ءتىلشىمىز زىڭ جاۋمەي،جاڭ ۋيچين حابارلايدى. «جوعارى دارەجەلى ورىن قىزمەت ورنالاستىرعاندا تەك ناقتى تالاپتاردى العا قويادى، ال اۋىل-قالاشىق جانە قىستاق-اترەتتىڭ قىزمەتكەرلەرى قىزمەتتى ناقتىلى ورنالاستىرعاندا تەكسەرۋ كەزىندە قىزمەتتىڭ تياناقتانعاندىعىن دالەلدەي الاتىن كەيبىر كەستەلەر مەن ماتەريالداردى جاساپ، قىستاق كادرلارىنا تولتىرتادى، جولداتادى، بۇل قىستاق كادرلارىنا اۋىرتپالىق اكەلۋدە».
«قازىر كادرلار زەيىن-زەردەسى مەن ۋاقىتىنىڭ باسىم كوبىن ءار دارەجەلى تۇرلىشە جيىنعا جۇمساۋدا، كەيبىر جيىن مازمۇندارىندا قات-قابات تالاپتار قويىلىپ، قات-قابات ورنالاستىرۋ جاسالادى، بۇل قىستاق كادرلارىن قاجىتىپ، تياناقتاندىرۋعا مۇرسات بەرمەي كەلەدى» ...
جاقىندا ساۋان اۋدانى سىداۋحىزى قالاشىعى تومەنگى باحۋ قىستاعى قىستاق كوميتەتىندە اشىلعان ساۋان اۋداندىق ءتارتىپ تەكسەرۋ كوميتەتى، باقىلاۋ-تەكسەرۋ كوميتەتىنىڭ فورماشىلدىقتى، تورەشىلدىكتى وڭاۋ-جونگە سالۋ جاعىندا ۇسىنىس-پىكىر الۋ اڭگىمە جيىنىندا قىستاق كادرلارى اعىنان اقتارىلىپ، اۋداندىق ءتارتىپ تەكسەرۋ كوميتەتى مەن باقىلاۋ-تەكسەرۋ كوميتەتىنىڭ كادرلارىنا قىزمەت بارىسىندا ساقتالعان كۇدىك-كۇماندارى مەن سايكەستىرىپ شەشىمدەۋگە ءتيىستى ماسەلەلەردى ايتقاننان كەيىن، بارلىعىنان ريزا بولارلىقتاي جاۋاپ الدى.
قىستاق كادرى لي ۋي ۇقساس تۇردەگى قىزمەتتى تەكسەرۋدىڭ فورماسى ۇقسامايتىندىقتان، دايىنداۋعا ءتيىستى ماتەريالعا قويىلاتىن تالاپتىڭ دا ۇقسامايتىندىعىن، قىستاق كادرلارىنىڭ قىزمەت سالماعى اۋىرلاي تۇسەتىندىگىن ايتتى، اۋداندىق ءتارتىپ تەكسەرۋ كوميتەتى، باقىلاۋ-تەكسەرۋ كوميتەتى دەلو باقىلاپ-باسقارۋ ءبولىمىنىڭ مەڭگەرۋشىسى دوۋ شينحۇي وسى ماسەلەگە قاراتا دەرەۋ اۋداندىق «ۇعىسۋ،تيىمدىلىك جاساۋ، توعىستىرۋ» قيمىلى كەڭسەسىنە تەلەفون جالعاپ ۇعىسىپ، ناقتى جاۋابىن بەردى.
قىستاق پارتيا ياچەيكاسىنىڭ شۋجيى ۋاڭ جينحۋ: «مەنىڭشە، وسى رەتكى اڭگىمە جيىن وتە جاقسى اشىلدى، ورتاسى دا ەركىن بولدى. ءتارتىپ تەكسەرۋ كوميتەتى مەن باقىلاۋ-تەكسەرۋ كوميتەتىندەگى جولداستار اڭگىمە جيىنىن اشقاندا باستابىندا بىزدە كەيبىر ۇسىنىس-پىكىرلەردى ايتۋىمىز كەرەك پە،جوق دەگەن ازدى-كوپتى داعدارۋ بولعان ەدى، ەندى ويلاسام،ءويتىپ الاڭداۋ باسى ارتىق شارۋا ەكەن» دەدى.
جىل باسىنان بەرى ساۋان اۋداندىق ءتارتىپ تەكسەرۋ كوميتەتى مەن باقىلاۋ-تەكسەرۋ كوميتەتى ءتارتىپ تەكسەرۋ، باقىلاۋ-تەكسەرۋ جۇيەسىنىڭ فورماشىلدىقتى، تورەشىلدىكتى وڭاۋ-جونگە سالۋىنا وسكەلەڭ ءمان بەرىپ، مۇقيات ۇيرەنۋ نەگىزىندە جوعارىدان تومەنگە، تومەننەن جوعارىعا قاراي ىلگەرىلەتۋ سياقتى تاسىلدەردەن پايدالانىپ، نەگىزگى ساتىدان، جۇرتشىلىقتىڭ ارمان-تىلەگىنەن، ينتەرنەتتەگى قىزعىن تاقىرىپتاردان، سونداي-اق تۇرلىشە حابارلاندىرۋدان وزدەرىندە ساقتالعان ماسەلەلەردى بايقاۋعا ءمان بەردى.
سونىمەن بىرگە، ۇسىنىس-پىكىر الۋ كولەمىن ۇزدىكسىز كەڭەيتىپ، ۇسىنىس-پىكىر جيناۋ كەستەسىن تاراتۋ، پىكىر ساندىعىن قويۋ،پىكىر-ۇسىنىس ايتۋ ارناۋلى تەلەفونىن اشۋ سياقتى تاسىلدەر نەگىزىندە قاتىستى تاراۋلارمەن، پارتيا مۇشەلەرى ۋاكىلدەرىمەن، حالىق قۇرىلتايى ۋاكىلدەرىمەن، ساياسي كەڭەس مۇشەلەرىمەن، سونداي-اق قىستاق- اترەتپەن، الەۋمەتتىك اۋماقتارمەن تۇرلىشە فورمادا اڭگىمە جيىنىن اشىپ، فورماشىلدىقتى، تورەشىلدىكتى شوعىرلى وڭاۋ-جونگە سالۋدا پىكىرگە شىنايى قۇلاق اسۋعا،پىكىردى شىنايى تىڭداۋعا، ماسەلەنى شىنايى شەشىمدەۋگە كەپىلدىك ەتتى.
قازىرگە دەيىن ساۋان اۋداندىق ءتارتىپ تەكسەرۋ كوميتەتى، باقىلاۋ-تەكسەرۋ كوميتەتى باسشىلىق القاعا قاتىستى 88 ۇسىنىس-پىكىردى، مۇنىڭ ىشىندە باسشىلىق القاعا قاتىستى 16 پىكىر، القا مۇشەلەرىنە قاتىستى 72 پىكىر بار. باسشىلىق القاعا قاتىستى ۇسىنىس-پىكىر بويىنشا 9 ىنا رەتتەۋ-تۇزەتۋ جۇرگىزىلسە، القا مۇشەلەرىنە قاتىستى ۇسىنىس-پىكىر بويىنشا 52 سىنە رەتتەۋ-تۇزەتۋ جۇرگىزىلدى.
ساۋان اۋداندىق ءتارتىپ تەكسەرۋ كوميتەتىنىڭ ورىنباسار شۋجيى، باقىلاۋ-تەكسەرۋ كوميتەتىنىڭ ورىنباسار مەڭگەرۋشىسى لي فاڭ: «ۇقساماعان، شىنايى ۇسىنىس-پىكىرلەردى تىڭداۋ ءۇشىن، ۇسىنىس-پىكىر الۋ اڭگىمە جيىنىن قىستاققا دەيىن اشىپ وتىرمىز. مۇنىڭ ءوزى دە فورماشىلدىقتى، تورەشىلدىكتى وڭاۋ-جونگە سالۋدىڭ ماڭىزدى شاراسى ەسەپتەلەدى. الداعى جەردە وڭاۋ-جونگە سالۋ، رەتتەۋ-تۇزەتۋگە بارىنشا كۇش سالىپ، ءتارتىپ تەكسەرۋ، باقىلاۋ-تەكسەرۋ جۇيەسىنىڭ كادرلار ستيلىن وڭاۋ-جونگە سالۋدان اتى زاتىنا ساي ونىمدىلىك جاراتۋىنا كەپىلدىك ەتەمىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى