ءتىلشىمىز ۋي لينا حابارلايدى. 4-ايدىڭ 23-كۇنى ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات جارمۇقامبەت اكىمشىلىك مەكەمەسىنىڭ 2019-جىلعى 4-رەتكى ۋاليلەر قىزمەت ءماجىلىسىن باسقارىپ اشتى.
ماجىلىستە ايماقتىڭ ءبىرىنشى ماۋسىمداعى نەگىزگى ەكونوميكالىق اينالىم جاعدايىن حابارلاندىردى ءارى قىزمەتتى ىلگەرىلەتۋ پىكىرىن ورتاعا قويدى؛ «تارباعاتاي ايماعىنىڭ ‹ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ› رەفورماسىن تەرەڭدەتىپ، ۇكىمەت فۋنكتسياسىنا بۇرىلىس جاساۋدى ىلگەرىلەتۋ قىزمەت جوباسىنا» تۇسىنىك جاسادى.
ءماجىلىس مىنالاردى تالاپ ەتتى: باس نىسانانى بۇلجىماستان تياناقتاندىرىپ، قوعامدىق جالپى جاعدايدىڭ جاراسىمدىلىعى مەن ورنىقتىلىعىنا بار كۇشپەن شىنايى كەپىلدىك ەتىپ، ەكونوميكانىڭ جوعارى ساپالى دامۋىنا جاراسىمدى، ورنىقتى قوعامدىق ورتا جاراتۋ؛ «ءۇش ءىرى قامال الۋ شايقاسىن» جالعاستى ويداعىداي جۇرگىزىپ، حاۋىپ-قاتەردەن ساقتانۋ جانە ونى جويۋ جاعىندا اۆتونوميالى رايوندىق پارتكومنىڭ «ءۇش شەكتەمە»، «ءتورت ءبىرىڭعاي»، «ءتورت بولماۋ»، «ەكىنى باتىل اتقارۋ» قىزمەت تالابىن قاتاڭ تياناقتاندىرىپ،ۇكىمەتتىڭ جاسىرىن قارىزىن جالپى بەتتىك اداقتاپ شەشىپ، ۇكىمەتتىڭ بەلگىلەمەگە قايشى ەشقانداي قارىز الماۋىنا شىنايى كەپىلدىك ەتۋ؛ جىبەك جولى ەكونوميكالىق بەلدەۋىندەگى وزەكتى رايون قۇرىلىسىنىڭ توعىسۋىن جەدەلدەتۋ؛ اۋىل-قىستاقتى گۇلدەندىرۋ ستراتەگياسىن كۇش سالا اتقارىپ، «شارۋاشىلىعى شالقىعان، ەكولوگيا ورتاسى جايلى، اۋىل سالتى وركەنيەتتى، وڭاۋى ۇتىمدى، تۇرمىسى باي بولۋ» جالپى تالابىنا نەگىزدەلە وتىرىپ، اۋىل-قىستاقتى كوركەيتۋدى بەلسەنە ىلگەرىلەتۋ؛ ساياحات كاسىبىن كۇش سالا دامىتىپ، «ماي بوياۋلى سۋرەتتەي تارباعاتاي، مادەنيەتى وركەندەگەن جەر، تىنىعۋ، كۇتىنۋگە جايلى مەكەن» نىساناسىن توڭىرەكتەي وتىرىپ، ساياحات كاسىبىنىڭ اقاۋسىز دامۋىن، دەڭگەيىنىڭ جوعارىلاۋىن ىلگەرىلەتۋ؛ رەفورما جاساپ، جاڭالىق جاراتۋدى تەرەڭدەتىپ، تيجارات -ساۋدا ورتاسىن ونان ارى ساپالىلاندىرىپ، تارباعاتايدى قارجى قوسۋ جۇمساق ورتاسى ەڭ جاقسى ايماق ەتىپ شىنايى تۇردە قۇرىپ شىعۋ كەرەك.
ماجىلىستە مىنالاردى باسا دارىپتەدى: ءارقايسى اۋدان، قالا، ءارقايسى تاراۋلار پارتيا ورتالىق كوميتەتى مەن مەملەكەتتىك كەڭەستىڭ جانە اۆتونوميالى رايوننىڭ «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ» رەفورماسى جونىندەگى ورنالاستىرۋ تالابىنا ساي، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ» رەفورماسىن ىشكەرىلەي ىلگەرىلەتىپ، اكىمشىلىك تەكسەرىپ-بەكىتۋ ءتۇزىمى رەفورماسىن تەرەڭدەتىپ، اكىمشىلىك قىزمەت وتەۋ قۇرىلىسىن جەدەلدەتىپ، اكىمشىلىك قىزمەت وتەۋ زالى قۇرىلىسىن باسقارۋدى كۇشەيتىپ، ۇقىق جاۋاپكەرشىلىگى تىزىمدىگىن ديناميكالى رەتتەپ باسقارۋ قىزمەتىن ويداعىداي ىستەۋگە ۇزدىكسىز ىزدەنىس جاساۋ كەرەك.
ماجىلىستە تاعى دا ايماقتىڭ «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ» رەفورماسى قىزمەتىنىڭ ورىستەتىلۋ جاعدايىن حابارلاندىرىپ، ايماقتىڭ حالىققا، شارۋالارعا تيىمدىلىك جەتكىزۋ قازىنالىق قوسىمشا قاراجاتىن «امبەباپ كارتچكامەن جەتكىزۋ» دى ارناۋلى جونگە سالۋ قىزمەتىنىڭ ورىستەتىلۋ جاعدايىنان دوكلات بەردى.
ايماق باسشىلارىنان شۋە گۇيچياڭ، ياڭ ليۋ، نۇرماممەت نۇردۇن، بي حاي، نيڭ دۇڭشىڭ ماجىلىسكە قاتىناستى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى