ءتىلشىمىز سۇڭ جيانلياڭ حابارلايدى. 5-ايدىڭ 1- كۇنى ايماقتىق جۇمىسشىلار ۇيىمى مەيىر جەتكىزۋ قيمىلىن ورىستەتتى. ايماقتىق پارتكومنىڭ ورىنباسار شۋجيى، لياۋنيڭ ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابىنىڭ باس جەتەكشىسى ياڭ جۇنشىڭ قاتارلىلار مەرەكە كەزىندە الدىڭعى شەپتە تاپجىلماي ىستەپ جاتقان ەڭبەكشىلەرگە جانە اۆتونوميالى رايون دارەجەلى، ايماق دارەجەلى «ەڭبەك ۇلگىلەر» ىنىڭ ۋاكىلدەرىنە امانداسىپ، حال سۇرادى، سونداي -اق ولارعا مەرەكەلىك سالەم جەتكىزدى.
ياڭ جۇنشىڭ شينجياڭ ساحارا قۇس ەتى ونىمدەرى شەكتى جاۋاپكەرشىلىك سەرىكتىگىنىڭ ەڭبەك ۇلگىسى جاڭ حۇڭيعا امانداسا بارعاندا، ودان سەرىكتىكتىڭ ءوندىرىس تيجاراتى، قىزمەت ورتاسى سياقتى جاقتارداعى احۋالىن ەگجەي-تەگجەيلى ۇعىستى. جاڭ حۇڭيدىڭ جالعاستى ۇلگىلىك باستاماشىلدىق رولىن ساۋلەلەندىرىپ، جاڭالىق اشا دامىپ، تارباعاتايدىڭ ەرەكشە ونىمدەرىن شينجياڭنىڭ ءىشى-سىرتىنا ساتۋىن ءۇمىت ەتتى.
«ايماقتىڭ باسشىلارى مەرەكە كەزىندە كەلىپ حال سۇراعانىنا العىس ايتامىن. قازىر سەرىكتىگىمىزدىڭ بالسوقتا،سۇرلەنگەن ەت سياقتى ونىمدەرى تۇتىنۋشىلارعا تانىلدى. ونىمدەردىڭ اتاق -داڭقى دا بارعان سايىن ارتۋدا. سەرىكتىكتىڭ ءبىر مۇشەسى رەتىندە داڭقتى قاستەرلەپ،كۇش ۇستىنە كۇش قوسىپ، ءتىپتى دە جاقسى ونىمدەرمەن قالىڭ تۇتىنۋشىلاردى قامدايمىز دەدى» جاڭ جۇڭي.
«تارباعاتاي گازەتى» مەكەمەسىنىڭ شاۋەشەك قالاسى ارگۇڭ قالاشىعى ساز قىستاعىندا تۇراتىن قىزمەت اترەتىنەن حال سۇراي بارعاندا، ياڭ جۇنشىڭ قىستاقتا تۇراتىن قىزمەت اترەتىنەن قىزمەت احۋالىن ۇعىسىپ، ولاردىڭ جۇمىس ورنى مەن تۇرمىس رايونىنىڭ قۇرىلىس احۋالىن، قىستاق دارەجەلى شيپاحانانىڭ جۇمىس جاعدايىن تەكسەرىپ، كوزدەن كەشىردى جانە مەرەكە كەزىندە قىزمەت ورنىندا تاپجىلماي ىستەپ جاتقان قىزمەت اترەتىنىڭ مۇشەلەرى مەن قىستاق كادرلارىنان شىنايى حال سۇرادى.
ياڭ جۇنشىڭ: « ‹1-مامىر› ەڭبەكشىلەردىڭ ورتاق مەرەكەسى، ەڭبەڭ _ ەڭ داڭقتى،ەڭبەكشىلەر _ ەڭ كوركەم. ەڭبەك ەرلەرى رۋحىن، شەبەرلەر رۋحىن بارىنشا ساۋلەلەندىرىپ، تۇتاس قوعامدا ەڭبەك ۇلگىلەرىن قۇرمەتتەيتىن، ەڭبەك ۇلگىلەرىنە قامقورلىق جاسايتىن، ەڭبەك ۇلگىلەرىنەن بولاتىن قويۋ راي جاراتۋ كەرەك. كوپشىلىكتىڭ پارتيا مۇشەلەرىنىڭ قاسيەتىن، ەڭبەك ۇلگىلەرىنىڭ قاسيەتىن ۇزدىكسىز ساقتاپ، ءوزىن ارناۋ رۋحىن، جاڭالىق جاراتۋ رۋحىن ساۋلەلەندىرىپ، بەلسەندى، ىرىقتى تۇردە بۇقارامەن ىشتەسىپ، بۇقارامەن بايلانىس ورناتىپ، بۇقاراعا قىزمەت ەتىپ، اسقاق كۇيمەن، تولىق ىنتامەن قىزمەت ورىندارىندا ءتىپتى كوپ، ءتىپتى جاقسى، جاڭا ۇلەستەرىن قوسۋدىءۇمىت ەتەمىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى