تاماق ءىشىپ، اڭگىمەلەسىپ تۇراتىن. كەتەرلەرىندە اۋلاعا ەككەن كوكونىستەردەن سالىپ بەرەتىنمىن» دەدى.

   وسىمان 9 جاسقا كەلگەندە اكەسى دە ومىردەن وتەدى. مىنە وسىلاي اتا-اناسىنان بىردەي ايرىلعان وسىماننىڭ جيا گۇيلان وتباسىنداعىلارمەن  سۇيىسپەنشىلىگى   ءتىپتى دە تەرەڭدەي تۇسەدى،بۇل   جاقىندىق وسىماننىڭ جان جاراسىنا ۇلكەن مەدەت ەدى. ول كۇن ارالاتىپ كەلىپ قونىپ تۇرادى. ءىستىڭ   ءجونىن بىلەتىن وسىمان شىن اعاسىمەن بىرگە ءشوپ    ورىپ،مال باعادى. جيا گۇيلان ماي شامنىڭ ءالسىز جارىعىندا  وسىماننىڭ كيىم-كەشەگىن جۋىپ، كيىم، شۇپەرەك شاقاي تىگىپ بەرەدى. بالالار جيا گۇيلاندى اينالا وتىرىپ ەرتەگى تىڭدايدى. وسىماننىڭ ۇستا اعالارى دا جيا گۇيلاندى ۇنەمى ەسكە  الىپ، كۇرەك، وراق جانە تەسە سياقتى ەگىس جابدىقتارىن اكەلىپ بەرىپ تۇرادى.

   كەيىن كەلە وسىمان قۇتىبي اۋدانىنداعى ۇلكەن اپەكەسىنىڭ ۇيىندە تۇرادى. ول قوي باعىپ، قۇرىلىس جۇمىسىن ىستەپ، نان جاۋىپ، تىنباي ەڭبەكتەنەدى. 2000-جىلى وسىمان تاعى دا ساۋان اۋدانىنا قايتىپ كەلەدى،ويتكەنى وسىمانعا ەكىنشى رەت ءومىر سيلاعان جاناشىر جاقىنى جيا گۇيلان وسى جەردە تۇرادى.

   ءار رەت جيا گۇيلاننىڭ وتباسىنا بارعاندا،جيا گۇيلان وسىمانعا قازىرگى   ابزال ساياساتتى قاستەرلەپ،قۇلشىنا  ەڭبەك   ەتىپ،جاقسى تۇرمىس كەشىرۋ جونىندە تاربيە بەرىپ وتىرادى.

   2011-جىلى كۇزدە وسىمان ۇيلەنەتىن بولادى، جيا گۇيلان مەن كەلىنى  لو شيا تۋىستارىمەن بىرگە تويعا قاتىناسادى، وسىمان جيا گۇيلاننىڭ قولىن قىسىپ تۇرىپ، جانارىنان ىستىق جاس پارلاپ:      «شەشە، ەگەر ءسىز سول جىلى مەنى باعىپ-قاقپاعان بولساڭىز، مەن الدەقاشان ومىرگە قوش ايتقان بولار ەدىم،ءسىز ماڭگى مەنىڭ ارداقتى   انامسىز!» دەدى.

   قازىر وسىمان الەۋمەتتىك مايعا بەرىلەتىن تۇرعىن ۇيدە وتىرادى، ءوزى سالعان ساۋلەتتى ءۇيى بيىل جازدا بىتەدى. وسىمان كىرە اۆتوكولىگىن جۇرگىزسە، جۇبايى بالكۇلشە جاسايدى، بەس جاسقا كەلگەن قاعىلەز دە سۇيكىمدى ۇلى بار،اششى ەڭبەكتىڭ ءتاتتى جەمىسىن بىلەتىن ول: «قازىر پارتيانىڭ ساياساتى وتە جاقسى، قۇلشىنعاندا عانا تۇرمىسىمىز جاقسى بولادى» دەدى.

   جيا گۇيلان: «ءار رەت داچۋان اۋىلىنا قاراي جۇرگەن جولاۋشىلاردى تاسىعاندا، وسىمان جول-جونەكەي ۇيگە كەلىپ، مەنى كورە كەتەدى. ءار جىلعى مەرەكە-مەيرامداردا وتباسىنداعىلاردى ەرتىپ، يۋەبيڭ، پراندىك، سيىر ءسۇتى، جۇمىرتقا جانە وزدەرى پىسىرعان ساڭزى، شەلپەك، نان سياقتى ءتاتتى-دامدىلەرىن الا كەلەدى، ماقتالى شاپاننىڭ وزىنەن بىرنەشەۋىن ساتىپ الىپ بەردى» دەدى.

   وسىمان جيا گۇيلاندى ۇنەمى ۇيىنە قوناققا شاقىرىپ تۇرادى. ول: «قازىر تۇرمىسىم كۇننەن-كۇنگە جاقسارىپ كەلەدى، مەن سىزگە بالالىق بورىشىمدى وتەۋگە ءتيىستىمىن، ۋاقىتىڭىز شىققاندا ۇيگە كەلىپ تۇرىڭىز» دەسە، ال جيا گۇيلان وسىمان مەن جۇبايىن اۋرەلەگىسى كەلمەي، ۇنەمى ءجۇرىس-تۇرىسىم   قولايسىز دەگەندى سىلتاۋراتىپ تويتارىس جاسايدى.

   جيا گۇيلان وسىمانعا: «بۇدان كەيىن اقشالارىڭدى بەتالدى جۇمساماڭدار، ەكەۋىڭە وڭاي ەمەس،ءوز كۇشتەرىڭە سۇيەنىپ تۇرمىستارىڭدى جاقسارتتىڭدار، وسىنىڭ ءوزى بالالىق بورىشتارىڭدى وتەگەندىك» دەيدى.
   جيا گۇيلان مەن وسىمان ەكى وتباسىنىڭ اراسىنداعى مەيىرگە تولى اڭگىمەلەردى ەستىگەننەن كەيىن مەنىڭ كوز الدىما ەكى پارشا سۋرەتتەي كوركەم كارتينا قالىپتاستى: بالا كەزىندە ءومىردىڭ سۋىق ىزعارى قارىعان وسىماندى جيا گۇيلان شەكسىز مەيىرىمىنە بولەدى؛ ءىزىن ارتقا تاستاعان سان جىلداردان كەيىن ولار باقىتتى تۇرمىسقا تالپىنۋ جولىندا قول ۇستاسا وتىرىپ،ءوزارا قارايلاسىپ، ءوزارا كومەكتەسىپ،ءبىر-ءبىرىنىڭ قامىن جەپ، ءوزارا مەيىر جەتكىزدى.

   سول كۇنى مەن وسىمانعا تەلەفون جالعاپ: «جيا اپاي ەكەۋىمىز ۋاقىت شىعارىپ ۇيلەرىڭە بارامىز،سەندەردەي جاراسىمدى جانۇيانىڭ شاتتىعى مەن باقىتىنا كۋا بولسام دەيمىن» دەگەنىمدە، تەلەفوننىڭ ار جاعىندا   وسىمان قۋانىشتى بەينەدە قايتا-قايتا بولادى، بولادى دەي بەردى، جادىراعان كۇلكىسى مەنى دە  وزىنە ەلىتىپ، بۇكىل اينالا باقىت پەن شاتتىققا شومعانداي بولدى.

اۋدارعاندار _ تۇيمەقان يساقان قىزى، ديدار سەرىك قىزى

 
powered by IlgharCMS 3.2 www.ilghar.cn