ءتىلشىمىز لي چۇنلاي حابارلايدى. 4-ايدىڭ 15-كۇنى شاۋەشەك قالاسى ابدىرا اۋىلدىق سەنترلى مەكتەبىندەگى بارلىق وقىتۋشى-وقۋشىلار مەملەكەت تۋى استىندا مەملەكەت حاۋىپسىزدىگى ۇگىت-لەكسيا جاساۋ قيمىلىن ورىستەتتى.
سول كۇنى وقىتۋشىلار مەن وقۋشىلار ۋاكىلى نەگىزگى تاقىرىپتىق لەكسيا جاسادى. سونىمەن بىرگە،وقىتۋ عيماراتىنىڭ الدىنداعى LED ەكرانىنا «مەملەكەت حاۋىپسىزدىگىندە بارلىق ادامنىڭ جاۋاپكەرشىلىگى بار» دەگەن ۇگىت-ۇرانى شىعارىلدى. ۇگىت-لەكسيا جاساۋ اياقتالعاننان كەيىن، بارلىق وقىتۋشى-وقۋشى مەملەكەت حاۋىپسىزدىگى ۇرانى جازىلعان كەرمە تۋعا اتتارىن جازدى.
4-ايدىڭ 1-كۇنىنەن بەرى ابدىرا اۋىلدىق سەنترلى مەكتەبى وقۋشىلاردى نەگىزگى تاقىرىپتىق كلاس جيىنىن اشۋ، لەكسيا سويلەۋگە ۇيىمداستىرۋ سياقتى تاسىلدەردەن پايدالانىپ، وقۋشىلاردىڭ مەملەكەت حاۋىپسىزدىگى تانىمىن جوعارىلاتتى. سونىمەن بىرگە، ارناۋلى تاقىرىپتىق لەكسيا جاساۋ، نەگىزگى تاقىرىپتىق تاقتا گازەتىن، ۇگىت تاقتاسىن شىعارۋ سياقتى فورمالاردان پايدالانىپ، ءتۇرلى فورماداعى، مازمۇنى باي تاربيە قيمىلىن ورىستەتىپ، مەملەكەت حاۋىپسىزدىگى تاربيەسى قيمىلىنا تاماشا ورتا جاراتتى.
6-جىلدىق 2-كلاسىنىڭ وقۋشىسى يان شيڭحۇڭ: «مەملەكەت حاۋىپسىزدىگىنە قاتىستى بىلىمدەردى ۇيرەنۋ ارقىلى مەملەكەت حاۋىپسىزدىگىنىڭ ماڭىزدىلىعىن ىشكەرىلەي ءتۇسىنىپ، ‹مەملەكەتتىڭ مۇددەسى بارىنەن دە جوعارى، مەملەكەت حاۋىپسىزدىگىندە بارلىق ادامنىڭ جاۋاپكەرشىلىگى بار› دەيتىن جاۋاپكەرشىلىك تانىمىمدى كۇشەيتتىم» دەدى.
مەكتەپ باستىعى چين ۋىنفاڭ: «مەملەكەت حاۋىپسىزدىگى بىلىمدەرىن ۇيرەنۋ ارقىلى مەكتەپتەگى وقىتۋشى-وقۋشىلاردىڭ مەملەكەت حاۋىپسىزدىگى تانىمىن كۇشەيتىپ، مەملەكەت مۇددەسى بارىنەن جوعارى تۇرادى يدەياسىن ورناتىپ، وقۋشىلاردىڭ جۇرەگىنە وتاندى، حالىقتى قىزۋ ءسۇيۋدىڭ تۇقىمىن ءسىڭىرىپ، وقىتۋشىلار مەن وقۋشىلار مەملەكەت حاۋىپسىزدىگىندە بارلىق ادامنىڭ جاۋاپكەرشىلىگى بار، مەملەكەت حاۋىپسىزدىگىن قورعاۋ ءاربىر ازاماتتىڭ بۇلتارماس بورىشى ەكەندىگىن تولىق تانىپ جەتتى» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى