ەەڭ جاڭا مازمۇندار
شاعانتوعاي اۋدانىنىڭ 150 مىڭ مۋلىق ماقسارىسى كوركەم كورىنىسكە اينالدى
شيحۋ توراڭعى ورمانى سۋ ءۇستى باقشاسى ءسىزدى جازدى كوڭىلدى وتكىزۋگە شاقىرادى
ءسىز اڭساعان جاز كەلبەتى وسىندا
شينجياڭعا كومەكتەسۋ بارىسىندا ءومىرىن ارلەندىرە ءتۇستى
بۇقارانىڭ كوڭىل تۇپكىرىنەن ورىن الدى
الۋان ءتۇر، اسقاق كوڭىلمەن مەرەكەنى قارسى الدى
شاۋەشەك قالاسى شارلاپ تەكسەرۋدىڭ كولەمىن اتىز باسىنا دەيىن كەڭەيتتى
وقۋ-اعارتۋ ىستەرىنە تاباندى بولىپ، شۇعىلالى تابىستارعا قول جەتكىزدى
ەڭ سۇيىكتى ءورت ءوشىرۋشى
پارتيا قۇرىلىسىنىڭ نەگىزگى كاسىبىن مىقتى يگەرىپ، جاۋىنگەرلىك قامالدى بەكەمدەيىك
ازىق-تۇلىك حاۋىپسىزدىگى وتكەلىن
ماڭايىمىزداعى كوركەمونەرشىلەرمەن تانىسايىق
ايماعىمىزدىڭ الدىڭعى جارىم جىلداعى جۇمىستاندىرۋ جاعدايى ورنىقتى ارتتى
چىن چۋانگو ۇرىمجىدە كاسىپورىنداردىڭ ءوندىرىس،تيجارات جاعدايىنا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
شاۋەشەك قالاسى 90 ميلليون يۋان قارجى قوسىپ،50 كيلومەتر ۇزىندىقتاعى جىلۋمەن قامداۋ قۇبىر تورابىن جاڭالادى
«جاقسى ىستەپ، تىپتى دە جوعارى ەڭبەكاقى الۋعا كۇش سالامىن»
قۇرىلىم رەفورماسىنىڭ جاڭا جاعدايىن بارشا جۇرت القادى
ىنتا-پەيىلىمەن كۇش سالا قىزمەت وتەدى
مەيىرگە تولى جانۇيا قۇردى
ەكولوگيالىق ورتاسى كوركەم سۋرەتتەي شاعانتوعاي
شاۋەشەكتە باس قوسىپ، اككوردەون مەرەكەسىنەن ءلاززاتتانايىق
شاعانتوعاي اۋدانىندا ماقسارى گۇل اشىپ، شارۋالار شاتتىققا شومدى
ءبيدايعا وراق سالىندى
تاربيە ايىندا ستيل تازارتۋ قيمىلى تەبىندى ورىستەتىلدى
اۋقاتتانۋ شەبەرلەرى شارۋالار شاتتىعى ساياجايىن اشىپ، قىستاق تۇرعىندارىءوز جەرلەرىندە كاسىپتەندى
تيانشان جابايى قىزىل بۇعىسى بايقالدى
كوشە جاڭالانىپ، قالا شت-جاڭا بەينەگە ەندى
نازاردى باس نىساناعا شوعىرلاندىرىپ، قۇرىلىم رەفورماسىن تەرەڭدەتۋ جەتىستىكتەرىن بەكەمدەپ، رايونىمىزدىڭ رەفورمانى جاپپاي تەرەڭدەتۋىنىڭ ىشكەرىلەي دامۋىن ىلگەرىلەتۋ كەرەك
تولى مىنە وسىنداي كوركەم
«ولار ءبىزدىڭ ۇيرەنەتىن ۇلگىمىز»

قالتامىز قامپايىپ، تۇرمىسىمىز جاقسارا ءتۇستى

جولدانعان ۋاقىتى : 2019/5/6 13:37:52

-قوبىقسارى اۋدانى تەكپىسۋ اۋىلى شاعانادىر قىستاعىندا تۇيىندەپ قىزمەت ىستەۋدەن مالىمەت

قىزمەت اترەتى كەدەي وتباسىلارىنا جۇمىرتقا اپارىپ بەرۋدە. سۋرەتپەن قامداعان قىزمەت اترەتى
 
   ءتىلشىمىز سۇڭ جيانلياڭ، ەرىكتى   ءتىلشى ليۋ پانپان

  «قىستاق كوركەيىپ، قالتامىز قامپايىپ، كوڭىلىمىز ورنىقتى» دەيدى ەكى جىلدان بەرگى قىستاقتىڭ وزگەرىسىن تىلگە تيەك ەتكەن قوبىقسارى موڭعۇل اۆتونوميالى اۋدانى تەكپىسۋ اۋىلى شاعانادىر قىستاعىنداعى ساقا پارتيا مۇشەسى جاۋكەن بەمبۇجاپ قۋانىشتى بەينەدە. قىستاقتاعى ەگىنشى-مالشىلار قامپايعان قالتالارىن كورسەتىپ، باسبارماقتارىن شىعارىپ، مەملەكەت ەلەكتر تورابى تارباعاتاي ەلەكترمەن قامداۋ سەرىكتىگىنىڭ قىستاقتا تۇراتىن قىزمەت اترەتىندەگى مۇشەلەرگە العىستارىن جاۋدىردى.

  2017-جىلدان بەرى قىزمەت اترەتى سەلبەستىك كووپەراتيۆىن قۇرۋ، كوللەكتيۆ شارۋاشىلىقتى ۇلعايتۋ، باسقا سالاعا ويىستىرىپ جۇمىسقا ورنالاستىرۋ سياقتى  تاسىلدەر ارقىلى قىستاق كوللەكتيۆ شارۋاشىلىعى 35 مىڭ يۋاننان 240 مىڭ  يۋانعا ارتىپ،  كەدەي وتباسىلارىنىڭ جان باسىندىق ورتاشا كىرىسى 3000 يۋاننان اسقان.

  دامۋدى جەبەۋگە جەدەل كىرىستى

  شاعانادىر قىستاعى مال شارۋاشىلىق  قىستاعى. تۇتاس قىستاقتا 125 ەگىنشى-مالشى وتباسى، 346 جان سانى بار. 2014-جىلى بۇل قىستاق اۆتونوميالى رايون دارەجەلى كەدەي قىستاق بولىپ تۇراقتانعاننان كەيىن، مەملەكەت ساياساتىنىڭ سۇيەمەلدەۋىندە تۇتاس قىستاقتاعى 36 كەدەي وتباسى 2015-جىلدىڭ سوڭىندا تۇگەلدەي كەدەيلىكتەن ارىلىپ، 2018-جىلدىڭ سوڭىندا تۇتاس قىستاقتاعىلاردىڭ جان باسىندىق ورتاشا كىرىسى 22 مىڭ 400 يۋانعا جەتتى.

  مەملەكەت ەلەكتر تورابى تارباعاتاي ەلەكترمەن قامداۋ سەرىكتىگىنىڭ شاعانادىر قىستاعىندا تۇراتىن قىزمەت اترەتىنىڭ ءبىرىنشى شۋجيى، قىزمەت اترەتىنىڭ باستىعى ياڭ شيچىڭ: «قىستاعىمىزدىڭ كەدەيلىكتەن ارىلتۋدان قامال الۋ قىزمەتىنىڭ ءتۇيىنى كىرىستى ارتتىرىپ، قايتادان كەدەيلەسۋدەن ساقتانۋ. بۇل قىزمەتتى جاقسى ىستەۋ ءۇشىن ءبىر جاعىنان نەگىزگى ساتىنىڭ ۇيىمدىق باسشىلىعىن كۇشەيتىپ، نەگىزگى ساتى پارتيا باسشىلىق ۇيىمىنىڭ ‹تايانىش› رولىن ساۋلەلەندىرىپ، ەگىنشى-مالشىلاردى ءبىر نيەتپەن سەلبەسىپ دامۋدى كوزدەپ، اۋقاتتانىپ، كىرىسىن ارتتىرۋعا جەتەكشىلىك ەتۋدى قاجەت ەتسە؛ ەندى ءبىر جاعىنان حالىق جاعدايىن ۇعىسىپ، حالىق اۋانىن تىڭداپ، جەرلىك جاعدايعا قاراي دامۋ جولىن دالمە -ءدال قاراستىرىپ، ەگىنشى-مالشىلاردىڭ يدەياسىنا، كوزقاراسىنا بۇرىلىس جاساۋىنا كومەكتەسىپ، ءتۇرلى جولدارمەن كىرىستەرىن ارتتىرىپ، اۋقاتتانۋدى جۇزەگە اسىرۋدى قاجەت ەتەدى» دەدى.

  كەدەيلىكتەن ارىلتۋدان قامال الۋ قىزمەتىن ورىستەتۋ ءۇشىن، مەملەكەت ەلەكتر تورابى تارباعاتاي ەلەكترمەن قامداۋ  سەرىكتىگى ساياسيلىعى كۇشتى، ستيلى ورنىقتى،جالپىلىق قۋاتى مىعىم 5 كادردى قىستاقتا تۇرۋعا تاڭداپ جىبەرەدى. سونداي-اق قىستاق پارتيا ياچەيكاسىنىڭ قىستاق كادرلارىنىڭ «ساپا ينجەنەرياسىن» اتقارۋىنا كومەكتەسىپ، قىستاق «ەكى كوميتەتىنىڭ» كەدەيلىكتەن ارىلتۋدان  قامال الۋداعى ماڭىزدى،قيىن تۇيىندەردى اداقتاۋىنا سەلبەسۋمەن بىرگە كەدەيلىكتەن ارىلتۋدان قامال الۋ قىزمەتىنىڭ ناقتى شارالارىن بىرگە بەلگىلەدى.

  سونىمەن ءبىر ۋاقىتتا، «پارتيا مۇشەلەرى سەلبەستىك كووپەراتيۆىنە كىرۋ، باعىمشىلىقپەن شۇعىلداناتىن ءىرى وتباسىلارى پارتيا ۇيىمىنا كىرۋ، پارتيا ۇيىمى سەلبەستىك كووپەراتيۆتىڭ جۇيەلى اينالىمىن جەبەۋ، سەلبەستىك كووپەراتيۆى ەگىنشى-مالشىلاردىڭ كىرىسىن ارتتىرىپ، اۋقاتتانۋىن جەبەۋ» سىندى قىزمەت وي جەلىسىنەن پايدالانىپ، پارتيا ۇيىمىن كاسىپ تىزبەگىنە ۇلاستىرىپ، اۋقاتتانۋ شەبەرلەرى مەن پارتيا مۇشەلەرى اراسىنداعى قوس باعىتتا تاربيەلەۋدى ىلگەرىلەتتى.

  ەگىنشى-مالشىلاردىڭ اۋقاتتانۋ وي جەلىسىن كەڭەيتۋىنە كومەكتەسۋ جاعىندا قىزمەت اترەتى ىرىقتىلىقپەن دانەكەر  بولىپ، قىستاق كادرلارى مەن كەدەي   وتباسى ۋاكىلدەرىن تالاي رەت سانجى حۇيزۋ اۆتونوميالى وبلىسى، ماناس اۋدانى، شاۋەشەك قالاسى سياقتى جەرلەرگە بارىپ باعىمشىلىق تەحنيكاسىن ەكسكۋرسيالاپ، ۇيرەنىپ، كوزقاراستارىنا بۇرىلىس جاساۋعا ۇيىمداستىرىپ، ەگىنشى-مالشىلاردىڭ اۋقاتتانۋىنا جەبەدى. ەكسكۋرسيالاۋ، ۇيرەنۋدەن كەيىن كوپتەگەن ەگىنشى-مالشى اۋقاتتانۋ ويىنا   كەلىپ، قىزمەت اترەتىنىڭ كومەگىندە جاڭا ويلارى بىرتىندەپ رەالدىققا اينالدى.

  شاعانادىر قىستاعى پارتيا ياچەيكاسىنىڭ شۋجيى دانمۇرىنجاپ سۇگىرجاپ: «قىزمەت اترەتى كەدەيلەسۋ سەبەبىن  تابۋىمىزعا كومەكتەسىپ، ەگىنشى-مالشىلاردى باستاپ تەكسەرۋ جۇرگىزىپ، ولاردى تاربيەلەدى ءارى ءىس جۇزىندىك جاعدايعا ۇشتاستىرىپ، ۋاقىتى قىسقا، ونىمدىلىگى تەز اۋقاتتانۋ جولدارىن قاراستىردى. قازىر كوپشىلىك بارلىق زەيىن-زەردەسىن كىرىستەرىن  ارتتىرىپ، اۋقاتتانۋعا اۋداردى» دەدى.

  بۇدان سىرت، مەملەكەت ەلەكتر تورابى تارباعاتاي ەلەكترمەن قامداۋ سەرىكتىگى «ۇلتتار ىنتىماعىنىڭ بەرەكەلى شاڭىراعى» سياقتى قىزمەتتەرگە بىرلەستىرە وتىرىپ، مەكەمەدەگى تۋىس بولعان 36 كادر   تۇگەلدەي ات سالىسىپ، جۇپ قۇراپ   كومەكتەسىپ، جان-جاقتىلى امال قاراستىرىپ،كۇش توپتاپ، كومەكتەسۋ-سۇيەمەلدەۋ قىزمەت جەلىسىن قالىپتاستىردى.
 

كەدەي وتباسى تاۋىق باعىمشىلىعى سەلبەستىك كووپەراتيۆىندە قىزمەتتە. سۋرەتپەن قامداعان قىزمەت اترەتى
 
 ناقتىلى ونىمدىلىككە قول جەتكىزىپ، كىرىستى ارتتىرۋعا كۇش سالدى

  حالىققا كومەكتەسىپ، كىرىستى ارتتىرۋ جاعىندا «شىنايىلىقتى» ماڭداي الدى ورىنعا قويۋدان جازباي، ەگىنشى-مالشىلاردىڭ باعىمشىلىق ارناسىن كەڭەيتىپ، 7000 نان استام تاۋىق، ۇيرەك باعىپ، 5 ەگىنشى-مالشىنى جۇمىسقا ورنالاسۋعا باستاپ،  ءاربىر ادام ايىنا 2000 يۋاننان استام   كىرىس كىرگىزدى. الايدا، ءۇي قۇستارى باعىمشىلىعىن العاش باستاعان كەزدە ءساتتى بولمادى.

  ياڭ شيچىڭ: «شاعانادىر قىستاعىنىڭ جاراتىلىستىق ورتاسى جاقسى،بىلعانىش جوق،باعىمداعى تاۋىقتاردا ەرەكشە شارت-جاعداي بار. الايدا، ەگىنشى-مالشىلار ءۇي قۇستارىن باعۋ تاجىريبەسى بولماسادا بۇل ىسكە نازار اۋدارۋ پوزيتسياسىن ۇستاندى. بۇل ءبىزدىڭ قۇلشىنۋىمىز ارقىلى ەگىنشى-مالشىلاردىڭ سەنىم ورناتۋىنا مۇمكىندىك جاساۋىمىزدى قاجەت ەتەدى» دەدى.

  2017-جىلى قىزمەت اترەتى مەن قىستاق پارتيا ياچەيكاسى باعىمشىلىق سەلبەستىك كووپەراتيۆىن قۇرىپ،1500 دالا تاۋىعىن ەنگىزىپ، ونى قىزمەت    اترەتىنىڭ 5 مۇشەسى كەزەكتەسىپ باعادى. ءبىراق بارىنشا باعىپ قورعاسادا شوجەلەردىڭ قاتارعا قوسىلۋ مولشەرى  % 50 قانا بولادى. وسى قيىن ماسەلەنى شەشۋ ءۇشىن قىزمەت اترەتى كاسىپتىك تەحنيك قىزمەتكەرلەردى ۇسىنىس ەتىپ،جەتەكشىلىك ەتەدى. سونىمەن 2018-جىلى ەنگىزگەن 5000 دالا تاۋىعىنىڭ قاتارعا قوسىلۋ مولشەرى %90 كە جەتەدى.

ءۇي قۇستارىن باعۋ تەحنيكاسىنىڭ بىرتىندەپ كەمەلدەنۋىنە بايلانىستى قىزمەت اترەتى ءدال ۋاعىندا كەدەي وتباسىلارىن سەلبەستىك كووپەراتيۆىندەگى ءۇي قۇستارى باعىمشىلىعىنا قاتىناستىرىپ، تەحنيكا ۇيرەتىپ، ەڭبەكاقى بەرەدى.

  مالشى شارىپ تەمىرباتى: « ايەلىم  ەكەۋىمىز سەلبەستىك كووپەراتيۆىندە جۇمىس ىستەيمىز. ەڭبەكاقى العاننىڭ ۇستىنە ءۇي قۇستارىن باعۋ تەحنيكاسىن   ۇيرەندىك. قازىر ۇيىمدە 200 نەشە   تاۋىق، ۇيرەك باعامىن. ەڭبەكاقىمدى قوسقاندا جىلىنا 30 مىڭ يۋاننان استام كىرىس كىرگىزەمىن» دەدى.

   ساتۋ ارناسىن ىركىلىسسىزدەندىرۋ  ءۇشىن قىزمەت اترەتى جىبەرگەن مەكەمەمەن بايلانىس جاساپ،سەلبەستىك كووپەراتيۆىن مەكەمەدەگى جۇمىسشى-قىزمەتشىلەر اسحاناسى مەن قامداۋشى ساۋداگەردىڭ تىزىمدىگىنە ەنگىزدى ءارى كاسىپورىنداردى كەدەيلەردى سۇيەمەلدەۋ، وركەندەتۋ قىزمەتىنە بىرگە ات  سالىسۋعا كەڭ كولەمدە جۇمىلدىرىپ، سەلبەستىك كەلىسىمىنە قول قويىپ، باعىتتامالى باعىمشىلىقپەن شۇعىلدانىپ، باعىتتامالى ساتىپ الىپ، جالپى ساتۋ  سوماسى 714 مىڭ يۋانعا جەتتى.

  شاعانادىر قىستاعىنىڭ ينفورماتسيا    اۋىس-ءتۇيىسى سالىستىرمالى تۇردە   تۇيىق ەدى. ال  ەگىنشى-مالشىلار مال شارۋاشىلىق ونىمدەرىنىڭ ساتىلۋىن   ءۇمىت ەتەتىندىكتەن قىزمەت اترەتى  «شاعانادىر قىستاعى جايىلىمىنداعى اسىل   ونىمدەر» ميكرو ەلەكتروندىق ساۋدا  تۇعىرىن قۇرۋعا كومەكتەسىپ، ۋيچات ساۋداگەرلەرى ارقىلى كەدەيلەردى دالمە-ءدال سۇيەمەلدەۋ-كومەكتەسۋ ۇلگىسىن بەلسەنە قاراستىرىپ، ساتىپ الۋ-ساتۋ تۇعىرىن قۇرىپ، ەگىنشى-مالشىلاردىڭ مال شارۋاشىلىق  ونىمدەرىن، ءسۇت   ونىمدەرىن ساتۋىنا جول اشتى. قازىر جالپى 180 مىڭ يۋاننىڭ زاتى ساتىلعان.

  ەگىنشى-مالشىلاردىڭ جۇمىستانۋىنا بايلانىس جاساپ، جۇمىس ورنىن قامداپ، قىستاقتاعى كەدەي وتباسىلارىن، جۇمىستان بوساعانداردى، اۋىلىنا قايتىپ جۇمىس ىستەگەندەردى، جوعارى مەكتەپ تاۋىسقان وقۋشىلاردى تىزىمدەلۋگە   شابىتتاندىرۋ -قىزمەت اترەتىنىڭ حالىققا كومەكتەسىپ، كىرىسىن ارتتىرۋداعى  شاراسىنا اينالدى.

  2018-جىلدان بەرى قىستاقتا 21 ادام جۇمىسقا ورنالاسىپ، ايلىق ەڭبەكاقىلارى 2200 دە 4200 يۋانعا جەتتى.

  3-ايدا قوبىقسارى ەلەكترمەن قامداۋ سەرىكتىگىنە جۇمىسقا ورنالاسقان   ۋ.شىنبايىر: «باسقالاردىڭ قىزمەت اترەتى كومەكتەسىپ بايلانىس جاساپ بەرگەن ورىندارىن كورىپ قاتتى قىزىقتىم. قىزمەت اترەتىنىڭ كومەگىندە كۋرسقا قاتىناسىپ، ەلەكترمەن قامداۋ سەرىكتىگىنىڭ  تەكسەرۋ-جوندەۋ جۇمىسشىسى بولدىم. كىرىسىم مال باعۋدان الدەقايدا جوعارى. وتباسىمىز بۇعان ءدان ريزا. قىزمەت   اترەتى مۇشەلەرىنىڭ ماعان كورسەتكەن كومەگىنە العىس ايتامىن» دەدى.

  ۇساق تۇيىندەردەن باستاپ كىرىسىپ، حالىق تۇرمىسىنا تيىمدىلىك جاسادى

  قىزمەت اترەتى مەن قىستاق پارتيا  ياچەيكاسى جۇرتشىلىق ەڭ كوڭىل بولەتىن ىستەردەن باستاپ كىرىسىپ، جۇرتشىلىققا ارقا سۇيەپ، جۇرتشىلىقتى اتتانىسقا كەلتىرىپ، ەكولوگيالىق ورتانى ساپالىلاندىرىپ، تۇرمىس ساپاسىن جوعارىلاتىپ، سوتسياليستىك جاڭاشا اۋىل-قىستاق  قۇرىلىسىن ۇزدىكسىز ىلگەرىلەتىپ، پارتيا ياچەيكاسىنىڭ دامۋ نەگىزىن بەكەمدەدى.

   پارتيا مۇشەسى نامسۇرىن كۇيكى:  «قىستاق كوشەلەرىندەگى قوقىر-قوقسىق تازالاندى، ەسكى جاتاعان كەرپىش ۇيلەر تەگىستەلىپ، جول كەڭەيتىلدى ءارى تازا رەتتى بولدى، تۇرمىسىمىز بارعان سايىن جاقسارىپ كەلەدى» دەدى.

  شاعانادىر قىستاعىنىڭ ەگىنشى- مالشىلارى مال شارۋاشىلىعىن نەگىز ەتىپ، بىتىراڭقى قونىستانعان، باسىم سانى كوشپەلى تۇرمىس كەشىرەدى. ەگىنشى-مالشىلاردىڭ كوشى-قونىنا ويداعىداي قىزمەت وتەۋ ءۇشىن، قىستاق پارتيا ياچەيكاسى قىزمەت اترەتىمەن بىرلەسىپ، توراپتاستىرىپ باسقارۋ جۇيەسىنىڭ جاۋاپتىسى جالپىلىق جاقتان مەڭگەرىپ،4 جىلجىمالى قىزمەت وتەۋ پۋنكتىن قۇرىپ، ىزىنە ءتۇسىپ قىزمەت  وتەۋدى بەلسەندى ورىستەتىپ،مالشىلاردىڭ ءوندىرىس، تۇرمىسىنداعى قيىنشىلىقتارىن دەر كەزىندە كومەكتەسىپ شەشىم ەتتى.

  جىلجىمالى قىزمەت وتەۋ پۋنكتىنىڭ باستىعىءمانجى بادىمجاپ: «جىلجىمالى قىزمەت وتەۋ پۋنكتىن قۇرۋ ارقىلى مالشىلار قاي جەردە بولسا، پارتيانىڭ مەيىرىن سول جەرگە جەتكىزدىك» دەدى.

  قىستاقتان 56 كيلومەتر شالعايداعى جايلاۋدا ۇنەمى قولفون سيگنالى تارتپاي، مالشىلار تاۋعا شىعىپ كەتكەن سوڭ، وتباسىمەن مۇلدە حابارلاسا الماي قالاتىن ەدى. قىزمەت اترەتىندەگى مۇشەلەر سايكەسىپ بايلانىس جاساۋى ارقىلى  ەگىنشى-مالشىلارعا جاساندى سەرىك تەلەفونىن ورناتىپ بەردى ءارى جايلاۋعا جىلجىمالى اقىسىز تەلەفون سوعۋ ورنىن قۇرىپ، ەگىنشى-مالشىلاردىڭ تۋىس-تۋعاندارىمەن ءار  ۋاقىت حابارلاسىپ تۇرۋىنا مۇمكىندىك  جاراتتى.

  ەگىنشى-مالشىلاردىڭ ۇزاق ۋاقىت سىرتتا مال باعۋى سەبەپتى ازىقتانۋىنىڭ جالاڭ بولۋ ماسەلەسىن جاقسارتۋ  ءۇشىن، قىزمەت اترەتى مەن قىستاق پارتيا ياچەيكاسى جىلجىمالى كوكونىسپەن قامداۋ پۋنكتىن قۇرىپ، ەگىنشى-مالشىلاردى  كوكونىسپەن قامدادى؛ ەگىنشى-مالشىلارعا مەزگىلدى جۇمىرتقالايتىن 800 قارا تاۋىق تاراتىپ، 36 كەدەي وتباسىنىڭ كىرىسىن ورتا ەسەپپەن 2000 يۋان  ارتتىردى؛60 جاستان اسقان قاريالارعا ايىنا 30 تال جۇمىرتقا تاراتىپ، قورەكتىگىن جوعارىلاتتى؛ مونشاحانا سالىپ، ەگىنشى-مالشىلارعا   ءدارى-دارمەك  تاراتىپ، ەگىنشى-مالشىلاردىڭ دەنساۋلىعىن كۇتىمدەۋىنە كومەكتەسىپ باستاماشى بولدى؛ ءاربىر كەدەي جان سانىن 50 مىڭ يۋاندىق  توسىننان زاقىمدالۋ  قامسىزداندىرۋىنا تەگىن  قاتىناستىردى...

  كىشى-گىرىم، ۇساق-تۇيەك ىستەردەن باستاۋ العان قامقورلىق پەن كومەك ەگىنشى-مالشىلاردىڭ جۇرەگىن مەيىرگە بولەدى. يدىمجاپ بۇلعىن: «قىزمەت  اترەتى وسىندا كەلگەننەن كەيىن كوپتەگەن جاقسى، ناقتىلى ىستەردى ىستەدى. قازىر كىرىسىمىز مولايدى، تۇرمىس شارت-جاعدايىمىز  جاقساردى، كوڭىلىمىز دە جاي تاپتى، قىزمەت اترەتىنە شىنايى العىس  ايتامىز» دەدى.




رەداكتورى : ارداق كامالقان قىزى
  
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn