ءتىلشىمىز لي ميڭشىڭ حابارلايدى. جۋىقتا شاعانتوعاي اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى ولشەمنەن اسقان ەلەكتروسيكل ( 电动车) قاتىناسىن تىزگىندەپ، قاتىناس ءتارتىبىن جالپى بەتتىك رەتتەپ-وڭاۋ قيمىلىن ورىستەتىپ، ولشەمنەن اسقان ەلەكتروسيكلدەردىڭ جولعا شىعۋىنا قاتاڭ تيىم سالدى.
ۇعىسۋعا قاراعاندا، ولشەمنەن اسقان ەلەكتروسيكلدە جىلدامدىق، باتەريا سياقتى جاقتاردان حاۋىپسىزدىك كومەسكى حاۋىپ-قاتەرى ساقتالعاندىقتان، بۇقارانىڭ ءومىرىنىڭ حاۋىپسىزدىگىنە حاۋىپ توندىرگەن. سونىمەن بىرگە، ەلەكتروسيكلدى جۇرگىزگەندەر جولدى بەتالدى يەلەپ، قالاعانىنشا بۇرىلىپ، قاتىناس تارتىبىنە اۋىر ىقپال كورسەتكەن ەكەن.
شوفەرلىك كۋالىگىن ەندى عانا العان باقىت: «مەن سياقتى اۆتوكولىكتى ەندى عانا جۇرگىزىپ جۇرگەندەر ەلەكتروسيكلدەن ەرەكشە قورقامىز. ويتكەنى كەيبىر ەلەكتروسيكلدى جۇرگىزۋشىلەردىڭ جىلدامدىعى تىم تەز بولىپ قانا قالماستان، جولدى بەتالدى يەلەپ، قالاعانىنشا بۇرىلىپ، قاتىناس تارتىبىنە اۋىر ىقپال تيگىزدى. قازىر قاتىناس ساقشى تاراۋلارىنىڭ رەتتەپ-وڭاۋى ارقىلى اۆتوكولىگىمىزدى الاڭسىز جۇرگىزەتىن بولدىق» دەدى.
ءتىلشىنىڭ بايقاۋىنشا،اۋدانداعى حالىق باقشاسى جولىنىڭ ءتۇيىلىسى، دوستىق جولى، بارلىق جولى، لۇڭجىن جولى سياقتى نەگىزگى جولدارعا زاڭ اتقارۋشى حالىق ساقشىلارىنىڭ تەكسەرۋ ءتۇيىنىن ورنالاستىرۋ جانە شارلاپ تەكسەرۋ جۇرگىزۋ سياقتى فورمالاردان پايدالانىپ، ولشەمنەن اسقان ەلەكتروسيكلدەرگە جانە ەلەكتروسيكلدەردىڭ زاڭعا قايشىلىق جاساپ ادام وتىرعىزۋ، قىزىل شىراقتى كەسىپ ءوتۋ سياقتى زاڭعا قايشى ارەكەتتەرىنە قاتاڭ تەكسەرۋ جۇرگىزىپ، بايقالعان ماسەلەلەردى ۇستىندە ءبىر جاقتىلى ەتىپ قاتاڭ جازالاعان.
قاتىناس ساقشى ۇلكەن اترەتىنىڭ ورتا اترەت باستىعى لي حۇي: «ولشەمنەن اسقان ەلەكتروسيكلدەردە زور حاۋىپسىزدىك كومەسكى حاۋىپ-قاتەرى ساقتالعان، ونىڭ ۇستىنە،ەلەكتروسيكلدەردى قامسىزداندىرۋعا قاتىناستىرۋعا بولمايتىندىقتان،ءولىم-ءجىتىم شىرعالاڭى تۋىلعاندا جۇرگىزۋشى شىرعالاڭنان تۋىنداعان تولەم قاراجاتىن ۇستىنە الا المايتىن جاعدايدا زيانكەستىككە ۇشىراۋشىنىڭ ۇقىق-مۇددەسىن قامتاماسىزداندىرۋ قيىنعا سوعادى» دەدى.
ەلەكتروسيكل ساۋداگەرى ۋاڭ حاۋدىڭ تانىستىرۋىنا قاراعاندا، قازىر دۇكەنىندەگى ساتىلىپ جاتقان ەلەكتروسيكلدەرى تۇگەلدەي مەملەكەتتىڭ ولشەمىنە ۇيلەسەتىن بولىپ، جىلدامدىعىنا قاتاڭ تالاپ قويىلعان ەكەن.
قازىرگە دەيىن قاتىناس ساقشى ۇلكەن اترەتى 50 دەن ارتىق ولشەمنەن اسقان ەلەكتروسيكلدى تەكسەرىپ ءبىر جاقتىلى ەتىپ، 107 رەتكى زاڭعا قايشى ءتۇرلى ارەكەتتى تۇزەتكەن.
قاتىناس ساقشى ۇلكەن اترەتىنىڭ ورىنباسار اترەت باستىعى چىن جيان: «قالىڭ بۇقارانىڭ جولعا شىققاندا تاس جول قاتىناس حاۋىپسىزدىگى زاڭىنىڭ قاتىستى بەلگىلەمەلەرىنە بويسۇنىپ، ءوزى مەن جۇرگىنشىلەردىڭ حاۋىپسىزدىگىنە كەپىلدىك ەتۋىن ءۇمىت ەتەمىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى