ەەڭ جاڭا مازمۇندار
اۋەلگى ماقساتقا،بورىشقا تاباندى بولىپ،مۇرات-سەنىمدى بەكەمدەدى
چىن چۋانگو قاشقار ايماعىندا تەكسەرۋ - زەرتتەۋ جۇرگىزگەندە مىنانى باسا دارىپتەدى
وڭايلىقپەن قولعا كەلمەگەن تاماشا جاعدايدى بەكەمدەپ جانە دامىتىپ، ورنىقتىلىقتىڭ،دامۋدىڭ ءتۇرلى ىستەرىنىڭ ىشكەرىلەي دامۋىن ىلگەرىلەتۋ كەرەك
ۇلتتىڭ گۇلدەنۋى جولىندا . ەرجۇرەك قۇرباندار شەجىرەسى
كورىكتى شيحۋ قوناقتاردى قىزۋ قارسى الدى
كۇش-قۋاتتى ۇيىستىرىپ، شينجياڭعا كومەكتەسۋدىڭ كوركەم پاراعىن بىرلىكتە جازدى
شيحۋ قالاسى نەگىزگى ساتىنىڭ اۋىرتپالىعىن جەڭىلدەتۋدى ناقتى تياناقتاندىردى
دۋ جۇڭيۋان: جاپون شاپقىنشىلارىنا قارسى تۇرىپ،وتاندى قۇتقارۋ -ءبىزدىڭ جاۋاپكەرشىلىگىمىز
ۇلتتىڭ گۇلدەنۋى جولىندا . ەرجۇرەك قۇرباندار شەجىرەسى
جاڭبىرداعى كوشى-قون...
شەكارا حالىقتارىنىڭ ءوزارا ساۋدا بازارىنىڭ 3 كۇندىك تيجارات سوماسى 513 مىڭ يۋانعا جەتتى
باس شۋجي شي جينپيڭنىڭ ماڭىزدى ءسوزىنىڭ رۋحىن باتىل دايەكتىلەندىرىپ،تياناقتاندىرىپ، جۇڭگوشا سوتسياليستىك شينجياڭ قۇرۋ ءۇشىن حاۋىپسىز، ورنىقتى ورتا جاراتايىق
ۇلتتىڭ گۇلدەنۋى جولىندا . ەرجۇرەك قۇرباندار شەجىرەسى
توڭكەرىستىك اندەردى شىرقاپ،پارتيانىڭ قامقورلىعىن جىرلادى
سۋرەت كورگىزبەسى وتانىمىزعا تارتۋ ۇسىندى
دەمالىسقا، زەينەتكە شىققان كادرلار وزگەرىستەردى تاماشالادى
ادەبيەت-كوركەمونەر كونسەرتىن وتكىزدى
پارتياعا جۇرەگىمىزدى ارناپ، وتانىمىزدى جىرلايىق
تەڭىز ونىمدەرىنىڭ دامىنەن ءلاززات الىڭىز
«اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىن قوزعاۋشى كۇش ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ جاڭا جاعدايىن قۇلشىنا اشايىق
تىڭ وراي، ويداعىداي وزگەرىس
قاتىناس حاۋىپسىزدىك بىلىمدەرى مەكتەپكە كىردى
تابيعي گازدى حاۋىپسىز پايدالانۋدى ۇگىتتەدى
حاۋىپسىز ءوندىرىستى كوكەيدە ساقتايىق
قورقىس قالاشىعى نەگىزگى ساتىنىڭ اۋىرتپالىعىن جەڭىلدەتىپ،قىزمەت وتەۋدى جەبەدى
سىرا مەكەنىنە قوناق بولىپ قايتىڭىزدار
بىلعارىعا ورنەك سالۋ شەبەرى ءپۇرىنجاپ
لياۋنيڭ كۇشى تارباعاتاي حالقىن يگىلىككە كەنەلتتى
تارباعاتايدىڭ سىرتقا باعىتتالعان ەكونوميكاسى دامۋىنىڭ جاڭا پاراعىن جازايىق
شەكارا حالىقتارىنىڭ ءوزارا ساۋدا بازارى اشىلىپ،بۇقارانى تيىمدىلىككە كەنەلتتى

قارامايلى-شاۋەشەك تەمىر جولى تۋرالى ايتار بولساق...

جولدانعان ۋاقىتى : 2019/4/16 12:46:24

  رەلس جاتقىزۋ ماشيناسىنىڭ بولەك-بولەك رەلستى ەسىك الدىنا دەيىن جالعاپ جاتقىزىپ، پويەز بەكەتتەرى ارت- ارتىنان سالىنىپ ساپ تۇزەپ، قارامايلى-شاۋەشەك تەمىر جولىندا پويەز قاتىنايتىن كۇن بارعان سايىن جاقىندادى.   شاۋەشەكتىڭ تەمىر جولى تۇتاستى، پويەزدىڭ تەمىر جولدا جۇيتكىگەن ايبىندى داۋىسى قۇلاعىڭىزعا شالىنعانداي،  كوپتەگەن ادام تەمىر جولمەن ىشتەي ۋادەلەستى.
سۋرەتتە: 4-ايدىڭ 11-كۇنى جۇمىس جۇرگىزۋشىلەر شاۋەشەك پويەز بەكەتىندە الىستان سەمەنت بۇركۋ ارقىلى سۋ وتكىزبەۋ قورعاۋ   قىزمەتىن جاتقىزۋدا.
سۋرەتىن تارتقان ءتىلشىمىز ۋىن بو

   تىلشىلەرىمىز احات سانياز ۇلى، تۇيمەقان يساقان قىزى حابارلايدى.

   رەلس جاتقىزۋشى جۇمىسشىلار: دەن قويا جۇمىس جۇرگىزىپ،قۇرىلىستى ەرتە اياقتاتۋعا اسىقتى

4-ايدىڭ 11-كۇنى شاۋەشەك پويەز بەكەتىندە گانسۋ ولكەسى ديڭشي قالاسىنان كەلگەن رەلس جاتقىزۋشى  جۇمىسشى  ۋاڭ شىلياڭ جانە ونىڭ ساپتاستارى  سۇيمەندەرىن يىعىنا كوتەرىپ،قولدارىنا كلوچتارىن الىپ، ءبىر-ءبىر سەمەنت  توسەنىشكە رەلستى مىقتاپ بەكىتتى.

  قازىر كوكتەم ماۋسىمى بولعانىمەن، شاۋەشەكتىڭ كۇن نۇرى ۋاڭ شىلياڭنىڭ بەتىن رەلستىڭ تەمىر تاتىنداي ەتىپ  توتىقتىرعان، ۋاڭ شىلياڭنىڭ شاۋەشەككە كەلگەنىنە 2 اي بولعان ەكەن.

  2-ايدىڭ 12-كۇنى ەسكىشە كالەندار بويىنشا كوكتەم مەرەكەسىنىڭ 8-كۇنى  ەدى، تورسىلداقتىڭ ءيىسى ءالى تولىق تارقاماستان، 34 جاستاعى ۋاڭ شىلياڭ جۇزگە جۋىق ساپتاسىمەن بىرگە تارباعاتايعا كەلىپ، قارامايلى-شاۋەشەك تەمىر جولىنىڭ قۇرىلىس مايدانىندا رەلس جاتقىزا باستادى.

  تارباعاتايعا العاش كەلگەن كۇندەرىن ەسكە العان ۋاڭ شىلياڭ: «العاش كەلە قالعاندا جەر بەتى قالىڭ قار،اۋا رايى دا ءبىزدىڭ اۋىلمەن سالىستىرعاندا قاتتى سۋىق ەكەن. رەلس جاتقىزعاندا الدىمەن قاردى تازالاپ، ونان سوڭ رەلس جاتقىزاتىن ەدىك» دەدى. ۋاڭ شىلياڭ ۇزاق جىلدار بويى تەمىر جول قۇرىلىس مايدانىنا جۇمىس ىستەگەن بولسا دا، قارامايلى-شاۋەشەك تەمىر جولىنا رەلس جاتقىزۋ بارىسى باسقا جەرلەرمەن، شىنىندا، ۇقسامايتىن ەدى.

  اۋا رايىنىڭ بىرتىندەپ جىلىنۋىنا ىلەسە رەلس جاتقىزۋ قارقىنى دە جەدەلدەي    ءتۇستى. قۇرىلىس مەرزىمىن مىقتى يگەرۋ ءۇشىن، كوپشىلىك ۇنەمى ۇستەمە جۇمىس ىستەپ، كوبىنەسە جۇمىس مايدانىندا تۇسكى تاماقتارىن جەي سالىپ، جالعاستى جۇمىسقا كىرىسەتىن بولعان.

  ۋاڭ شىلياڭ: «كوپ وتپەي مىندەتىمىز اياقتالادى،الداعى جەردە تاعى ءبىر  جۇمىس ورنىنا بارۋىمىز مۇمكىن. قىزمەتىمىزدىڭ ەڭ ماڭىزدى ءتۇيىنى ساپاسىنا كەپىلدىك ەتۋ، ءبىزدىڭ ەڭبەكتەنۋىمىز ارقىلى وسى رەلستە تەزدەن پويەز قاتىناۋىن ءۇمىت ەتەمىز» دەدى.

  بۇل كۇندە ۋاڭ شىلياڭ مەن ساپتاستارىنىڭ جۇمىسى اياقتالۋ الدىندا تۇر. ول ءوزى   جاتقىزعان رەلستە پويەز قاتىناپ، وسىنداعى بۇقارانىڭ كوپتەن بەرى كوكسەگەن پويەزدەرىنە وتىرۋىن ءۇمىت ەتتى.

   سىرتقى ساۋدا كاسىپورىندارى: وزىندىك قۇنى تومەندەپ، زور پايداعا كەنەلەدى

  4-ايدىڭ 11-كۇنى شاۋەشەك قالاسىنداعى يۇڭلي ساۋدا شەكتى جاۋاپكەرلىك سەرىكتىگىنىڭ باس جورا يۇي شينلي: «قارامايلى-شاۋەشەك تەمىر جولى ىسكە قوسىلعاننان كەيىن، جۇك تاسىمالىنىڭ  وزىندىك قۇنى بارىنشا تومەندەيدى،بۇل ءبىز ءۇشىن اسا قۋانىشتى حابار» دەدى.

  شاۋەشەك قالاسىنداعى يۇڭلي ساۋدا شەكتى جاۋاپكەرلىك سەرىكتىگى شينجياڭنىڭ جاس كۇيدە ساقتالعان جەمىس-جيدەك، كوكونىستەرىن ەكسپورت ەتۋدى نەگىز ەتكەن سىرتقى ساۋدا كاسىپورنى بولىپ، ونىمدەرى نەگىزىنەن قازاقستان، رەسەي، قىرعىزستان، ازەربايجان سياقتى ورتا ازيا رايوندارىنداعى مەملەكەت جانە گەرمانيا، پولشا، اۋعانستان، يران سياقتى مەملەكەتتەرگە ساتىلىپ، ءار جىلى ەل   ىشىندەگى جۇك تاسىمال مولشەرى 60 مىڭ دا 70 مىڭ تونناعا جەتەدى.

  يۇي شينليدىڭ تانىستىرۋىنا نەگىزدەلگەندە، باقتى وتكەلىندە اۋىل شارۋاشىلىق ونىمدەرىن جەدەل وتكىزۋ جاسىل ءدالىزىنىڭ اشىلۋى قازىرگى وتكەلدەن ءوتۋ شارت-جاعدايىن بارىنشا جاقسارتقان.  ەگەر قارامايلى-شاۋەشەك تەمىر جولى ىسكە قوسىلاتىن بولسا، سەرىكتىكتىڭ دامۋىنا قانات بىتىرگەنمەن بارابار بولار ەدى. ەسەپتەۋ ارقىلى سەرىكتىكتىڭ مولشەرمەن 20 مىڭ دا 30 مىڭ توننا جۇگىن تەمىر جولمەن تاسىمالداۋعا بولادى ەكەن.

  يۇي شينلي: «باقتى وتكەلى قازاقستاننىڭ شىعىس قازاقستان وبلىسىنا وتە جاقىن ورنالاسقان ءارى رەسەيگە ەڭ جاقىن  وتكەل ەسەپتەلەدى، قولايلى تەمىر جول جۇك تاسىمالى ءتىپتى دە كوپ ساۋداگەردى شاۋەشەككە باستاپ كەلەدى. تەمىر جولدىڭ جۇك تاسىمالى ارقىلى جۇك   تاسىمالدىڭ وزىندىك قۇنىن تومەندەتىپ، ازىق-تۇلىكتىڭ جاڭا كۇيىن ساقتاۋىنا كەپىلدىك ەتىپ قانا قالماستان، قىس ماۋسىمىنداعى جۇك تاسىمالى بارىسىندا قارلى بوران سىندى ناشار اۋا رايىنىڭ ىقپالىن دا ازايتۋعا بولادى» دەدى.

  يۇي شينلي سەرىكتىكتىڭ زاتتارىنىڭ كۇن ىلگەرى قارامايلى-شاۋەشەك تەمىر جولى ارقىلى تاسىمالدانىپ، ءتىپتى دە قولايلى جۇك تاسىمال ۇلگىسىنە يە   بولۋىن،سونىمەن بىرگە، تەمىر جولدىڭ  قازاقستانعا دەيىن تۇتاسىپ، ءۇشىنشى ءىرى ازيا-ەۆروپا قۇرلىقتىق كوپىرىن قالىپتاستىرىپ، باقتى وتكەلى مەن شاۋەشەكتىڭ ىقپال كۇشىنىڭ ونان ارى  كۇشەيۋىن ءۇمىت ەتتى.

   بۇقارانىڭ جۇرەك ءۇنى: پويەزبەن جولاۋشىلاۋ ارمانى اقىرى جۇزەگە اساتىن بولدى

  كوپ ادامدار سياقتى ءدوربىلجىن اۋدانىنىڭ تۇرعىنى تاسقىن قارامايلى-شاۋەشەك تەمىر جولىنا قاتىستى حابارلارعا باستان- اقىر كوڭىل ءبولىپ كەلەدى. بۇدان كەيىن پويەزعا وتىرىپ، جولاۋشىلايتىنىن ويلاعاندا ونىڭ جۇرەگى ۇمىتكە تولدى. 

  تاسقىن: «ءبىزدىڭ تەمىر جول ارمانىمىز اقىرى جۇزەگە اساتىن بولدى،ەندىگارى باسقا جەردەگى ادامداردىڭ پويەزعا وتىرىپ ساپارلاۋىنا تاڭدانبايمىز، قۇلىستاي ويپاتىنا پويەز قاتىنامايتىن تاريح اياقتالدى. قارامايلى-شاۋەشەك تەمىر جولى ءبىزدىڭ تۇرمىسىمىزعا وراسان زور وزگەرىستەر الا كەلەدى» دەدى.

  تاسقىن جونىنەن العاندا، ۇرىمجىگە بارۋ ءۇشىن ايروپلان نەمەسە اۆتوكولىكتى تاڭدايدى،بۇل باسقا ايماق، وبلىستىڭ تۇرعىندارى سياقتى جانعا جايلى پويەزبەن جولاۋشىلاۋعا ۇقسامايدى، الايدا كوپ وتپەي پويەز ءدوربىلجىن اۋدانىنان وتەتىندىكتەن، ونىڭ جولاۋشىلاعاندا تاڭدايتىن قاتىناس كولىگىنەن تاعى بىرەۋى كوبەيدى.

  تاسقىن قارامايلى-شاۋەشەك تەمىر جولىندا پويەز قاتىناۋى جولاۋشىلاۋعا قولايلى بولىپ قانا قالماستان، ەكونوميكانىڭ جوعارى ساپالى دامۋىن ىلگەرىلەتۋ رولىن اتقارادى، كەزى كەلگەندە قۇلىستاي ويپاتىنىڭ ساپالى ەگىن، مال شارۋاشىلىق ونىمدەرى پويەزبەن ەلىمىزدىڭ جەر-جەرىنە تاسىمالدانىپ، بۇقارا     يگىلىگىن كورەدى دەپ قارادى. 

تاسقىن: «پويەز قاتىناعاننان كەيىن  بەلەت ساتىپ الىپ، پويەزبەن جولاۋشىلاۋ ارمانىمدى جۇزەگە اسىرامىن» دەدى.
 
  سۋرەتتە: 4-ايدىڭ 11-كۇنى جۇمىس جۇرگىزۋشىلەر شاۋەشەك پويەز بەكەتى قۇرىلىسىنىڭ سىرتقى بەتىنە شىنى كەرپىش توسەپ، اشەكەيلەۋ جۇمىسىن اتقارۋدا.
سۋرەتىن تارتقان ءتىلشىمىز ۋىن بو
 
    ساياحات سالاسى: ولقىلىقتاردى تولىقتاپ، جاڭا پاراق اشتى
 
  پويەزدەن ءتۇسىپ، تاۋ گۇلىن تاماشالاپ، ءدامدى تاعامداردان ءدام تاتىپ، ۇلتتىق سالت-ءداستۇردى ۇعىنادى... جۋىقتان بەرى شاۋەشەك قالاسىنداعى اقتەرەك ساياحات مەكەمەسىنىڭ قىزمەتكەرى   سۇن شينلۇڭنىڭ كوز الدىنا جەر-جەردەن كوپتەگەن ساياحاتشىلاردىڭ پويەزبەن شاۋەشەك قالاسىنا كەلىپ، ساياحاتتاعان كورىنىسى ەلەستەي بەردى.

    تابيعاتتىڭ كوركەم كورىنىسى، سان  الۋان تاريحي مادەنيەت، شاۋەشەك قالاسىندا باي مازمۇندى ەرەكشەلىككە يە ساياحات بايلىق قاينارى بار. بيىل قارامايلى-شاۋەشەك تەمىر جولىندا پويەز قاتىناۋىن وراي ەتىپ، اقتەرەك حالىقارالىق ساياحات مەكەمەسى «پويەزعا وتىرىپ، شاۋەشەك قالاسىن ساياحاتتاۋعا» قاتىستى ساياحات نىسانىن ءتۇيىندى تۇردە قۇرىپ، سىرت جەرلەردەن كەلەتىن ساياحاتشىلارعا اۋە جولى مەن تاس جولدان باسقا جاڭا ساياحات تالعامىن  تاڭداۋىنا مۇمكىندىك جاراتىپ، ساياحات  لەنياسىن  مولايتتى.

  سۇن شينلۇڭ: «جۋىق جىلداردان بەرى شاۋەشەك قالاسى ساياحات مادەنيەت كاسىبىن بار كۇشپەن دامىتىپ، ساياحات بازارى جوعارى ورلەۋگە كوتەرىلىپ، ساياحات  مەكەمەلەرى دە زور دامۋ كەڭىستىگىنە يە بولدى. قارامايلى-شاۋەشەك تەمىر جولى الداعى جەردە قولايلى دا تەز بولىپ،  كوپتەگەن ساياحاتشىلاردى وزىنە باۋراپ،  شاۋەشەك قالاسىنىڭ ساياحات كاسىبىنىڭ دامۋىن ىلگەرىلەتەتىندىگىنە سەنەمىن»   دەدى.

  پويەز قاتىناۋ ۋاقىتىنىڭ جاقىنداۋىنا   بايلانىستى شاۋەشەك قالاسىنداعى قاتىستى تاراۋلار مەن ساياحات كاسىپورىندارى ۋاقىتتى مىقتى ۇستاپ، تەمىر جول ساياحات جەلىسىن جانە شاۋەشەكتەن شەكارادان شىعۋ ساياحاتىنىڭ دايىندىق قىزمەتىن جوسپارلاۋدا ەكەن.

  شاۋەشەك قالالىق مادەنيەت-دەنە  تاربيە،راديو-تەلەۆيزيا جانە ساياحات  مەكەمەسىنىڭ باستىعى  جاڭ لييان: «تەمىر جولدا پويەزدىڭ قاتىناۋى شاۋەشەك قالاسىنىڭ تەمىر جول ساياحاتىنداعى ولقىلىقتاردى تولىقتايدى، شاۋەشەك قالاسىنىڭ ساياحات كاسىبىنىڭ دامۋى جونىنەن العاندا، ۋاقىتتى قىسقارتىپ، كەڭىستىكتى جاقىنداستىرادى. سونىمەن بىرگە، ساياحات بازارى ەكونوميكاسىن زور جەبەۋ رولىن اتقارادى. كەزىندە ساياحات ارناۋلى جەلىسى شاۋەشەككە ىرگە تەۋىپ، كوپتەگەن ساياحاتشىلاردى باۋراۋىن ءۇمىت ەتەمىن» دەدى.  



رەداكتورى : ارداق كامالقان قىزى
  
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn