تىلشىلەرىمىز لي يانرۇڭ، جازيرا قاجىكەن قىزى حابارلايدى. ول جەتپىستەن اسىپ، جەر تايانعان شاعىندا ۇلى جاستاي دۇنيە سالىپ، نەمەرەسى ءوزىنىڭ قاراۋىندا قالادى. پارتيا مەن ۇكىمەتتىڭ دەمەۋىندە ول اقىرىن-اقىرىن كەدەيلىكتىڭ ازابىن تارتقان كۇندەرىمەن قوش ايتىسىپ، بىرتىندەپ باقىتتى تۇرمىسقا قادام تاستادى. مىنە، بۇل شيحۋ قالاسى حاتىبۇحى قالاشىعى ۋسۋچاسى قىستاعىنىڭ تۇرعىنى ۋاڭ ۋچي ەدى.
ۋاڭ ۋچي بيىل 74 جاسقا كەلگەن قاريا، بۇرىنعى كۇندەرىن ەسكە الىپ: «بۇرىن توپىراق ۇيدە تۇراتىنبىز. ءۇيىمىز وتە توزىعى شىققان كونە ءۇي ەدى. بوران سوعىپ، جاڭبىر جاۋعان كۇندەرى بارلىعىمىز الاڭدايتىنبىز» دەدى.
وسى جىلداردا ۋاڭ ۋچيدىڭ ەڭ ۋايىمدايتىنى نەمەرەسى ەدى. ۋاڭ ۋچيدىڭ ۇلى ماشينا شىرعالاڭىنان قايتىس بولىپ، كەلىنى باسقا بىرەۋگە تۇرمىسقا شىعىپ كەتكەننەن كەيىن، نەمەرەسى ۋاڭ ۋچي مەن ايەلىنىڭ قاراۋىندا قالادى.
ۋاڭ ۋچي وتباسىنىڭ تۇرمىستىق جاعدايىن ەسكەرگەن حاتىبۇحى قالاشىق پارتكوم مەن ۇكىمەت جاعدايعا قاراي ءىس ىستەپ، كەدەيلەردى سۇيەمەلدەۋ شارالارىن بەلگىلەپ، ۋاڭ ۋچيدىڭ تۇرمىسىن جاقسارتۋعا كەپىلدىك ەتەدى.
2015-جىلى حاتىبۇحى قالاشىق پارتكوم مەن ۇكىمەتتىڭ كومەگىندە ۋاڭ ۋچي ەرلى-زايىپتى ەكەۋى جەكە-جەكە ايىنا 145 يۋان جاڭا اۋىل-قىستاق زەينەتكەرلىك قامسىزداندىرۋ پەنسيا قاراجاتى مەن 250 يۋان ەڭ تومەنگى تۇرمىستى قامتاماسىزداندىرۋ قاراجاتىن الا الاتىن بولدى.
2016- جىلى حاتىبۇحى قالاشىق پارتكوم مەن ۇكىمەت ۋاڭ ۋچيعا بەيقۇت ءۇي سالىپ بەرۋدى ءوتىنىش ەتىپ، 60 شارشى مەترلىك بەيقۇت ءۇي سالىپ بەرىپ، 30 مىڭ يۋان قوسىمشا قاراجاتتان يگىلىكتەندىرەدى. سونىمەن بىرگە ول حاتىبۇحى قالاشىعى جاعىنان قيىنشىلىعى بار سۇيەمەلدەنەتىن وتباسى بولىپ تۇراقتانىپ، وعان كەدەيلەردى سۇيەمەلدەۋگە 20 تۇياق قوي بەرەدى، مۇنىڭ 10 تۇياعى ساۋلىق قوي، 10 تۇياعى قوزى. ۋاڭ ۋچيدىڭ قۇنتتاپ باعۋىنىڭ ارقاسىندا 2017-جىلى قويلارى 11 قوزى قوزىلايدى. ول وسى قوزىلاردى ساتىپ، ىلگەرىندى-كەيىندى 7700 يۋان كىرىس كىرگىزەدى. 2018-جىلى ۋاڭ ۋچي 6 تۇياق قوزى ساتىپ، 4500 يۋان كىرگىزەدى. قازىر ۋاڭ ۋچيدىڭ قوي قوراسىندا 14 تۇياق قوي، 7 قوزى بار.
2016-جىلى ۋاڭ ۋچيدىڭ نەمەرەسى شينجياڭ داشۋەسىنە قابىلدانعاننان كەيىن حاتىبۇحى قالاشىق ۇكىمەت شيحۋ قالالىق وقۋ-اعارتۋ، عىلىم-تەحنيكا مەكەمەسى سياقتى تاراۋلارمەن سەلبەسۋ ارقىلى ءار جىلى 8700 يۋاندىق قوسىمشا قاراجاتتان يگىلىكتەندىردى.
ۋاڭ ۋچيدىڭ تۇرمىستىق شارت-جاعدايى ۇزدىكسىز جاقسارىپ، بەيقۇت ۇيگە كوشىپ، نەمەرەسىنە وقۋ قاراجاتى بەرىلىپ، ەڭ تومەنگى تۇرمىسىن قامتاماسىزداندىرۋ قاراجاتىنان يگىلىكتەنۋىنىڭ بارلىعى حالىققا ءتيىمدى ساياساتتاردىڭ ارقاسى. مىنە، بۇل ۋاڭ ۋچيدىڭ پارتياعا دەگەن سۇيىسپەنشىلىگىن ءتىپتى دە ارتتىرا ءتۇستى.
ۋاڭ ۋچي: «پارتيا مەن ۇكىمەت ماعان، شىنىندا، كوپتەگەن كومەكتەر كورسەتتى، ءۇي سالىپ بەردى، كەدەيلەردى سۇيەمەلدەۋگە بەرىلەتىن قوي بەردى، نەمەرەمنىڭ وقۋ قاراجاتىن شەشىمدەپ بەردى... ءجۇز قايتارا راقىمەت ايتسام دا ازدىق ەتەدى» دەدى.
ۋاڭ ۋچي: «نەمەرەمىز مەكتەپ ءبىتىرىپ، قىزمەتكە ورنالاسسا بولعانى ءبىزدىڭ اۋىرتپالىعىمىز جەڭىلدەيدى. ەندى باققان قويلارىمنىڭ سانىن كوبەيتىپ، تۇرمىسىمدى كۇننەن-كۇنگە جاقسارتا تۇسەمىن» دەدى.
ۇعىسۋعا قاراعاندا، حاتىبۇحى قالاشىعىندا قيىنشىلىعى بار سۇيەمەلدەنەتىن 7 وتباسى، 18 ادام بار ەكەن، بۇل قالاشىق قيىنشىلىعى بار ءاربىر وتباسىنا ايىرىم-ايىرىم كەدەيلىكتەن ارىلتۋ جوسپارىن جاساۋمەن بىرگە، كەدەيلەردى سۇيەمەلدەۋ شارالارىن قولدانىپ، قيىنشىلىعى بارلارعا كومەكتەسۋدەگى كەدەيلىكتەن ارىلۋدا «قان جاساۋ» قۋاتىن جوعارىلاتىپ، «قان بەرۋ» ۇلگىسىندەگى كەدەيلەردى سۇيەمەلدەۋدەن «قان جاساۋ» ۇلگىسىندەگى كەدەيلەردى سۇيەمەلدەۋگە ءوتۋدى شىنايى جۇزەگە اسىرعان.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى