ءتىلشىمىز داي جياۋمەي حابارلايدى. 4-ايدىڭ 27-كۇنى اكىمشىلىك مەكەمەسى كەدەيلىكتەن ارىلتۋدان قامال الۋ ارناۋلى تاقىرىپتىق ءماجىلىسىن اشتى. ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات جارمۇحامبەت ءماجىلىستى باسقاردى.
ءماجىلىس اۆتونوميالى رايوندىق پارتكومنىڭ تۇراقتى كوميتەت القاسى اشقان كەدەيلىكتەن ارىلتۋدان قامال الۋعا ارناۋلى شارلاۋ جۇرگىزۋدەن اڭىس ەتىلگەن ماسەلەلەر بويىنشا رەتتەۋ-تۇزەتۋ تاقىرىپتىق دەموكراتيالىق تۇرمىس جيىنى رۋحىن جەتكىزدى، ۇيرەندى. ايماقتىڭ 2019-جىلعى مەملەكەتتىك كەدەيلىكتەن ارىلتۋدان قامال الۋ سيلىعىن باعالاۋ، كورسەتۋ جوباسى جونىندە، «تارباعاتاي ايماعىنىڭ كەدەيلىكتەن ارىلتۋدان قامال الۋدا ‹كاسىپتى مىقتى يگەرۋ، جۇمىستانۋدى جەبەۋ، ارتۋدى ورنىقتىرۋ› بەكەمدەۋ، دارەجەسىن جوعارىلاتۋ قىزمەتىن اتقارۋ جوباسى» جونىندە تۇسىنىك جاساپ، اقسۋ، حوتان، قاشقار ايماقتارىنىڭ كەدەيلىكتەن ارىلتۋدان قامال الۋ قىزمەتىنىڭ جاعدايىن حابارلاندىردى.
ءماجىلىس مىنالاردى اتاپ كورسەتتى: كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ ــ جالپى حالىقتىڭ ورنىقتىلىق، رەفورما، دامۋ جەتىستىكتەرىنەن تەڭ يگىلىكتەنۋىن قامتاماسىزداندىرىپ، بىرلىكتە اۋقاتتانۋدى جۇزەگە اسىرۋىنىڭ ماڭىزدى شاراسى، كاسىپ سالاسى ارقىلى كەدەيلەردى سۇيەمەلدەۋ_ كەدەي بۇقارانىڭ كىرىسىن ءۇرتىس، ورنىقتى ارتتىرۋدىڭ ءونىمدى جولى ءارى كەدەيلىكتەن ارىلتۋدان قامال الۋ شايقاسىنىڭ ستراتەگيالىق ءتۇيىنى جانە ماڭىزدى مىندەتى. اۋدان-قالالار مەن تاراۋلار ءىس جۇزىندىكپەن ۇشتاستىرا وتىرىپ كاسىپتى تاڭداپ، كاسىپ نىساندارىن مىقتى يگەرىپ، جۇمىستاندىرۋ بويىنشا تاربيەلەۋدى مىقتى يگەرىپ، ەرەكشە كاسىپتەردى ويداعىداي جەتىلدىرىپ، قولداۋ كورسەتۋ تەبىنىن ارتتىرىپ،كەدەيلەردى سۇيەمەلدەپ، كەدەيلەرگە پايدا جەتكىزەتىن مۇددەنى بايلانىستىرۋ مەحانيزمىندە ۇزدىكسىز جاڭالىق جاراتىپ جانە ونى كەمەلدەندىرىپ، «قوس جاقتان جوعارىلاتۋ،قوس جاقتان يگىلىكتەندىرۋ» ونىمدىلىگىنە جەتۋ كەرەك.
ءماجىلىس مىنالاردى باسا دارىپتەدى: قامال الۋ نىسانىن كوزدەپ،كەدەيلەردى دالمە-ءدال سۇيەمەلدەۋدە تاباندى بولىپ،«التى دالمە-ءدال»،«جەتى ءبىر توپ»،«ۇشتە سەرپىندى ارتتىرۋ»، «بىرمەن تىعىز ۇشتاستىرۋ» دى تياناقتاندىرىپ، نازاردى ولقىلىقتاردى تولىقتاۋعا شوعىرلاندىرا وتىرىپ ءىس جۇزىندىك ونىمدىلىكتى ايگىلەپ، كەدەيلىكتەن ارىلعان جۇرتشىلىقتىڭ يدەيالىق تانىمىندا تىڭ جوعارىلاۋ،تۇرمىس دەڭگەيىندە تىڭ كوتەرىلۋ، رۋحاني بەينەسىندە تىڭ وزگەرىس بولۋىنا كەپىلدىك ەتۋ. رەتتەۋ-تۇزەتۋدى تياناقتاندىرىپ، قۋزاۋ-تەكسەرۋدى كۇشەيتۋ كەرەك.
ءماجىلىس مىنالاردى تالاپ ەتتى: ساياسي دەڭگەيدى جوعارىلاتىپ،ساياسي جاۋاپكەرشىلىكتى ناقتىلاندىرىپ، جاپپاي رەتتەۋ-تۇزەتۋگە كەپىلدىك ەتىپ، «ەكىدەن تارىقتىرماۋ، ءۇشتى قامتاماسىز ەتۋ» دى قاداعالاپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ كەرەك. يدەيالىق تانىمدى جوعارىلاتىپ، قىزمەت ءتۇيىنىن يگەرىپ، قىزمەت جاۋاپكەرشىلىگىن ناقتىلاندىرىپ، كەدەيلىكتەن ارىلتۋدان قامال الۋ قىزمەتىنىڭ جوسپار بويىنشا تارتىپپەن ىلگەرىلەۋىنە كەپىلدىك ەتۋ كەرەك.
اكىمشىلىك مەكەمەسىنىڭ ورىنباسار ۋاليى بەي حاي، نيڭ دۇڭشىڭ، سونداي-اق ايماققا توتە قاراستى قاتىستى تاراۋلاردىڭ جاۋاپتى جولداستارى ماجىلىسكە قاتىناستى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى