ەەڭ جاڭا مازمۇندار
زۇيجياڭحۋ وزگەشە ءدامدى قۋىرماشتارى
2019-جىلعى سۋ يگىلىگى ارقىلى شينجياڭعا كومەكتەسۋ قىزمەتى ءماجىلىسى ۇرىمجىدە اشىلدى
قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن جانە قوقىر-قوقسىقتى تۇرگە ايىرۋ قىزمەتىن اقىلداسىپ ورنالاستىردى
«تۇرمىسىم كۇن سايىن جاقسارىپ كەلەدى، ولارعا شىنايى العىس ايتامىن»
اكىمشىلىك مەكەمەسى القاسى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەنىڭ 2-رەتكى توپتىق ۇيرەنۋ، زەرتتەۋ-تالقىسىن ورىستەتتى
شىبارجيدە جاڭا رايونى دارىلەۋ ۆانناسى مەن ىندەتتىڭ الدىن الۋ ورنىن سالىپ، ەگىنشى-مالشىلارعا قولايلىلىق جاراتتى
تۇرعىنداردىڭ مادەني تۇرمىسىن بايىتتى
2019-جىلى 10-ايدىڭ 17-كۇنى 240-سان
جين شين: بۇقارانىڭ ءىسىن كوكەيىمدە ساقتايمىن
قۇرباننىڭ تۋىس-تۋعاندارى كەلىپ ازا ءبىلدىرىپ، 46 جىلدان كەيىن اقىرى «جۇزدەستى»
2019-جىلى 10-ايدىڭ 16-كۇنى 239-سان
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، جاراسىمدى، ەكولوگياسى كوركەم، قونىستانۋعا جايلى تارباعاتاي قۇرايىق
«ەكىدەن تارىقتىرماۋ، ۇشتە قامتاماسىز ەتۋ»دى تىعىز ارقاۋ ەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە تاباندىلىقپەن، باتىلدىقپەن قول جەتكىزەيىك
بالا كۇنىنەن اتويشىلداردان ۇيرەنىپ، ەسەيگەندە اتويشىل بولىپ، ۇلتتىڭ گۇلدەنۋى ۇلى مىندەتىن ارقالاي الاتىن ءداۋىردىڭ جاڭا ادامى بولىپ ەسەيىپ-ەرجەتۋگە قۇلشىنايىق
قىزمەت اترەتى ۇيرەنۋدى مال شارۋاشىلىق رايونىنداعى ساقا پارتيا مۇشەلەرىنىڭ وتباسىنا جەتكىزدى
اۋەلگى ماقساتتى ۇمىتپاي، بورىشتى ەستە بەرىك ساقتاپ، نەگىزگى تاقىرىپتىق تاربيەنىڭ ناقتى ناتيجەلەرىن ايگىلەپ، ايماقتىڭ ورنىقتىلىق، دامۋ قىزمەتتەرىنىڭ تاعى دا تىڭ ساتىعا كوتەرىلۋىن جەبەيىك
جوعارى مەكتەپ ەمتيحانى قاقپاسىن قايتا اشۋ
عىلىمنىڭ كوكتەمى
ۇلى بۇرىلىس
ەكونوميكالىق ەرەكشە رايون قۇرۋ
شيحۋ قالاسى: شارۋالاردىڭ كۇزگى جيىن-تەرىن جۇمىسىنا كومەكتەستى
شاعانتوعاي اۋدانى: «حالىقارالىق اپاتتى ازايتۋ كۇنى» ۇگىت قيمىلىن ورىستەتتى
ءبىر ساعاتتا 903 سۇراقتى دۇرىس ورىنداپ شىقتى
«ۇعىسۋ، تيىمدىلىك جاساۋ، توعىستىرۋ» قىزمەتى تارباعاتاي ارناۋلى ايدارى قىستاقتا تۇراتىن كادرلاردى جىگەرلەندىردى
ايماعىمىز بويىنشا 1-ورىندى يەلەدى
2019-جىلى 10-ايدىڭ 15-كۇنى 238-سان
شيحۋ قالاسى نانيۋان ءمالى باسقارماسى حۋاڭحى جولى الەۋمەتتىك اۋماعى مەن قىزمەت اترەتى
شاۋەشەك قالالىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى بۇقارانىڭ اماندىعىن باستى ورىنعا قويدى
جاڭا جۇڭگونى جىرلاپ، جۇڭگو ارمانىن اسقاقتاتتى
نەگىزگى تاقىرىپتىق تاربيەنىڭ ءاربىر باسقىشىن مۇقيات يگەرىپ، ناقتى ونىمدىلىككە قول جەتكىزۋگە كەپىلدىك ەتىپ، ءار ۇلت بۇقاراسىنا جاڭا وزگەرىستەردى، جاڭا بەينەنى شىنايى سەزىندىرۋ كەرەك

جاستىعىڭىز جايلى بولسىن

جولدانعان ۋاقىتى : 2019/4/30 12:52:19

  ادامدار ۇيقىدان ويانعاندا نەداۋىر جەڭىلدەپ، رۋحى كوتەرىلىپ  قالادى. دەسەدە، ءبىرقىدىرۋ ادامدار ۇيقىدان ويانعاننان كەيىن كەرىسىنشە  موينى اشىپ اۋىرادى، اۋەلى، موينى بۇرعىزباي كۇيەزى ۇستاپ قالادى. تۇنگى ۇيقى جاقسى بولماسا، ادام كۇنى بويى جىگەرسىز كۇي كەشەدى، تاماشا ۇيقى اركىم ءۇشىن توتەنشە ماڭىزدى. جايلى ۇيقى ءسىزدىڭ ۇيلەسىمدى جاستىق ىستەتۋىڭىزبەن بايلانىستى. سونىمەن قوسا، جاڭادان ءومىر ەسىگىن  اشقان نارەستەگە جاستىق قاجەت پە،  جوق؟ بۇل دا كوپشىلىكتىڭ ۇنەمى تىلگە تيەك ەتەتىن اڭگىمە تاقىرىبى. كەيبىر  جاس انالار نارەستە دۇنيەگە كەلىسىمەن  وعان وتە جۇمساق، ادەمى جاستىق  ىستەتەدى، ولار وزدەرىنىڭ بۇل ارەكەتىنىڭ  ارتىق «ايالاۋ»  ەكەنىن مۇلدە ويلامايدى. شىنىن ايتقاندا، بىزدە جاستىق جونىندە كوپتەگەن اعات تۇسىنىكتەر  بار، بۇگىن جاستىق جونىندەگى بىلىمدەرگە ىزدەنىس جاساپ كورەيىك.

                     _ رەداكتور ەسكەرتپەسى
 
جاقسى جاستىقتى قالاي تاڭداعان ءجون
 
  جاستىقتى تاڭداعاندا مىنا بەس ءتۇرلى اعات  تۇسىنىكتەن ساقتانعان ءجون
  جاستىقتىڭ تىم بيىك بولۋى. جاستىق تىم بيىك بولسا، باسىڭ ءتۇن بويى ەڭكەيىپ، مويىنعا تۇسەتىن قىسىم ارتادى دا، مويىنعا قان  جەتىسپەۋ جاعدايىن كەلتىرىپ شىعارادى. سونىمەن، تىنىس جولى توسىلۋدان باس اۋرۋ، باس اينالۋ، قۇلاعى شىڭىلداۋ، ۇيقى قاشۋ  سياقتى جايتتەرى تۋىلادى.

  جاستىقتىڭ تىم الاسا بولۋى. ادام قاتتى ۇيقىعا باتقاندا بۇلشىق ەتتەرى بوساپ، مويىنعا تۇسكەن كۇشتىڭ باسىم كوپ بولىگى مويىن ومىرتقاسىنا شوعىرلانادى دا، مۇندا جاستىق تىم الاسا بولعاندا مويىن ومىرتقاسىنا قىسىم تۇسەدى نەمەسە ومىرتقا ارالىق تاباقشاسىنىڭ تومپايۋىن كەلتىرىپ شىعارادى.

  جاستىقتىڭ تىم جالپاق بولۋى. جاستىق تىم جالپاق بولماعانى ءجون، جاستىقتىڭ ۇزىندىعى ادام ۇيىقتاعاندا ءبىر اۋناعانداعى ورنىنداي بولسا بولعانى، كەڭدىگى 0.15 تە 0.2 مەتر بولۋ كەرەك، ويتكەنى جاستىق تىم جالپاق بولسا، مويىن ومىرتقا بۋىنىنداعى بۇلشىق ەتتەرگە جايسىزدىق تۋدىرادى.

  جاستىقتىڭ تىم قاتتى بولۋى. جاستىق تىم قاتتى بولسا، مويىن مەن جاستىقتىڭ جاناساتىن ورنىنداعى قىسىم ارتىپ،باس جايسىزدانادى.

  جاستىقتىڭ تىم جۇمساق بولۋى. جاستىق تىم جۇمساق بولسا، وڭاي شۇڭقىرايىپ قالادى دا، قالىپتى بيىكتىكتى ساقتاي المايدى، سونىمەن باس، مويىن بولىمدەرى بەلگىلى سۇيەنىشكە يە بولا الماي، قالجىراعان سەزىمدە بولادى.

  ۇيىقتاعانداعى جاتىسىڭىزعا قاراي تۇرلىشە بيىكتىكتەگى جاستىقتى ىستەتىڭىز
  شالقاسىنان جاتۋ: مۇندا جاستىقتىڭ بيىكتىگى ءوزىڭىزدىڭ جۇدىرىعىڭىزداي بولسا بولادى، مولشەرمەن 5 تە 8 سانتيمەتر بولۋى كەرەك.

  قىرىن جاتۋ: مۇندا جاستىقتىڭ بيىكتىگى ءبىر جۇدىرىق پەن ءبىر الاقاننىڭ قالىڭدىعىنداي بيىكتىكتە بولۋى قاجەت، ايەلدەر مولشەرمەن 7 دە 12 سانتيمەتر، ەرلەر مولشەرمەن 11 دە 14 سانتيمەتر   بيىكتىكتەگى جاستىق ىستەتۋى كەرەك.

  بىردە شالقالاپ، بىردە قىرىنداپ الما-كەزەك جاتۋ: ايەلدەر  ىستەتەتىن جاستىقتىڭ بيىكتىگى مولشەرمەن 8 دە 10 سانتيمەتر  بيىكتىكتە بولۋى، ال ەرلەر ىستەتەتىن جاستىقتىڭ بيىكتىگى ايەلدەر ىستەتىن جاستىقتىڭ بيىكتىگىنەن 2 سانتيمەتر اينالاسىندا بيىك بولسا بولادى. قارتتار ىستەتەتىن جاستىق ءبىراز بيىكتەۋ بولعانى ءجون. مۇندا 9 دا 15 سانتيمەتر بولسا ۇيلەسىمدى بولادى.

  تۇرلىشە ماتەريالدان جاسالعان جاستىق وزەگىنىڭ ەرەكشەلىكتەرى دە تۇرلىشە بولادى، دەسەدە سولاردىڭ ىشىنەن بىرەۋى سىزگە لايىق كەلەرى داۋسىز
  قارا قۇمىق جاستىعى: مۇنداي جاستىق وزەگى تابيعي ماتەريالدان جاسالعان، قىستا جىلى، جازدا سالقىن بولادى، فورماسى باستىڭ قوزعالىسىنا قاراي تۇرلىشە فورماعا وزگەرەدى، ءبىرشاما جايلى.

  قۇس قاۋىرسىن جاستىعى: ۇيىسۋى ءبىرشاما جاقسى بولىپ،   ادامنىڭ باس بولىمىنە جاقسى سۇيەنىش بولا الادى. ونىڭ ۇستىنە، وڭاي-وسپاق فورماسى وزگەرمەيدى، اۋا وتكىزگىشتىگى جاقسى، دەسەدە، جۋىپ-تازالاۋعا قولايسىز.

  پلاستيك جاستىق: سەرپىمدىلىگى باياۋ، قۇلاققا ءبىرشاما جايلى، دەسەدە وڭاي قىزادى، جىلۋ تاراتقىشتىعى ناشار، ماتەريالى وڭاي توتىعادى.

  تابيعي ەمۋلسون جاستىق: سەرپىمدىلىگى جاقسى، سۇيەنىش بولۋ قۋاتى كۇشتى، فورماسى وڭاي وزگەرمەيدى ءارى جۋىپ-تازالاۋعا قولايلى.

  جاساندى تالشىق جاستىعى: سەرپىمدىلىگى، اۋا الماستىرۋ قۋاتى تومەن، فورماسى بۋىنشاق-بۋىنشاق بولىپ وڭاي وزگەرەدى، ءبىرشاما جايسىز.
 
تۇرلىشە جاستىقتى جۋىپ-تازالاۋ ءادىسى ۇقساس بولمايدى
 
  ءبىز ادەتتە جاستىقتىڭ قابىن جۋامىز، مۇندا جۋىپ-تازالاۋدى ەكى اپتادان اسىرماۋدى ۇسىنىس ەتەمىز. جاستىق وزەگى مەن جاستىق قابىنا سالىناتىن نارسەلەردى قايتا-قايتا جۋىپ-تازالاۋدىڭ  قاجەتى جوق. ايتپەگەندە، سوزىلعىشتىعى مەن جانعا جايلىلىق دارەجەسى تومەندەيدى. جاستىق وزەگىنىڭ ماتەريالىنا ساي، ۇقساماعان كۇتۋ جانە جۋىپ-تازالاۋ ءادىسىن قولدانعان ءجون:

  حيميالىق تالشىقتى جاستىق
  حيميالىق تالشىقتى جاستىق نەگىزىنەن جاساندى تالشىقتى بىرىكتىرۋدى نەگىزگى شيكىزات ەتەدى،سەرپىمدىلىگى، اۋا وتكىزگىشتىگى جانە سۋ سىمىرگىشتىگى ءبىرشاما ناشار، ۇزاق ۋاقىت ىستەتكەندە نەمەسە ۇزاق ۋاقىت جۋىپ-تازالاماعاندا باكتەريا وڭاي ءوسىپ-ءونىپ، قۇرتكەنەنىڭ تىرشىلىك ورتاسىنا اينالادى. كىر جۋعىشپەن جۋۋعا، قولمەن جۋۋعا بولادى، ەڭ جاقسىسى، 3 ايدا ءبىر رەت جۋۋ كەرەك. ەگەر باكتەريالاردى ولتىرمەكشى بولساڭىز، كۇنگە لايىقتى جايۋىڭىز كەرەك. دەسەدە، كۇشتى كۇن نۇرىندا ۇزاق ۋاقىت جايۋعا بولمايدى.

  قۇس قاۋىرسىندى جاستىق
  مۇنداي جاستىق قۇس قاۋىرسىنىن، قۇس ءجۇنىن نەگىزگى جاستىق وزەگى ماتەريالى ەتەدى. ماتەريالى جەڭىل، جۇقا، جۇمساق، جىلۋ ساقتاعىشتىعى جوعارى، سۋ ءسىمىرۋ، تاراتۋ قۋاتى دا بار. دەسەدە، اسىرە سەزىمتال ادامداردىڭ مۇنداي جاستىقتى ىستەتپەگەنى ءجون. قۇس قاۋىرسىندى جاستىق وزەگىن قولمەن جۋۋعا بولادى، كىر جۋعىشپەن جۋۋعا نەمەسە قۇرعاق جۋۋعا بولمايدى، ەڭ جاقسىسى، اۋا رايى جاقسى كەزدە سالقىندا كەپتىرگەن ءجون، تىكە كۇشتى كۇن نۇرىندا كەپتىرۋگە بولمايدى.

  ەمۋلسون جاستىق
  مۇندا كاۋچۋك اعاشىنىڭ شىرىنى ىستەتىلەدى، اشىتۋ سياقتى تەحنولوگيا ارقىلى ەمۋلسون جاستىق جاسالادى. قۇرتكەنەدەن، ميكروبتان ساقتانۋ تابيعي رولىنا يە، اۋا وتكىزگىشتىگى مەن سەرپىمدىلىگى توتەنشە جاقسى. ەمۋلسون جاستىقتى سۋمەن جۋۋعا   بولادى. دەسەدە، ءسوزسىز، قولمەن جۋۋ كەرەك. كىر جۋعىش ەمۋلسون  قۇرىلىمىن بۇلدىرەدى. جۋىپ-تازارتقاننان كەيىن كولەڭكە، سالقىن ورىندا كەپتىرۋ، كۇن نۇرىنان ساقتانۋ كەرەك. ايتپەگەندە، كۇن  ىلگەرى توتىقتانىپ، جاستىق ماتەريالى قاتتى كۇيگە وزگەرەدى.

  پلاستيك وزەكتى جاستىق
  بۇل ءبىر ءتۇرلى سەرپىمدىلىگى باياۋ ماتەريالدان پايدالانىپ   جاسالعان جاستىق. ۇزاق ۋاقىت ىستەتكەننەن كەيىن، جاستىق ادامنىڭ باس ءبولىمى مەن مويىن ءبولىمىنىڭ فورماسىنا قاراي بەيىمدەلەدى. پلاستيك جاستىقتىڭ نەگىزگى ماتەريالى پولي ەفير تيپتى پولي امين ەستەرى، كەۋەكتى قۇرىلىمدارى ونىڭ اۋا وتكىزگىشتىك يقۋاتىنا  ءتيىمدى؛ جۇقا، تىعىز تالشىقتار تەك سۋ بۋى مەن اۋانى وتكىزەدى، سۋدان قورعانۋ يقۋاتى جاقسى، سۋمەن جۋىپ-تازارتۋعا ءارى تابيعي سالقىن اۋادا كەپتىرۋگە بولادى. قاقتاپ كەپتىرۋگە، ۇتىكتەۋگە جانە كۇشتى كۇن نۇرىندا كەپتىرۋگە بولمايدى،تىم جوعارى تەمپەراتۋرا سەرپىمدىلىككە يە ماتەريالدىڭ حيميالىق قۇرىلىمىن بۇلدىرەدى.

  قارا قۇمىق جاستىعى
  قارا قۇمىقتا بەلگىلى تىنىشتاندىرۋ رولى بار، ودان جاسالعان جاستىقتىڭ اۋا وتكىزگىشتىگى جاقسى، فورماسى وڭايلىقشا وزگەرمەيدى، اسىرەسە،جاز كۇندەرى وتە سالقىن سەزىلەدى. ءبىراق، مۇنداي جاستىقتىڭ سۋ سىمىرگىشتىگى جاقسى ەمەس، وڭاي كوگەرەدى، قۇرت تۇسەدى، ميكروب ءوسىپ-ءوربيدى. جەكە ادام ءوز جاعدايىنا ساي جاستىق ىشىندەگى قارا قۇمىقتى توگىپ، كۇنگە   جايىپ، ميكروبىن ءولتىرۋ كەرەك، مۇندا سۋمەن جۋۋعا بولمايدى.

  مايتاران ءدانى جاستىعى 
  مۇنداي جاستىقتىڭ باۋىردى تازالاۋ، كوزدى نۇرلاندىرۋ، قىسىمدى تومەندەتۋ جانە قان سارسۋىنداعى حولەستەريندى تومەندەتۋ رولى بار. دەسەدە، مايتاران ۇرىعى سۋىق رايلى بولاتىندىقتان، اسقازان-ىشەگى ءالسىز نەمەسە دەنە سۋىعى باسىم ادامدار دەنە جاعدايىنا قاراي ابايلاپ تاڭداۋى كەرەك. قارا قۇمىق جاستىعى سياقتى مايتاران ۇرىعى ىلعالدانسا دا وڭاي كوگەرەدى، سوندىقتان مەرزىمدى تۇردە جاستىق ىشىنەن  توگىپ الىپ، سالقىندا كەپتىرۋ كەرەك.
 
نارەستەلەردىڭ جاستىق جاستاۋىنىڭ قاجەتى بار ما، جوق پا
 
   جاڭا تۋىلعان نارەستەگە جاستىقتىڭ قاجەتى جوق
  نارەستە ەرەسەك ادامدارعا ۇقسامايدى، جاڭا تۋىلعان  نارەستەنىڭ ومىرتقاسى ءتۇزۋ بولادى، ءتۇزۋ جاتقاندا ارقاسى مەن شۇيدەسى ءبىر جازىقتىقتا بولادى، ەگەردە باسى بيىكتەپ كەتسە، مويىن ءيىلۋىن وڭاي كەلتىرىپ شىعارىپ، نارەستەنىڭ تىنىس الۋى مەن جۇتىنۋىنا ىقپال جاسايدى، ءتىپتى، اۋىر بولعاندا تۇنشىعۋ احۋالىن كەلتىرىپ شىعارادى. جاڭا تۋىلعان نارەستەنىڭ باسى مەن يىعىنىڭ كەڭدىگى قارايلاس بولاتىندىقتان، قىرىنان جاتسا دا ومىرتقاعا اسەر ەتپەيدى، سوندىقتان انالار نارەستەلەر ۇيىقتاعاندا جايسىز جاتا ما دەپ   الاڭداۋىنىڭ قاجەتى جوق.

  ەگەر نارەستەنى ەمىزىپ بولعاننان كەيىن توسەككە جاتقىزباقشى بولساڭىز، وندا ورامالدى بۇكتەپ نارەستەنىڭ ارتىنا قويىپ، ۇستىڭگى جارىم دەنەسىن ءبىراز بيىكتەتىپ قويساڭىز، ءسۇتتى  قۇسىپ تاستاۋىنان ساقتانا الاسىز.

    نارەستە ءبىر جاسقا تولعاننان كەيىن جاستىق ىستەتۋدى ويلاسقان ءجون
  نارەستە 7 دە 8 ايعا تولىپ، دەربەس وتىرا العاننان كەيىن، ونىڭ كوكىرەك ومىرتقاسى ارتقا قاراي يىلەدى، يىق كەڭدىگى دە ارتا باستايدى، بۇل كەزدە نارەستەگە بيىكتىگى 3 سانتيمەتر مولشەرىندەگى جاستىقتى ىستەتۋدى ويلاستىرعان ءجون. ءبىراق، بۇل كەزدە نارەستە ومىرتقاسىنىڭ فيزولوگيالىق ءيىلۋى توتەنشە ماردىمسىز بولادى، جاستىق جاستاماسا دا جاقسى ۇيىقتاي الادى، جاستىقتى دۇرىس ىستەتپەگەندە كەرىسىنشە نارەستەنىڭ قالىپتى ءوسىپ-جەتىلۋىنە ىقپال  جاسايدى. سوندىقتان، ەڭ جاقسىسى، نارەستەگە جاستىقتى تىم ەرتە ىستەتۋدەن ساق بولۋ كەرەك، ءبىر جاستان اسقاننان كەيىن جاستىق ىستەتۋدى ويلاستىرۋدى ۇسىنىس ەتەمىز.
 
نارەستەگە جاستىق جاستاعاندا كوڭىل بولەتىن تۇيىندەر
 
قاتتى جاستىق ىستەتۋگە بولمايدى
  ۇلكەندەر كوبىنشە نارەستەلەرگە ءبىراز قاتتى جاستىق ىستەتۋدى دارىپتەيدى، ولار وسىلاي ىستەگەندە نارەستەلەردىڭ باس ءپىشىنى ادەمى بولىپ جەتىلەدى دەپ قارايدى. شىنىن ايتقاندا، بۇلاي ىستەۋ دۇرىس ەمەس. نارەستەلەردىڭ باس سۇيەگى ءبىرشاما جۇمساق، ەڭبەك قاقپاعى مەن باس سۇيەك سىزىعى ءالى تولىق بىتە قويمايدى، جاستىقتى ۇزاق ۋاقىت ىستەتكەندە باس سۇيەك فورماسىنىڭ نەمەسە بەت  ءپىشىنىنىڭ وزگەرۋىن كەلتىرىپ شىعارىپ، سىرتقى  كەلبەتىنە ىقپال جاسايدى، سالماقتى بولعاندا، ءتىپتى، اقىل-ويىنىڭ  جەتىلۋىنە ىقپال جاسايدى.

  جۇمساق جاستىق جاستاماۋ كەرەك
  نارەستەنىڭ زات الماسۋى ءبىرشاما جوعارى بولاتىندىقتان، باسى وڭاي تەرلەيدى. ماقتا، مامىق سياقتى جۇمساق ماتەريالداردا باكتەريا وڭاي ءوربيدى. وتە جۇمساق جاستىققا ابايسىزدا نارەستە ەكپەتتەپ جاتىپ ۇيىقتاپ قالسا تۇنشىعۋ حاۋپى تۋىلادى.

  جاستىقتىڭ تازالىعىنا كەپىلدىك ەتۋ كەرەك
  نارەستەنىڭ زات الماسۋى  جوعارى بولاتىندىقتان، باستان شىعاتىن تەر ءبىرشاما كوپ بولادى دا ۇيىقتاعاندا جاستىق تەرگە  وڭاي مالشىنادى، تەر مەن قايىزعاق ارالاسىپ، اۋرۋ تۋدىراتىن ميكروورگانيزمدەردى جاستىققا جابىستىرىپ    قويادى، سونىمەن بەتىنە بورتكەن ءتۇسۋدى جانە باس  تەرىسىنىڭ ينفەكسيالانۋىن وڭاي تۋدىرادى، سوندىقتان   نارەستەنىڭ جاستىق وزەگىن ۇنەمى كۇن نۇرىندا كەپتىرىپ، جاستىق قابىن ۇنەمى جۋىپ-تازالاپ، الماستىرىپ تۇرۋ، جاستىقتىڭ تازالىعىنا كەپىلدىك ەتۋ كەرەك.
 
نارەستەگە جاستىقتى قالاي تاڭداعان ءجون
 
  جاستىقتىڭ ىشكى ماتەريالى جاقسى بولۋى كەرەك
  نارەستەنىڭ جاستىعى جونىنەن العاندا، ونىڭ جايلى بولۋى باستى ورىندا تۇرادى، ودان كەيىن ءيىسسىز بولۋى كەرەك. تىتىركەندىرگىش نارسەلەر بولماۋى، نارەستەنىڭ تەرىسىنە پايداسىز نارسەلەردى ىستەتپەۋى كەرەك. جاستىققا تابيعي ماتەريالدان جاسالعان نارسەلەردى سالسا ءبىرشاما جاقسى، حيميالىق ماتەريالدان جاسالعان جاستىقتى مۇمكىندىگىنشە جاستاماعان ءجون، حيميالىق زات ۋاقىت ۇزارا كەلە زياندى گاز ءبولىپ شىعارادى دا، نارەستەنىڭ ۇيىقتاۋىنا ءتيىمسىز، اقاۋسىز ەرجەتۋىنە دە جاقسى بولمايدى. شاي جاپىراعى، كۇرەڭكەي سياقتى ماتەريالداردان جاسالعان جاستىقتى دا  نارەستەلەرگە جاستاۋعا بولمايدى.

  جاستىق قابىنىڭ ماتەريالى، ەڭ جاقسىسى،تازا ماقتادان جاسالۋى كەرەك
  نارەستەلەردىڭ جاستىعىن وتە ساندەۋدىڭ قاجەتى جوق،  سوندىقتان ماتەريالىن تاڭداعاندا اتا-انالار ماتەريالدىڭ    ادەمىلىگى مەن كوپ يقۋاتتىلىعىنا ارتىقشا كوڭىل بولمەۋ  كەرەك. حيميالىق تالشىقتى ماتەريالداردى نارەستەلەرگە  ىستەتۋگە بولمايدى، مۇندا تازا ماقتا نەمەسە بامبۇك تالشىقتى جاستىق قابى ءبىرشاما ۇيلەسىمدى كەلەدى، قولمەن ۇستاعاندا جۇمساق ءارى تەر سىمىرەدى. نارەستەنىڭ تەرىسىنە جاناساتىن كيىم، كورپە، بايپاق سياقتى بۇيىمدارى دەرلىك تازا ماقتادان جاسالعانى ءبىرشاما جاقسى بولادى.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn