ەەڭ جاڭا مازمۇندار
2020-جىلى 5-ايدىڭ 29-كۇنى 109-سان
ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا اسكەري ءبولىم قىزمەتتەرىن تىڭعىلىقتى ىلگەرىلەتىپ، مەملەكەت قورعانىسى جانە اسكەري ءبولىم قۇرىلىسىنىڭ 2020 - جىلعى نىسانالارى مەن مىندەتتەرىن باتىل جۇزەگە اسىرۋ كەرەك
شينجياڭ ۋاكىلدەر ۇيىرمەسى مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى، ەڭ جوعارى حالىق سوتى مەكەمەسىنىڭ قىزمەت بايانداماسى، ەڭ جوعارى حالىق پروكۋراتۋراسىنىڭ قىزمەت بايانداماسى قاتارلىلاردى قارادى
شينجياڭ ۋاكىلدەر ۇيىرمەسى ماجىلىسكە 3 كەڭەستىك جوبا، 61 ۇسىنىس تاپسىردى
شينجياڭدا تۇراتىن مەملەكەتتىك ساياسي كەڭەس مۇشەلەرى ماجىلىسكە 117 ءتۇرلى ۇسىنىس جوبا تاپسىردى
ەكپىندەي ىلگەرىلەپ، بورىشتى، ءسوزسىز، ورىندايمىز
بەلسەنە اقىل-كەڭەس بەرىپ،«اقىل-پاراسات قامباسى» رولىن ساۋلەلەندىردى
ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا اسكەري ءبولىم قىزمەتتەرىن تىڭعىلىقتى ىلگەرىلەتىپ، مەملەكەت قورعانىسى جانە اسكەري ءبولىم قۇرىلىسىنىڭ 2020 - جىلعى نىسانالارى مەن مىندەتتەرىن باتىل جۇزەگە اسىرۋ كەرەك
شينجياڭ ۋاكىلدەر ۇيىرمەسى ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسىنىڭ باياندامالارىن جانە قاتىستى قاۋلى جوبالاردى قارادى
2020-جىلى 5-ايدىڭ 28-كۇنى 108- سان
13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى ەكىنشى جالپى جيىنىن وتكىزدى
پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ تامىر تارتۋىن باتىل جەبەپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتەيىك
شينجياڭ ۋاكىلدەر ۇيىرمەسى ازاماتتىق زاڭناما جوباسى قاتارلىلاردى قارادى
مال شارۋاشىلىق وڭىرلەرىندە ەكى ءماجىلىس رۋحىن ۇگىتتەدى
پارتيا مۇشەلەرىن ۇيىمداستىرىپ،ەكى ءماجىلىستىڭ رۋحىن ۇيرەندى
جەلكەن جايىپ، ەسكەكتى ەرشىمدى ەسىپ، ەكونوميكانىڭ جوعارى ساپالى دامۋىن ىلگەرىلەتەمىز
ايماقتىڭ ەمدەۋ،دەنساۋلىق ساقتاۋ ىستەرىنە اۋەلگىدەي قولداۋ كورسەتىپ جانە كوڭىل ءبولىپ،ەمدەۋ جاعىندا «ۇيىرمە ۇلگىسىندە» شينجياڭعا كومەكتەسۋ قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتەيىك
كووپەراتيۆتە جۇمىستانۋ قولايلى بولدى
اتىز باسىندا قىزمەت وتەدى
شەبەرلىككە باۋلۋ امىربەكتى اۋقاتتانۋ جولىنا ءتۇسىردى
شاحتى اۋىلى ساۋىر الەۋمەتتىك اۋماعى: تاۋىق باعىپ،كىرىستەرىن ارتتىردى
جالپى تۇلعالىق جاقتان جوسپارلاپ، جۇيەلى تۇردە قايتا سومداپ، جالپى بەتتىك جوعارىلاتىپ، الەۋمەتتىك دەنساۋلىق ساقتاۋ قورعانىس تورىن بەرىك، تىعىز توقۋ كەرەك
2020- جىلى 5- ايدىڭ 27-كۇنى 107- سان
شينجياڭ ۋاكىلدەر ۇيىرمەسى جوسپار بايانداماسى مەن مەجە ەسەپ بايانداماسىن ۇزدىكسىز تەكسەردى،ازاماتتىق زاڭناما جوباسىن قارادى
ەكونوميكالىق جاعدايعا جان - جاقتى، ديالەكتيكالىق، ۇزاق بولاشاقتىق تۇرعىدان تالداۋ جاساۋعا تاباندى بولىپ، داعدارىس بارىسىندا جاڭا وراي جەتىلدىرۋگە، وزگەرگەن جاعداي بارىسىندا جاڭا جاعداي اشۋعا قۇلشىنۋ كەرەك
ءتۇزىم ابزالدىلىعىن قاۋلاتىپ، كۇرەس جۇرگىزۋ ۇلى كۇشىن ۇيىستىرايىق
لي كىچياڭ جاساعان ۇكىمەت قىزمەتىنەن بايانداما (ءۇزىندى)
پارتيا ءتارتىبىن،پارتيا قاعيداسىن ۇيرەنۋدى كۇشەيتىپ،ءتارتىپ تانىمىن ۇزدىكسىز كۇشەيتىپ،دەڭگەيدى جوعارىلاتىپ،ءتۇرلى قىزمەتتى تاباندىلىقپەن ناقتى تياناقتاندىرۋ كەرەك
شينجياڭ ۋاكىلدەر ۇيىرمەسى ۇكىمەت قىزمەتىنەن باياندامانى ۇزدىكسىز قارادى، جوسپار بايانداماسىن جانە مەجە ەسەپ بايانداماسىن قاراپ تەكسەردى
2020-جىلى 5-ايدىڭ 26-كۇنى 106-سان

قول ۇستاسا كاسىپ جاراتىپ، بىرلىكتە يگىلىكتى ءىس ىستەدى

جولدانعان ۋاقىتى : 2019/4/30 13:39:34

_ شاۋەشەك مەيىربان تيانشى ۇيىرمەسىنىڭ ەرىكتىلەرى حان دىجۇن مەن جۇبايى شا لي جونىندە
سۋرەتتە: حان دىجۇن جاڭا سومكەگە يە بولعان بالالارمەن بىرگە سۋرەتكە ءتۇسىپ، ەستەلىك قالدىرۋدا.
                                                                                                    سۋرەتتى دايىنداعان حان دىجۇن ءتىلشىمىز ۋاڭ گاۋشىڭ حابارلايدى.

  شاۋەشەكتىكتەر جونىنەن جۇنلى  مەيمانحاناسى بەيتانىس بولماسا كەرەك، ات-اتاعىن ەستىگەندەر دە، ۇيلەنۋ تويى نەمەسە دوس-جاران، تۋىس-تۋعاندارىنىڭ باس قوسۋىندا وسىندا تاماقتانعاندار دا بار بولۋى مۇمكىن. الايدا، مەيمانحانا قوجايىنىنىڭ كىم ەكەندىگىن بىلە بەرۋىڭىز ەكىتالاي. دەسەدە، ولاردىڭ ساۋدامەن شۇعىلدانعانداعى جانە يگىلىكتى ءىس ىستەگەندەگى حيكايالارى ءبىزدىڭ ماداقتاۋىمىزعا تاتيدى.

  ولار حان دىجۇن مەن ونىڭ جۇبايى   شا لي ەدى.

  جالدانبا جۇمىسشىدان ءىرى قوجايىنعا اينالدى

  حان دىجۇن بيىل 50 جاسقا كەلدى، 1987-جىلى شاۋەشەككە كەلىپ، بيڭتۋان 9-شىسىنىڭ 163-تۋانىنداعى اعاسىن سۇيەنىش ەتكەن ەدى. سول جىلى ول 18 جاستا عانا بولىپ، جاسى كىشى، ونىڭ ۇستىنە، ەندى عانا كەلگەندىكتەن، تەك كۇندىك ىستەپ كۇنەلتەتىن. 1989-جىلى ول 120 مۋ جەردى كوتەرمەگە الىپ قىشى ەگەدى.  الايدا، ويلاماعان جەردەن سول جىلى قۋاڭشىلىق قاتتى بولىپ، تۇقىم سىڭىرىلگەننەن كەيىن قىلاياعى مايساسى دا شىقپاي قالادى.

  سونىمەن حان دىجۇن ەكى جىل  جىلانباۋىر تراكتور ايداپ، ازىن-اۋلاق اقشا تابادى. 1990-جىلى ول شاعىن   تراكتور ساتىپ الىپ، قۇم، كەرپىش  تاسىپ، تابىلعان جۇمىستىڭ ءبارىن     ىستەدى.

  ەكى جىلدان كەيىن حان دىجۇن    شاۋەشەك قالاسىنداعى بۇرىنعى بەيجياڭ اسحاناسىنا بارىپ، اسپازدىق ونەرىن  ۇيرەندى. وسى بارىستا سول اسحانادا  داياشى بولىپ ىستەيتىن شا ليمەن تانىسادى. 1993-جىلدىڭ سوڭىندا حان دىجۇن مەن شا لي ۇيلەندى. كوپ وتپەي حان دىجۇن شاۋەشەك قالاسىنىڭ مادەنيەت جولىنداعى ءبىر اۋىزدى تەمىر ۇيدە جۇبايىمەن بىرلەسىپ شاعىن اسحانا اشىپ، نەگىزىنەن جەدەل تاعام تيجاراتىمەن شۇعىلداندى. سەنىمدى تيجارات جۇرگىزگەندىكتەن، ونىڭ ۇستىنە، تورە تاباق تاۋىق ەتى،  اشىتقان كوكونىستى بالىق، قىزىل بۇرىش سالىپ پىسىرعان قوي سيراعى سياقتى   قۋىرماشتارىنىڭ ءدامى وزگەشە ءدامدى بولعاندىقتان، ساۋداسى كۇننەن-كۇنگە كۇسەت بولا ءتۇستى.

  1998-جىلى بەلگىلى قور جيناعان  حان دىجۇن ەكى قاباتتى قابات ءۇيدى مايعا الىپ، جۇنلى اسحاناسىن اشىپ ءارى وزگە تۇردەگى قۋىرماشتاردى شىعارىپ، جۇنلى اسحاناسىنىڭ ات-اتاعىن شىعارادى. 2004-جىلى ەرلى-زايىپتى ەكەۋى ءبىر ميلليون 500 مىڭ يۋان قارجى شىعارىپ، 900 شارشى مەترلىك جەردى ساتىپ    الىپ، جۇنلى مەيمانحاناسىن اشىپ،قوجايىندىق ساپارىن باستايدى.

  2008-جىلى حان دىجۇن مەن  جۇبايى شاۋەشەك قالاسىنداعى شيانچياۋ قوناقجايىنىڭ اسحاناسىن كوتەرىپ الادى،ساۋداسى كۇننەن-كۇنگە كۇسەت  بولىپ، سول كەزدەرى شاۋەشەك قالاسىنداعى تۇرعىنداردىڭ باس قوسۋ، ۇيلەنۋ تويىن وتكىزەتىن نەگىزگى ورنى بولادى.

  2016-جىلى ول تاعى دا 3000 شارشى مەتردەن ارتىق جەردى يەلەيتىن شاۋەشەك قالاسىنىڭ دۋشيۋ مەيمانحاناسىنىڭ اسحاناسىن كوتەرىپ الىپ، وعان «جۇنحاۋيۇن» ءدامدى تاعامدار ورداسى دەپ ات قويىپ، تاماقتانۋ ورتاسى مەن تاماقتارىنىڭ ساپاسىن بارىنشا جوعارىلاتادى. سونىمەن بىرگە، حان دىجۇن  شاۋەشەك قالاسىندا تۇڭعىش رەت    اسحاناعا «4D» باسقارۋ ۇلگىسىن ەنگىزىپ، تازا دا رەتتى اسحانا ورتاسىن جاراتادى. دەنساۋلىقتى كۇتىمدەيتىن وزگەشە ەرەكشەلىككە يە سورپا-سۋلارى الىس-جاقىنعا تانىلىپ، اتىن ەستىپ، ارناۋلى ءدامىن تاتقالى  كەلەتىندەردىڭ اياعى  ۇزىلمەيتىن بولدى.

  كەزىندەگى بوز بالا ەندى تولىقسىپ ناعىز ەردىڭ جاسىنا كەلدى، كوزىنە كوزىلدىرىك سالعان ول كورۋ قۋاتىنىڭ السىرەگەنىنەن ارىنىن باسەڭدەتكەن جوق، قايتا ءتىپتى دە بيىك تۇرعىدا تىڭ بەلەستەرگە قۇلاش سەرمەدى.
سۋرەتتە:  4-ايدىڭ 26-كۇنى شا لي قىزمەتشىلەردىڭ جۇمىسقا شىعۋ جاعدايىن تەكسەرۋدە.
                                                                                        سۋرەتىن تارتقان ءتىلشىمىز ۋاڭ گاۋشىڭ
 
  سىرت ادامنان نەگىزگى مۇشەگە اينالۋ

  حان دىجۇن مەن جۇبايىنىڭ يگىلىكتى ءىس ىستەۋى شاۋەشەك مەيىربان  تيانشى ۇيىرمەسىنە قوسىلعاننان باستاۋ العان ەدى. بۇدان بۇرىن دا وقتا-تەكتە وتكىزىلگەن جىلۋ اتاۋ قيمىلدارىنا قاتىناسىپ جۇرەتىن، الايدا ازىن-اۋلاق تيىن-تەبەن اتاۋمەن عانا بولاتىن ەدى.

  2017-جىلى شاۋەشەك مەيىربان  تيانشى ۇيىرمەسىنىڭ ەرىكتىسى، جاقىن دوسى اليانىڭ ۇسىنىس ەتۋىندە  شا لي ەرىكتىلەرمەن بىرگە شاعانتوعاي اۋداندىق 1-باستاۋىش مەكتەپكە بارىپ، وتباسىندا قيىنشىلىعى بار وقۋشىلارعا ۇيرەنۋ بۇيىمدارىن تارتۋ ەتۋ قيمىلىنا قاتىناستى.

  شا لي ۇستىلەرىنە توزىعى جەتكەن كيىمدەرىن كيىنگەن بالالاردى كورىپ، ىشتەي قاتتى ازاپتانادى، اسىرەسە،شاشىن ورگەن قازاق قىزىنىڭ قاراقاتتاي كوزى مەن قايىرىلعان كىرپىگى، ءوڭ-تۇرقى كۇنى بۇگىنگە دەيىن ەسىنەن كەتپەدى.

  شا لي: «جاڭا سومكەنى ونىڭ قولىنا ۇستاتقانىمدا، ول بەينە ءبىر اسىل زاتقا يە بولعانداي قۇشاعىنا قىسىپ، بىرەۋ تارتىپ الاتىنداي جان-جاققا قاراپ، سىلاپ-سيپاۋمەن بولدى. ونان سوڭ، موينىمنان قۇشاقتاپ، بەتىمنەن ءسۇيدى، سول-اق ەكەن كوزىمنەن ىستىق جاس بۇرق ەتە ءتۇستى...» دەدى.

  سول رەتكى قيمىلدان قايتقان سوڭ، شا لي كورگەن-بىلگەندەرىن حان دىجۇنگە ايتتى. ەرلى-زايىپتى  ەكەۋى كەڭەسە كەلىپ، كومەككە ءزارۋ ادامعا كومەكتەسۋگە بەكىندى.
  سۋرەتتە: لوۋ ارتۇڭنىڭ ناۋقاستانىپ قالعانىن ەستىگەن شا لي وعان قورەكتىك قۋاتى جوعارى تاعام ازىرلەپ بەرۋدە.   سۋرەتتى دايىنداعان شا لي

   ساۋدا مەن يگىلىكتى ءىس ىستەۋدىڭ ەكەۋىن دە اقساتپادى

  حان دىجۇن مەن شا لي قانداي جۇمىس ىستەسە دە ەكەۋى اقىلداسىپ ىستەيتىن، يگىلىكتى ءىس ىستەۋدە دە سونداي ەدى، وسىنشاما كولەمدى ءدامدى تاعامدار ورداسىنىڭ قالىپتى تيجارات جۇرگىزۋىنە  كەپىلدىك ەتۋ ءۇشىن، ءتىپتى دە كوپ ۋاقىت پەن زەيىن-زەردەنى قاجەت ەتەدى، يگىلىكتى ءىس ىستەۋ ءۇشىن دە جەتكىلىكتى ۋاقىت كەرەك.

  ۋاقىت شىعارىپ قيمىلدارعا قاتىناسۋ  ءۇشىن، ەرلى-زايىپتى ەكەۋى اقىلداسىپ، كىشى-گىرىم ىستەردە يگىلىكتى ءىس ىستەۋگە جول بەرۋ، اسىقپايتىن ىستەردە يگىلىكتى ىستەرگە جول بەرۋ پرينسيبى بويىنشا ءار رەتكى قيمىلدا، ءسوزسىز، بىرەۋى  قاتىناسۋ، ونىڭ ۇستىنە، ءسوزسىز، كۇيىنىڭ كەلىسىنشە جۇمىستى تىندىرۋعا بەل بايلايدى. ولار وسىلاي ىستەمەكشى بولدى ءارى وسى بويىنشا ىستەدى.

  شاۋەشەك قالاسى دۋبەك ءمالى باسقارماسى دۋبەك الەۋمەتتىك اۋماعىنىڭ تۇرعىنى يۇي چاڭشيڭ بيىل 67 جاستا، 1984-جىلى شاۋەشەككە كەلىپ، كۇندىك ىستەپ كۇنەلتەتىن ەدى. يۇي چاڭشيڭنىڭ جاسى ەگدەلەپ قالعاندىقتان، ونىڭ ۇستىنە، اياعى كەزىندە مەرتىككەندىكتەن، قازىر اۋىر جۇمىس ىستەۋگە شاماسى كەلمەي قالعان ەدى.

  سونىمەن يۇي چاڭشيڭ شاراسىزدان جاراقسىز زاتتاردى تەرىپ كۇنەلتەدى.  الەۋمەتتىك اۋماق قىزمەتكەرلەرىنىڭ قامقورلىعىندا ول ەڭ تومەنگى تۇرمىستى قامتاماسىزداندىرۋدان يگىلىكتەندى ءارى ارزان باعادا مايعا بەرىلەتىن ۇيگە كوشىپ كىردى. تەرىپ اكەلگەن جاراقسىز زاتتاردى قوياتىن جەرى بولماعان سوڭ،ۇيىنە قوياتىن بولدى.

2015-جىلدان باستاپ شاۋەشەك   مەيىربان تيانشى ۇيىرمەسىنىڭ ەرىكتىلەرى بەلگىلى ۋاقىتتا ءبىر رەت يۇي چاڭشيڭنىڭ جاراقسىز زاتتارىن رەتتەسىپ جانە ساتۋىنا كومەكتەسەتىن بولدى.

  3-ايدىڭ 2-كۇنى حان دىجۇن مەن شا لي جانە ەرىكتىلەر يۇي چاڭشيڭنىڭ  ۇيىنە بارىپ، جاراقسىز زاتتارىن رەتتەپ بولعان سوڭ، حان دىجۇن ونىڭ ءۇيىن تۇبەگەيلى تازالاپ شىعۋدى، باسى ارتىق نارسەلەردىڭ بارلىعىن شىعارىپ تاستاۋدى ۇسىنىس ەتەدى، ەرىكتىلەر تاعى دا جىلۋ اتاپ، تازالىق ۇيىندەگى بۇزىلعان سۋ   تۇتىكشەسى، سۋ شۇمەگى، دارەت شەلەگى، توسەك سياقتىلاردىڭ بارلىعىن جاڭالاپ،  يۇي چاڭشيڭعا جاڭا كورپە، اياق كيىم جانە ءىش كيىم سياقتىلاردى ساتىپ الىپ  بەرەدى.

  يۇي چاڭشيڭ قاربالاستىققا تۇسكەن ەرىكتىلەردى كورىپ، ءبىر بۇرىشتا اسا  تاياعىنا سۇيەنىپ، ءۇنسىز كوز جاسىن سۇرتۋمەن بولدى...

  لوۋ ارتۇڭ شاۋەشەك قالاسى ارگۇڭ  قالاشىعى تومەنگى قاراۇڭگىر قىستاعىنىڭ   «بەستە قامدالاتىن» وتباسى، بيىل 76 جاسقا كەلگەن ول بۇرىننان جەر ۇيدە تۇراتىن ەدى. 2014-جىلدان باستاپ قىستا قار جاۋعان كۇنى شاۋەشەك مەيىربان تيانشى ۇيىرمەسىنىڭ ەرىكتىلەرى لوۋ ارتۇڭنىڭ ۇيىنە بارىپ قارىن كۇرەپ  بەرەدى. لوۋ ارتۇڭ ناۋقاستانىپ شيپاحاناعا جاتىپ قالعاندا، كوپشىلىك كەزەكپەن وعان قارايتىن، وسى بارىستا حان دىجۇن مەن ونىڭ جۇبايى دا بەلسەنە ات سالىسقان ەدى. بىلتىر قىستا ولار لوۋ ارتۇڭعا 2 توننا  كومىر ساتىپ  الىپ بەردى.

  4-ايدىڭ 6-كۇنى لوۋ ارتۇڭ    ناۋقاستانىپ قالدى. شا لي قاريانىڭ ۇيىنە  بارىپ بەتىن جۋىپ، شاشىن تاراپ، تاماعىن بەرىپ، بالاشا الداپ، كوڭىلىن اۋلايدى. بۇل كۇندە لوۋ ارتۇڭ شا ليدان ايرىلا المايتىن بولىپ قالدى، بىرنەشە كۇن كورمەسە  ارناۋلى تەلەفون سوعىپ، شا ليدى ۇيگە  شاقىرتاتىن بولدى...

  شاۋەشەك مەيىربان تيانشى ۇيىرمەسىنىڭ جاۋاپتىسى شۋە ليان: «حان اعا مەن  شا لي اپەكە ۇيىرمەمىز ءۇشىن كوپ كۇش شىعاردى، ءار رەتكى جىلۋ جيناۋ قيمىلىندا ولار ۇنەمى ەڭ الدىمەن ات سالىسادى. سىرتقا شىعىپ قيمىل وتكىزەتىن كەزدە  اۆتوكولىك، ادام شىعارۋدان تىس، ءوزىمىزدى دە قاعىس قالدىرماي، كوپتەگەن ءتاتتى تاعام جانە سۋسىنمەن قامداپ، بارلىعىمىزدى رازى  ەتەدى، مۇنىسىنا تەبىرەنبەي تۇرا المايسىز» دەدى.

  «بولىمسىز بولسا دا جاقسىلىق ىستەۋدەن قاشپا، ەلەۋسىز بولسا دا جاماندىق ىستەۋگە باسپا» دەگەن جوسىن بار. شاۋەشەك  مەيىربان تيانشى ۇيىرمەسىندە حان دىجۇن مەن جۇبايى مەيلى، ادامدىق ءمورال  جاعىندا بولسىن، الدە ناقتىلى ءىس تىندىرۋ جاعىندا بولسىن، بارلىعى ەرىكتىلەرگە  ايان، سوندىقتان ولاردى قۇرمەتتەپ حان اعا، شا لي اپەكە دەپ شاقىراتىن بولعان.

  قازىر حان دىجۇن مەن جۇبايىنىڭ  ساۋداسى كۇننەن-كۇنگە كۇسەت بولا   ءتۇستى، يگىلىكتى ىستەرمەن شۇعىلدانعان   ۋاقىتى تىم ۇزاق بولماعانىمەن، ەرىكتىلەردىڭ كوكەيىندە ولار جەلبىرەگەن تۋ جانە ۇيرەنۋ ۇلگىسىنە اينالعان ەدى.

  ءبىر جىلدان ارتىق ۋاقىتتان  بەرى حان دىجۇن مەن جۇبايىنىڭ جىلۋعا اتاعان اقشاسى مەن زاتىنىڭ قۇنى 20 مىڭ يۋاننان اسىپ، ءتۇرلى يگىلىكتى ىستەرگە 20 رەتتەن ارتىق قاتىناسىپ، جەتىم-جەسىر قارتتار مەن تۇرمىسىندا قيىنشىلىعى بار 11 ادامعا  كومەكتەستى.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn