مىندەت اتقارۋ احۋالىن ەستەلىككە الىپ، ءنومىر جيناقتاپ سيلاۋ-جازالاۋ ءتۇزىمىن اتقاردى
ءتىلشىمىز زىڭ جاۋمەي، ەرىكتى ءتىلشى لين شياۋيان حابارلايدى. 4-ايدىڭ 10-كۇنى ساۋان اۋدانى انجىحاي قالاشىعىنىڭ بەيبىتشىلىك جاڭا قىستاعىنداعى پارتيا مۇشەسى تيان چۇنلان: «قىزمەت اترەتىنىڭ ادىستەرى كوپ، پارتيا مۇشەلەرىنىڭ ناقتى ناتيجەسىن باعالاپ، ءنومىر جيناقتاپ باسقارۋ جاڭا ءتۇزىمىن اتقارعاننان كەيىن، پارتيا مۇشەلەرىنىڭ ۇيرەنۋگە، ءتۇرلى قيمىلدارعا بەلسەندىلىكپەن قاتىناسۋى بۇرىنعىدان دا ارتىپ، كوپشىلىك وزات بولۋعا ۇمتىلدى» دەدى.
وتكەن جىلى ساۋان اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ انجىحاي قالاشىعى بەيبىتشىلىك جاڭا قىستاعىندا تۇراتىن قىزمەت اترەتى بەلسەنە قىستاق «ەكى كوميتەتىمەن» اقىلداسىپ، «قىستاقتاعى پارتيا مۇشەلەرىنىڭ ۇيىمدىق قيمىل ورىستەتۋى قيىن بولۋ، پارتيا مۇشەلەرىنىڭ العاباسارلىق رولىن ساۋلەلەندىرۋ قيىن بولۋ، جىلجىمالى پارتيا مۇشەلەرىن باسقارۋ قيىن بولۋ، پارتيا مۇشەلەرىن باعالاۋ قيىن بولۋ» جاعدايىنا نەگىزدەلە وتىرىپ، اۋىل-قىستاقتاعى پارتيا مۇشەلەرىنىڭ ناقتى ناتيجەسىن باعالاۋ، ءنومىر جيناقتاپ باسقارۋ ءتۇزىمىن بەلگىلەدى.
پارتيا مۇشەلەرىن باعالاۋدا ۇيىمدىق قيمىلدارعا قاتىناسۋ احۋالى، مىندەت اتقارىپ، رولىن ساۋلەلەندىرۋ احۋالى، تارتىپكە، زاڭعا بويسۇنۋ جانە قوعامدىق ءمورالعا بويسۇنۋ احۋالى، سيلاۋ-جازالاۋ احۋالى سياقتى 4 ۇلكەن، 24 كىشى ءتۇردى قامتىپ، جالپى 110 ءنومىر بەرىلەدى.
پارتيا ياچەيكاسى ارناۋلى ادام جىبەرىپ، پارتيا مۇشەلەرىنىڭ «ءۇش جيىن، ءبىر ساباققا»، الىس ارالىقتى وقىتۋ جانە ەگىنشى-مالشىلار مەكتەبىنە قاتىناسۋ جاعدايىن ەستەلىككە الىپ، ۇنەمىلىك قىزمەتتەن ەسەپ بەرۋ قيمىلىن ورىستەتسە؛ پارتيا مۇشەلەرىنىڭ ساياسيدى دارىپتەۋ، جالپى جاعدايمەن ساناسۋ، تارتىپكە بۇيسۇنۋ، تۋ شىعارۋعا قاتىناسۋ احۋالىن ەستەلىككە الىپ، ءوندىرىس حاۋىپسىزدىگى قىزمەتىنىڭ جاعدايىن تياناقتاندىرادى؛ پارتيا مۇشەلەرىنىڭ «بادىك باسىلىمداردى كورۋ، قۇمار ويناۋ، ۋلى شەگىمدىك شەگۋ» گە ارالاسقان -ارالاسپاعاندىعىن نەمەسە زاڭسىز قارجى جيناۋعا قاتىناسقان-قاتىناسپاعاندىعىن، قارتتاردى باقپاۋ، وتباسىنداعىلارىن جابىرلەۋ جاعدايى بار-جوقتىعىن نەمەسە كورشىلەرىمەن بولعان ىنتىماعىن، باتىل ءۇن قاتىپ، ايقىن پوزيتسيا ءبىلدىرىپ، ەكىبەتكەي ادامداردىڭ ارەكەتىن اشكەرەلەپ، سىن تەزىنە الۋ قيمىلدارىن ورىستەتكەن-ورىستەتپەگەندىگىن ەستەلىككە الادى.
ءار ايداعى پارتيا مۇشەلەرىنىڭ تاقىرىپتىق قيمىلى كۇنىندە پارتيا ياچەيكاسى تاعى دا ءىشىنارا پارتيا مۇشەلەرىنىڭ قىزمەت دوكلاتىن تۇتقيىل تىڭدايدى. ءار ايدا ءبىر رەت پارتيا مۇشەلەرى جينالىسىندا پارتيا مۇشەلەرىنىڭ كۇندەلىكتى بەينەسىن ەستەلىككە الۋ جاعدايىن باعالاپ، ناقتى ناتيجە جاعدايىن اشىق جاريالايدى. اشىق جاريالاۋ مەرزىمىندە ناقتى ناتيجەگە بوتەن پىكىرى بارلاردى قىستاق پارتيا ياچەيكاسى دەر كەزىندە تەكسەرىپ تياناقتاندىرىپ، جاعدايى شىن بولعاندارعا دەر كەزىندە رەتتەۋ جۇرگىزەدى.
وتكەن جىلى جىل سوڭىندا بەيبىتشىلىك جاڭا قىستاعىنداعى 30 پارتيا مۇشەسى ءنومىر جيناقتاپ باسقارۋعا قاتىناستىرىلىپ، پارتيا ياچەيكاسىنىڭ شۋجيى چى چىڭگونىڭ جيناقتاعان ءنومىرى ەڭ جوعارى بولىپ، 95 نومىرگە جەتكەن. جاڭا باسقارۋ ءادىسى پارتيا مۇشەلەرىنىڭ جالپىلىق بەينەسىنە جانە پارتيا مۇشەلەرىنە قويىلعان نومىرگە قاراي الدىڭعى بەس ادامدى ءار جىلعى 7-ايدىڭ 1-كۇنىندە ماداقتاپ، بەلگىلى دارەجەدە سيلىق بەرىپ، ۇزدىك بولۋعا، پارتيا مۇشەلەرىن تەڭ ىلگەرىلەۋگە باستاماشى بولۋعا شابىتتاندىرادى.
قىستاق پارتيا ياچەيكاسى پارتيا مۇشەلەرىنىڭ جىلدىق باعالاۋداعى ناقتى ناتيجەسىن دەر كەزىندە قالاشىق پارتكومعا جولدايدى ءارى ارحيۆكە ەنگىزىپ ساقتايدى. 50 جاستان تومەنگى ۇزدىك پارتيا مۇشەلەرىن قىستاق دارەجەلى زاپاس كادرلار قاتارىنا ەنگىزەدى. ءۇرتىس ەكى جىل تولىمسىز بولعان پارتيا مۇشەلەرىن قىستاق پارتيا ۇيىمى زەرتتەۋ جۇرگىزىپ، جوعارى دارەجەلى پارتكومنىڭ بەكىتۋىنە جولداپ، شەكتى مەرزىم ىشىندە رەتتەپ-تۇزەتىپ، شەگىندىرۋگە ناسيحاتتاپ نەمەسە قىزمەتتەن ايدايدى. ەگەر ساقا پارتيا مۇشەسى بولسا جوعارى دارەجەلى پارتيا ۇيىمىنىڭ كەشەۋىلدەتۋىن، مامىلەنى توقتاتۋىن نەمەسە كۇشىنەن قالدىرۋىن ۇسىنىس ەتەدى.
پارتيا مۇشەسى ما جيانچىڭ: «قازىرگى جاڭا باسقارۋ ءادىسىنىڭ اتقارىلۋى وتە جاقسى بولدى، تولىمسىز پارتيا مۇشەلەرىن دە جازالاۋ كەرەك» دەيدى.
ۇعىسۋعا قاراعاندا، وتكەن جىلى جىل سوڭىندا قىستاق پارتيا ياچەيكاسى انجىحاي قالاشىعى پارتكومىنا باعالاۋدا تولىمسىز بولعان ەكى پارتيا مۇشەسىن مالىمدەگەن.
بىرنەشە جىلدا قىستاق كورىكتى اۋىل-قىستاق قۇرۋدى زور كۇشپەن دامىتىپ، قىستاقتا قالعان پارتيا مۇشەلەرى ءتۇرلى قىزمەتتەردى ۇستىلەرىنە الىپ، مىندەتتى ەڭبەككە قاتىناسسا، ال سىرتقا شىعىپ كەتكەن پارتيا مۇشەلەرىنىڭ مىندەتى سالىستىرمالى تۇردە از بولعان. كەلەسى كەزەكتە قىستاق پارتيا ياچەيكاسى سىرتقا شىعىپ كەتكەن پارتيا مۇشەلەرىنە بولعان باسقارۋدى كۇشەيتپەكشى.
بەيبىتشىلىك جاڭا قىستاعىنىڭ ءبىرىنشى شۋجيى، قىزمەت اترەتىنىڭ باستىعى حي شۋەحۋ: «ءبىز پارتيا مۇشەلەرىن كۇندەلىكتى باسقارۋدى عىلىميلاندىرىپ، ولشەمدەندىرىپ، ۇدايىلاندىرىپ، ۇزدىكتەرىن سيلاپ، ناشارلارىن جازالاۋ، يكەمدى باسقارۋ جاڭا مەحانيزمىن اتقارىپ، پارتيا مۇشەلەرىنىڭ پارتيالىلىق تانىمىن ارتتىرىپ، جان-جاقتىلى ساپاسىن جوعارىلاتىپ، ستيلىنە بۇرىلىس جاساپ، نەگىزگى ساتى پارتيا ۇيىمىنىڭ ۇيىسۋ قۋاتى مەن جاۋىنگەرلىك قۋاتىن ارتتىرامىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى