ەەڭ جاڭا مازمۇندار
شي جينپيڭ ازيا وركەنيەتتەر تىلدەسۋى جينالىسىنىڭ اشىلۋ سالتىنا قاتىناستى ءارى ارقاۋ ءسوز سويلەدى
جاقۇتتاي جارقىراعان ازيا وركەنيەتى _ دۇنيە ءجۇزى وركەنيەتىنىڭ ايشىقتى تاراۋى
ساحاراداعى شەبەر شيپاگەر
ءدوربىلجىن اۋدانىنداعى جابايى الما باقشاسى
قارامايلى-شاۋەشەك تەمىر جولى
قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ،ايماقتىڭ ۇگىت-يدەيا قىزمەتىنىڭ جاڭا جاعدايىن قۇلشىنا اشايىق
شارلاپ تەكسەرۋدىڭ «ميكروسكوپ»ى ايماعىمىزدىڭ قارا كۇشتەردى الاستاپ، سۇرقيا كۇشتەردى جويۋ ارناۋلى كۇرەسىن ىلگەرىلەتتى
اكىمشىلىك مەكەمەسىنىڭ پارتيا باسشىلىق گرۋپپاسى 2019-جىلعى 5-رەتكى كەدەيلىكتەن ارىلتۋدان قامال الۋ ارناۋلى تاقىرىبىنداعى كوللەكتيۆ ۇيرەنۋىن وتكىزدى
2019-جىلى 5-ايدىڭ 17-كۇنى 115-سان
شاعانتوعايداعى «اۋىل شارۋاشىلىق ماشينالارىن رەمونتتاۋدىڭ مايتالمانى»
قارامايلى-شاۋەشەك تەمىر جولى
2019-جىلى 5-ايدىڭ 16-كۇنى 114-سان
سالىنۋ ۇستىندەگى جىبەك جول
اۋىل-قىستاق ساياحاتىنىڭ دامۋىن جەبەپ، ساپاسىن جوعارىلاتىپ، دەڭگەيىن كوتەرەدى
اياعىمەن كەستە تىگىپ، ارمانىن جۇزەگە اسىردى
قارا كۇشتەردى الاستاۋ، سۇرقيا كۇشتەردى جويۋ جونىندەگى بىلىمدەردى جۇرت جۇرەگىنە ۇيالاتتى
قارا - سۇرقيا كۇش زاڭسىز قىلمىسىن وتكىزگەندەردى ءوزىن مالىمدەۋگە قۋزاۋ جونىندەگى حابارلاندىرۋ
«80-جىلدار» تۇلەگىنىڭ زاۆود قۇرۋ ارمانى
سارباس قىستاعىنىڭ شىت جاڭا بەينەگە ەنۋىندەگى «اسىلى»
جاڭا ءداۋىردى بار ىنتا-پەيىلىمەن جازدى
ۇلتتار ىنتىماعى مەن قوعام ورنىقتىلىعىن باتىل قورعايمىن
2019-جىلى 5-ايدىڭ 15-كۇنى 113-سان
«سەرىكتەس زاۆودتار» ارماندى جۇزەگە اسىراتىن ورىنعا اينالدى
شاۋەشەك قالاسى ورتانى جاسىلداندىرىپ، ورمانمەن كومكەردى
ءدوربىلجىن اۋدانىنداعى شۇي جۇڭۋي تالاسقىش اتەش باعىمشىلىعىن كاسىپكە اينالدىردى
انجىحاي قالاشىعى تابيعاتى كورىكتى، قونىستانۋعا جايلى مەكەن قۇردى
جانارگۇل نان ساتىپ اۋقاتتاندى
وزگەشە ۇيلەنۋ تويى، ەستەن كەتپەس ەستەمە
رايونىمىزداعى قوعام حاۋىپسىزدىگى ورگاندارى قارا كۇشتەرگە، سۇرقيا كۇشتەرگە ساياتىن ءبىر توپ دەلونى ءساتتى انىقتادى
گاۋ ۋي ۇشقىشسىز ۇشاقتى ۇشىرۋدا

جاستىق كوكتەمى ارقىلى قالتقىسىز ارناۋ جىرىن اسقاقتاتتى

جولدانعان ۋاقىتى : 2019/5/7 13:37:35

 _ مەملەكەتتىك «1-مامىر» ەڭبەك وردەنىنىڭ يەگەرى ءدىلنۇر جايىندا


ءدىلنۇر ساباقحانادا وقۋشىلارمەن مۋزيكا نازارياسى بىلىمدەرىنەن پىكىر الماستىرۋدا.
 
   تىلشىلەرىمىز ۋاڭ شۋشيا، ديدار سەرىك قىزى حابارلايدى. ونىڭ  كيىم كيىسى قاراپايىم، ادامدارعا وتە ىقىلاستى. بيىل 50 جاسقا كەلگەن ول 32 جىل وقىتۋمەن شۇعىلدانىپ، مەكتەپتى ءوز  ۇيىندەي كورىپ، «دەن قويا وقىتىپ، ءوزى ونەگە كورسەتۋدەي» ۋادەسىن بەلسەنە ايگىلەپ كەلەدى. جاستىق كوكتەمى ارقىلى قالتقىسىز ارناۋ جىرىن اسقاقتاتىپ، وقۋشىلاردىڭ قۇرمەتىنە، اتا-انالاردىڭ سەنىمىنە، قىزمەتتەستەرىنىڭ القاۋىنا يە بولعان... مىنە، ول ايماقتىق پەداگوگيكا مەكتەبىنىڭ وقىتۋشىسى   ءدىلنۇر ەدى.

  «تاربيەلەنبەيتىن وقۋشى بولمايدى، تەك تاربيەلەي المايتىن وقىتۋشى بولادى»، بۇل ءدىلنۇردىڭ ۇنەمى ايتاتىن ءسوزى ەدى.

  2016-جىلى ءدىلنۇر اۆتونوميالى رايوندىق ۇزدىك قىزمەتكەر اتاعىنا يە بولسا؛ 2018-جىلى ول مەملەكەتتىك «1-مامىر» ەڭبەك وردەنىمەن ماراپاتتالدى.

    وقۋشىلارعا اتا-اناسىنداي كوڭىل ءبولدى

  ءدىلنۇر، قازاق، 1987-جىلى شينجياڭ كوركەمونەر مەكتەبىنەن وقۋ بىتىرگەننەن  كەيىن، ايماقتىق پەداگوگيكا مەكتەبىنە ءبولىنىپ، داڭقتى حالىق وقىتۋشىسى بولادى.

  قىزمەتكە شىققان ءبىرىنشى كۇنى اناسى  ىقىلاستى دا سابىرلى بەينەمەن: «بالام سەنىڭ وقۋشىلارىڭ بولاشاقتا بالالار باقشاسىنىڭ، باستاۋىش مەكتەپتىڭ وقىتۋشىسى بولادى. بۇگىنگى سەن ولارعا قانداي ءبىلىم-ونەگە    ( ەنەرگيا) سيلاساڭ، ولار دا ۇقساس تاسىلمەن وقۋشىلاردى تاربيەلەيتىن بولادى. مىنە، بۇل شاكىرت تاربيەلەۋ» دەگەن ەدى. اناسىنىڭ  ءتالىمىن ءدىلنۇر قىزمەتكە شىققاننان بەرى باستان-اياق ەسىنە بەرىك ساقتاپ كەلەدى.

  مەكتەپتە ءدىلنۇر مۋزيكا نەگىزدىك ءبىلىمى،پيانينو،اككوردەون  ساباعىن وتەدى جانە كلاس جەتەكشىسىندىك قىزمەتتى  اتقارۋمەن بىرگە، اپتاسىنا 20 نەشە ساعات ساباق وتەدى. قانشا جاپالى بولسادا، ول  ەشقاشان كەيىپ كورگەن ەمەس، باستان-اياق كوتەرىڭكى كوڭىلىمەن بەلسەنە قىزمەت ىستەپ كەلگەن.

  ايماقتىق پەداگوگيكا مەكتەبى وقۋشىلارىنىڭ باسىم كوبى ءارقايسى اۋدان، قالانىڭ اۋىل-قىستاقتارىنان نەمەسە شەت شالعايداعى مال شارۋاشىلىق رايونىنان كەلەدى. كوپتەگەن وقۋشىلار پەداگوگيكا مەكتەبىنە كەلۋدەن بۇرىن پيانينونى كورمەگەن، مۋزيكا نەگىزدىك ءبىلىمى جوق دەرلىك ەدى. سول  سەبەپتى ءدىلنۇر ەڭ نەگىزگى مۋزيكا نازارياسى، نوتاعا قاراپ ءان ايتۋعا جاتتىقتىرۋدان باستاپ كىرىسەدى.  تاڭەرتەڭنەن كەشكە دەيىن مۋزيكا ۇيىندە  وتىرىپ،ءبىر بۋىن ءبىر بۋىننان وقۋشىلارعا ۇلگى كورسەتەدى،كۇنى بويى شارشاعاندا ساۋساقتارى اۋىرىپ،بىلەگىن كوتەرە الماي قالادى.

  ءبىراق وقۋشىلارىنىڭ تىرىسىپ ۇيرەنىپ، جالىقپاي ماشىقتانعانىن جانە بىرتە-بىرتە   ىلگەرىلەگەنىن كورگەن ءدىلنۇر ەرەكشە  راقاتتاناتىن.

  ءدىلنۇر 32 جىل بويى وقىتۋمەن شۇعىلدانعاننان بەرى باستان-اياق كلاس جەتەكشىسى بولىپ كەلەدى. قىزمەتتەن سىرتقى ۋاقىتىندا ول  ۇنەمى وقۋشىلارمەن اڭگىمە شەرتىسىپ، ولاردىڭ ۇيرەنۋ،تۇرمىس جاعدايىن ۇعىسىپ، اقىل-كەڭەس بەرىپ، قيىنشىلىق قىسپاعىنان ارىلتىپ، دەربەس تۇرمىس كەشىرۋ جانە دەربەس ۇيرەنۋگە جەتەلەيدى.

  كلاستاعى قيىنشىلىعى بار وقۋشىلارعا ءدىلنۇر    ىرىقتى تۇردە مەملەكەتتىك وقۋعا جاردەم قاراجاتىن الىپ بەرسە،ءبىر وقۋشى اككوردەون ساتىپ الا الماعاندا ول ءوزىنىڭ ازعانتاي ەڭبەكاقىسىنان ىركىپ،اككوردەون  ساتىپ الىپ  بەرەدى.

   قازىر ءدىلنۇر ەرەسەكتەر كلاسىنىڭ كلاس جەتەكشىسى مىندەتىن اتقارۋمەن بىرگە، مەكتەپ جۇمىسشىلار ۇيىمىنىڭ باستىعى مىندەتىن قوسىمشا اتقارادى،ول كاسىپكە شوگەل، ءار ۇلت وقۋشىلارىنا قايتكەندە شاكىرت تاربيەلەۋگە بولاتىنىن مۇقيات ۇيرەتىپ كەلدى.

   ءدىلنۇر «مەن وقۋشىلاردىڭ مەنى ەسىنە ساقتاۋىن، ماعان العىس ايتۋىن تىلەمەيمىن.    ولاردىڭ تەك ساۋ-سالامەت ەسەيىپ، مەكتەپتە  ءتارتىپ -تۇزىمگە بويسۇناتىن وقۋشى، ۇيدە وپالى بالا، قىزمەتكە ورنالاسقاننان كەيىن     مەكەمەنىڭ جاقسى جۇمىسشى-قىزمەتشىسى بولا السا بولعانى، مەن ءدان ريزامىن» دەدى.

  ءىس جۇزىندىك ارەكەتى ارقىلى ماڭايىنداعىلارعا اسەر ەتتى

    قىزمەت بەينەسى كورنەكتى بولعاندىقتان، 2007-جىلى ءدىلنۇر مەكتەپتىڭ مۋزيكا، دەنە تاربيە، اسەمونەر وقىتۋىن زەرتتەۋ گرۋپپاسىنىڭ گرۋپپا باستىعى بولىپ تاعايىندالادى. ول مىندەتكە شىعا سالىسىمەن وقىتۋشىلىق ءمورالى جاقسى، كاسىپكە شوگەل، ۇيرەنۋگە قۇشتار، زەرتتەۋگە شەبەر، قوعامدىق بەينەسى جاقسى، ۇزدىك وقىتۋدى زەرتتەۋ قوسىنىن قۇرۋدى  وقىتۋدى زەرتتەۋ گرۋپپاسىن دامىتۋدىڭ باس   نىساناسى ەتتى.

  ءدىلنۇر باستان-اقىر جاس وقىتۋشىلارعا، اسىرەسە، جاڭادان كەلگەن  وقىتۋشىلاردىڭ ەسەيۋىنە نازار اۋدارىپ كەلدى، وقىتۋدى زەرتتەۋ گرۋپپاسىندا جاس وقىتۋشىلار مەن قارت وقىتۋشىلاردى جۇپ قۇراۋعا   ۇيىمداستىرىپ، «ۇيرەتۋدى، كومەكتەسۋدى،  جەتەكتەۋدى» اتقاردى.

  ءدىلنۇر ءوزى ونەگە كورسەتىپ، تاربيەلەۋگە باسا ءمان بەرىپ، قاي-قاشاندا جاس وقىتۋشىلارعا ۇلگى بولدى. ول تاباندىلىقپەن ءار كۇنى جۇمىس ورنىنا  ءبىرىنشى بولىپ كەلەدى، مۋزيكا ۇيىندە  كاسىپكە جاتتىعىپ، ءاربىر ساباقتى مۇقياتتىلىقپەن دايىندايدى. ءوزىنىڭ قىزمەت تاجىريبەسى مەن وقىتۋ   تاجىريبەسىن شىپ-شىرعاسىن شىعارماي جاس وقىتۋشىلارعا جەتكىزدى. ولار قيىندىققا   جولىققاندا شىن  پەيىلىمەن كوڭىل ءبولىپ كومەك قولىن سوزىپ، قيىنشىلىق قىسپاعىنان   قۇتىلۋىنا كومەكتەستى.

  كۇندەلىكتى وقىتۋ بارىسىندا ءوزارا ساباق تىڭداۋ، ساباق باعالاۋ سياقتى فورماداعى   قيمىلداردى ۇيىمداستىرىپ، بىرلىكتە تالقىلاپ، وقىتۋ بارىسىنداعى كەزىككەن ماسەلەلەردى زەرتتەپ، ماسەلەنى شەشۋ ادىستەرىن قاراستىرىپ، ساباقحانانىڭ وقىتۋ ءادىسىن بارعان سايىن كەمەلدەندىرىپ ءارى جاقسارتىپ،  وقىتۋشىلاردىڭ كاسىپتىك ساپاسىن ءتىپتى دە جوعارىلاتتى.

  ول ۇنەمى «ساباق تىڭداۋ» ءتاسىلى ارقىلى جاس وقىتۋشىلاردىڭ وقىتۋىنا جەتەكشىلىك ەتىپ، ساباقتان كەيىن وقىتۋ بارىسىنداعى ساقتالعان ماسەلەلەر جايىندا ءوزىنىڭ كوزقاراسى مەن پىكىرىن ورتاعا قويىپ، ءوزارا پىكىر  الماستىراتىن. ول جاس وقىتۋشىلاردىڭ ءوزىنىڭ وتكەن ساباعىن تىڭداۋىن ەرەكشە قارسى الاتىن، ولاردان ساباق تىڭداپ ۇيرەنۋ بارىسىندا دەربەس يدەيا، وزگەشە تۇسىنىك قالىپتاسىپ، بىرتە-بىرتە، وزدەرىنە ءتان ەرەكشە ستيلىن قالىپتاستىرۋىن تالاپ ەتەتىن.

  ءدىلنۇردىڭ باستاۋىندا مۋزيكا، دەنە تاربيە، اسەمونەر وقىتۋىن زەرتتەۋ گرۋپپاسى  ۇزدىك قوسىنعا اينالىپ، مەكتەپتىڭ ءار ءتۇرلى  قيمىلدارىن ۇيىمداستىرۋعا جانە جوبالاۋىنا  قاتىناسۋ بارىسىندا تابىسپەن ورالاتىن، مەكتەپكە  كوپتەگەن اتاق-داڭق اپەرىپ،   باسشىلار مەن قىزمەتتەستەرىنىڭ  جاقسى   باعاسىنا يە بولدى.

  ءدىلنۇر ءوزىنىڭ ءىس-ارەكەتىمەن ىقپال قالىپتاستىرىپ، جاس وقىتۋشىلارعا اسەر ەتتى، جەتەلەدى. ونىڭ ىقپالىنا بولەنگەن تەك مەكتەپتەگى جاس وقىتۋشىلار عانا ەمەس، ايماقتىق پەداگوگيكا مەكتەبىنە تاربيەلەنۋگە، ءبىلىم  تولىقتاۋعا، جالعاستى ءبىلىم بەرۋ تاربيەسى ۇيرەنۋىنە  قاتىناسۋعا كەلگەن ەرەسەكتەر كلاسىنداعى وقۋشىلار دا وعان ريزالىقتارىن بىلدىرەتىن.

 2006 - جىلدان بەرى ءدىلنۇر باستان- اياق ەرەسەكتەر كلاسىنىڭ كلاس جەتەكشىسى مىندەتىن اتقاردى. ول تۇرمىستا وقۋشىلارعا كوڭىل ءبولىپ، قۇرمەتتەپ، وقۋشىلاردىڭ سىرلاس دوسىنا اينالدى. ول ۇستازدىق  ءمورالدى ءاربىر ساعاتتىق ساباققا،ءىس  جۇزىندىك ارەكەتىنە دەيىن ءسىڭىرىپ، تابيعي تۇردە وقۋشىلاردى دۇرىس باعىتقا جەتەلەيدى.

  «ءدىلنۇر مۇعالىم ءسىزدىڭ بىزگە دەگەن قامقورلىعىڭىزدى ەسىمىزدەن شىعارمايمىز،  ءسىزدىڭ ءۇن-ءتۇنسىز قالتقىسىز ءوزىن     ارنايتىن كاسىپتى ءسۇيۋ رۋحىڭىز ءبىزدىڭ ۇيرەنۋدەگى ۇلگىمىز، ءسىز جاقسى ۇستازسىز،ءسىز وقىتۋشىلاردىڭ ماقتانىشىسىز! سىزدەن  ۇيرەنەمىز».

  «ءدىلنۇر مۇعالىم، جاپا شەكتىڭىز. ەكى جىلدان بەرى ءسىزدىڭ سەرىك بولۋىڭىزبەن ۇمىتىلماس ۇيرەنۋ كۇندەر ءوتتى، وزىڭىزدەي جاقسى ۇستازعا جولىعۋ ءبىزدىڭ تالەيىمىز»، ءدىلنۇر ۇنەمى وقۋشىلارى جولداعان وسىنداي مازمۇنداعى كەلتە حاتتاردى تاپسىرىپ الاتىن.

  شيحۋ قالاسى چەپەيزى قالاشىعى سەنترلى مەكتەبىنىڭ وقىتۋشىسى التىن ەرەسەكتەر كلاسى وقۋشىلارىنىڭ ءبىرى، ول  «ءدىلنۇر مۇعالىم بىزگە وتە كوڭىل بولەدى. سونىمەن قاتار، وتە   مەيىرىمدى، ۇنەمى بىزگە ۇرپاق ءۇشىن  ءوزىن ارناۋ كەرەك دەپ تاربيە جۇرگىزەتىن، ءبىز ودان ۇيرەنەمىز» دەدى.

  قىزمەتتەن تىس ۋاقىتىندا ءدىلنۇر الەۋمەتتىك يگىلىك ىستەرىنە قىزىعا كىرىستى، 2011-جىلى ءدىلنۇر ايماقتىق «مەيىربان  انالار» قوعامىنا مۇشە بولىپ، ۇزاق جىلدار بويى شاۋەشەك قالاسى شاشا قالاشىعىنداعى تۇرمىسىندا قيىنشىلىعى بار وتباسىنا كومەكتەسىپ كەلەدى ەكەن.

  از ۇلت وقىتۋشىسى بولعان ءدىلنۇر ءاردايىم پارتياعا العىس ايتۋدى ەستەن شىعارماي، مەيلى قايدا بارسادا بەلسەندىلىكپەن ۇلتتار ىنتىماعىنىڭ ۋاكىلى بولاتىن. 2017 -جىلى 9-ايدا اۆتونوميالى رايوندىق ەڭبەك وزاتى جانە ۇزدىك قىزمەتكەر رەتىندە بەيجيڭگە ەكسكۋرسيالاۋعا ۇيرەنۋگە باردى. وسى ورايدا بۇكىل ەلدىڭ ءارقايسى جەرىنەن كەلگەن ەڭبەك وزاتتارىنا، ۇزدىك قىزمەتكەرلەرگە پارتيا مەن مەملەكەتتىڭ شەكارا وڭىردەگى از ۇلت بۇقاراسىنا دەگەن قامقورلىعىن ۇگىتتەپ، ءوزىنىڭ العىسقا تولى كوڭىل كۇيىن بەينەلەيدى.

  ايماقتىق پەداگوگيكا مەكتەبىنىڭ وقۋشىلار ءبولىمىنىڭ ءبولىم باستىعى  ساۋ جينسۇڭ: «ءدىلنۇر ىنتالى، كاسىپتى قادىرلەيدى، ۇزاق جىلداردان بەرى كوپتەگەن وقىتۋ تاجىريبەسىن تولىقتاپ، مەكتەپتەگى وقۋشىلارعا كوڭىل ءبولىپ عانا قالماستان، قىزمەتتەستەرىنە دە وتە باۋىرمال، ول ءوزىنىڭ جاستىق كوكتەمىن وقۋ-اعارتۋ ىستەرىنە ارنادى، قاراپايىم جۇمىس ورنىندا كەرەمەت جۇمىستار  تىندىردى، ءبىزدىڭ ۇيرەنۋ ۇلگىمىز» دەدى.




رەداكتورى : ارداق كامالقان قىزى
  
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى