ەەڭ جاڭا مازمۇندار
شي جينپيڭ ازيا وركەنيەتتەر تىلدەسۋى جينالىسىنىڭ اشىلۋ سالتىنا قاتىناستى ءارى ارقاۋ ءسوز سويلەدى
جاقۇتتاي جارقىراعان ازيا وركەنيەتى _ دۇنيە ءجۇزى وركەنيەتىنىڭ ايشىقتى تاراۋى
ساحاراداعى شەبەر شيپاگەر
ءدوربىلجىن اۋدانىنداعى جابايى الما باقشاسى
قارامايلى-شاۋەشەك تەمىر جولى
قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ،ايماقتىڭ ۇگىت-يدەيا قىزمەتىنىڭ جاڭا جاعدايىن قۇلشىنا اشايىق
شارلاپ تەكسەرۋدىڭ «ميكروسكوپ»ى ايماعىمىزدىڭ قارا كۇشتەردى الاستاپ، سۇرقيا كۇشتەردى جويۋ ارناۋلى كۇرەسىن ىلگەرىلەتتى
اكىمشىلىك مەكەمەسىنىڭ پارتيا باسشىلىق گرۋپپاسى 2019-جىلعى 5-رەتكى كەدەيلىكتەن ارىلتۋدان قامال الۋ ارناۋلى تاقىرىبىنداعى كوللەكتيۆ ۇيرەنۋىن وتكىزدى
2019-جىلى 5-ايدىڭ 17-كۇنى 115-سان
شاعانتوعايداعى «اۋىل شارۋاشىلىق ماشينالارىن رەمونتتاۋدىڭ مايتالمانى»
قارامايلى-شاۋەشەك تەمىر جولى
2019-جىلى 5-ايدىڭ 16-كۇنى 114-سان
سالىنۋ ۇستىندەگى جىبەك جول
اۋىل-قىستاق ساياحاتىنىڭ دامۋىن جەبەپ، ساپاسىن جوعارىلاتىپ، دەڭگەيىن كوتەرەدى
اياعىمەن كەستە تىگىپ، ارمانىن جۇزەگە اسىردى
قارا كۇشتەردى الاستاۋ، سۇرقيا كۇشتەردى جويۋ جونىندەگى بىلىمدەردى جۇرت جۇرەگىنە ۇيالاتتى
قارا - سۇرقيا كۇش زاڭسىز قىلمىسىن وتكىزگەندەردى ءوزىن مالىمدەۋگە قۋزاۋ جونىندەگى حابارلاندىرۋ
«80-جىلدار» تۇلەگىنىڭ زاۆود قۇرۋ ارمانى
سارباس قىستاعىنىڭ شىت جاڭا بەينەگە ەنۋىندەگى «اسىلى»
جاڭا ءداۋىردى بار ىنتا-پەيىلىمەن جازدى
ۇلتتار ىنتىماعى مەن قوعام ورنىقتىلىعىن باتىل قورعايمىن
2019-جىلى 5-ايدىڭ 15-كۇنى 113-سان
«سەرىكتەس زاۆودتار» ارماندى جۇزەگە اسىراتىن ورىنعا اينالدى
شاۋەشەك قالاسى ورتانى جاسىلداندىرىپ، ورمانمەن كومكەردى
ءدوربىلجىن اۋدانىنداعى شۇي جۇڭۋي تالاسقىش اتەش باعىمشىلىعىن كاسىپكە اينالدىردى
انجىحاي قالاشىعى تابيعاتى كورىكتى، قونىستانۋعا جايلى مەكەن قۇردى
جانارگۇل نان ساتىپ اۋقاتتاندى
وزگەشە ۇيلەنۋ تويى، ەستەن كەتپەس ەستەمە
رايونىمىزداعى قوعام حاۋىپسىزدىگى ورگاندارى قارا كۇشتەرگە، سۇرقيا كۇشتەرگە ساياتىن ءبىر توپ دەلونى ءساتتى انىقتادى
گاۋ ۋي ۇشقىشسىز ۇشاقتى ۇشىرۋدا

بارماق باسقان ءبىر جىلدان كەيىن

جولدانعان ۋاقىتى : 2019/5/10 19:13:14

-شاۋەشەك قالاسى قاراقاباق اۋىلى باسبوزداق قىستاعىندا تۇرىپ تەكسەرۋ-زەرتتەۋ جۇرگىزۋ دوكلاتى


باسبوزداق قىستاعىنىڭ  تۇرعىندارى پايدا ۇلەسىن الۋدا.
 
   ءتىلشىمىز ۋىن بو حابارلايدى. كوكتەمگى ءوندىرىستىڭ قاربالاس مەزگىلىندە، شاۋەشەك قالاسى قاراقاباق اۋىلى باسبوزداق قىستاعىنىڭ ەگىستىك جەرىندە اۋىل شارۋاشىلىق ماشينالارى كۇندىز-  ءتۇنى جۇمىس جۇرگىزىپ، جەر جىرتىپ، تۇقىم ءسىڭىرىپ قاربالاستىققا ءتۇستى.

  ءبىر جىلدىڭ الدىندا باسبوزداق قىستاعىنداعى ارحيۆ تۇرعىزىلىپ، كارتچكا بەرىلگەن 45 كەدەي وتباسى سەلبەستىك كووپەراتيۆىنە مۇشە بولۋ كەلىسىمىنە بارماقتارىن باسىپ، جەرلەرىن سەلبەستىك كووپەراتيۆىنىڭ ەگىمشىلىكپەن شۇعىلدانۋىنا بەرگەن ەدى. ءبىر جىل ءوتتى، جەردەن تۇسكەن پايدا مەن باقىت سەزىمى قىستاق تۇرعىندارىنىڭ قۋانىشتى كۇلكىسىنەن اڭعارىلدى.

  ءۇمىت اتىزىن اشتى
  قىستاق تۇرعىندارى جونىنەن باس ەگىمشىلىك،باعىمشىلىق كاسىپتىك سەلبەستىك كووپەراتيۆىنىڭ قۇرىلۋى قىستاقتاعى بۇرىنعى جەردى تيجاراتقا سالىپ، ەگىمشىلىكپەن شۇعىلدانۋ ۇلگىسىن تۇبەگەيلى وزگەرتىپ، كەدەي قىستاق تۇرعىندارىنىڭ ناقتىلى كىرىسىن قامتاماسىز ەتتى.

  قىستاقتىڭ ءبىرىنشى شۋجيى، قىستاقتا تۇراتىن قىزمەت اترەتىنىڭ باستىعى   ما نيڭنىڭ تانىستىرۋىنا نەگىزدەلگەندە، ۇزاق ۋاقىتتان بەرى جەردەن پايدالانىپ تيجارات جۇرگىزۋدى باسقارۋ جۇيەلى بولماعاندىقتان، كوپتەگەن قىستاق تۇرعىندارى جەرىن ەگىمشىلىكپەن شۇعىلداناتىن ءىرى وتباسىنا ۇزاق ۋاقىتقا تومەن باعادا كوتەرمەگە بەرگەن. سوڭعى بىرنەشە جىلدان بەرى جەردى كوتەرمەگە الۋ   باعاسى كۇننەن-كۇنگە جوعارىلاعان بولسا دا، قىستاق تۇرعىندارى جەردەن تاباتىن كىرىسىن ارتتىرۋعا شاراسىز   قالعان، ءبىرسىپىرا قىستاق تۇرعىنى   ءتۇرلى سەبەپتەردەن تۇرمىستا  قيىنشىلىققا ۇشىراپ، تۇتاس قىستاقتاعى ارحيۆ تۇرعىزىلىپ، كارتچكا بەرىلگەن كەدەي وتباسى 45 كە جەتكەن.

  ۇعىسۋعا قاراعاندا، باسبوزداق قىستاعىندا 82 وتباسى بار بولىپ، %95 ىن از ۇلت ۇستايدى، كىسى باسىنا ورتا ەسەپپەن تۋرا كەلەتىن ەگىستىك جەر 25 مۋ بولعان. مۇنان بۇرىن قىستاقتاعى 8600 مۋ ەگىستىك جەردىڭ 5350 مۋىن ەگىمشىلىكپەن شۇعىلداناتىن ءىرى وتباسىلارىنا ۇزاق ۋاقىتتىق كوتەرمەگە بەرگەن ەكەن.

  قىستاق تۇرعىنى قاجىكەلدى قىستاقتاعى ارحيۆ تۇرعىزىلىپ، كارتچكا بەرىلگەن كەدەي وتباسى،2010-جىلى ول ءار مۋ جەرىن 70 يۋاننان ۇزاق ۋاقىتتىق كوتەرمەگە بەرىپ،كوتەرمەگە بەرۋ  اقىسىن العاننان كەيىن، قوي،سيىر باعىپ كىرىسىن ارتتىرماقشى بولعان، الايدا   تيجارات جۇرگىزۋى ويداعىداي بولماعاندىقتان، ماندىمدى كىرىس كىرگىزە    الماي، تۇرمىسى كۇننەن-كۇنگە ناشارلاي تۇسكەن ەكەن.

  ما نيڭ: «قىستاعىمىزدا قاجىكەلدىنىڭ جاعدايى سياقتى مىسالدار وتە كوپ، وتباسىلارىن ارالاپ جاعداي ۇعىسۋ بارىسىندا قىستاق تۇرعىندارى جەر ماسەلەسىن كوپ اڭىس ەتەدى. ولار جەرىن كوتەرمەگە بەرگەن كەزدەگى باعا قازىرگى بازار باعاسىنان الدەقايدا تومەن بولعاندىقتان، جەردەن پايدالانىپ تيجارات جۇرگىزۋدىڭ جۇيەلى بولماۋى قىستاق تۇرعىندارىنىڭ كىرىسىن ارتتىرىپ،اۋقاتتانۋىنا اۋىر ىقپال كورسەتكەن» دەدى.

  كەدەيلىكتەن ارىلتۋدان قامال الۋ  شايقاسى باستالعاننان كەيىن،جوعارى  دارەجەلى پارتكومنىڭ قولداۋىندا،   باسبوزداق قىستاعى قىستاق تۇرعىندارىنىڭ جەردى كوتەرمەگە بەرگەن كونە ەسەبىن بىرتىندەپ اداقتاپ، قىستاق تۇرعىندارىنىڭ قيىنشىلىعى مەن تالابىن  تولىق    يگەردى. ولار قىستاق تۇرعىندارىنىڭ   قيىنشىلىعى مەن تالابىنا قاراي جەردى بىرىكتىرىپ سەلبەستىك كووپەراتيۆىنە جارناعا قوسۋ ءادىسىن قولدانۋدى  ۇيعارىپ، جەردى اينالىمعا سالۋ بازارىن  جۇيەگە ءتۇسىرىپ، قىستاق تۇرعىندارىنىڭ جەردەن الاتىن پايداسىن جوعارىلاتىپ، قىستاق تۇرعىندارىنىڭ كىرىسىن ارتتىرىپ، اۋقاتتانۋ جولىنا تۇسۋىنە تۇساۋ بولعان تۇيىنشەكتى تۇبەگەيلى شەشىپ بەردى.

  2018-جىلى 1-ايدىڭ 16-كۇنى قىستاق «ەكى كوميتەتى» مەن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ جەتەكشىلىگىندە، باس باعىمشىلىق  كاسىپتىك سەلبەستىك كووپەراتيۆى رەسمي قۇرىلدى. قىستاق تۇرعىندارى بازار باعاسى بويىنشا جەردى اينالىمعا سالۋدىڭ جاڭا توقتامىنا قول قويىپ، جەردى سەلبەستىك كووپەراتيۆىنىڭ ەگىپ باسقارۋىنا تابىس ەتتى.   بۇرىنعى ءىرى ەگىمشىلىكپەن شۇعىلدانۋشىلار سەلبەستىك كووپەراتيۆىنىڭ القا مۇشەلىگىنە تاعايىندالىپ، سەلبەستىك كووپەراتيۆىنىڭ   تيجاراتىن باسقارۋعا جاۋاپتى بولدى.

  قىستاق تۇرعىنى نۇرلان نيعىمەت ۇلى ەگىنشىلىك ءىرى وتباسى،قازىر سەلبەستىك كووپەراتيۆىنىڭ القا باستىعى. ونىڭ تانىستىرۋىنا نەگىزدەلگەندە، سەلبەستىك كووپەراتيۆى ءار مۋ ەگىستىك جەردەن جىلىنا ەڭ تومەن بولعاندا 300 يۋان  كىرىس كىرگىزۋگە كەپىلدىك ەتۋ نەگىزىندە ارتقان پايدانى سەلبەستىك كووپەراتيۆى %60، قىستاق تۇرعىندارى %40 سالىستىرما بويىنشا ءبولىپ، قىستاق تۇرعىندارىنىڭ ۇيلەسىمدى پايدادان يگىلىكتەنۋىنە كەپىلدىك ەتەدى ەكەن.

  سوڭىندا ارحيۆ تۇرعىزىلىپ، كارتچكا بەرىلگەن 45 كەدەي وتباسىن قامتىعان 75 وتباسى بارماق باسىپ، سەلبەستىك كووپەراتيۆىمەن جەردى اينالىمعا سالۋ توقتامىنا قول قويىسىپ، ۇزاق ۋاقىت  كوتەرمەگە بەرىلگەن 5350 مۋ جەردى قامتىعان 7700 مۋ جەردى سەلبەستىك كووپەراتيۆتىڭ باسقارۋىنا تابىس ەتتى.

  اۋقاتتانۋدىڭ تۇقىمىن سەپتى

  تۇقىم تاسىپ، تىڭايتقىش سەپتى...كوكتەمگى ەگىس باستالعاننان كەيىن قىستاق تۇرعىنى قازىبەك پەن جانە باسقا بىرنەشە قىستاق تۇرعىنى سەلبەستىك كووپەراتيۆىنىڭ تۇقىم سەبۋ ماشيناسىنا ىلەسىپ، ءار كۇنى قىستاقتاعى اتىز باسىنا كەلەدى. تۇقىم سەبۋ ماشيناسىنىڭ ارەدىگىندە ولار كەزەكپەن جىل باسىندا پايدا ءبولىسۋ اڭگىمەلەرىن شەرتىسەدى.

  «بىزگە توتە بۋما-بۋما اقشا بەرەتىنىن ويلاماپپىز......» « وتكەن جىلعى ءبىر جىلدىق پايدامىز بۇرىنعىدان الدەقايدا جوعارى بولدى......» «جىل سوڭىندا پايدا العان نەدەگەن جاقسى !»

  بيىل 1-ايدىڭ 15-كۇنى باسبوزداق قىستاعى پايدا ءبولىسۋ زور جيىنىن  اشىپ، ناق مايداندا قىستاق تۇرعىندارىنا 2 ميلليون 410 مىڭ يۋان اقشا تاراتتى.   زور جيىندا كوپشىلىك ءار مۋ جەردەن 300 يۋان تومەنگى پايدا مەن 96 يۋان پايدا ءبولىسىن الدى.

  قازىبەكتىڭ وتباسىندا 25 مۋ ەگىستىك جەر بار بولىپ، بۇرىن ءار مۋىن نە بارى 100 يۋاندىق باعامەن كوتەرەگە بەرىپ، ءار جىلعى كىرىسى 2500 يۋاننان اسپايتىن. ال سەلبەستىك كووپەراتيۆىنە كىرگەننەن كەيىن ول سول جىلدىڭ وزىندە جەرىنەن 9900 يۋان پايدا الىپ، بۇرىنعىسىنان 4 ەسەگە تاياۋ ارتقان.

  «سەلبەستىك كووپەراتيۆىندە جۇمىس ىستەپ تاپقان كىرىسىمدى قوسقاندا   وتكەن جىلى 18 مىڭ يۋان كىرىس كىرگىزدىم، وسىلاي جالعاسا بەرسە بىرنەشە جىلعا قالماي كەدەيلىكتەن ارىلىپ، اۋقاتتانامىن» دەيدى بولاشاعى تۋرالى ءسوز قوزعاعان قازىبەك كامىل سەنىممەن.

  قىستاق پارتيا ياچەيكاسىنىڭ شۋجيى  لۋان شيننىڭ ايتۋىنشا سەلبەستىك كووپەراتيۆى قىستاق تۇرعىندارىن وسىنداي   جوعارى پايداعا كەنەلتۋى پارتيا ياچەيكاسى رولىن تولىق ساۋلەلەندىرگەندىگىنەن بولە قاراۋعا بولمايدى.

  لۋان شىن: «سەلبەستىك كووپەراتيۆى قۇرىلعان العاشقى مەزگىلدە پارتيا مۇشەلەرىنىڭ اۆانگاردتىق رولىن تولىق ساۋلەلەندىرىپ، سەنىمدى، كوپكە قىزمەت   وتەيتىن، تاجىريبەلى پارتيا مۇشەلەرىن سەلبەستىك كووپەراتيۆىنىڭ نەگىزگى باسقارۋشىلىق مىندەتىنە تاعايىندادىق. تيجارات ۇلگىسىن تاڭداۋدا ءبىز تاعى دا سول كەزدەگى جاعدايعا تىعىز بىرلەستىرە وتىرىپ، وسىزاماندانعان، شوعىرلانعان، كولەمدەنگەن دامۋ جولىن تاڭدادىق» دەدى.

  سەلبەستىك كووپەراتيۆىنىڭ القاسى  لياڭ شياۋمەي قىستاقتاعى پارتيا مۇشەسى، سەلبەستىك كووپەراتيۆى قۇرىلعاننان  كەيىن ول سول جىلى كوكتەمگى ەگىس قىزمەتىنە دەرەۋ كىرىسەدى. ول: «القا مۇشەسى مىندەتىنە تاعايىنداۋ پارتيا ۇيىمىنىڭ بىزگە بەرگەن داڭقتى مىندەتى. ءبىز قىستاق تۇرعىندارىنىڭ جەرىن جاقسى باسقارىپ، ەگىندى جاقسى ەككەندە عانا كوپشىلىكتى كەدەيلىكتەن ەرتەرەك     ارىلتامىز» دەدى.

  وتكەن جىلى كۇزگى جيىن-تەرىننەن كەيىن قىستاق پارتيا ياچەيكاسىنىڭ باقىلاۋ-تەكسەرۋ جانە ەسەپتەۋى ارقىلى سەلبەستىك كووپەراتيۆى ەككەن جۇگەرىدەن مۋىنا ورتا ەسەپپەن 1.1 توننا ءونىم الۋمەن بىرگە،   ەگىمشىلىكتىڭ وزىندىك قۇنى بۇرىنعىدان زور دارەجەدە تومەندەدى. جەردى     شوعىرلى تيجارات ەتكەننەن كەيىن كولەمدەنگەن تابىس دەرەۋ بەينەلەندى.

  نۇرلان نيعىمەت: «شوعىرلى باسقارۋ بارىسىندا ول اتىز قىرلارى مەن ارىق توعانداردى تەگىستەپ،70 مۋ ەگىستىك جەردى كوبەيتسە؛ اۋىل شارۋاشىلىق  ءوندىرىس قۇرال-جابدىقتارىن ساتۋشى ساۋداگەرمەن كەڭەسۋ ارقىلى تۇقىم،   ەگىستىك ءدارى، تىڭايتقىش ساتىپ الۋ باعاسىن زور دارەجەدە ارزانداتتى؛ كۇزگى جيىن -تەرىننەن كەيىن ساتىلۋ مولشەرى مول بولعاندىقتان ولار جۇگەرىنىڭ ساتىلۋ باعاسىن بازار باعاسىنان 10 تيىن جوعارىلاتتى. ەسەپتەۋ ارقىلى وسىنىڭ  وزىنەن سەلبەستىك كووپەراتيۆىنىڭ  كىرىسى 900 مىڭ يۋاننان استى» دەدى.

  باقىت كۇلكىسى ەستى

  تاعى ءبىر كوكتەم كەلدى،بۇل اعاش ەگەتىن جاقسى مەزگىل. جۋىقتان بەرى قىستاق تۇرعىندارى ۇنەمى قىستاق كوميتەتىنە كەلىپ، اعاش كوشەتىن الىپ،جول جاعاسى مەن اۋلاسىنىڭ الدى-ارتىنا ەگىپ، جاسىلداندىردى.

  ارحيۆ تۇرعىزىلىپ، كارتچكا بەرىلگەن كەدەي وتباسى ەركىننىڭ ءۇيىنىڭ ەسىك الدىنا ءۇش ءتۇپ جاڭادان ەگىلگەن اعاش كوشەتى كوكتەم سامالىمەن تەربەلەدى، اۋلاسىنداعى بۇزاۋ ەمىن-ەركىن ءشوپ جەپ تۇر.

  «قازىر پارتيانىڭ ساياساتى وتە جاقسى،قىستاق پارتيا ياچەيكاسى جانە سەلبەستىك كووپەراتيۆىن قۇرىپ،جەردەن پايدا  تابۋىمىزعا كومەكتەستى. قازىر بىزگە    اعاش ەگۋدى ايتتى، اعاش ەكپەۋدەن  ىڭعايسىزدانامىز» دەدى ەركىن.
جەردى اينالىمعا سالىپ، سەلبەستىك كووپەراتيۆىنە  مۇشە بولعاننان كەيىن تۇتاس قىستاقتاعى ارحيۆ تۇرعىزىلىپ، كارتچكا بەرىلگەن 45 وتباسى جەردەن تۇراقتى كىرىس كىرگىزىپ، كەدەيلىكتەن ورنىقتى تۇردە ارىلدى. بۇل قىستاقتاعى قايشىلىقتى بارىنشا ازايتىپ عانا قالماستان، قىستاق پارتيا ياچەيكاسىنىڭ ۇيىسۋ قۋاتىن كورنەكتى دارەجەدە كۇشەيتتى.

  ما نيڭ ءبىر جىلدان بەرگى وزگەرىستى اڭگىمەلەگەندە: «بىلتىر جىل باسىندا كوپشىلىك مەنى كورسە جەر ماسەلەسىن سۇرايتىن، قىستاقتا قيمىل وتكىزىلسە،كوپ ادام كەلمەيتىن، جۇزىنە كۇلكى ۇيىرىلگەن ادامدى كەزىكتىرە المايتىن  ەدىك، ال قازىر قيمىل وتكىزگەندە  ءۇنحات شەڭبەرىندە ۇقتىرساق بولعانى قىستاق تۇرعىندارى ەكى ايتقىزباي تولىق جينالادى، كوپشىلىك مەنى كورگەندە قۋانىشتى  بەينەمەن اقشا تاباتىن قانداي جۇمىس بار ەكەنىن سۇرايتىن بولدى» دەدى.

  قىستاق پارتيا ياچەيكاسىنىڭ ۇسىنىسىمەن،ارحيۆ تۇرعىزىلىپ،كارتچكا بەرىلگەن  كەدەي وتباسى شاۋكەت بىلتىر قالادان ءبىر جۇك تاسۋ جۇمىسىن تاۋىپ، كۇنىنە 200 يۋان ەڭبەكاقى الادى. بيىل 5 قىستاق تۇرعىنى ونىڭ قاتارىنا قوسىلدى.

  شاۋكەت: «قازىرگى شارت-جاعدايىمىز وتە جاقسى، ءار جىلى سەلبەستىك كووپەراتيۆى پايدا  ۇلەسىن بەرەدى، قىستاق تۇرعىندارى ورايدى مىقتى ۇستاپ،اقشا تابۋدى ويلايدى،كوپشىلىكتىڭ كومەگىن جەردە قالدىرماي، ەرتەرەك تاماشا تۇرمىس كەشىرۋگە قۇلشىنامىن» دەدى.

  سونىمەن بىرگە،سەلبەستىك كووپەراتيۆتىڭ دەمەۋىندە قىستاقتىڭ كوللەكتيۆ كىرىسى دە ارتتى. بىلتىر باسبوزداق قىستاعى 1500 مۋ زاپاس جەردى سەلبەستىك كووپەراتيۆىنىڭ تيجارات ەتىپ باسقارۋىنا وتكىزىپ بەرىپ، پايدانى    ءبولىسۋ ارقىلى كوللەكتيۆ كىرىستى 589 مىڭ 500 يۋان ارتتىردى.

  لۋان شين: «سەلبەستىك كووپەراتيۆى قىستاق كوللەكتيۆىن قورمەن قامداپ، ءتۇرلى قىزمەتتەردى ورىستەتۋگە بەرىك نەگىز قالادى. بىرنەشە رەتكى كولەمدى قيمىل ورىستەتىلگەننەن كەيىن كوپشىلىكتىڭ قىستاق پارتيا ياچەيكاسىنا بولعان سەنىمى بەكەمدەلە ءتۇستى» دەدى.

  جەردى اينالىمعا سالۋدى جۇيەگە    ءتۇسىرۋ ارقىلى باسبوزداق قىستاعىنىڭ   كەدەيلىك تۇيىنشەگى شەشىلدى. ما نيڭ: «الداعى جەردە پارتيانىڭ كەدەيلەردى سۇيەمەلدەۋ ساياساتىن ءار وتباسىنا دەيىن تياناقتاندىرىپ، سەلبەستىك كووپەراتيۆىنىڭ دامىپ قۇدىرەتتەنۋىنە قولداۋ كورسەتىپ،قىستاق تۇرعىندارىن جەردەن يگىلىككە كەنەلدىرىپ،قىستاق تۇرعىندارىنىڭ باعىمشىلىقتى دامىتۋىن قولداپ،سىرتقا شىعىپ، جۇمىس ىستەپ قوس كىرىس كىرگىزۋگە شابىتتاندىرىپ،كەدەيلىكتەن ارىلتۋ نەگىزىندە ەرتەرەك اۋقاتتانۋ جولىنا تۇسىرۋگە كۇش سالامىز» دەدى.

  ءتىلشى باعامى

 ءبىر جىلدىڭ الدىندا،مەن باسبوزداق قىستاعىنىڭ جەردى اينالىمعا سالۋ جۇمىسىنا تىلشىلىككە باردىم، سول كۇنى جاۋىن-شاشىندى كۇن ەدى، قىستاق تۇرعىندارى جاڭا عانا كەلىسىم حاتىنا قول قويا سالىپ، سەلبەستىك كووپەراتيۆىنىڭ كەلەشەگى   تۋرالى ءسوز بولدى، كوپتەگەن ادامداردىڭ كوڭىلىنە كۇدىك ۇيالاپ، كەلىسىم حاتىندا ايتىلعانداي پايدا الۋعا  تولىق سەنىمدەرى بولماي كوپشىلىك سامارقاۋ تاراسقان ەدى.

  ءبىر جىلدان كەيىن، جانعا جايلى كوكتەم سامالىنا ىلەسە مەن تاعى دا باسبوزداق قىستاعىنا ات باسىن تىرەدىم. بۇل رەت قىستاق تۇرعىندارى سەلبەستىك كووپەراتيۆىن اۋىزعا العاندا، كوپشىلىك جەردى   اينالىمعا سالۋدىڭ پايداسىن عانا ەمەس جانە بۇدان كەيىنگى اۋقاتتانۋ جوسپارىن دا  تىلگە تيەك ەتتى. اڭگىمە بارىسىندا جۇزدەرىنەن كۇلكى ەسىپ، قىستاق تۇرعىندارىنىڭ  پارتياعا ىلەسۋ قادامى تىپتەن بەكەمدەلە  تۇسكەن.

  قىسقا عانا ءبىر جىل ۋاقىتتا، باسبوزداق قىستاعىندا از بولماعان  وزگەرىستەر بولدى. وزگەرىستىڭ كەلۋ قاينارى قىستاق «ەكى كوميتەتى»، قىستاقتا تۇراتىن قىزمەت اترەتى كەدەيلىك  ءتۇيىنىن دالمە-ءدال تاۋىپ، اۋرۋ وشاعىن نىسانا ارقىلى ەمدەپ، كوپ جىلدار بويى قىستاق تۇرعىندارىن مازالاعان جەردى اينالىمعا سالۋ   ماسەلەسىىن شەشىم ەتتى. بۇل وزگەرىس ايماعىمىزدىڭ  كەدەيلىكتەن ارىلتۋ قىزمەتىنىڭ جاندى امالياتىن تەرەڭىنەن بەينەلەدى.

  كەزەكتە باسبوزداق قىستاعىن ۋاكىل  ەتكەن شارۋالاردىڭ جەردى جارناعا سالۋ سەلبەستىك دامۋ ۇلگىسى بۇكىل ايماعىمىزدا جالپىلاستىرىلدى ءارى كەدەي جۇرتشىلىقتىڭ جالعاستى كىرىس ارتتىرۋىنداعى ءونىمدى ارناسىنا اينالدى. 2018-جىلى ايماعىمىز كەدەي قىستاق، كەدەي وتباسىنىڭ جەردى اينالىمعا سالۋداعى شەشىم ەتكەن جالپى جەر كولەمى 373 مىڭ 600 مۋ بولىپ، 3644 كەدەي وتباسىنداعى  11390 ادامنىڭ    كىرىسىن ارتتىرۋدى جۇزەگە اسىرىپ،كىسى باسىندىق جىلدىق كىرىستى 1250 يۋان ارتتىردى.

رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى