ەەڭ جاڭا مازمۇندار
زۇيجياڭحۋ وزگەشە ءدامدى قۋىرماشتارى
2019-جىلعى سۋ يگىلىگى ارقىلى شينجياڭعا كومەكتەسۋ قىزمەتى ءماجىلىسى ۇرىمجىدە اشىلدى
قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن جانە قوقىر-قوقسىقتى تۇرگە ايىرۋ قىزمەتىن اقىلداسىپ ورنالاستىردى
«تۇرمىسىم كۇن سايىن جاقسارىپ كەلەدى، ولارعا شىنايى العىس ايتامىن»
اكىمشىلىك مەكەمەسى القاسى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەنىڭ 2-رەتكى توپتىق ۇيرەنۋ، زەرتتەۋ-تالقىسىن ورىستەتتى
شىبارجيدە جاڭا رايونى دارىلەۋ ۆانناسى مەن ىندەتتىڭ الدىن الۋ ورنىن سالىپ، ەگىنشى-مالشىلارعا قولايلىلىق جاراتتى
تۇرعىنداردىڭ مادەني تۇرمىسىن بايىتتى
2019-جىلى 10-ايدىڭ 17-كۇنى 240-سان
جين شين: بۇقارانىڭ ءىسىن كوكەيىمدە ساقتايمىن
قۇرباننىڭ تۋىس-تۋعاندارى كەلىپ ازا ءبىلدىرىپ، 46 جىلدان كەيىن اقىرى «جۇزدەستى»
2019-جىلى 10-ايدىڭ 16-كۇنى 239-سان
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، جاراسىمدى، ەكولوگياسى كوركەم، قونىستانۋعا جايلى تارباعاتاي قۇرايىق
«ەكىدەن تارىقتىرماۋ، ۇشتە قامتاماسىز ەتۋ»دى تىعىز ارقاۋ ەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە تاباندىلىقپەن، باتىلدىقپەن قول جەتكىزەيىك
بالا كۇنىنەن اتويشىلداردان ۇيرەنىپ، ەسەيگەندە اتويشىل بولىپ، ۇلتتىڭ گۇلدەنۋى ۇلى مىندەتىن ارقالاي الاتىن ءداۋىردىڭ جاڭا ادامى بولىپ ەسەيىپ-ەرجەتۋگە قۇلشىنايىق
قىزمەت اترەتى ۇيرەنۋدى مال شارۋاشىلىق رايونىنداعى ساقا پارتيا مۇشەلەرىنىڭ وتباسىنا جەتكىزدى
اۋەلگى ماقساتتى ۇمىتپاي، بورىشتى ەستە بەرىك ساقتاپ، نەگىزگى تاقىرىپتىق تاربيەنىڭ ناقتى ناتيجەلەرىن ايگىلەپ، ايماقتىڭ ورنىقتىلىق، دامۋ قىزمەتتەرىنىڭ تاعى دا تىڭ ساتىعا كوتەرىلۋىن جەبەيىك
جوعارى مەكتەپ ەمتيحانى قاقپاسىن قايتا اشۋ
عىلىمنىڭ كوكتەمى
ۇلى بۇرىلىس
ەكونوميكالىق ەرەكشە رايون قۇرۋ
شيحۋ قالاسى: شارۋالاردىڭ كۇزگى جيىن-تەرىن جۇمىسىنا كومەكتەستى
شاعانتوعاي اۋدانى: «حالىقارالىق اپاتتى ازايتۋ كۇنى» ۇگىت قيمىلىن ورىستەتتى
ءبىر ساعاتتا 903 سۇراقتى دۇرىس ورىنداپ شىقتى
«ۇعىسۋ، تيىمدىلىك جاساۋ، توعىستىرۋ» قىزمەتى تارباعاتاي ارناۋلى ايدارى قىستاقتا تۇراتىن كادرلاردى جىگەرلەندىردى
ايماعىمىز بويىنشا 1-ورىندى يەلەدى
2019-جىلى 10-ايدىڭ 15-كۇنى 238-سان
شيحۋ قالاسى نانيۋان ءمالى باسقارماسى حۋاڭحى جولى الەۋمەتتىك اۋماعى مەن قىزمەت اترەتى
شاۋەشەك قالالىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى بۇقارانىڭ اماندىعىن باستى ورىنعا قويدى
جاڭا جۇڭگونى جىرلاپ، جۇڭگو ارمانىن اسقاقتاتتى
نەگىزگى تاقىرىپتىق تاربيەنىڭ ءاربىر باسقىشىن مۇقيات يگەرىپ، ناقتى ونىمدىلىككە قول جەتكىزۋگە كەپىلدىك ەتىپ، ءار ۇلت بۇقاراسىنا جاڭا وزگەرىستەردى، جاڭا بەينەنى شىنايى سەزىندىرۋ كەرەك

قويان باعىمشىلىعى اۋقاتتانۋعا سارا جول اشتى

جولدانعان ۋاقىتى : 2019/4/19 12:34:58


سۋرەتتە: چىن ميڭگاڭ قوياننىڭ ەتتىلىك جاعدايىن تەكسەرۋدە.
سۋرەتتە: چىن ميڭگاڭ (سولدان ءبىرىنشى) باعىمشىلىق وتباسىنىڭ قويانىن ولشەپ، ولارعا كومەكتەسىپ ساتىپ بەرۋدە.

   تىلشىلەرىمىز تۇيمەقان يساقان قىزى، زىڭ جاۋمەي، ەرىكتى ءتىلشى لين شياۋيان حابارلايدى. 7 جىلدىڭ الدىندا دوسى  وعان 3 قويان بەرەدى، ول وتباسىنداعىلاردىڭ تاماق ءتۇرىن مولايتۋ ءۇشىن، قوياندى الىپ قالىپ باعادى. كىم ويلاعان باعىمشىلىق كولەمى بارعان سايىن كەڭەيىپ، 2015-جىلى كۇيحى شارۋالار   كاسىپتىك باعىمشىلىق سەلبەستىك كووپەراتيۆىن قۇرادى. بۇگىنگى كۇنى قويان  باعىمشىلىعى ونىڭ اۋقاتتانۋ ارمانىن   جۇزەگە اسىردى. مىنە، ول ساۋان اۋدانى انجىحاي قالاشىعى شۋاڭچي قىستاعىنىڭ تۇرعىنى چىن ميڭگاڭ ەدى.

  قويانعا قۇمار بولۋ

  اسىلىندە، چىن ميڭگاڭ بۇكىل زەيىن-زەردەسىن 20 دا 30 مۋ ەگىستىك جەرىنە ارناعان ەدى. ونىڭ سوزىمەن ايتقاندا، ەگىستىك جەرگە عانا سۇيەنگەندە باردام تۇرمىس كەشىرۋگە بولمايدى.

  2012-جىلى دوسى چىن ميڭگاڭعا 3 قويان بەردى.

  چىن ميڭگاڭ: «قوياننىڭ ءوسۋى وتە تەز، 3 ايدان كەيىن 3 قويان ءوسىپ، 70 قويانعا جەتتى، ءوزىمىز جەپ تاۋىسا  الماعان سوڭ، قويانداردى ساتۋ بەكىمىنە كەلدىم» دەدى. ءسويتىپ، ول ءۇش دوڭگەلەكتى موتوتسيكلمەن اۋدانعا بارىپ ءبىر اسحاناعا 30 دان ارتىق قوياندى 800 يۋانعا ساتادى. وسىدان سوڭ،   چىن ميڭگاڭ اقشا تابۋدىڭ جاڭا جولىن بايقايدى، سوڭىنان ول جيناعان ازىن-اۋلاق اقشاسىمەن ىلگەرىندى-كەيىندى شىحىزى، شاۋەشەك سياقتى قالالارعا   بارىپ، باعىمشىلىق تەحنيكاسىن ۇيرەندى.

  ءبىرىنشى جىلى چىن ميڭگاڭ 40  تۇردەن ارتىق قويان ساتىپ الدى، بۇل قوياندارى ءوسىپ، 1000 عا جەتتى، قازىر دامىپ، جىلىنا 6000 قويان ساتىپ، قويان ساتقان كىرىسى جەر سالعاننان الدەقايدا جوعارى بولدى.

  ەتتى قوياندى اسحاناعا وتكىزىپ، قويان تەرىسىن ساتۋعا بولادى،قوياننىڭ تەزەگى تاماشا اۋلا تىڭايتقىشى، كەيبىر قويان ءناسىلىن ايلانىش حايۋان رەتىندە ساتۋعا بولادى... تالاي جىلدىق باعىمشىلىق ارقىلى چىن ميڭگاڭ ءتۇرلى ساتۋ ارنالارىن تاپتى، ساۋداسىنىڭ جاقسى   كەزىندە ول ايىنا 1000 نان ارتىق قويان ساتتى.

  ءار رەت قويان ەتىنىڭ باعاسى تومەندەگەندە، ول ەنگىزگەن اسپاپپەن قويان ەتىن سۇرلەپ مانەرلەيدى. ءسويتىپ، كەپتىرىلگەن قويان ەتىن شاۋەشەك قالاسىندا ساتۋمەن بىرگە، شىحىزى، قارامايلى، ءۇرىمجى، كۇيتۇن، مايتاۋ سياقتى جەرلەرگە دەيىن ساتادى. چىن ميڭگاڭ:  «اماليات باقىتتىڭ كۇرەس ارقىلى قولعا كەلەتىندىگىن دالەلدەدى. كەدەيلىك  ەنشىمىز ەمەس، ماڭىزدىسى، كەدەيلىكتەن ارىلۋداعى سەنىم مەن بەكىمنىڭ بار-جوقتىعىندا» دەدى.

  چىن ميڭگاڭ: «قازىر ءار كۇنى الارماندار ءۇنحات جانە توراپ ارقىلى قويانعا تاپسىرىس بەرەدى، كەي كەزدەرى كۇندىك  تاپسىرىس مولشەرى نەشە جۇزدەن اسادى، قازىر ساتىلىمى جاقسى بولعانىمەن، قويانمەن قامداي الماي قالدىق» دەدى.

  ۇزدىكسىز قۇلشىندى

  چىن ميڭگاڭ: «العاشىندا قىستاقتاعىلار مەنى الىمسىنبايتىن، قويان باعۋ جان قيناعاندىق، قويان باعىمشىلىعى وڭعان  كاسىپ ەمەس دەپ قارايتىن» دەدى.

  باعىمشىلىقپەن اتى شىققان چىن ميڭگاڭ باعىمشىلىقتى ناقتىلى جۇمىس،ءبىر كاسىپ رەتىندە قاراپ، قىستاقتان باعىمشىلىق شاعىن رايونىنا ءوتىنىش ەتىپ، قىستاق بەرگەن 3000 شارشى مەترلىك جەردەن تولىق پايدالانىپ، «باعىمشىلىق + ساياحات» سىندى باياندى دامۋ جولىمەن ءجۇردى.

  4-ايدىڭ 10-كۇنى تۇستەن بۇرىن چىن ميڭگاڭ ءبىر جاعىنان، كوكونىس اۋلاسىنىڭ باتىسىنداعى تابيعي قالىپتاسقان شۇڭقىردى جوندەسە،ەندى ءبىر جاعىنان، باعىمشىلىق كووپەراتيۆىنىڭ مۇشەلەرىنە جانە باسقا وتباسىلارىنا تەلەفون بەرىپ، ساتاتىن قوياننىڭ بار-جوقتىعىن سۇرادى. ويتكەنى بۇراتالاداعى ءبىر   ساماۋىر سورپاسى جەلىلەس دۇكەنى 400 قويان الماقشى ەكەن.

  چىن ميڭگاڭ كوكونىس باقشاسىن  جۇيەلى ورنالاستىرىپ، ەككەن گۇل-شوپتەرگە تۇگەلدەي قوياننىڭ تەزەگىن تىڭايتقىش ەتىپ پايدالانعان. ماڭىنداعى ۇلكەن شۇڭقىردىڭ ءوزى 700 دە 800 شارشى مەتر كەلەدى، ول بۇل جەرگە  بالىق كولشىگىن سالىپ، اينالاسىنا اعاش ەگۋدى جوسپارلاۋدا.

  چىن ميڭگاڭ: «بوس ۋاقىتىم بولعاندا اعاش ەگىپ،گۇل ءوسىرىپ، باعىمشىلىق شاعىن رايونىنىڭ ورتاسىن كورىكتەندىرەمىن، بۇل اراعا كەلىپ قويان ساتىپ الاتىنداردىڭ تاماشا كورىنىستەن ءلاززات الىپ، بوي جازۋىنا قولايلىلىق جاراتۋ، ءبىز  قاجىرلىلىقپەن ەڭبەك ىستەپ،اۋقاتتانۋ جولىنا تۇسۋگە قۇلشىنۋمەن بىرگە،  تۇرمىستى ۇيرەنىپ، تۇرمىستان ءلاززات   الۋىمىز كەرەك» دەدى.

  كوپتەگەن الارماندار چىن ميڭگاڭنىڭ وتباسىنا كەلۋدى جاقسى كورەدى، بۇل ارادا جاسىل كوكونىستەردى جەپ، ساماۋىر سورپاسىنا پىسىرىلعان قويان ەتى، قىزارتىلىپ قۋىرىلعان قويان ەتى،  سۇرلەنگەن قويان ەتى جانە دارىلەپ   پىسىرىلعان قويان ەتى سياقتىلاردان ءدام تاتادى. ونىڭ ۇستىنە، ونىڭ جۇبايى   ۋاڭ جىفاڭ كوپشىلىككە قويان ەتىن   پىسىرۋ ءادىسىن ۇيرەتەدى.

  چىن ميڭگاڭ: «بويدا قايرات بار، جاس كۇنىمدە قۇلشىنا ەڭبەك ەتىپ، جاڭا ويىم ىسكە اسسىن-اسپاسىن ارمانىمدى جۇزەگە اسىرۋعا ۇمتىلامىن» دەدى.
 
اۋىلداستارىن ەسىنەن شىعارمادى
 
  قويان باعىمشىلىعىنان چىن ميڭگاڭ جىلىنا 300 مىڭ يۋان كىرىس كىرگىزەدى. بىلتىر جىل سوڭىندا شاعىن جۇك اۆتوموبيلىن جاڭالاپ، بيىل جىل باسىندا  جەڭىل اۆتوكولىگىن ساتىپ الدى. قازىر ول ءتىپتى دە كوپ ادامدى قويان باعىمشىلىعى قوسىنىنا كىرگىزۋدى ويلايدى.

  بۇگىنگى كۇنى چىن ميڭگاڭ ساۋان اۋدانى جانە ماڭىنداعى اۋدان، قالا، تۋان،الاڭدارعا تانىلا باستادى. كەزەكتە سەلبەستىك كووپەراتيۆىنە مۇشە بولعان 7 وتباسى بار،ال بىتىراندى وتباسىلارى جۇزدەن اسادى. مەيلى،كىم بولسىن قويان باعۋدى ۇناتسا بولدى، ول ساپالى دا  باعاسى ارزان قويان باعاتىن شارباق، جەم-ءشوپ سياقتىلاردى ساتىپ الۋىنا كومەكتەسىپ، اسىل تۇقىمدى اتالىق قويانمەن قامداپ، باعىمشىلىق تاجىريبەسىن ۇيرەتىپ، كوجەكتەرگە ساقتىق ۋكولىن اقىسىز قويىپ بەرەدى ءارى قوياندى ساتۋىنا كومەكتەسەدى، تۇرمىسىندا قيىنشىلىعى بارلارعا قويان باعاتىن شارباق پەن   قوياندى اقىسىز بەرەدى.

  4-ايدىڭ 11-كۇنى سەلبەستىك كووپەراتيۆىندەگى سۇڭ چيانفىڭ: «مەن  چىن ميڭگاڭمەن بىرگە 400 قوياندى الىپ، بۇراتالا قالاسىنا بارىپ كەلدىم، ەكى كۇننىڭ الدىندا ول بۇراتالادان ءبىر قويان ەتى ساماۋىر سورپاسى جەلىلەس دۇكەنىن تاۋىپتى، ءبىز ولارمەن قويانمەن قامداۋ كەلىسىمىنە قول قويىستىق، قازىر قويانىمىز قاجەتتى قامداي الماي وتىر» دەدى.

  سۇڭ چيانفىڭ بيڭتۋان 8-شىسىنىڭ 148-تۋانىندا تۇرادى، قازىر ونىڭ   قوياندارى مىڭنان اسادى، ەڭ كوپ  بولعاندا 3000 عا جەتەدى ەكەن.

  چىن ميڭگاڭ: «بۇرىن قينالعان كەزىمدە اۋىلداستارىم مەن كورشىلەرىمنىڭ كومەگىنە يە بولعانمىن، قازىر تۇرمىسىم جاقساردى، ماڭىمداعىلاردىڭ اۋقاتتانۋىن ءۇمىت ەتەمىن» دەدى.



رەداكتورى : ارداق كامالقان قىزى
  
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn