ەەڭ جاڭا مازمۇندار
شاعانتوعاي اۋدانىنىڭ 150 مىڭ مۋلىق ماقسارىسى كوركەم كورىنىسكە اينالدى
شيحۋ توراڭعى ورمانى سۋ ءۇستى باقشاسى ءسىزدى جازدى كوڭىلدى وتكىزۋگە شاقىرادى
ءسىز اڭساعان جاز كەلبەتى وسىندا
شينجياڭعا كومەكتەسۋ بارىسىندا ءومىرىن ارلەندىرە ءتۇستى
بۇقارانىڭ كوڭىل تۇپكىرىنەن ورىن الدى
الۋان ءتۇر، اسقاق كوڭىلمەن مەرەكەنى قارسى الدى
شاۋەشەك قالاسى شارلاپ تەكسەرۋدىڭ كولەمىن اتىز باسىنا دەيىن كەڭەيتتى
وقۋ-اعارتۋ ىستەرىنە تاباندى بولىپ، شۇعىلالى تابىستارعا قول جەتكىزدى
ەڭ سۇيىكتى ءورت ءوشىرۋشى
پارتيا قۇرىلىسىنىڭ نەگىزگى كاسىبىن مىقتى يگەرىپ، جاۋىنگەرلىك قامالدى بەكەمدەيىك
ازىق-تۇلىك حاۋىپسىزدىگى وتكەلىن
ماڭايىمىزداعى كوركەمونەرشىلەرمەن تانىسايىق
ايماعىمىزدىڭ الدىڭعى جارىم جىلداعى جۇمىستاندىرۋ جاعدايى ورنىقتى ارتتى
چىن چۋانگو ۇرىمجىدە كاسىپورىنداردىڭ ءوندىرىس،تيجارات جاعدايىنا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
شاۋەشەك قالاسى 90 ميلليون يۋان قارجى قوسىپ،50 كيلومەتر ۇزىندىقتاعى جىلۋمەن قامداۋ قۇبىر تورابىن جاڭالادى
«جاقسى ىستەپ، تىپتى دە جوعارى ەڭبەكاقى الۋعا كۇش سالامىن»
قۇرىلىم رەفورماسىنىڭ جاڭا جاعدايىن بارشا جۇرت القادى
ىنتا-پەيىلىمەن كۇش سالا قىزمەت وتەدى
مەيىرگە تولى جانۇيا قۇردى
ەكولوگيالىق ورتاسى كوركەم سۋرەتتەي شاعانتوعاي
شاۋەشەكتە باس قوسىپ، اككوردەون مەرەكەسىنەن ءلاززاتتانايىق
شاعانتوعاي اۋدانىندا ماقسارى گۇل اشىپ، شارۋالار شاتتىققا شومدى
ءبيدايعا وراق سالىندى
تاربيە ايىندا ستيل تازارتۋ قيمىلى تەبىندى ورىستەتىلدى
اۋقاتتانۋ شەبەرلەرى شارۋالار شاتتىعى ساياجايىن اشىپ، قىستاق تۇرعىندارىءوز جەرلەرىندە كاسىپتەندى
تيانشان جابايى قىزىل بۇعىسى بايقالدى
كوشە جاڭالانىپ، قالا شت-جاڭا بەينەگە ەندى
نازاردى باس نىساناعا شوعىرلاندىرىپ، قۇرىلىم رەفورماسىن تەرەڭدەتۋ جەتىستىكتەرىن بەكەمدەپ، رايونىمىزدىڭ رەفورمانى جاپپاي تەرەڭدەتۋىنىڭ ىشكەرىلەي دامۋىن ىلگەرىلەتۋ كەرەك
تولى مىنە وسىنداي كوركەم
«ولار ءبىزدىڭ ۇيرەنەتىن ۇلگىمىز»

ءىس جۇزىندىك ارەكەتى ارقىلى وزگەلەرگە مەيىر جەتكىزدى

جولدانعان ۋاقىتى : 2019/5/10 17:31:12

___ اۆتونوميالى رايوندىق ەڭبەك وزاتى سالىقجان يمىن جايلى
 
   ءتىلشىمىز ۋاڭ شۋشيا حابارلايدى. شاۋەشەك قالاسى جاڭا جامبىل ءمالى باسقارماسى قارا ءدوڭ   الەۋمەتتىك اۋماعىندا ءبىر قاراپايىم ۇيعۇر قاريا بار،ول ءار دۇيسەنبى كۇنى ءوز اۋلاسىندا تاباندىلىقپەن مەملەكەت تۋىن شىعارعانىنا قازىرگە  دەيىن 10 جىل  بولدى. ول «شەكارا وڭىردەگى تاڭداۋلى پەرزەنت»،«اۆتونوميالى رايوندىق   ەڭبەك وزاتى»،«شينجياڭنىڭ ساۋدا سالاسىنداعى وزات جەكە»،«شاۋەشەك قالاسىنداعى ۇلتتار ىنتىماعىنداعى وزات وركەنيەتتى وتباسى» سياقتى كوپتەگەن داڭققا يە بولعان.
   ول كىم؟ول اۆتونوميالى رايوندىق ۇلتتار   ىنتىماعى العاباسارلىعىنداعى ۇلگىلى جەكە،تارباعاتاي ايماقتىق ۇلتتار ىنتىماعى العاباسارلىعىنداعى وزات جەكە سالىقجان يمىن.
 

سالىقجان كىتاپ بولمەسىندەگى كىتاپتارىن رەتتەۋدە.

سالىقجان ورتا تازالىعى جۇمىسشىلارىنا قولعاپ جەتكىزۋدە.

سالىقجان مارگۇلگە مەملەكەتتىك ەكى ءماجىلىس رۋحىن ۇگىتتەۋدە.
 
اكە-شەشەسىنىڭ ىقپالىمەن وزگەلەرگە كومەكتەسۋدى ادەتكە اينالدىردى
 
     سالىقجاننىڭ جاقسى ءىس ىستەپ، باسقالارعا مەيىر جەتكىزۋىن اكە-شەشەسىنىڭ تاربيەسىنەن بولە قاراۋعا بولمايدى.

   1950-جىلى جۇڭگو حالىق ازاتتىق ارمياسىنىڭ ءمالىم قوسىنى شاۋەشەك قالاسىنا كەلىپ قونىستاناتىن جەر تابا الماي قالادى. سالىقجاننىڭ اكە-شەشەسى  اقىلداسا كەلە وزدەرىنىڭ 4 اۋىزدى ءۇيىن ازاتتىق ارمياسىنا بوساتىپ بەرىپ، اۋلاسىنداعى بىرنەشە مۋ جەرىن ازاتتىق ارمياسىنىڭ پايدالانۋىنا بەرەدى. 1950-جىلدان 1958-جىلعا دەيىن ولار ازاتتىق ارمياسىمەن ءبىر وتباسىنىڭ ادامدارىنداي تاتۋ-  ءتاتتى وتەدى.

   1984-جىلى سول كەزدە ولاردىڭ ۇيىندە تۇرعان ازاتتىق ارمياسىنىڭ ءبىر وفيتسەرى ادام سالۋ ارقىلى توڭىرەكتىڭ ءتورت بۇرىشىنان سۇراستىرىپ   سالىقجاندى ىزدەپ تابادى. ءۇرىمجى قالاسىندا  كەزدەسكەننەن كەيىن الگى وفيتسەر ونىڭ قولىن  قىسىپ تۇرىپ: «كەزىندە ءسىزدىڭ اكە-شەشەڭىز بىزگە تاماق ىستەپ، كيىم-كەشەگىمىزدى جۋىپ، جاقىن تۋىسىنداي قارايلاسقان ەدى،سوندىقتان مەن، ءسوزسىز، سىزدەردى ىزدەپ تاۋىپ، العىستى    سەزىمىمدى بىلدىرمەكشى بولدىم» دەدى.

   بۇل ءىس سالىقجانعا تەرەڭ اسەر قالدىردى. ونىڭ كوكەيىندە اكە-شەشەسى ونىڭ ۇيرەنۋ ۇلگىسى ەدى، لەي فىڭنان ۇيرەنىپ، جاقسى ءىس ىستەۋدى مۇرات تۇتتى.

   سالىقجان 1992-جىلدان 2008-جىلعا دەيىن قوي،سيىر ەتىن ساتۋمەن شۇعىلداندى. وسى  بارىستا ءار رەتكى وقىتۋشىلار مەرەكەسىندە ول ءار ۇلت  وقىتۋشىلارىن ارزان باعاداعى ەتپەن قامدادى. مۇگەدەك، جەتىم-جەسىر قارتتار مەن تۇرمىسىندا قيىنشىلىعى بار كورشىلەرىنە تەگىن ەت، كوكونىس جەتكىزىپ بەردى ءارى وتباسىنا بارىپ حال سۇرادى.

   تالاي جىلدان بەرى سالىقجان ون نەشە جەتىم-جەسىر قارت پەن بالاعا كومەكتەسىپ قانا قالماستان، ءار جىلى قاراستى رايونداعى ورتا تازالىعىن قورعاۋ جۇمىسشىلارىنا مينەرال سۋ، قولعاپ،كيىم-كەشەك سياقتىلاردى جەتكىزىپ بەرىپ وتىرعان.

   بيىل «1-مامىر» ەڭبەكشىلەر مەرەكەسىندە سالىقجان ناۋقاستانىپ قالعان 97 جاستاعى قارياعا بارىپ حال سۇرادى. 5-ايدىڭ 6-كۇنى مەملەكەت تۋىن شىعارىپ بولعان سوڭ،ورتا تازالىعىن قورعاۋ جۇمىسشىلارىنا مينەرال سۋ مەن قولعاپ جەتكىزىپ بەردى.

   ورتا تازالىعىن قورعاۋ جۇمىسشىسى باحادر:   «سالىقجان قاريا،شىنىندا،وتە جاقسى ادام، ءار جىلى ءار ماۋسىمدا ەسىك الدىندا تۇرىپ بىزگە مينەرال سۋ بەرەدى، جاز كۇندەرى جەمىس-جيدەك بەرەدى. ءارقاشان ءبىزدىڭ قامىمىزدى جەيدى، ءبىز ول كىسى ءۇشىن القاۋ ايتامىز» دەدى.
 
ۇلت ايىرمايتىن وتباسى
 
    سالىقجان مەن مىڭ گۋاڭجى 30 نەشە جىلدىق   اعايىن. مىڭ گۋاڭجى سالىقجاننان ۇلكەن ەدى. 1962-جىلى جازعىتۇرىم مىڭ گۋاڭجى ءوزى جالعىز شاندۇڭنان شاۋەشەككە كەلىپ، تۇرار جاي ىزدەپ اڭكى-تاڭكى بولىپ تۇرعاندا سالىقجانعا جولىعادى. مەيىرىمدى سالىقجان ءبىر اۋىزدى قويماسىن مىڭ  گۋاڭجىعا بوساتىپ بەرەدى. ول بۇل ۇيدە 20 جىلدان استام ۋاقىت تۇردى.

    ءبىر جىلى قىستا سالىقجان مىڭ گۋاڭجىعا   كومەكتەسىپ، قۇرىلىس سەرىكتىگىنەن ءبىر كوپ-كورىم جۇمىس تاۋىپ بەرەدى. كوكتەم مەرەكەسىنەن كەيىن مىڭ گۋاڭجى ايەلى مەن ۇلىن اكەلىپ، ەكى وتباسى قويان-قولتىق ارالاسىپ، بارلىعى ءبىر قاقپادان شىعىپ،ءبىر ءۇيلى جانداي تاتۋ-ءتاتتى وتەدى. كەيتىندە مىڭ گۋاڭجىنىڭ كىشى ۇلى تۋىلعاننان كەيىن ۇلىنا مىڭ جاۋيوۋ دەپ ات قويادى.

   ەكى وتباسىنىڭ بىرگە تۇرمىس كەشىرگەن  ساتتەرى مىڭ جاۋيوۋدىڭ ءالى ەسىندە، ول: «سول جىلدارى كوپشىلىكتىڭ تۇرمىسى وتە قيىنشىلىقتا ەدى. ءبىز   اكەمىزدىڭ ەڭبەكاقىسىنا سۇيەنىپ تۇرمىس كەشىرەتىنبىز،قارىنىمىز تويماي قالۋ، جىلى كيىم-كەشەك كيە الماۋ ۇنەمى كەزدەسەتىن ءىس ەدى. الايدا، اكەمىز تاماق ۋاعىندا ءبىزدى سالىقجان اعانىڭ ۇيىنە بارىپ ويناۋعا جىبەرمەيدى» دەيدى. مۇنداعى سەبەپ سالىقجان مۇنى ىشتەي بىلەتىن. ول امالىن تاۋىپ، باۋىرلاسى مىڭ جاۋيوۋدىڭ قارنىن تويعىزاتىن ەدى.

   مىڭ جاۋيوۋ: «ءالى ەسىمدە ءبىر جولى تۇسكى استا سالىقجان اعا تولتىرا سالىنعان ءبىر تاباق  لاڭماندى اكەلىپ، اعام مىڭ جاۋيۋاندى شاقىرىپ  قىزىقتىراتىن. مىڭ جاۋيۋان تاماقتى ەندى يىسكەي بەرگەندە سالىقجان اعا تۇيىقسىزدان اعام     مىڭ جاۋيۋاننىڭ توبەسىنەن باسىپ قالعاندا اعامنىڭ اۋىزى مەن مۇرنىنا تاماقتىڭ سۋى مەن سايى  جابىسىپ قالادى. وسى كەزدە سالىقجان اعا كۇلىپ تۇرىپ: ‹بۇل تاماققا سەنىڭ سىلەكەيىڭ جۇعىپ قالدى، ءسوزسىز، جەپ تاۋىس› دەيتىن» دەدى.

   1985-جىلى مىڭ گۋاڭجىنىڭ وتباسىنداعىلار مەكەمە بەرگەن قابات ۇيگە كوشىپ كىرەدى. الايدا، ەكى وتباسىنىڭ اراسى وسىعان بولا الىستاپ كەتپەدى. 1997-جىلى مىڭ گۋاڭجى باۋىر راگى ناۋقاسىنا شالدىعىپ توسەك تارتىپ قالادى.  سالىقجان ءار كۇنى شيپاحانادا وعان قارايلاسادى. ءبىر جىلدان كەيىن مىڭ گۋاڭجى قايتىس بولىپ، سالىقجان 30 جىلدان استام ۋاقىت بىرگە  وتكەن جاقسى اعايىنىن شىعارىپ سالادى.

   2001-جىلى مىڭ گۋاڭجىنىڭ ايەلى سوڭعى   ءومىرىن الاڭسىز وتكىزۋ ءۇشىن شاندۇڭعا  قايتادى. 2006-جىلى سالىقجاننىڭ ايەلى باقىتقا قارسى نەسەپتەن ۋلانۋ اۋرۋىنا شالدىعىپ قالعانىن ەستىگەندە مىڭ گۋاڭجىنىڭ ايەلى مەن ءۇش ۇلى شاۋەشەككە ولارعا امانداسا كەلەدى. مىڭ گۋاڭجىنىڭ ايەلى بالالارىمەن بىرلىكتە جيعان 10 مىڭ يۋان اقشاسىن سالىقجاننىڭ قولىنا ۇستاتقان كەزدە سالىقجان ەشتەمە المايتىندىعىن ايتادى.

   مىڭ گۋاڭجىنىڭ ايەلى ءبىر جاعىنان، اقشانى زورلىقپەن سالىقجاننىڭ قالتاسىنا سالىپ، ەندى ءبىر جاعىنان: «ءبىز ءبىر وتباسىنىڭ ادامى    ەمەسپىز بە؟ارينە، ءبىر وتباسىنىڭ ادامى ەكى ءتۇرلى سويلەمەيدى» دەيدى.
 
كورشى-قولاڭدارىنا پارتيانىڭ جاقسى ساياساتىن ۇگىتتەدى
 
  بۇگىنگى كۇنى 70 جاستان اسقان سالىقجان ءالى دە ءبىر ءىستى تاباندىلىقپەن جالعاستىرىپ كەلەدى، ول ءار دۇيسەنبى كۇنى جانە ۇلكەن مەرەكەلەردە ءوزىنىڭ اۋلاسىندا بەس جۇلدىزدى مەملەكەت تۋىن شىعارادى، وعان جەل مەن جاڭبىر بوگەت بولا المايدى، بۇل شىن پەيىلىمەن، شىنايى سۇيىسپەنشىلىگىمەن باسقالارعا مەيىر جەتكىزگەنمەن بىردەي...

   سونىمەن بىرگە، ول مەملەكەت تۋىن شىعارۋ سالتىنان پايدالانىپ، كورشى-قولاڭدارىنا پارتيانىڭ جاقسى ساياساتىن ۇگىتتەيدى. سالىقجان ءوز اۋلاسىنان ءبىر كىشكەنە كىتاپحانا سالىپ، ىشىنە ءتۇرلى    توڭكەرىستىك كىتاپتار مەن پارتيا گازەت-جۋرنالدارىن قويىپ، ەكسكۋرسيالاۋعا كەلگەندەردىڭ وقۋىنا ۇسىنادى.

   بيىل مەملەكەتتىك ەكى ءماجىلىس اشىلعاننان   كەيىن،سالىقجان تەلەۆيزور، پارتيا گازەت-جۋرنالى سياقتى ءتۇرلى تۇعىرلاردان پايدالانىپ ەكى ءماجىلىس رۋحىنا دەن قويۋمەن بىرگە،كورشىلەرىنە ەكى ءماجىلىس رۋحىن  ۇگىتتەدى. سونىمەن بىرگە، قارا كۇشتەردى الاستاۋ، سۇرقيا كۇشتەردى جويۋ ارناۋلى  كۇرەسى ورىستەتىلگەننەن بەرى سالىقجان كورشىلەرىنە قارا كۇشتەردى الاستاۋ،سۇرقيا كۇشتەردى جويۋدىڭ ماڭىزدى مازمۇنىن ءتۇسىندىرىپ،ءتىپتى دە كوپ ادامدارعا مۇنىڭ كەلەلى ءمانىن ۇعىندىردى.

   سالىقجاننىڭ ۇگىت-لەكسياسىن تىڭداعان  كورشىلەرى 2000 ادامنان استى.

   5-ايدىڭ 6-كۇنى سالىقجان 70 جاستاعى  ءجۇرىپ-تۇرۋى قولايسىز بولعان كورشىسى  مارگۇلگە ەكى ءماجىلىس رۋحى جانە قارا كۇشتەردى الاستاۋ، سۇرقيا كۇشتەردى جويۋ سياقتى مازمۇنداردان ۇگىت-لەكسيا جاسادى.

   مارگۇل: «سالىقجاننىڭ كورشىسى بولعانىما وتە قۋانىشتامىن، ءار رەت پارتيانىڭ ءتۇرلى جاقسى ساياساتتارىنان دەر كەزىندە حاباردار بولامىن، ول ءىس جۇزىندىك ارەكەتى ارقىلى بىزگە مەيىر  جەتكىزدى» دەدى.

  سالىقجان: «بىلتىر 20 مىڭ قوناق قابىلدادىم،بيىل 20 مىڭنان اساتىندىعىن مەجەلەپ وتىرمىن، ءار رەت بۇل جەرگە ەكسكۋرسيالاي كەلگەندەرگە مەن كوڭىل قويا دايىندالىپ، ولارعا مۇقياتتىلىقپەن ۇگىت-لەكسيا جاساپ، كوپتەگەن ادامدارعا پارتيا مەن ۇكىمەتتىڭ جاقسى ساياساتىن جەتكىزەمىن» دەدى.

  سالىقجان ءوزىنىڭ ءىس جۇزىندىك ارەكەتى ارقىلى توڭىرەگىندەگىلەرگە ۇزدىكسىز باستاماشىلىق  ەتىپ، پارتيانىڭ حالىق بۇقاراسىن باستاپ قولعا كەلتىرگەن باقىتتى دا تاماشا تۇرمىسىنىڭ شۇعىلالى تاريحىن اعا-باۋىر، اپەكە-سىڭلىلەرىنە ىشكەرىلەي ۇگىتتەپ، ءىس جۇزىندىك ارەكەتى ارقىلى پارتيا مەن ۇلى وتاندى قىزۋ سۇيەتىندىگىن ايگىلەدى.



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn