شۋە بين شاۋەشەك قالاسىندا تەكسەرۋ-زەرتتەۋ جۇرگىزدى

4-ايدىڭ 29 -كۇنى شۋە بين شاۋەشەك پويەز بەكەتىندە قۇرىلىستىڭ اياق الىسىن ۇعىسۋدا.
 

  ءتىلشىمىز چىن ۋىن حابارلايدى. 4-  ايدىڭ 29-كۇنى ايماقتىق پارتكومنىڭ شۋجيى شۋە بين شاۋەشەك قالاسىندا ساياحات-شەكارا ساۋداسى، قالا قۇرىلىسى، قارامايلى-شاۋەشەك تەمىر جولى سياقتى  قىزمەتتەرگە تەكسەرۋ-زەرتتەۋ جۇرگىزدى.

  باقتى وتكەلىندە شۋە بين جۇڭگو-   قازاقستان شەكارا حالىقتارى كۇندەلىكتى ساۋدا بازارىنىڭ جىبەك جولى مادەنيەت  تاۋارلارى قالاشىعى جانە ساۋدا بازارىنىڭ قۇرىلىس مايدانىنا بارىپ، جۇڭگو-قازاقستان شەكارا حالىقتارى كۇندەلىكتى ساۋدا بازارىنىڭ ىلگەرىلەۋ جاعدايىن جانە قۇرىلىس قارقىنىن ەگجەي- تەگجەيلى ۇعىسىپ، باقتى وتكەلىنىڭ ساياحاتقا قىزمەت وتەۋ ورتالىعىنىڭ جوباسى مەن ورنىن تاڭداۋ جاعدايىن ناق مايداندا ۇعىستى. 2017-جىلى 8-ايدا باقتى وتكەلى اۆتونوميالى رايون جاعىنان شەكارا حالىقتارى كۇندەلىكتى ساۋداسىنىڭ تيپىن وزگەرتىپ دامىتۋدان  ۇلگى كورسەتەتىن وتكەل بولىپ تۇراقتانعاننان بەرى، شاۋەشەك قالاسى شەكارا  حالىقتارى كۇندەلىكتى ساۋداسىنىڭ تيپىن وزگەرتىپ دامىتۋعا قاتىستى ءتۇرلى قىزمەتتى جەدەل ىلگەرىلەتىپ، 2019-جىلى 1-دارەجەلى ساۋدا بازارى مەن 2- دارەجەلى ساتىپ الۋ بازارىنىڭ ءبىرىنشى مەرزىمدىك قۇرىلىسى نىسانىن باستادى، مۇنىڭ ىشىندە، جىبەك جولى مادەنيەت تاۋارلارى ورتالىعى ءبىرىنشى مەرزىمدىك قۇرىلىستاعى وزەكتى قۇرىلىس سانالىپ، كەزەكتە ءتۇرلى   قۇرىلىستارى ءتارتىپتى جۇرىلۋدە ەكەن.

  شۋە بين مىنالاردى اتاپ كورسەتتى:    شەكارا وتكەلى _ ايماعىمىزدىڭ سىرتقا باعىتتالعان ەكونوميكانى دامىتۋداعى قامال الۋ ءتۇيىنى، «ءبىر بەلدەۋ، ءبىر جول» قۇرىلىسى ورايىن بەلسەنە مىقتى يگەرىپ، شەكارانى گۇلدەندىرۋ مەن حالىقتى اۋقاتتاندىرۋدىڭ، ەسىك اشۋدى كەڭەيتۋ مەن شەكارانىڭ  ورنىقتىلىعىن قورعاۋدىڭ قاتىناسىن ءبىرتۇتاس جاقسى ويلاستىرىپ، شەكارا وتكەلدىڭ ورىن ابزالدىلىعىن تولىق ساۋلەلەندىرىپ، ولقىلىقتاردى تولىقتاپ، ومىرشەڭدىك قۋاتىن قاۋلاتىپ، شەكارا حالىقتارى كۇندەلىكتى ساۋدا بازارىن، شەكارا ساياحاتىن دامىتۋدى ءتۇيىندى مىقتى ۇستاپ، شەكارا بويىنا  ورنالاسقان ابزالدىلىقتى ەكونوميكالىق    ابزالدىلىققا، دامۋ ابزالدىلىعىنا قۇلشىنا    اينالدىرۋ كەرەك.

  شۋە بين مىنالاردى تالاپ ەتتى: قۇرىلىس جۇرگىزەتىن نەگىزگى تۇلعالىق ورىندارى   نىسان قۇرىلىسىن مىقتى ۇستاپ، قۇرىلىستىڭ ساپا وتكەلىن قاتاڭ يگەرىپ، ۋاقىت كەزەڭى بويىنشا قۇرىلىس قارقىنىن جەدەلدەتىپ، شەكارا حالىقتارى كۇندەلىكتى ساۋدا رايونىنىڭ ۋاعىندا پايدالانۋعا بەرىلۋىنە كەپىلدىك ەتۋ كەرەك. وتكەلدەگى ءارقايسى ورىندار قىزمەتتىڭ    بىرىككەن كۇشىن قالىپتاستىرىپ،قىزمەت وتەۋ دەڭگەيىن جوعارىلاتىپ، ءتىپتى دە قولايلى، ىركىلىسسىز وتكەلدەن ءوتۋ ورتاسىن ازىرلەۋ كەرەك. وتكەلدىڭ ءىس جۇزىندىگىمەن ۇشتاستىرا وتىرىپ، مەملەكەت بەرگەن ابزال ساياساتتاردان ۇتىمدى، جاندى پايدالانىپ، شەكارا حالىقتارى كۇندەلىكتى ساۋداسىنىڭ گۇلدەنۋىن، دامۋىن جۇزەگە اسىرۋ كەرەك.

  شۋە بين تارباعاتاي وڭتۇستىك جولىنداعى زوگۇڭ كولى ەكولوگيالىق ورتانى جاقسارتۋ نىسانىنىڭ قۇرىلىس مايدانىنا بارىپ، شاۋەشەك قالاسىنىڭ قالا قۇرىلىسى، وزەن ارناسىن جونگە سالۋ، قالانى جاسىلداندىرۋ، كورىكتەندىرۋ سياقتى قىزمەتتەر جونىندەگى دوكلاتىن تىڭداپ، كەلەسى قادامداعى قىزمەتتى جاقسى ىستەۋ جونىندە جەتەكشى پىكىرىن ورتاعا قويدى. زوگۇڭ كولى ەكولوگيالىق ورتانى جاقسارتۋ نىسانى _ شاۋەشەك قالاسىنىڭ  وڭتۇستىككە قاراي دامۋىنىڭ قوزعاۋشى   كۇشى، قالانىڭ بەت-بەينەسىن ايگىلەيتىن جەر بەلگىسى سيپاتىنا يە نىسان. سونىمەن بىرگە، شاۋەشەك قالاسى بيىل ولكە جولى 221-لەنياسىنىڭ قالا رايونىنداعى بولەگىن جاڭالاۋدى نەگىز ەتكەن قالا رايونى جولى قۇرىلىسىن جانە ۇلاستاي وزەنىنىڭ ارناسىن جونگە سالۋدى ءتۇيىن ەتكەن وزەن ارناسىن جونگە سالۋ نىسانى سەرپىنىن ارتتىرماقشى.

  شۋە بين مىنالاردى باسا دارىپتەدى:     شاۋەشەكتىڭ تاماشا ەكولوگيالىق ورتاسى مەن كوپ نەگىزدى مادەنيەتىن تايانىش ەتە      وتىرىپ، جاراتىلىستىق شارت-جاعدايى، تاريحي مادەنيەت نەگىزى جانە قوعامدىق  گۋمانيتارلىق ورتاسىن ۇشتاستىرىپ، قالانىڭ   دارەجەسىن جاپپاي جوعارىلاتىپ، ءار ۇلت بۇقاراسىنىڭ قالا ورتاسىن وڭاۋ دارەجەسىن ءوسىرۋ جاعىنداعى تابىس سەزىمى مەن ريزالىق دارەجەسىن شىن مانىندە جوعارىلاتۋ   كەرەك. قالانى جاسىلداندىرۋ، كورىكتەندىرۋ قىزمەتىن ءبىر جۇيەلى ينجەنەريا رەتىندە مىقتى يگەرىپ، عىلىمي  جوبالاپ، ءبىرتۇتاس    قۇرىپ، جاسىلداندىرۋدى، تازارتۋدى     كورنەكتىلەندىرىپ، جارىقتاندىرۋعا، كورىكتەندىرۋگە دە ءمان بەرۋ كەرەك. وزەن ارناسىن جونگە سالۋدا تابيعي بولۋ،ەكولوگياعا ءمان بەرۋ ۇستانىمىن ايگىلەپ، وزەننەن    بارىنشا جاقسى پايدالانىپ، تابيعي سۋ جولىن مۇمكىندىگىنشە ساقتاۋ كەرەك. سونىمەن بىرگە، الەۋمەتتىك قىزمەت وتەۋ قۇرىلعىلارى قۇرىلىسىن مىقتى ۇستاپ قالانىڭ كوز تارتار كورىنىس جەلىسىن جاراتۋ كەرەك.

  شاۋەشەك پويەز بەكەتىنىڭ قۇرىلىسى     اياقتالۋعا تاياپ، بەكەت الدىنداعى الاڭ جانە سايكەستى قۇرىلعىلار قۇرىلىسى جەدەل     ءجۇرىلىپ، قۇرىلىس مايدانى قاربالاس كۇيگە تۇسكەن. قارامايلى-شاۋەشەك تەمىر جولى شاۋەشەك پويەز بەكەتىنىڭ قۇرىلىس مايدانىندا شۋە بين قۇرىلىس اترەتى قوسىنىنان حال سۇراپ، قۇرىلىستىڭ ءجۇرىلۋ جاعدايى جونىندەگى دوكلاتتى تىڭدادى ءارى قۇرىلىس  مايدانىنا بارىپ، نىسان جوباسى، قۇرىلىستىڭ ىلگەرىلەۋ جاعدايى، قۇرىلىستىڭ مەرزىم    بويىنشا ورىندالۋى سياقتىلاردى كوزدەن    كەشىردى.

  شۋە بين مىنالاردى اتاپ كورسەتتى:     قارامايلى-شاۋەشەك تەمىر جولىنا پويەز قاتىناۋى _ ءار ۇلت بۇقاراسى اسىعا كۇتكەن، قوعامداعى ءار سالا بارىنشا نازار اۋدارعان كەلەلى ءىس، كەزەكتە ينجەنەريا قۇرىلىسى شەشۋشى كەزەڭگە ءوتتى. نىسانعا جاۋاپتى   ورىن مەن قۇرىلىس جۇرگىزەتىن ورىن  جاۋاپكەرشىلىك سەزىمدى، كوكەي تەستىلىك سەزىمدى اناعۇرلىم كۇشەيتىپ، قۇرىلىستىڭ شەكتى مەرزىمىن بەلگىلەپ، ساپاسى مەن  حاۋىپسىزدىگىنە كەپىلدىك ەتۋ العى شارتى استىندا نىساننىڭ ۋاعىندا ورىندالۋىنا كەپىلدىك ەتۋى؛ ءارقايسى قاتىستى تاراۋلار نىسان   قۇرىلىسى بارىسىندا ساقتالعان ماسەلەلەر مەن قيىنشىلىقتاردى بەلسەنە سايكەستىرىپ شەشىمدەپ، قارامايلى-شاۋەشەك تەمىر جولىنا   ۋاعىندا پويەز قاتىناۋىنا ريزا بولارلىق جاۋاپ قايتارۋى كەرەك.

  ايماق باسشىلارىنان چىن جيانگو،  جاڭ ياۋحۋا، نيڭ شۋەسۇڭ، ما شۋە-ۋ جانە ايماقتىق پارتكوم شتات كەڭسەسى، ايماقتىق دامۋ-رەفورمالاۋ كوميتەتى، تۇرعىن ءۇي جانە قالا-اۋىل قۇرىلىسى مەكەمەسى، وتكەل كوميتەتى، شەكارا سەلبەستىك رايونى، شاۋەشەك كەدەنى سياقتى ورىنداردىڭ جاۋاپتى جولداستارى تەكسەرۋ-زەرتتەۋدە بىرگە بولدى جانە قاتىستى تەكسەرۋ-زەرتتەۋگە قاتىناستى.



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى