ساۋان اۋداندىق 4-ورتا مەكتەپ پارتيا باس ياچەيكاسىنىڭ بارلىق پارتيا مۇشەسى شىحىزى اسكەري تىڭ يگەرۋ ءبىرىنشى ليانىن ەكسكۋرسيالاپ
ءتىلشىمىز زىڭ جاۋمەي، ەرىكتى ءتىلشى جياڭ جياڭ حابارلايدى. 3-ايدىڭ 31-كۇنى ساۋان اۋداندىق 4-ورتا مەكتەپ پارتيا باس ياچەيكاسى بارلىق پارتيا مۇشەسىن شىحىزى اسكەري تىڭ يگەرۋ ءبىرىنشى ليانىن ەكسكۋرسيالاۋعا ۇيىمداستىرىپ، پارتياعا كىرگەندەگى سەرتىن قايتا ەسكە ءتۇسىرىپ، توڭكەرىستىك بورىشتى ەستە بەرىك ساقتادى.
اۆتوبۋزدا كوپشىلىك قىزىل اندەردى بىرلىكتە شىرقاپ، پارتيا ۋستاۆىنىڭ نەگىزدىك بىلىمدەرىنەن سيلىقتى سۇراقتارعا جاۋاپ بەرۋ جانە توڭكەرىستىك اندەردى جالعاپ ايتۋ جارىسىنا ءتۇسىپ، توڭكەرىستىك بىلىمدەردى ۇيرەنۋدىڭ قىزعىندى رايىمەن شىحىزى اسكەري تىڭ اشۋ ءبىرىنشى ليانىنا جول الدى.
پارتيا مۇشەلەرى اسكەري تىڭ يگەرۋگە قاتىناسقان ءبىرىنشى ۇرپاق جاۋىنگەرلەردىڭ سول جىلدارى تىڭ يگەرگەن كەزدە جاتقان جەر كەپەلەرى، سۋ ساقتاۋ كولشىگى سياقتى اسكەري تىڭ يگەرگەن كەزدەگى ەسكى جۇرتىن جانە اعاش دوڭگەلەكتى وگىز اربا، اعاش سوقا،تاس تيىرمەن سياقتى تىڭ اشۋعا پايدالانعان جابدىقتارى مەن تۇرمىستىق بۇيىمدارىن ەكسكۋرسيالادى.
اسكەري تىڭ يگەرگەن اعا بۋىنداردىڭ تىڭ يگەرىپ، شەكارانى قورعاپ، شارۋاشىلىق قۇرۋ رۋحى پارتيا مۇشەلەرىنە تەرەڭ اسەر قالدىرىپ، توڭكەرىستىك بازانىڭ جاي-جاپسارى مەن ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزگەن اسكەري تىڭ يگەرۋ رۋحىنىڭ شىنايى ءمانىن ءتۇسىندى.
«مەن ءوز ەركىممەن جۇڭگو كوممۋنيستىك پارتياسىنا كىرەمىن. پارتيانىڭ پروگرامماسىن جاقتايمىن. پارتيانىڭ ۋستاۆىنا بويسۇنامىن...» باتىل دا جالىندى سەرت بەرۋ داۋىسى اسكەري تىڭ يگەرۋ ءبىرىنشى ليانىنىڭ زالىندا جاڭعىردى.
كوپشىلىك اسكەري تىڭ يگەرۋگە قاتىناسقان اعا بۋىنداردىڭ جاپا-ماشاقاتتان قورىقپاي، باتىلدىقپەن كۇرەس جۇرگىزگەن تايسالماس توڭكەرىستىك رۋحىن ۇيرەنىپ، اسكەري تىڭ يگەرۋشىلەردىڭ قاجىرلىلىقپەن كۇرەس جۇرگىزەتىن شارۋاشىلىق قۇرۋ رۋحىن قىزمەتتى جەبەۋدىڭ قوزعاۋشى كۇشىنە اينالدىرىپ، ءورىس اشا العا ىلگەرىلەپ، ساۋان اۋدانى وقۋ-اعارتۋ ىستەرىنىڭ دامۋى مەن گۇلدەنۋىنە وزىندىك ۇلەستەرىن قوساتىندىقتارىن ءبىلدىردى.
تۇستە پارتيا مۇشەلەرى قولدارىنا سارى ءتۇستى تەگەشتەرىن الىپ، مومى جانە بايساي، بۇرشاق بالدىرشاسى، بۇرشاق ىرىمشىگى قۋىرماشىن جەپ، جۇگەرى بوتقاسىن ءىشىپ، كەزىندەگى اسكەري تىڭ يگەرۋگە قاتىناسقانداردىڭ جاپا-ماشاقاتىن ەسكە ءتۇسىرىپ، بۇگىنگى باقىتتى تۇرمىسىمىزدىڭ وڭاي-وسپاق قولعا كەلمەگەنىن شىنايى سەزىندى.
فان چين مۇعالىم: «1980-جىلداردىڭ تۇلەگى رەتىندە،سول جىلدارى اسكەري تىڭ يگەرۋگە قاتىناسقان اعا بۋىنداردىڭ قىزمەتى مەن تۇرمىسىنداعى جاپا-ماشاقاتتى، شىنىندا،شامالاي المايمىن، قازىرگى باقىتتى تۇرمىسىمىزبەن سالىستىرعاندا وسىنىڭ بارلىعىن پارتيا سيلادى. الداعى قىزمەت پەن تۇرمىس بارىسىندا ءىس جۇزىندىك ارەكەتىم ارقىلى اسكەري تىڭ يگەرۋ رۋحىن جالعاستىرىپ، باستان-اياق ءوزىمدى قاتاڭ تەجەپ،جاي-جاپسارىن ىشكەرىلەي ءتۇسىنۋ بارىسىندا ساياسي قۋات جانە رۋحاني كۇش الامىن» دەدى تەرەڭ تەبىرەنىسپەن.
ساۋان اۋداندىق 4-ورتا مەكتەپ پارتيا باس ياچەيكاسىنىڭ شۋجيى لي يۇيجياڭ: «اسكەري تىڭ يگەرۋگە قاتىناسقان اعا بۋىندار قۇمدى بورانمەن كۇرەسىپ، ىستىق-سۋىقتى ەلەمەي،شينجياڭدى گۇلدەندىرۋگە وراسان زور ۇلەس قوستى،ءبىز جاڭا داۋىردەگى كوممۋنيستەر رەتىندە، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن ارقاۋ ەتىپ،ساياسي ۇيرەنۋ مەن ءتالىم-تاربيەنى كۇشەيتىپ، پارتيانىڭ بىزگە تاپسىرعان ءتۇرلى قىزمەت مىندەتىن ويداعىداي ورىنداۋىمىز كەرەك» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى