ەەڭ جاڭا مازمۇندار
كۇش-قۋاتتى ۇيىستىرىپ، شينجياڭعا كومەكتەسۋدىڭ كوركەم پاراعىن بىرلىكتە جازدى
شيحۋ قالاسى نەگىزگى ساتىنىڭ اۋىرتپالىعىن جەڭىلدەتۋدى ناقتى تياناقتاندىردى
دۋ جۇڭيۋان: جاپون شاپقىنشىلارىنا قارسى تۇرىپ،وتاندى قۇتقارۋ -ءبىزدىڭ جاۋاپكەرشىلىگىمىز
ۇلتتىڭ گۇلدەنۋى جولىندا . ەرجۇرەك قۇرباندار شەجىرەسى
جاڭبىرداعى كوشى-قون...
شەكارا حالىقتارىنىڭ ءوزارا ساۋدا بازارىنىڭ 3 كۇندىك تيجارات سوماسى 513 مىڭ يۋانعا جەتتى
باس شۋجي شي جينپيڭنىڭ ماڭىزدى ءسوزىنىڭ رۋحىن باتىل دايەكتىلەندىرىپ،تياناقتاندىرىپ، جۇڭگوشا سوتسياليستىك شينجياڭ قۇرۋ ءۇشىن حاۋىپسىز، ورنىقتى ورتا جاراتايىق
ۇلتتىڭ گۇلدەنۋى جولىندا . ەرجۇرەك قۇرباندار شەجىرەسى
توڭكەرىستىك اندەردى شىرقاپ،پارتيانىڭ قامقورلىعىن جىرلادى
سۋرەت كورگىزبەسى وتانىمىزعا تارتۋ ۇسىندى
دەمالىسقا، زەينەتكە شىققان كادرلار وزگەرىستەردى تاماشالادى
ادەبيەت-كوركەمونەر كونسەرتىن وتكىزدى
پارتياعا جۇرەگىمىزدى ارناپ، وتانىمىزدى جىرلايىق
تەڭىز ونىمدەرىنىڭ دامىنەن ءلاززات الىڭىز
«اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىن قوزعاۋشى كۇش ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ جاڭا جاعدايىن قۇلشىنا اشايىق
تىڭ وراي، ويداعىداي وزگەرىس
قاتىناس حاۋىپسىزدىك بىلىمدەرى مەكتەپكە كىردى
تابيعي گازدى حاۋىپسىز پايدالانۋدى ۇگىتتەدى
حاۋىپسىز ءوندىرىستى كوكەيدە ساقتايىق
قورقىس قالاشىعى نەگىزگى ساتىنىڭ اۋىرتپالىعىن جەڭىلدەتىپ،قىزمەت وتەۋدى جەبەدى
سىرا مەكەنىنە قوناق بولىپ قايتىڭىزدار
بىلعارىعا ورنەك سالۋ شەبەرى ءپۇرىنجاپ
لياۋنيڭ كۇشى تارباعاتاي حالقىن يگىلىككە كەنەلتتى
تارباعاتايدىڭ سىرتقا باعىتتالعان ەكونوميكاسى دامۋىنىڭ جاڭا پاراعىن جازايىق
شەكارا حالىقتارىنىڭ ءوزارا ساۋدا بازارى اشىلىپ،بۇقارانى تيىمدىلىككە كەنەلتتى
كوز تارتار كوركەم كورىنىس ساياحاتشىلارعا ەستەتيكالىق ءلاززات باعىشتادى
شاۋەشەك باقتى جۇڭگو-قازاقستان شەكارا حالىقتارىنىڭ ءوزارا ساۋدا بازارىنىڭ تيپىن وزگەرتىپ دامىتۋ سىناق ءتۇيىنى نىسانى رەسمي اينالىمعا ءتۇستى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ،ۇيرەنۋ ناتيجەسىن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ مىعىم قوزعاۋشى كۇشىنە اينالدىرايىق
ەكسكۋرسيالاپ ۇيرەنۋ ارقىلى بىلىمدەرىن مولايتتى
بۇقارانىڭ مۇددەسىن كوكەيگە ساقتاپ، شارلاپ تەكسەرۋدىڭ وتكىر سەمسەرىن سەرت ۇستادى

حوش ءيىستى روزا گۇلى اشىلعان ءساتىن سابىرلىقپەن كۇتتى

جولدانعان ۋاقىتى : 2019/4/15 13:26:33

ـــــ حاليدا وتباسىنداعىلاردىڭ دۋ رۇڭلۋمەن بولعان ۇلتتار ىنتىماعى جونىندەگى اڭگىمەسى
سۋرەتتە: 4-ايدىڭ 9-كۇنى حاليدا تىلشىگە قابىرعاعا ىلىنگەن وتباسىلىق سۋرەتتەرىن تانىستىرۋدا.      سۋرەتتى تارتقان ءتىلشىمىز ۋي لينا

كىرىسپە:
  «شىعىستان سامال ەسىپ، اق جاۋىن سەبەزگىلەپ، بار الەم كوكتەم شۋاعىنا شومدى». سەبەزگىلەپ جاۋعان كوكتەم جاڭبىرىنان كەيىن شاۋەشەك قالاسى جاڭا جامبىل كوشەسى قارا ءدوڭ الەۋمەتتىك  ءمالىسىنىڭ 4-كوشەسىندەگى روزا رەستورانىنىڭ اۋلاسىندا جەر كوگەرىپ، الما اعاشتارىنىڭ بۇتاعى بۇرشىك اتا باستادى، ۇيعۇر قوجايىن حاليدا يلاحۇن قىس بويى اشىلماعان رەستوراننىڭ ەسىگىن اشىپ، شايداي اشىلعان جانعا جايلى كۇندە رەستورانىن تازالاپ، رەتتەپ،ساۋداسىن باستاۋعا كىرىسپتى.

  حاليدا رەستوراننىڭ ىدىس-اياقتارىن ءسۇرتىپ، رەتتەپ قويا باستاپتى. رەستوراننىڭ زالىنداعى قابىرعاسىنا ىلىنگەن  وتباسىنىڭ كونە سۋرەتتەرىنەن سىرت،   بىرنەشە پارشا حانزۋلاردىڭ توي سۋرەتى دە ىلىنگەن. ءبىر ۇيعۇر ۇلتىنىڭ وتباسىندا قالايشا حانزۋلاردىڭ توي سۋرەتى تۇرادى؟

  ءتىلشىنىڭ تاڭىرقاعان جانارىنا قاراپ كۇلىمسىرەي جانىنا كەلگەن حاليدا: «بۇل ەڭ كەنجە ءىنىم جۇن جۇننىڭ قىزى توي جاساعاندا تۇسكەن سۋرەت» دەيدى.

  حاليدا تىلگە تيەك ەتكەن جۇن جۇن قازىر شاندۇڭ ولكەسى چينيڭ قالاسى سىشۇي اۋدانىنىڭ ءبىر شاعىن قالاشىعىندا تۇراتىن،ءبىر-ەكى اۋىز ۇيعۇر ءتىلىن جەتىك سويلەي الاتىن دۋ رۇڭلۋ اتتى   ازامات ەدى.

  اراسى مىڭ شاقىرىم جەر بولعانىمەن، ۇيعۇر وتباسى مەن حانزۋ وتباسىن  قاۋىشتىرعان قانداي سەبەپ؟ حاليدا  ىستەپ جاتقان جۇمىسىن قويا تۇرىپ، كوپ ادام بىلە بەرمەيتىن اسەرلى اڭگىمەسىن باياندايدى.

  ەكى وتباسىن تابىستىرعان ءبىر شىنى ىستىق ءسۇتتى شاي

  بۇل اڭگىمەنى 33 جىلدىڭ الدىنان باستاۋعا تۋرا كەلەدى.

  1986-جىلدىڭ باسىندا كوكتەمگى قارا سۋىق،16 جاستاعى شاندۇڭدىق  ازامات دۋ رۇڭلۋ وتباسى قيىنشىلىعى سەبەبىنەن اۋىلداستارىنا ىلەسىپ، شاۋەشەك قالاسىنا جۇمىس ىستەۋگە    كەلىپ، ءبىر اۋىلداسىنىڭ قۇرىلىس ورنىندا قارا  جۇمىسشى بولىپ قىزمەت ىستەيدى.

  جاسى كىشى،ونىڭ ۇستىنە، ۇزاق ۋاقىت قورەكتىك جەتىسپەۋشىلىكتەن   دۋ رۇڭلۋ قۇرداستارىنا قاراعاندا الدەقايدا نازىك كورىنەتىن. قۇرىلىس ورنىنداعى كوپتەگەن جۇمىستارعا شاماسى كەلمەي، تەك ءار كۇنى كەرپىش قۇيۋعا كومەكشى بولعاندىقتان، العان ەڭبەكاقىسى كۇندەلىكتى تاماعىنان اسپايتىن.

  دۋ رۇڭلۋدىڭ جۇمىس ىستەيتىن قۇرىلىس ورنى حاليدانىڭ اكەسى يلاحۇن قاريانىڭ سيىر، قوي بورداقىلاۋ ورنىنىڭ ماڭايىندا ەدى، يلاحۇن قاريا قاقاعان سۋىققا قاراماي تىنىم تاپپاي جۇمىس ىستەپ جۇرگەن جۇدەۋ بەينەسىن ۇنەمى كورەدى.

  كىپ-كىشكەنتاي بولىپ، وسىنشاما نە ءۇشىن بەينەت شەگەدى. بالا ءۇشىن   بەزەك قاعاتىن يلاحۇن قاريا بۇل بالاعا جانى اشىپ، قۇرىلىس ورنىنان بىرنەشە رەت سۇراستىرۋ ارقىلى دۋ رۇڭلۋدىڭ جاعدايىنان حابار تابادى.

  حاليدا: «اكەم ءار رەت جۇن جۇننىڭ قۇرىلىس ورنىندا جۇمىس ىستەپ جۇرگەندىگىن كورىپ،ۇيگە قايتىپ كەلىپ ونىڭ جۇدەۋ بەينەسىنە قاراپ جانى اشيتىندىعىن ايتادى» دەدى.

  ايەلىمەن اقىلداسقاننان كەيىن يلاحۇن قاريا دۋ رۇڭلۋدى كەلىپ مال باعۋعا  كومەكتەسۋىن ايتادى ءارى ونى جاتىن  ورىن جانە تاماقپەن قامدايدى.

  دۋ رۇڭلۋ تەلەفوندا داۋىسى بۋلىعىپ:  «مەن العاش رەت وسى وتباسىنا كەلگەندە ءبىر ءۇيلى جان تاماق جەپ وتىر ەكەن. اپا ماعان ءبىر شىنى ىستىق    ءسۇتتى شاي قۇيىپ بەردى. شينجياڭعا كەلگەننەن كەيىنگى ءدال وسى باقىتتى ءسات پەن ءبىر شىنى ىستىق ءسۇتتى شاي ءبىزدى ءبىر ءۇيلى جانعا اينالدىرعانداي بولدى» دەدى.

  ءبىر مەزگىل ارالاسۋ ارقىلى  دۋ رۇڭلۋ مەن حاليدانىڭ وتباسىندا  تەرەڭ سۇيىسپەنشىلىك ورناپ،       دۋ رۇڭلۋدىڭ ماقۇلداۋىمەن ول يلاحۇن قاريانىڭ وكىل بالاسى بولادى، وسىدان كەيىن دۋ رۇڭلۋدىڭ جاڭا وتباسى بار بولدى، ول يلاحۇن قاريانىڭ كەنجە  ۇلىنا، حاليدانىڭ كەنجە ىنىسىنە اينالادى.

  حاليدا: «وتباسىمىزدا بالا كوپ بولعاندىقتان، اپام ءبىزدىڭ دۋ رۇڭلۋدى بوزەك قىلۋىمىزدان الاڭدايتىن، ءار رەتكى تاماقتا دۋ رۇڭلۋ الدىڭعى قاتاردا وتىرىپ، اپام وعان الدىمەن تاماق سالىپ بەرەتىن» دەدى.

  ماقتالى شاپاننىڭ  استارىنا   تىگىپ سالىنعان 17 مىڭ يۋان

  ۋاقىت اعىن سۋداي ءوتىپ جاتتى. 1989-جىلدىڭ سوڭىنان باستاپ دۋ رۇڭلۋ يلاحۇن قاريانىڭ وتباسىندا 3 جىلدان استام ۋاقىت تۇرمىس كەشىردى. سول جىلى نازىك ءارى كىشكەنتاي ول ەت جەندى سوقتالداي ازامات بولىپ شىعادى. ول ءبىر-ەكى اۋىز ۇيعۇر   ءتىلىن جەتىك سويلەي الاتىن دا بولدى.

  سول جىلى دۋ رۇڭلۋ اۋىلىنداعى اكە-شەشەسىنەن كەلگەن ءبىر پارشا حاتتى تاپسىرىپ الادى. حاتتا اكە-شەشەسى   اۋىلعا قايتىپ ۇيلەنىپ، بالالى بولۋىن  ايتادى.

  سول كەزدە حاليدانىڭ ەكى اعاسى ۇيلەنىپ العان ەدى. يلاحۇن قاريا   اۋلاسىنان دۋ رۇڭلۋدىڭ ۇيلەنۋى ءۇشىن ءۇي سالىپ بەرمەكشى بولادى.

  يلاحۇن قاريا دۋ رۇڭلۋعا ەكى اعاسىنا نە دايىنداپ بەرسە، وعاندا ەشتەمەسىن اياماي دايىندىق جاساپ بەرەتىندىگىن ايتادى.

  اۋىلىنداعى تۋىستارىنىڭ ناسيحاتىمەن دۋ رۇڭلۋ كوپ تولعانىپ، ەندىگى جەردە يلاحۇن قارياعا سالماق سالعىسى كەلمەي شاندۇڭداعى اۋىلىنا قايتۋ    بەكىمىنە كەلەدى.

  اۋىلىنا قايتقاننان كەيىن دۋ رۇڭلۋ ماقتالى شاپاننىڭ استارىنا  17 مىڭ يۋان اقشا تىگىپ سالعانىن بايقاپ، جەيدەسىن قۇشاقتاپ تۇنىمەن جىلايدى.

  كوپ وتپەي دۋ رۇڭلۋ شاۋەشەكتەگى تۋىسىنىڭ جولداعان ءبىر پارشا حاتىن تاپسىرىپ الادى. حاتتا يلاحۇن قاريا بۇل اقشانى اسىلىندە دۋ رۇڭلۋدىڭ  ۇيلەنۋى ءۇشىن جيناپ قويعاندىعىن،  بەتالدى جۇمساماۋىن تاپسىرعان.

  سوڭىنان دۋ رۇڭلۋ بۇل اقشاعا اۆتوموبيل ساتىپ الىپ، تاسىمال جۇمىسىمەن شۇعىلدانادى. دۋ رۇڭلۋ تۇرمىس بارىسىندا قاريانىڭ وتباسىنداعىلار   ءۇشىن بۇل مول اقشا ەكەندىگىن،سول كەزدىڭ وزىندە سول وتباسىنداعىلاردىڭ تىرناشتاپ جيناعان اقشاسى ەكەندىگىن بىلەدى.

  جول الىس بولعاندىقتان، ەكى وتباسى تەك حات جۇزىندە عانا حابارلاسىپ تۇراتىن. سوڭىنان ءتۇرلى سەبەپتەرمەن ەكى وتباسىنىڭ بايلانىستارى ءۇزىلىپ قالادى.

  كۇندىز-ءتۇنى قيالىنان كەتپەگەن اۋىلىنا قايتا ورالدى

  دۋ رۇڭلۋ ۇيلەنىپ بالالى بولدى، ساۋداسى كەيدە كۇسەت بولسا،كەيدە  ناشارلاپ قالادى،الايدا تۇرمىس شارت-جاعدايى بىرتىندەپ جاقسارا  ءتۇستى. ۇلكەن قىزى وقۋىن تاۋىستى، كەنجە قىزى داشۋەگە قابىلداندى،    دۋ رۇڭلۋدىڭ اۋىرتپاشىلىعى دا كوپ جەڭىلدەدى، الايدا جۇبايى دۋ رۇڭلۋدىڭ جۇزىنە كوپتەن بەرى كۇلكى ۇيىرىلمەيتىن، كوبىنەسە ءوز-وزىنە كۇبىرلەپ جۇرەتىنىن بايقايدى.

  اسىلىندە شاندۇڭعا قايتىپ كەلگەن سوڭ،دۋ رۇڭلۋ سوناۋ شالعايدا قالعان شاۋەشەك قالاسىنىڭ ءوزىنىڭ قيماس مەكەنىنە اينالعاندىعىن، وندا ءوزىنىڭ   ۇناتىپ جەيتىن پالاۋى،قيمايتىن تۋىس-تۋعاندارى بار ەكەندىگىن بايقايدى.

  تالاي رەت تۇسىنە دە كىردى،وندا بارلىعى دا وزگەرمەگەن،ول ءالى دە  اپاسىنىڭ ەڭ سۇيىكتى كەنجە ۇلى  ەدى، ول كۇن بويى اتقا ءمىنىپ شاۋىپ جۇرگەن جاس بالا ەدى.

  «اپا، امانسىزدار ما؟» دەپ دۋ رۇڭلۋ ۇنەمى تۇسىنەن ويانىپ،كوزىنە ىستىق جاس الاتىن بولدى.

  قولى بوساي قالعاندا دۋ رۇڭلۋ    ەسىندە قالعان ءسۇتتى شاي،ءمانتى، سان ساناۋ... سياقتى ۇيعۇرشاسىن   كۇبىرلەپ ايتا جۇرەتىن.

دۋ رۇڭلۋ ءۇيىن ساعىنىپ جۇرگەنىن سەزىندى.

2016-جىلى قىستا دۋ رۇڭلۋ شاۋەشەككە جولعا شىقتى.

  20 جىلدان ارتىق ۋاقىت ءوتتى،   شاۋەشەكتە زور وزگەرىستەر تۋىلعان بولسا دا، دۋ رۇڭلۋ ەسىندە قالعان ەلەسى بويىنشا روزا گۇلى قۇلپىرعان،  ءسۇتتى شايدىڭ حوش ءيىسى اڭقىعان ءۇيىن تاۋىپ الدى، الايدا اكە-شەشەسى جانە ۇلكەن اعاسى ىلگەرىندى-كەيىندى قايتىس بولعان ەكەن، ۇزاق جىلدار  بويى كەزدەسپەگەن تۋىستار ءبىرىن- ءبىرى قۇشاقتاپ، كوزدەرىنە ىستىق جاس الىپ، تالاي جىلدان بەرگى اڭگىمەلەرىن شەرتىستى.

  ەكىنشى جىلى كوكتەم مەرەكەسى قارساڭىندا دۋ رۇڭلۋ جۇبايىن ەرتىپ، شاۋەشەككە تاعى كەلدى، اعا-ءىنى، اپەكە-قارىنداستارىمەن بىرلىكتە شاعان مەرەكەسىن اسا كوڭىلدى وتكىزدى.

  2018-جىلى قىستا دۋ رۇڭلۋدىڭ ۇلكەن قىزى دۇڭ دۇڭ توي جاساماقشى بولادى، تويدىڭ ۇسىنىس قاعازىن تاپسىرىپ العان حاليدا جانە تۋىس-تۋعاندارى بولىپ، 5 ادام شينجياڭنىڭ جەرلىك ونىمدەرىن الىپ توي سالتىنا قاتىناستى.

  حاليدا: «سول كەزدە ءبىز باۋىرىمىز ۇناتىپ جەيتىن پالاۋ،ءجۇزىم جانە قاتتى قابىقتى جەمىستەردى الا بارىپ تويعا قاتىناستىق، تويدا شينجياڭ ءبيىن بيلەپ، قىستاقتاعىلاردىڭ قارسى الۋىنا بولەندىك، ولار بۇل قىستاعىمىزداعى ەڭ دۋماندى توي سالتى بولدى دەستى» دەدى.

  وسى رەتكى توي سالتى ارقىلى  دۋ رۇڭلۋدىڭ ەكى جاقتاعى تۋىستارى تۇڭعىش رەت جۇزدەستى، دۋ رۇڭلۋدىڭ شەشەسى حاليدانىڭ قولىن ۇستاپ، كوز جاسىن سۇرتە بەردى.

  حاليدا: «باۋىرىم ەكەۋىمىز تۋىستىق قاتىناسىمىزدى كەيىنگى ۇرپاقتارىمىزعا دەيىن جالعاستىرامىز دەستىك، ۇرپاقتارىمىزعا شاندۇڭدا ءبىزدىڭ تۋىسىمىز بار ەكەندىگىن ايتامىن، ارامىز قانشا شالعاي بولسا دا، ءبىز ءبىر ءۇيلى  جانبىز» دەدى.
سۋرەتتە:  2018-جىلى 11-ايدىڭ 30-كۇنى ءبىر ءۇيلى جان دۋ رۇڭلۋدىڭ (الدىڭعى قاتاردا وڭنان ءۇشىنشى)    شاندۇڭداعى ءۇيىنىڭ ەسىك الدىندا تۇسكەن وتباسىلىق سۋرەتى.        (سۋرەتپەن قامداعان حاليدا )

    ىنتىماقتى دا تاتۋ-ءتاتتى ءبىر ءۇيلى جان

  ىنتىماقتى دا تاتۋ-ءتاتتى حاليدا  وتباسىن قارا دوڭدەگى ەلدىڭ ءبارى بىلەدى. 42 جان سانىنان قۇرالعان بۇل ۇلكەن شاڭىراق 5 ۇلتتان قۇرام تاپقان، حاليدانىڭ كۇيەۋى ازەز قابيبوللا  وزبەك، ۇلكەن جەزدەسى تاتار، تاعى ءبىر ءسىڭلىسىنىڭ كۇيەۋى قازاق، تاعى ءبىر حانزۋ باۋىرى بار ول دۋ رۇڭلۋ.

  كوكتەم مەرەكەسى،قۇربان ايت، جۇڭچيۋ مەرەكەسى سياقتى... مەرەكەلەر وسى شاڭىراقتا ءبىر جىلدا دەرلىك   وتكىزىلىپ تۇرادى. مەرەكە كۇندەرى كوپشىلىك ءبىر اراعا باس قوسىپ، ءاربىر وتباسى 1 دە 2 قۋىرماش دايىندايدى، ءار وتباسى بىرتىندەپ ءار ۇلتتىڭ ەرەكشە قۋىرماشىن دايىنداي الاتىن بولدى.

  ىسمەر حاليدا ءوزىنىڭ دايىنداعان  ءتۇرلى تاعامدارىنان روزا گۇلى تاعامجايىن اشامىن دەپ ويلاپ كورمەگەن ەدى، بۇل كۇندەرى ءتۇرلى بالكۇلشە، نارىن، سۇزبە، تۇشپارا سياقتىلاردىڭ بارلىعىن شىعارادى.

  حاليدانىڭ تاماعى ءدامدى بولىپ قانا قالماستان، حانزۋشا، ۇيعۇرشا، وزبەكشە جانە ورىسشا سياقتى كوپتەگەن تىلدەردە سويلەي الادى.

  ازەز: «وسى ۇلكەن شاڭىراقتاعىلار مەيلى،كىمنىڭ ۇيىندە قيىنشىلىق بولسا،بارلىعىمىز جابىلا كومەكتەسەمىز. ءبىز اشىپ وتىرعان روزا گۇلى تاعامجايى دا بارلىعىمىزدىڭ بىرلىكتە اقشا شىعارۋىمىز ارقىلى اشىلعان» دەدى.
العاش اسحانا اشقاندا حاليدا اقشادان قاتتى قىسىلادى، اعا-باۋىر، اپەكە- قارىنداستارى وعان كومەك قولىن سوزىپ، ەڭ از بەرگەنى 5000 يۋان،كوبى 60 مىڭ يۋانعا دەيىن قارىز بەرىپ  كومەكتەستى.

  حاليدا: «ءبىزدىڭ ۇلكەن شاڭىراعىمىز مىنە وسىنداي تاتۋ-ءتاتتى، بارلىعى دا  اكە-شەشەمىزدىڭ تاربيەسىنىڭ ارقاسى، ولار ءار ۇلت حالقىنان كوپتەگەن دوستاردى تانىستىردى» دەدى.

  اسحاناعا روزا گۇلى تاعامجايى دەگەن اتتىڭ قويىلۋىنا حاليداعا بالا كەزىندەگى مىناداي وقيعالار سەبەپشى بولعان ەكەن. حاليدانىڭ شەشەسى اۋلاعا كوپتەگەن روزا گۇلىن ەككەن، گۇل اشىلعاندا ءتۇرلى-ءتۇستى ادەمى كويلەك كيگەن ءار ۇلت بالالارى روزا گۇلىن جۇلىپ  اكەتىپ، ۇيىنە اپارىپ روزا گۇل توسابىن جاسايدى ەكەن، روزا گۇلىنىڭ سونداعى حوش ءيىسى حاليداعا تەرەڭ اسەر    قالدىرعان ەكەن.

  كوكتەم سامالى ەسىپ، كۇن شۋاعى تەرەزەدەن ۇيگە ءتۇسىپ تۇر، ۇستەل ۇستىندەگى شايدىڭ حوش ءيىسى مۇرىن جارادى، قارا سۇرى مىسىق يەسىنىڭ  اياعىنا ورالىپ جاتىر، حاليدا قولفونىنداعى باۋىرىمەن تۇسكەن سۋرەتتەرى مەن كەسكىندەرىن تاماشالاۋدا.

  كۇن جىلىپ، كوكتەم كەلىپ، گۇلدەر ءبۇر جارعان كەزدە حاليدا اۋلاسىنا روزا گۇلىن ەگۋگە كىرىستى، بۇل كوشە روزا گۇلىنىڭ حوش يىسىنە شومعاندا جۇن جۇننىڭ قايتىپ كەلۋىن، شەت جەرلەرگە كەتكەن اپەكە-سىڭلىلەرىنىڭ دە قايتىپ ورالۋىن، ءبىر ءۇيلى جاننىڭ تاعى دا باس قوساتىن تاماشا ءساتىن كۇتتى.




رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn