شۋە بين شاعانتوعاي اۋدانىندا تەكسەرۋ-زەرتتەۋ جۇرگىزدى

4-ايدىڭ 24-كۇنى شۋە بين شاعانتوعاي اۋدانى جانكىسى اۋىلى جانكىسى قىستاعىندا تەكسەرۋ-زەرتتەۋ جۇرگىزۋدە.

  ءتىلشىمىز چىن ۋىن حابارلايدى. 4-ايدىڭ 24-كۇنى ايماقتىق پارتكومنىڭ شۋجيى شۋە بين شاعانتوعاي اۋدانىندا كوز الداعى ءتۇيىندى قىزمەتتەرگە تەكسەرۋ-زەرتتەۋ جۇرگىزدى.

  شۋە بين شاعانتوعاي اۋدانىنىڭ شاعانتوعاي مال فەرماسىنا، جانكىسى اۋىلىنا بارىپ، نەگىزگى ساتىداعى كادرلارمەن اڭگىمە وتكىزىپ، قىستاق-اترەتتەردى كوزدەن كەشىرىپ، قوعام ورنىقتىلىعى، كەدەيلىكتەن ارىلتۋدان قامال الۋ، قارا  كۇشتەردى الاستاۋ، سۇرقيا كۇشتەردى جويۋ، بۇقارالىق قىزمەت، كادرلار ستيلىنە بۇرىلىس   جاساۋ، اۋىل-قىستاقتىڭ قونىس ورتاسىن رەتتەۋ-وڭاۋ، ەگىس الاڭدارى مەن مال فەرمالارى   ءتۇزىلىسى رەفورماسى سياقتى قىزمەتتەردىڭ    ورىستەتىلۋ احۋالىن ۇعىستى.

  شاعانتوعاي مال فەرماسىندا شۋە بين مال فەرمانىڭ ورنىقتىلىقتى قورعاۋ شارالارىن تياناقتاندىرۋ جاعدايىن، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ورىستەتۋ جاعدايىن، سونداي-اق ەگىس الاڭدارى مەن مال فەرمالار ءتۇزىلىسى رەفورماسىن ىلگەرىلەتۋ جاعدايىن ۇعىسىپ، فەرما پارتكومى باسشىلىق القاسىمەن اڭگىمە ءماجىلىسىن وتكىزىپ، فەرما پارتكومىنىڭ قىزمەت دوكلاتىن تىڭدادى. جانكىسى اۋىلىنىڭ جانكىسى قىستاعىندا شۋە بين ناق مايداندا تەكسەرۋ-زەرتتەۋ جۇرگىزىپ، كەدەيلىكتەن ارىلتۋدان قامال الۋ جانە اۋىل-قىستاقتىڭ قونىس ورتاسىن رەتتەۋ-وڭاۋ سياقتى قىزمەتتەردىڭ ورىستەتىلۋ جاعدايىن ۇعىستى.

  تەكسەرۋ-زەرتتەۋ بارىسىندا شۋە بين مىنالاردى اتاپ كورسەتتى: پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋ جەلىلەس «كەشەندى شارالارى» ن بۇلجىتپاي باتىل جاقسى تياناقتاندىرىپ، ورنىقتىلىقتى قورعاۋ قىزمەتىن بوساڭسىتپاۋدى ورىنداۋ كەرەك. نەگىزگى ساتىنىڭ اۋىرتپالىعىن جەڭىلدەتۋ مەن كادرلار ستيلىن ارناۋلى رەتتەۋ-وڭاۋدى ۇشتاستىرىپ، قىزمەت ستيلىن ۇزدىكسىز جاقسارتىپ، پارتيا ورتالىق كوميتەتى مەن اۆتونوميالى رايوندىق پارتكومنىڭ ورنىقتىلىقتى قورعاۋداعى ءتۇرلى شارالارىن تياناقتانىپ، تامىر تارتىپ، ناقتىلى ونىمدىلىك جاراتۋىن بۇلجىتپاي ىلگەرىلەتۋ كەرەك. نەگىزگى ساتى پارتيا ۇيىمدارىن نىعايتىپ، شىندىقتى ءىس جۇزىنەن ىزدەۋ قىزمەت ستيلىن ساۋلەلەندىرىپ، نەگىزگى ساتى كادرلارى قوسىنىنىڭ قابىلەتىن جوعارىلاتىپ، ستيلى پاك، سالتى دۇرىس ساياسي ەكولوگيا جاراتۋ كەرەك.

  شۋە بين مىنالاردى تالاپ ەتتى: كەدەيلىكتەن ارىلتۋدان قامال الۋ قىزمەتىن تاباندىلىقپەن جاقسى ىستەپ، كەدەيلىكتەن ارىلعان جۇرتشىلىقتىڭ  يدەيالىق تانىمىندا تىڭ جوعارىلاۋ، تۇرمىس دەڭگەيىندە تىڭ كوتەرىلۋ، رۋحاني بەينەسىندە تىڭ وزگەرىس بولۋىن ورىنداۋ كەرەك. «ەكىدەن تارىقتىرماۋ، ءۇشتى قامتاماسىز ەتۋ» دى تىعىز توڭىرەكتەي وتىرىپ، كەدەي وتباسىلارىنا كوبىرەك ءادىس-شارا ۇيرەتىپ، كەدەي جۇرتشىلىقتىڭ ىشكى قوزعاۋشى كۇشىن جانداندىرىپ، بەكەمدەۋ، دارەجەسىن جوعارىلاتۋ قىزمەتىن جالعاستى جاقسى ىستەۋ كەرەك. شىندىقتى ءىس جۇزىنەن ىزدەپ، ولشەمدى جوعارىلاتپاي، اراندى اشپاي، شاما-شارىققا قاراي ىستەپ، مۇمكىندىگىنشە قۇلشىنىپ، كەدەيلىكتەن ارىلتۋ قىزمەتىنىڭ ناقتىلى، كەدەيلىكتەن ارىلتۋ بارىسىنىڭ تىڭعىلىقتى، كەدەيلىكتەن ارىلتۋ ناتيجەسىنىڭ شىنايى بولۋىنا كەپىلدىك ەتۋ كەرەك. جاۋاپكەرشىلىكتى قاتاڭ، شىنايى ناقتىلاندىرىپ، تۇرعىن ءۇي حاۋىپسىزدىگىن قامتاماسىز ەتۋ مەن اۋىل-قىستاق اۋىز سۋ حاۋىپسىزدىگى قۇرىلىسىن جالعاستى تياناقتاندىرىپ، كەدەيلەردى دالمە-ءدال سۇيەمەلدەۋدىڭ ناقتى تياناقتانۋىنا كەپىلدىك ەتۋ كەرەك.

  قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ ماڭىزدىلىعى جونىندەگى تانىمدى اناعۇرلىم تەرەڭدەتىپ، ساياسي دەڭگەيدى شىن مانىندە جوعارىلاتىپ ،قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ىشكەرىلەي ىلگەرىلەتىپ، ناقتىلى ورىستەتۋ كەرەك. ءجىپ ءۇشىن تەكسەرىپ انىقتاۋ جانە تەكسەرىپ تۇراقتاندىرۋ تەبىنىن ارتتىرىپ، «قارا كۇش بولسا، قارا كۇشتى الاستاۋ، قارا كۇش بولماسا، سۇرقيا كۇشتى جويۋ، سۇرقيا كۇش بولماسا، بىلىقپالىقتى جونگە سالۋ» تالابى بويىنشا، ءتۇرلى قارا-سۇرقيا كۇش زاڭسىز قىلمىسىنا قاتاڭ سوققى بەرۋدىڭ تەگەۋرىندى كۇيىن باستان-اياق ساقتاپ، جۇرتشىلىقتىڭ جاۋىپسىزدىك سەزىمى مەن ريزالىق دارەجەسىن ۇزدىكسىز جوعارىلاتۋ  كەرەك.

  بۇقارالىق قىزمەتتى ۇدايىلاندىرىپ جاقسى ىستەپ، ۇنامدى جاقتان ۇگىتتەۋ،جەتەكتەۋ مەن قيىنشىلىقتى، ماسەلەنى ىدىراتۋ، شەشىمدەۋدى كۇشەيتىپ، كوڭىل كۇيىن ورنىقتىرۋ، كومەكتەسۋ-قيىنشىلىعىن شەشۋ، قايشىلىقتى  ىدىراتۋعا بارىنشا كۇش سالىپ، جۇرتشىلىقتى بارىنشا ىنتىماقتاستىرۋ جانە تارتۋ كەرەك.   ءتۇرلى شارالاردى قولدانىپ، بۇقاراعا قاراتىلعان ۇگىت-تاربيە قىزمەتىن تىڭعىلىقتى جاقسى ىستەپ، ەگىنشى-مالشىلار مەكتەبىن جاقسى اشىپ، ەگىنشى-مالشىلاردىڭ مەملەكەتتە  ءبىرتۇتاس قولدانىلاتىن ءتىل-جازۋدى ۇيرەنۋ بەلسەندىلىگىن جوعارىلاتۋ كەرەك. «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ رولىن ساۋلەلەندىرىپ، بۇقارالىق قىزمەتتى وتباسىلارىنا دەيىن، جەكەلەرگە دەيىن جەتكىزىپ، جۇرەككە ۇيالاتۋ كەرەك. «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق   قيمىلىن جالعاستى ىشكەرىلەي ىلگەرىلەتىپ،  ءار ۇلت جۇرتشىلىعىنىڭ ءوزارا ارالاسۋىن، ىشتەسۋىن، توعىسۋىن جەبەۋ كەرەك.

    اۋىل-قىستاقتىڭ قونىس ورتاسىن رەتتەۋ-وڭاۋ قىزمەتىن پارمەندى، ءتارتىپتى ىلگەرىلەتىپ، دارەتحانانى تازارتۋ، اۋلانى رەتتەۋ-  وڭاۋ، قونىس ورتاسىن رەتتەۋ-وڭاۋ، قوقىر-قوقسىقتاردى جونگە سالۋ، لاس سۋدى ءبىر جايلى ەتۋ، قىستاق ورتاسىن تازالاۋ سياقتى قىزمەتتەردى ءتۇيىندى جاقسى ىستەۋ كەرەك. فورماشىلدىققا جانە كوز بوياۋشىلىققا قاتاڭ تيىم سالىپ، جەرلىك جاعدايعا نەگىزدەلە وتىرىپ، قىستاق ورتاسىن رەتتەۋ-وڭاۋدى جاقسى ىستەپ، ءىشى مەن سىرتى بىردەي بولۋدى ورىنداۋ كەرەك. قىستاق تۇرعىندارىنىڭ تۇلعالىق رولىن ساۋلەلەندىرىپ،جۇرتشىلىقتى تازالىق ىستەۋگە، جاسىلداندىرۋعا، گۇلدەندىرۋگە، باپتاپ-   باسقارۋعا بەلسەنە ات سالىسىپ، مەكەندەرىن    كورىكتەندىرۋگە جۇمىلدىرۋ كەرەك.

ايماقتىق پارتكومنىڭ مۇشەسى، ايماقتىق  ءتارتىپ تەكسەرۋ كوميتەتىنىڭ شۋجيى   چىن شىجۇڭ، شاعانتوعاي اۋدانىنىڭ نەگىزگى جاۋاپتى جولداستارى تەكسەرۋ-زەرتتەۋدە بىرگە بولدى.




رەداكتورى : ارداق كامالقان قىزى
  
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى