ءتىلشىمىز لي شيا حابارلايدى. 4-ايدىڭ 9-كۇنى اكىمشىلىك مەكەمەسى 2019-جىلعى 3-رەتكى ۋاليلەر قىزمەت ءماجىلىسىن اشتى. ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات ءماجىلىستى باسقاردى.
ءماجىلىس «تارباعاتاي ايماعىنىڭ حالىق شارۋاشىلىعى جانە قوعام دامۋىنىڭ 13-بەسجىلدىق جوباسىنىڭ ورتا مەزگىلدىك ساراپتاۋ دوكلاتى جونىندەگى نۇسقاۋ سۇراۋ دوكلات» ىن، « تولى اۋدانىنا جۇمىس ۇستىندە جارالانۋ قامسىزداندىرۋى ۇيلەستىرۋ قاراجاتىن بوساتۋ جونىندەگى نۇسقاۋ سۇراۋ دوكلات» ىن، « ‹تارباعاتاي ايماعىنىڭ 2019-جىلعى جۇمىستاندىرۋ قىزمەتىنىڭ ءتۇيىندى مىندەتى ءبولىسى جوباسى› ن باسىپ تاراتۋ جونىندەگى نۇسقاۋ سۇراۋ دوكلات» ىن، « ‹ايماقتىڭ سۋ ۇنەمدەۋ ۇلگىسىندەگى قوعام قۇرۋدا ولشەمگە جەتۋ قۇرىلىسى قىزمەتى جوباسى› ن جوعارىعا جولداۋ جونىندەگى نۇسقاۋ سۇراۋ دوكلاتى» ن اقىلداستى.
ءماجىلىس مىنالاردى اتاپ كورسەتتى: ساياسي دەڭگەيدى جوعارىلاتىپ،«13-بەسجىلدىق» جوبانىڭ ورتا مەزگىلدىك ساراپتاۋ قىزمەتىنىڭ كەلەلى ءمانىن جەتە تانۋ؛ قىزمەت جاۋاپكەرشىلىگىن تياناقتاندىرىپ، ءتۇرلى قىزمەتتىڭ تياناقتانۋىنا كەپىلدىك ەتۋ؛ قۋزاۋ-جەتەكشىلىك ەتۋ،تەكسەرۋدى كۇشەيتىپ، كاسىپتىك تۇرعىدان قۋزاۋ-تەكسەرۋ، جەتەكشىلىك ەتۋدى، ارناۋلى ءتۇر بويىنشا جاۋاپقا تارتىپ، ونىمدىلىگىن سۇراستىرۋدى، ارناۋلى ادام قاداعالاپ ىلگەرىلەتۋدى اتقارىپ، «13-بەسجىلدىق» جوباداعى ءتۇرلى كورسەتكىشتەردىڭ، مىندەتتەردىڭ، نىسانداردىڭ تولىق ورىندالۋىنا كەپىلدىك ەتۋ كەرەك.
ءماجىلىس مىنالاردى باسا دارىپتەدى: ءتۇرلى جۇمىستاندىرۋدى سۇيەمەلدەۋ ساياساتىن مۇقيات تياناقتاندىرىپ، جۇمىستانۋ ساپاسىن جوعارىلاتىپ، ءار ۇلت جۇرتشىلىعىنىڭ تابىس سەزىمى مەن باقىت سەزىمىن ۇزدىكسىز ارتتىرۋ كەرەك. جۇمىستاندىرۋ تەكشەسىن قۇرىپ،كاسىپ ارقىلى جۇمىستانۋعا جەتەكشىلىك ەتۋ قىزمەتىن بار كۇشپەن ىلگەرىلەتىپ، قالا مەن اۋىلداعى جاڭادان جۇمىستانعاندار سانىن 20 مىڭ ادامنان اسىرۋدى، اۋىل-قىستاقتان باسقا كاسىپكە ويىسىپ جۇمىستانعاندار سانىن 80 مىڭ ادام رەتتەن اسىرۋدى، قالا-قالاشىقتارداعى جۇمىسسىزدىقتى تىزىمگە الدىرۋ مولشەرىن % 4.5 اينالاسىندا تىزگىندەۋدى، بىردە-ءبىر مۇشەسى جۇمىستانباعان وتباسىلارىن 24 ساعات ىشىندە ديناميكالى اداقتاۋدى جۇزەگە اسىرۋ كەرەك. باعىتتامالى تۇردە جۇمىسقا تاربيەلەۋدى ورىستەتىپ، جۇمىستانىپ، كىرىستى ارتتىرۋ ارناسىن ۇزدىكسىز كەڭەيتۋ كەرەك.
ءماجىلىس مىنالاردى تالاپ ەتتى: سۋ بايلىعىن قورعاۋداعى جاۋاپكەرشىلىك سەزىمدى، بورىشتىلىق سەزىمدى، كوكەي تەستىلىك سەزىمدى شىن مانىندە كۇشەيتۋ، ولشەم-تالاپتاردى دالمە-ءدال يگەرىپ،سۋ ۇنەمدەۋ ۇلگىسىندەگى قوعام قۇرۋدا ولشەمگە جەتۋ قۇرىلىسىن جاپپاي ىلگەرىلەتۋ، مىندەتتى تياناقتاندىرۋدى مىقتى ۇستاپ، زاڭ اتقارۋ، باقىلاۋ سەرپىنىن ارتتىرىپ،ۇگىت-تاربيە، جۇرتشىلىقتى ات سالىسۋعا جۇمىلدىرۋ، بازاردى باقىلاۋ سياقتى ءتۇرلى قىزمەتتى مۇقيات جاقسى ىستەپ، ەكونوميكا جانە قوعامنىڭ سۋ بايلىعىنان پايدالانۋمەن سايكەستى دامۋىن جەبەۋ كەرەك.
اكىمشىلىك مەكەمەسىنىڭ باسشىلارىنان جاڭ باۋدۇڭ، الي، نيڭ دۇڭشىڭ جانە ايماققا توتە قاراستى تاراۋلاردىڭ جاۋاپتى جولداستارى ماجىلىسكە قاتىناستى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى