ەەڭ جاڭا مازمۇندار
زۇيجياڭحۋ وزگەشە ءدامدى قۋىرماشتارى
2019-جىلعى سۋ يگىلىگى ارقىلى شينجياڭعا كومەكتەسۋ قىزمەتى ءماجىلىسى ۇرىمجىدە اشىلدى
قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن جانە قوقىر-قوقسىقتى تۇرگە ايىرۋ قىزمەتىن اقىلداسىپ ورنالاستىردى
«تۇرمىسىم كۇن سايىن جاقسارىپ كەلەدى، ولارعا شىنايى العىس ايتامىن»
اكىمشىلىك مەكەمەسى القاسى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەنىڭ 2-رەتكى توپتىق ۇيرەنۋ، زەرتتەۋ-تالقىسىن ورىستەتتى
شىبارجيدە جاڭا رايونى دارىلەۋ ۆانناسى مەن ىندەتتىڭ الدىن الۋ ورنىن سالىپ، ەگىنشى-مالشىلارعا قولايلىلىق جاراتتى
تۇرعىنداردىڭ مادەني تۇرمىسىن بايىتتى
2019-جىلى 10-ايدىڭ 17-كۇنى 240-سان
جين شين: بۇقارانىڭ ءىسىن كوكەيىمدە ساقتايمىن
قۇرباننىڭ تۋىس-تۋعاندارى كەلىپ ازا ءبىلدىرىپ، 46 جىلدان كەيىن اقىرى «جۇزدەستى»
2019-جىلى 10-ايدىڭ 16-كۇنى 239-سان
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، جاراسىمدى، ەكولوگياسى كوركەم، قونىستانۋعا جايلى تارباعاتاي قۇرايىق
«ەكىدەن تارىقتىرماۋ، ۇشتە قامتاماسىز ەتۋ»دى تىعىز ارقاۋ ەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە تاباندىلىقپەن، باتىلدىقپەن قول جەتكىزەيىك
بالا كۇنىنەن اتويشىلداردان ۇيرەنىپ، ەسەيگەندە اتويشىل بولىپ، ۇلتتىڭ گۇلدەنۋى ۇلى مىندەتىن ارقالاي الاتىن ءداۋىردىڭ جاڭا ادامى بولىپ ەسەيىپ-ەرجەتۋگە قۇلشىنايىق
قىزمەت اترەتى ۇيرەنۋدى مال شارۋاشىلىق رايونىنداعى ساقا پارتيا مۇشەلەرىنىڭ وتباسىنا جەتكىزدى
اۋەلگى ماقساتتى ۇمىتپاي، بورىشتى ەستە بەرىك ساقتاپ، نەگىزگى تاقىرىپتىق تاربيەنىڭ ناقتى ناتيجەلەرىن ايگىلەپ، ايماقتىڭ ورنىقتىلىق، دامۋ قىزمەتتەرىنىڭ تاعى دا تىڭ ساتىعا كوتەرىلۋىن جەبەيىك
جوعارى مەكتەپ ەمتيحانى قاقپاسىن قايتا اشۋ
عىلىمنىڭ كوكتەمى
ۇلى بۇرىلىس
ەكونوميكالىق ەرەكشە رايون قۇرۋ
شيحۋ قالاسى: شارۋالاردىڭ كۇزگى جيىن-تەرىن جۇمىسىنا كومەكتەستى
شاعانتوعاي اۋدانى: «حالىقارالىق اپاتتى ازايتۋ كۇنى» ۇگىت قيمىلىن ورىستەتتى
ءبىر ساعاتتا 903 سۇراقتى دۇرىس ورىنداپ شىقتى
«ۇعىسۋ، تيىمدىلىك جاساۋ، توعىستىرۋ» قىزمەتى تارباعاتاي ارناۋلى ايدارى قىستاقتا تۇراتىن كادرلاردى جىگەرلەندىردى
ايماعىمىز بويىنشا 1-ورىندى يەلەدى
2019-جىلى 10-ايدىڭ 15-كۇنى 238-سان
شيحۋ قالاسى نانيۋان ءمالى باسقارماسى حۋاڭحى جولى الەۋمەتتىك اۋماعى مەن قىزمەت اترەتى
شاۋەشەك قالالىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى بۇقارانىڭ اماندىعىن باستى ورىنعا قويدى
جاڭا جۇڭگونى جىرلاپ، جۇڭگو ارمانىن اسقاقتاتتى
نەگىزگى تاقىرىپتىق تاربيەنىڭ ءاربىر باسقىشىن مۇقيات يگەرىپ، ناقتى ونىمدىلىككە قول جەتكىزۋگە كەپىلدىك ەتىپ، ءار ۇلت بۇقاراسىنا جاڭا وزگەرىستەردى، جاڭا بەينەنى شىنايى سەزىندىرۋ كەرەك

قوسىننان قايتسا دا العان بەتىنەن قايتپاي حالىقتىڭ جاقسى شيپاگەرى بولدى

جولدانعان ۋاقىتى : 2019/5/9 17:32:24

_ ايماقتىق ەڭبەك وزاتى پىڭ ميڭشىڭ جايلى

پىڭ ميڭشىڭ حۋاباۋ حالىقارالىق ەڭبەككۇش بازارىندا اقىسىز ەمدەۋ قىزمەتىن ورىستەتتى.
 
  ءتىلشىمىز داي جياۋمەي حابارلايدى.
  «شيپاگەر مەنىڭ قان قىسىمىمدى   ولشەپ بەرىڭىزشى! مەنىڭ ناۋقاسىمدى تەكسەرىپ بەرىڭىزشى!» «ابايلاڭىزدار،   اسىقپاڭىزدار، ءبىر-بىردەن كەلىڭىزدەر» ... 5-ايدىڭ 2-كۇنى شاۋەشەك قالاسىنىڭ حۋاباۋ حالىقارالىق ەڭبەككۇش بازارىندا ءبىر توپ ادام پىڭ ميڭشىڭدى قاۋمالاپ قان قىسىمىن ولشەتىپ، ناۋقاسىن كورسەتۋگە اسىعۋدا. پىڭ ميڭشىڭ كوپتەگەن شاۋەشەكتىكتەر جونىنەن،اسىرەسە، قارتتار مەن ورتا جاستاعىلار جونىنەن بەيتانىس بولماسا كەرەك. ونىڭ ات-اتاعى شيپاگەرلىك ونەرىمەن عانا ەمەس، شىنايى سۇيىسپەنشىلىگىمەن دە ايگىلى بولعان. جۋىقتا مەملەكەتتىك اسكەري قوسىننان شەگىنگەن تاڭداۋلى اسكەر، اۆتونوميالى  رايوندىق تاڭداۋلى كوممۋنيستىك پارتيا مۇشەسى، ايماقتىق ەڭبەك وزاتى، جەكە شيپاگەر پىڭ ميڭشىڭمەن سۇحباتتاستىق.

  اكەسىنىڭ ىقپالىمەن شيپاگەرلىك جولىنا ءتۇسۋ

  پىڭ ميڭشىڭنىڭ جۇڭگوشا-باتىسشا ەمدەۋ ەمحاناسى شاۋەشەك قالاسى مادەنيەت جولىنداعى ءبىر تىپ-تىنىش شاعىن كوشەگە ورنالاسقان. ەمدەۋ    بولمەسىنە كىرە قالعانىڭىزدا «پارتيا   مۇشەلەرىنىڭ ۇلگى كورسەتۋ قىزمەت ورنى» دەگەن تاقتايشا بىردەن كوزىڭىزگە تۇسەدى، قابىرعاعا اۆتونوميالى رايوندىق، ايماقتىق، قالالىق «شۇعىلالى جۇلدىز» سيلىعى ىلىنگەن، ال ونىڭ  قاسىنداعى  ءتۇرلى داڭق كۋالىگى 30 دان اسادى.

  بيىل 68 جاسقا كەلگەن پىڭ ميڭشىڭ شانشي ولكەسىندەگى ءبىر جۇڭگوشا  شيپاگەر مامانىنىڭ وتباسىندا دۇنيەگە كەلگەن. بالالىق شاعىندا وتباسىندا جان سانى كوپ بولعاندىقتان، تۇرمىستان   تارىعىپ، باستاۋىش مەكتەپتى تاۋىسقان سوڭ جوعارىلاپ وقي الماعان. اكەسىنىڭ ىقپالىندا پىڭ ميڭشىڭ جۇڭگوشا شيپاگەرلىگىنە قىزىعادى. مادەنيەت  ورەسى تومەن بولعانىمەن، ول ۇيرەنۋگە ىنتالى، جاپا-ماشاقاتقا ءتوزىمدى بولدى. ەڭبەك ىستەۋدەن تىس اكەسىنە ەرىپ، جۇڭگوشا شيپاگەرلىكتى ۇيرەنەدى ءارى قىستاقتاعى جالاڭاياق شيپاگەرلەر كۋرسىنا قاتىناسادى.

  پىڭ ميڭشىڭ: «مەنىڭ مادەنيەت ورەم تومەن، ءبىر تولىمدى شيپاگەر بولۋ   ءۇشىن، جاي ادامنان ارتىق قۇلشىنىس جاساۋىمدى قاجەت ەتەدى. باستان-اياق باسقاعا قىزىعىپ كورمەدىم، ۋاقىتىم شىقسا بولدى، مەديتسيناعا قاتىستى كىتاپتاردى وقيمىن، تانىماعان ارىپتەردى كورسەم بولدى سوزدىك اقتارامىن، قازىرگە دەيىن بىرنەشە سوزدىكتى توزدىرىپ بولدىم. بۇل تالاي جىلدان بەرى جالعاسىپ،   ادەتىمە اينالىپ قالدى» دەدى.

  1969-جىلى 18 جاستاعى پىڭ ميڭشىڭ اسكەرلىككە قابىلدانىپ، تارباعاتاي بولىمشە اسكەري رايونىندا اسكەري مىندەت وتەپ، 1996-جىلى قوسىننان شەگىندى.

  العاش قوسىنعا بارعان جىلدارى   مەملەكەتتە قيىنشىلىق جاعدايداعى مەزگىل ەدى، پىڭ ميڭشىڭ وزىندىك ابزالدىلىعىن ساۋلەلەندىرىپ، شيپاگەرلەرگە مىندەتتى تۇردە كومەكتەسىپ، جاۋىنگەرلەردىڭ اۋرۋىن تەكسەرىپ ەمدەيدى. 1972-جىلى اسكەري رايون جۇڭگوشا ءدارى-دارمەك شاعىن زاۆودىن قۇردى، ول  جاۋىنگەرلەردى باستاپ بارلىق تاۋىنا  بارىپ، جۇڭگوشا شيپاگەرلىگىنە قاجەتتى ءدارى شوپتەردى جينادى.

  قارا استىق جەپ،قار سۋىن ءىشىپ، دالادا تاماقتانىپ،تۇزدە تۇنەپ، ءبىر  ايدان ارتىق ۋاقىتتا 50 توننادان ارتىق جۇڭگوشا شيپاگەرلىگىنە قاجەتتى ءدارى شوپتەردى جيناپ،مەملەكەتكە قارجى  ۇنەمدەپ بەرۋمەن بىرگە، اسكەري    قوسىندا شيپاگەر جەتىسپەۋ، ءدارى-دارمەك كەمشىل بولۋ ماسەلەسىن  شەشىمدەدى.

  27 جىلدىق اسكەري تۇرمىستا  پىڭ ميڭشىڭ بار ىقىلاسىمەن ۇيرەندى، قوسىنعا بارا سالىپ كوپ وتپەي پارتياعا مۇشە بولدى. كىتاپ وقىپ، ۇيرەنەتىن  ادەتىن باستان-اياق تاستامادى.

  1978-جىلى ءوزىنىڭ قاجىماي- تالماي ۇيرەنۋىندە ءۇرىمجى اسكەري رايونىنىڭ اسكەري شيپاگەرلىگى مەكتەبىنە ەمتيحان بەرىپ قابىلداندى. وقۋ بىتىركەننەن كەيىن، تارباعاتاي بولىمشە اسكەري رايونى شيپاحاناسىنىڭ امبەباپ   ءبولىمىنىڭ شيپاگەرىنە اينالدى.

  ەمدەۋ قىزمەتىمەن شۇعىلدانعاننان بەرى پىڭ ميڭشىڭ ءبىر تاڭداۋلى كوممۋنيستىك پارتيا مۇشەسىنىڭ جاۋاپكەرشىلىگىن وتەپ، ەمدەۋ-دەنساۋلىق ساقتاۋعا قىزمەت وتەۋ قىزمەتىنىڭ  ءبىرىنشى شەبىندە تاباندىلىقپەن قىزمەت ىستەپ، سان-ساناقسىز ناۋقاس پەن  وتباسىن اۋرۋ ازابىنان قۇتىلدىرىپ، ءار ۇلت بۇقاراسىنىڭ اۋرۋىن اقىسىز كورۋ قيمىلىن ورىستەتىپ، داڭققا يە بولدى  ءارى قوعامنىڭ قۇرمەتىنە بولەندى.

     ناۋقاستاردىڭ قامىن جەپ، مەيىر  باعىشتادى

  اسكەردەن قايتقاننان كەيىن ىزگى نيەتتى جۇڭگوشا ەمدەۋدىڭ مايتالمانى  پىڭ ميڭشىڭ ۋاقىتىن بوسقا وتكىزگىسى  كەلمەدى.

   «ۇيدە ۋاقىتتى بوسقا وتكىزبەۋىم كەرەك، ويتپەگەندە پارتيا مەن مەملەكەتتىڭ بەرگەن تاربيەسىن اقتاي الماعان  بولامىن» دەيدى پىڭ ميڭشىڭ.

  حالىق ءۇشىن قىزمەت وتەۋ پوزيتسياسىن ۇستانعان پىڭ ميڭشىڭ اسكەري  قوسىننان شەگىنگەننەن كەيىن تۋىس-تۋعان، دوس-جاراندارىنان قارىز اقشا الىپ  ەمحانا اشادى. ەمحانا ءبىر اۋىزدى شاعىن ءۇي بولعانىمەن،پىڭ ميڭشىڭنىڭ ساۋداسى كۇسەت بولادى. بۇلاردىڭ  بارلىعى ونىڭ باۋىرمالدىعىنان كەلگەن.

  شيپاگەرلىكپەن اينالىسقان 50 جىلدان بەرى پىڭ ميڭشىڭ شيپاگەرلىك ءمورالىن ساقتاپ، ناۋقاستارعا تەڭ مامىلەدە   قاراپ، بارىنە بىردەي مامىلە جاساپ، ناۋقاستاردى جاقىنىنا بالايدى. ول ءار جىلى تەگىن ەمدەۋدى تاباندىلىقپەن جالعاستىرىپ كەلەدى، شاۋەشەك قالاسىنداعى ءارقايسى الەۋمەتتىك اۋماق، ءمالى، قارتتار كۇتىمحاناسى، اسكەري ءبولىم سياقتى جەرلەردەن ونى كەزدەستىرۋگە بولادى.

  جوسپار بويىنشا بيىل 5-ايدىڭ 1-كۇنىنەن 2-كۇنىنە دەيىن پىڭ ميڭشىڭ كاسىبىن توقتاتىپ، تەگىن ەمدەۋ قىزمەتىن ورىستەتەدى، الايدا تەگىن ەمدەۋىن   دەرەۋ توقتاتۋعا مۇمكىندىك بولمادى. سول كۇنى ەمحاناعا كەلگەنىمىزدە ول ەسىگىنە دەمالىس ۋاقىتى جازىلعان ۆيۋەسكانى اسىپ قويسادا ەسىك قاعىپ ەمدەلۋگە كەلگەن ادامداردىڭ اياعى ۇزىلمەگەندىگىن كوردىك.

  «پىڭ شيپاگەر قان قىسىمىمدى ولشەپ بەرىڭىزشى،بۇگىن جايسىزدانىپ تۇرمىن».

  «پىڭ شيپاگەر قانداعى قانت قۇرامىن ولشەپ بەرىڭىزشى».

  ەمدەلۋگە كەلگەندەردىڭ باسىم كوپ ساندىسى 70-80 جاستارداعى قارتتار.

  پىڭ ميڭشىڭ: «ءار كۇنى ەمحاناما كەلەتىن ناۋقاستار وتە كوپ، الايدا اقشا جۇمساپ ەمدەلەتىن ادامدار كوپ ەمەس. ويتكەنى مەنىڭ ەمحاناما كەلەتىندەر   نەگىزىنەن قارتتار، قارتتاردىڭ دەنەسىندە ازدى-كوپتى سوزىلمالى اۋرۋلار بولادى. ونى تۇبەگەيلى ساقايتۋ مۇمكىن ەمەس، سوندىقتان مەن باستىسى ولارعا تەگىن پسيحولوگيالىق جاقتان ءجون سىلتەپ، ۇيلەسىمدى دە اقاۋسىز ازىقتانۋ جوباسىن جاساپ بەرەمىن. ال كەيبىر ناۋقاستاردىڭ ەكونوميكالىق قيىنشىلىعى بولعاندىقتان مەن ولارعا كۇيىمنىڭ كەلىسىنشە كومەكتەسەمىن» دەدى.

  شاعانتوعاي اۋدانىنىڭ تۇرعىنى قاليبەك كۇنى بۇگىنگە دەيىن تۇڭعىش رەت   ەمدەلۋگە كەلگەن جاعدايىن ەسىنەن   شىعارمايدى. ول بىرنەشە جىلدىڭ الدىنداعى قىس مەزگىلىنىڭ كەشقۇرىم كەزى ەدى. پىڭ ميڭشىڭ قىزمەتتەن تۇسەتىن ۋاقىتى بولسادا ونىڭ ناۋقاسىن تەكسەرىپ بەرگەن. ول قينالعان بەينەدە پىڭ ميڭشىڭعا:  «پىڭ شيپاگەر مەندە كوپ اقشا جوق، كەلەسى جولى كەلگەندە بەرسەم بولا ما؟» دەيدى. «قاشان اقشاڭ بولعاندا بەرسەڭدە بولادى» دەيدى دەرەۋ.
«مەن وسى ارادا ءبىر كەش جاتسام بولا ما؟».

  «جارايدى، تەك مىنا جەردىڭ ناشار ورتاسىن كوڭىلىڭە الماساڭ بولدى».

  قاليبەك: «پىڭ شيپاگەر سياقتى جاقسى ادام كورمەگەم. تۇڭعىش رەت كەلىپ اۋرۋ تەكسەرتكەنىمدە اقى المادى. سول كۇنى كەشتە پىڭ شيپاگەر ماعان تاماق جاساپ بەردى. وسى بىرنەشە جىلدا مەنىڭ وتباسىمداعىلاردىڭ بارلىعى پىڭ شيپاگەرگە تەكسەرىلەدى. پىڭ شيپاگەر وتباسىمدا  قيىنشىلىق بارلىعىن بىلەدى. ادەتتە ازداپ ءدارى اقى الادى. مەن وعان ەرەكشە  العىس ايتامىن» دەيدى.

  مۇنداي جاعدايلار كوپ بولعاندىقتان پىڭ شيپاگەردىڭ ەسىندە دە قالماعان.

    تولىقسىز ساناققا قاراعاندا،ەمحانا   اشىلعان 20 نەشە جىلدىڭ ىشىندە   پىڭ ميڭشىڭ 18200 رەتتەن (ادام) استام دەنساۋلىق جونىندە اقىل-كەڭەس بەرۋى قيىنشىلىعى بار ناۋقاستاردىڭ 47 مىڭ 300 يۋاننان استام ءدارى-دارمەك اقىسىن ءوز جانىنان  تولەي تۇرعان. بۇل ەمحانا جانە 10 نان استام مەديتسينا كاسىبىن  وقىعان جاستاردىڭ جۇمىستانۋ ماسەلەسىن  شەشىمدەگەن.

    شەكسىز جاردەم، قالتقىسىز  سۇيىسپەنشىلىك

   قوسىننان قايتار الدىندا پىڭ ميڭشىڭ باستان-اقىر تارباعاتاي بولىمشە اسكەري رايون شيپاحاناسىندا قىزمەت ىستەيدى. سول كەزدە ناۋقاس كوپ بولعاندىقتان شيپاحانا جەرلىك ورىنعا اشىق ۇستالاتىن، ۇستەمە جۇمىس ىستەۋ قالىپتى جاعداي ەدى. كۇندەلىكتى دايىندىق جۇمىستان تىس، پىڭ ميڭشىڭ ۇدايى كومەكتەسەتىن  جەرلەرگە بارىپ ەمدەۋ جۇرگىزەدى.

  پىڭ ميڭشىڭ ۇنەمى مەن ءبىر اسكەرمىن، وتان مەنى قاجەت ەتكەندە،مەن ءبارىن قيامىن، بۇل مەنىڭ ومىرلىك ۇستانىمىم دەيدى.

  ول وڭ كوزىن نۇسقاپ تىلشىگە:  «قاراشى مەنىڭ وڭ كوزىم  سول كوزىمە ۇقسامايتىن شىعار، مەنىڭ وڭ جاق   كوزىمنىڭ كورۋ قۋاتى نە بارى 0.03  عانا، بۇل وتكەن عاسىردىڭ 70-جىلدارىنىڭ سوڭىنداعى ءبىر رەتكى ءورت  ءوشىرۋ بارىسىندا قالعان زارداپ ەدى» دەدى.

  ىلە-شالا پىڭ ميڭشىڭ سول جىلداعى كورىنىستى ايتا جونەلدى.
  «ماحوركا زاۆودىنا ءورت كەتتى»
  «مەن بارامىن!»
  «مەن دە بارامىن....»

  پىڭ ميڭشىڭ: «سول تۇستا، جاپالى مىندەت بولا قالسا، جاۋىنگەرلەر ءوز  ەركىمەن تىزىمدەلەتىن، وزىمشىلدىك بولمايتىن، تەك قالتقىسىز ءوزىن ارناۋ  يدەياسى بولاتىن، مەن دە تىزىمدەلدىم» دەيدى.

  قۇتقارۋ ناق مايدانىنا كەلگەندە وت  جالىنى جوعارى كوتەرىلىپ، تارىس-تۇرىس ەتكەن جارىلىس داۋىسى جاڭعىرىپ، وت ۇشقىنى شار تاراپقا شاشىراپ جاتتى.

  «ول كەزدە قۇبىر سۋى بولماعاندىقتان ءبىز كاتەلمەن،تەگەنەمەن تاياۋ ماڭايداعى توعاننان سۋ تاسىپ ءورتتى وشىرۋدەمىز، سۋ تاسىپ، سۋ شاشىپ جاتىرمىز، وت ۇشقىنى بىزگە لاپ قويادى،كەيبىر    جاۋىنگەرلەردىڭ قاسى، شاشى وت ۇشقىنىنا كۇيىپ كەتتى. كەنەتتەن وت ۇشقىنى مەنىڭ وڭ كوزىمە شاشىراپ، سول ساتتە وڭ كوزىم اۋىرعاندا ەشتەڭەنى كورمەي قالدىم. كەيىن ەمدەۋ بارىسىندا سوڭعى زارداپ قالدى» دەدى پىڭ ميڭشىڭ.

  2008-جىلعى ۋىنچۋان جەر سىلكىنىسى بۇكىل ەل حالىقىنىڭ جانە  پىڭ ميڭشىڭنىڭ كوڭىل تۇكپىرىنەن  وشپەيتىن قاسىرەتتى ەستەمە قالتىردى.

  جەر سىلكىنىسى تۋىلعان كۇنى پىڭ ميڭشىڭ تەلەۆيزوردان وسى  جاعدايدى كورىپ، ناق مايدانداعى  كورىنىس ونى قاتتى ابىرجىتادى، ول جالما-جان پارتيا ياچەيكاسىنا 512 يۋان ەرەكشە پارتيا جارناسىن تاپسىرادى.

  سول كۇنى ول ءتۇن بويى كوز ىلمەي، تاڭ اتىسىمەن ءوزىن ارناپ بارۋ بەكىمىنە كەلەدى، وتباسىنداعىلارعا يدەيالىق قىزمەت ىستەگەننەن كەيىن ول ءوزى جيناعان 20 مىڭ يۋاننان استام  اقشا مەن قۇنى 2 مىڭ يۋاننان استام    ءدارى-دارمەك جانە ەمدەۋ جابدىقتارىن الىپ، اپاتقا ۇشىراعان رايونداعى حالىق بۇقاراسىنا دەگەن شىن جۇرەكپەن اپات رايونىنا بارۋ ساپارىنا اتتانادى.

  جاۋىنگەر ساپتاسى فۋ يىنحۋدىڭ    ەسىنەن سول جىلداعى پىڭ ميڭشىڭنىڭ ۋىنچۋانداعى جەر سىلكىنىسى تۋىلعان   اپات رايونىنا بارۋ الدىنداعى كورىنىسى كۇنى بۇگىنگە دەيىن كەتپەيدى. ول:  «جەر سىلكىنىسى اپاتى تۋىلعان ەكىنشى كۇنى، پىڭ ميڭشىڭ تاڭەرتەڭ ەرتە ونى ىزدەپ، ءۇيىنىڭ شارۋالارىن جانە ارتقى جۇمىستارىن تاپسىرىپ ‹ول ءوز ءومىرىن ارناۋ پوزيتسياسىمەن اپات رايونىنا جول الدى› دەدى فۋ يىڭحۋ.

   «سول كەزدە، ونىڭ وتباسىنا دەگەن قيماستىعىن جانارىنان سەزىندىم ءارى تۇسىنە المادىم، ءبىراق كوپ جىلداردان بەرگى وعان دەگەن تۇسىنىگىمە نەگىزدەلگەندە ول وسىنداي اقى-بوداۋ تىلەمەيتىن ءتىرى لەي فىڭ ەدى، ونىڭ  ۇستىنە، وسىدان كەيىن ءار جىلى 5-  ايدىڭ 12-كۇنى پارتيا ياچەيكاسىنا 512 يۋان ەرەكشە پارتيا جارناسىن تاپسىرىپ، جەر سىلكىنىسى تۋىلعان كەزدەگى قازا بولعان حالىق بۇقاراسىنا ازا تۇتادى» دەدى فۋ يىڭحۋ تىلشىگە.

   32 كۇن بويى كۇندى تۇنگە   جالعاپ، پىڭ ميڭشىڭ قالدىق سىلكىنىستىڭ حاتەرىمەن ساناسپاي،جەر سىلكىنىسى اپاتى تۋىلعان رايونداعى حالىق بۇقاراسى، اپاتتان اراشالاۋ اترەتى مۇشەلەرى سياقتى 3600 دەن ارتىق ادامعا  ەمدەۋ جۇرگىزدى. سونىمەن ءبىر ۋاقىتتا  ءوڭىردى ديزينفەكسيالاۋ، زاتتاردى تازالاۋ، كوڭىل كۇيدى ورنىقتىرۋ، جۇقپالى اۋرۋلاردان ساقتانۋ ۇگىتى سياقتى كوپتەگەن مىندەتتەردى كورنەكتى تۇردە ورىندادى.

1997-جىلدان بەرى قاراي  پىڭ ميڭشىڭ ءار جىلى اۆتونوميالى رايون، ايماق، قالا جاعىنان «تاڭداۋلى كوممۋنيستىك پارتيا مۇشەسى»، «وركەنيەتتى، سەنىمدى جەكە كاسىپكەر» بولىپ سيلانسا؛ 2008-جىلى اۆتونوميالى   رايون جاعىنان «جەر سىلكىنىسىنە قارسى اتتانىپ، اپاتتان قۇتقارۋداعى تاڭداۋلى كوممۋنيستىك پارتيا مۇشەسى» بولىپ  ماراپاتتالادى؛ 2009-جىلى مەملەكەتتىك حالىق ىستەر مينيسترلىگى جاعىنان «مەملەكەتتىك اسكەري قوسىننان شەگىنگەن تاڭداۋلى اسكەر» بولىپ ماراپاتتالىپ ءارى حۋ جينتاۋ، ۋىن جياباۋ سياقتى پارتيا مەن مەملەكەت باسشىلارىنىڭ ىقىلاستى  قابىلداۋىندا بولادى.

  وسىدان سوڭ پىڭ ميڭشىڭ ءوزىنىڭ تالعامىن ءتىپتى دە بەكەمدەپ، مەيىرىمدىلىك پەن ءىس جۇزىندىك ارەكەتى  ارقىلى ءوزىنىڭ شيپاگەرلىك ارمانىن، جۇڭگو ارمانىن جازدى.





رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn