ەەڭ جاڭا مازمۇندار
شاعانتوعاي اۋدانىنىڭ 150 مىڭ مۋلىق ماقسارىسى كوركەم كورىنىسكە اينالدى
شيحۋ توراڭعى ورمانى سۋ ءۇستى باقشاسى ءسىزدى جازدى كوڭىلدى وتكىزۋگە شاقىرادى
ءسىز اڭساعان جاز كەلبەتى وسىندا
شينجياڭعا كومەكتەسۋ بارىسىندا ءومىرىن ارلەندىرە ءتۇستى
بۇقارانىڭ كوڭىل تۇپكىرىنەن ورىن الدى
الۋان ءتۇر، اسقاق كوڭىلمەن مەرەكەنى قارسى الدى
شاۋەشەك قالاسى شارلاپ تەكسەرۋدىڭ كولەمىن اتىز باسىنا دەيىن كەڭەيتتى
وقۋ-اعارتۋ ىستەرىنە تاباندى بولىپ، شۇعىلالى تابىستارعا قول جەتكىزدى
ەڭ سۇيىكتى ءورت ءوشىرۋشى
پارتيا قۇرىلىسىنىڭ نەگىزگى كاسىبىن مىقتى يگەرىپ، جاۋىنگەرلىك قامالدى بەكەمدەيىك
ازىق-تۇلىك حاۋىپسىزدىگى وتكەلىن
ماڭايىمىزداعى كوركەمونەرشىلەرمەن تانىسايىق
ايماعىمىزدىڭ الدىڭعى جارىم جىلداعى جۇمىستاندىرۋ جاعدايى ورنىقتى ارتتى
چىن چۋانگو ۇرىمجىدە كاسىپورىنداردىڭ ءوندىرىس،تيجارات جاعدايىنا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
شاۋەشەك قالاسى 90 ميلليون يۋان قارجى قوسىپ،50 كيلومەتر ۇزىندىقتاعى جىلۋمەن قامداۋ قۇبىر تورابىن جاڭالادى
«جاقسى ىستەپ، تىپتى دە جوعارى ەڭبەكاقى الۋعا كۇش سالامىن»
قۇرىلىم رەفورماسىنىڭ جاڭا جاعدايىن بارشا جۇرت القادى
ىنتا-پەيىلىمەن كۇش سالا قىزمەت وتەدى
مەيىرگە تولى جانۇيا قۇردى
ەكولوگيالىق ورتاسى كوركەم سۋرەتتەي شاعانتوعاي
شاۋەشەكتە باس قوسىپ، اككوردەون مەرەكەسىنەن ءلاززاتتانايىق
شاعانتوعاي اۋدانىندا ماقسارى گۇل اشىپ، شارۋالار شاتتىققا شومدى
ءبيدايعا وراق سالىندى
تاربيە ايىندا ستيل تازارتۋ قيمىلى تەبىندى ورىستەتىلدى
اۋقاتتانۋ شەبەرلەرى شارۋالار شاتتىعى ساياجايىن اشىپ، قىستاق تۇرعىندارىءوز جەرلەرىندە كاسىپتەندى
تيانشان جابايى قىزىل بۇعىسى بايقالدى
كوشە جاڭالانىپ، قالا شت-جاڭا بەينەگە ەندى
نازاردى باس نىساناعا شوعىرلاندىرىپ، قۇرىلىم رەفورماسىن تەرەڭدەتۋ جەتىستىكتەرىن بەكەمدەپ، رايونىمىزدىڭ رەفورمانى جاپپاي تەرەڭدەتۋىنىڭ ىشكەرىلەي دامۋىن ىلگەرىلەتۋ كەرەك
تولى مىنە وسىنداي كوركەم
«ولار ءبىزدىڭ ۇيرەنەتىن ۇلگىمىز»

جاراسىمدى باقىت ايلاعى، ۇلتتار ىنتىماعى جاراسقان مەكەن

جولدانعان ۋاقىتى : 2019/5/13 12:02:18

___ قوبىقسارى موڭعۇل اۆتونوميالى اۋدانى قوبىقسارى قالاشىعى بايىنشىرگ الەۋمەتتىك اۋماعىندا تۇيىندەپ تۇرىپ تەكسەرۋ-زەرتتەۋ جۇرگىزۋ دوكلاتى

الەۋمەتتىك اۋماقتىڭ الۋان ءتۇرلى مادەنيەت قيمىلدارى. سۋرەتتى الەۋمەتتىك اۋماق قامداعان.
 
   ءتىلشىمىز سۇڭ جيانلياڭ، ەرىكتى    ءتىلشى سانگەرە حابارلايدى. قوبىقسارى موڭعۇل اۆتونوميالى اۋدانى قوبىقسارى   قالاشىعى بايىنشىرگ الەۋمەتتىك اۋماعىنا بارا قالساڭىز، ونداعى تۇرعىنداردىڭ جىلى   شىرايمەن امانداسىپ، ءبىر-ءبىرىنىڭ حال-جاعدايىن ۇعىسىپ جاتقانىنان، ونداعى ۇلتتاردىڭ جاراسىمدى، ءوزارا تاتۋ-ءتاتتى ورتادا تىرشىلىك ەتىپ جاتقانىن سەزىنە الاسىز. مادەنيەت تاقتاسىنان، اعاش كولەڭكەسىنەن، دۇكەن اۋىزىنان، دەنە شىنىقتىرۋ جابدىقتارىنىڭ قاسىنان دا قايماعى بۇزىلماعان قويۋ ۇلتتىق سۇيىسپەنشىلىكتى اڭعارا الاسىز. مىنە وسى موڭعۇل، قازاق، ۇيعۇر، حانزۋ سياقتى كوپتەگەن ۇلتتان قۇرام تاپقان ءىرى وتباسىندا ۇلتتار ىنتىماعىنىڭ اڭگىمەسى   تولاسسىز جارىققا شىعىپ، ۇلتتار ىنتىماعى ىزگى ىستەرىنىڭ ءمانى تەرەڭ.

  الەۋمەتتىك اۋماق دانەكەر بولىپ،ۇلتتار  ىنتىماعىنىڭ گۇلىن قۇلپىرتتى

   تەمپەراتۋرانىڭ جوعارىلاۋىنا ىلەسە كەشقۇرىم بايىنشىرگ الەۋمەتتىك اۋماعى دۋمانعا بولەنە باستايدى، عيماراتتار اراسىنداعى كەڭ دە تازا شاعىن الاڭدا بالالار اسىر سالىپ  ويناپ ءجۇر؛ يقۋاتى كەمەلدى دەنە شىنىقتىرۋ اسپاپتارىنىڭ قاسىندا بىرنەشە تانىس قاريا اڭگىمە دۇكەنىن قۇرۋدا؛ قيمىل ۇيىندە   بىرنەشە تۇرعىن دويبى سايىسىنا تۇسۋدە...

   الەۋمەتتىك اۋماق تۇرعىنى چين يۇنشيا:    «جۋىقتان بەرى مەن ءار كۇنى تۇستەن كەيىن نەمەرەمدى ەرتىپ وسى ماڭايدا جۇرەمىن، بالامدى ويناتىپ،ءبي بيلەپ، كورشى-قولاڭدارمەن اڭگىمە شەرتەمىن. وتە جايلى، وتە دۋماندى» دەدى.

   بايىنشىرگ الەۋمەتتىك اۋماعىنىڭ جۇمىس ءبىتىرۋ رايونى بايىنشىرگ شاعىن رايونىنىڭ ىشىنە ورنالاسقان، قاراستى رايوندا تۇراقتى قونىستانعان 1385 وتباسى، 3815 تۇرعىنى بار. جۋىقتاعى جىلداردان بەرى قاراستى  رايوندا ۇلتتار ىنتىماعى رايىن قالىپتاستىرىپ، ۇلتتار اراسىنداعى ارالاسۋ، ىشتەسۋ،توعىسۋىن كۇشەيتۋ ءۇشىن،بايىنشىرگ الەۋمەتتىك اۋماعى ۇلتتار ىنتىماعى مادەنيەت تاقتاسىن شىعارۋ، تۋىستاسۋ قيمىلىن ورىستەتۋ، مەرەكە-مەيرامداردا مادەني قيمىل ورىستەتۋ، الەۋمەتتىك اۋماقتاعى شاعىن حيكايالاردى اڭگىمەلەۋ سياقتى قيمىلداردى ورىستەتىپ، ءار ۇلت تۇرعىندارىنىڭ سۇيىسپەنشىلىگىن ونان ارى جاقىنداتىپ، الەۋمەتتىك اۋماقتىڭ ۇيىسۋ قۋاتى مەن ىشكە تارتۋ قۋاتىن    كۇشەيتتى.

   بايىنشىرگ الەۋمەتتىك اۋماعى پارتيا    ياچەيكاسىنىڭ شۋجيى حۋاڭ ليپيڭ: «الەۋمەتتىك اۋماق ۇلتتار ىنتىماعى قىزمەتىن جاقسى ورىستەتۋىمىزدەگى نەگىزگى شەبىمىز، جايشىلىقتاعى قىزمەت بارىسىندا قاراستى رايونداعى ءار ۇلت بۇقاراسىنا جاقسى قىزمەت وتەۋدەن تىس، ءبىز ۇلتتار ىنتىماعى جونىندەگى ىزگى ىستەردى بەلسەنە سۇراستىرىپ، ۇلتتار ىنتىماعىنىڭ ۇلگىسىن بەلسەنە ىزدەپ، الەۋمەتتىك اۋماقتىڭ ۋيچات شوعىرى سياقتى ارنالاردان پايدالانىپ، كەڭ كولەمدە ۇگىتتەپ، تاماشا ورتا جاراتتىق. سونىمەن  بىرگە، ءبىز مادەني قيمىلداردى ۇلتتار ىنتىماعى قىزمەتىن ورىستەتۋدىڭ دانەكەرى   ەتىپ، الەۋمەتتىك اۋماقتاعى تۇرعىنداردىڭ ءوزىن ايگىلەيتىن ورتامەن قامداپ،ءار ۇلت جۇرتشىلىعىنىڭ بارىنشا ارالاسىپ، ىشتەسىپ، سۇيىسپەنشىلىگىن ارتتىرۋىنا مۇمكىندىك جاراتتىق» دەدى.

   پاگۋا سنگا بايىنشىرگ الەۋمەتتىك اۋماعىنداعى «جايلاۋ سامالى» توپشىرشىلار    ۇيىرمەسىنىڭ مۇشەسى، الەۋمەتتىك اۋماق   مادەني قيمىلداردى ۇيىمداستىرعاندا ونى  ۇنەمى كەزدەستىرۋگە بولادى.

   پاگۋا سنگا: «ءار رەتكى ماڭىزدى مەرەكەدە الەۋمەتتىك اۋماعىمىز ءان ايتۋ،ءبي بيلەۋ، ويىن ويناۋ سياقتى باي مازمۇندى مادەني قيمىلداردى ۇيىمداستىرىپ، ورتانى دۋمانعا بولەيدى. مەن قيمىلعا ۇنەمى قاتىناسىپ، ونەر كورسەتىپ، كوپشىلىككە قۋانىش سيلايمىن. الەۋمەتتىك اۋماقتاعى تۇرعىنداردىڭ كوبى ءان ايتىپ، ءبي بيلەۋگە شەبەر، وسى ارادان اۋەسىمىز ۇقساس بىرنەشە دوس تاپتىم، قازىر بارىس-كەلىسىمىز وتە جاقسى» دەدى.

   جياڭ ۋىنيىڭ بايىنشىرگ الەۋمەتتىك   اۋماعىنىڭ تۇرعىنى، ول تاقپاق ايتىپ،ءبي بيلەپ، كومەديا ورىنداي بىلەدى، الەۋمەتتىك اۋماقتىڭ قيمىلدارىنا قاتىناسۋعا وتە قىزعىندى. الەۋمەتتىك اۋماق كادرلارى ونىڭ وسى جاعىنداعى دارىنىن بايقاعاننان كەيىن، ونى الەۋمەتتىك اۋماقتىڭ «مالانحۋا» ۇگىت-لەكسيا ۇيىرمەسىنە قاتىناسۋعا ۇسىنىس ەتتى. ول وسىدان باستاپ ءوز تىلىندە پارتيانىڭ ساياساتى مەن ماڭىنداعى ۇلتتار ىنتىماعىنداعى اسەرلى حيكايالاردى ۇگىتتەدى.

   قىستاقتا تۇراتىن كادرلار مەن تۋىستىق قاتىناس ورناتقان كادرلاردىڭ ورتاق ات سالىسۋى الەۋمەتتىك اۋماقتىڭ ۇلتتار ىنتىماعى قىزمەتىنە كۇش ۇستىنە كۇش قوستى. ولار بۇقارامەن تىعىز جاناسىپ، ءوزارا قامقورلىق كورسەتىپ، ءوزارا كومەكتەسىپ، قارىم-قاتىناستارى بارعان سايىن قويۋلاي ءتۇستى.

   بايىنشىرگ الەۋمەتتىك اۋماعىنىڭ ءبىرىنشى شۋجيى، قوبىقسارى موڭعۇل اۆتونوميالى اۋداندىق تۇرعىن ءۇي جانە قالا-اۋىل  قۇرىلىسى مەكەمەسىنىڭ بايىنشىرگ الەۋمەتتىك اۋماعىندا تۇراتىن قىزمەت اترەتىنىڭ باستىعى چىن ديان: «مەكەمەمىزدەگى كادر، جۇمىسشى-قىزمەتكەرلەر الەۋمەتتىك اۋماقتاعى بۇقارامەن تۋىستىق قاتىناس ورناتىپ، بارىس-كەلىستەرى قويۋلاي ءتۇستى، تۋىستىق قاتىناس ورناتقان تۋىستاردان بىرنەشە جۇپ الەۋمەتتىك اۋماقتاعى ۇلتتار   ىنتىماعىنداعى ۇلگىلى تيپتەر جارىققا شىقتى. وسىنداي تاماشا قارىم-قاتىناستىڭ ۇزدىكسىز جالعاسىپ، الەۋمەتتىك اۋماقتاعى ۇلتتار ىنتىماعى گۇلىنىڭ قۇلپىرا ءتۇسۋىن ءۇمىت    ەتەمىز» دەدى.

  ۇلتقا بولىنبەگەن ءاربىر باقىتتى وتباسى

   بايىنشىرگ الەۋمەتتىك اۋماعىندا توتەنشە قىزىعارلىق جاعداي بار. ءبىر ءۇيدىڭ  وتباسىلىق سۋرەتىنەن ۇقساماعان ۇلتتىق كيىم-كەشەكتى، ال ءۇي جيھازدارىنان كوپ ۇلت توعىسقان كورىنىستى كورە   الاسىز.

   الەۋمەتتىك اۋماقتىڭ پارتيا ياچەيكا شۋجيى حۋاڭ ليپيڭ: «الەۋمەتتىك اۋماعىمىز 9 ۇلتتان قۇرام تاپقان، قىز الىسىپ، قىز بەرىسكەن قۇدا بولۋ جاعدايى ۇنەمى كەزىگىپ تۇرادى، الەۋمەتتىك اۋماعىمىزدىڭ وزىندە 44 وتباسى بار، كۇندەلىكتى وتباسىلارىن ارالاپ، جاعداي ۇعىسۋ    بارىسىندا وسى وتباسىلارىن ىشكەرىلەي    ۇعىستىق، ءاربىر وتباسى وتە باقىتتى   ءارى توتەنشە جاراسىمدى» دەدى.

   الەۋمەتتىك اۋماق تۇرعىنى چىن يۇنشيانىڭ ءۇيىنىڭ قابىرعاسىنا ءتۇرلى كەستەلەر تولتىرا ىلىنگەن، سايگۇلىك، ساحارا   كورىنىسى، گۇل شوقتارى سياقتى ساحارالىق ەرەكشەلىگى وتە كۇشتى. تەلەۆيزور وتىرعىسىنىڭ ۇستىنە قويىلعان كۇيەۋى لاۋلا گەندىن ەكەۋى تۇسكەن سۋرەتىنەن ولاردىڭ باقىتقا شومعان بەينەسىن كورۋگە بولادى.

  چىن يۇنشيا: «كوپ جىلدار بولدى، الدەقاشان ءبىر-ءبىرىمىزدىڭ تۇرمىس داعدىمىزعا ادەتتەنىپ كەتكەنبىز، كۇن كورۋ ءۇشىن ءوزارا كوڭىل ءبولىپ،   ءتۇسىنىسىپ،كەشىرىمشىل بولۋ،ءبىر  وتباسىنداعىلاردىڭ ءبىر نيەت، ءبىر تىلەكتە بولا وتىرىپ جاقسى تۇرمىس كەشىرۋى بارىنەن دە ماڭىزدى. قازىر بالالارىمىز باس قۇراپ، قىزمەتكە ورنالاستى، جۋىردا عانا تاعى ءبىر نەمەرەلى بولدىق. مەنىڭشە،ءبىر ءۇيلى وتباسى شات-شادىمان بىرگە بولعاندا كوڭىلدەرى ورىنىعىپ   باقىتتى بولادى» دەدى.

   بايىنشىرگ الەۋمەتتىك اۋماعىندا 7   ۇلتتان قۇرام تاپقان،4 ۇرپاقتان جالعاسقان، جيىنى 83 مۇشەسى بار ءبىر وتباسى بار. ۇقساماعان عۇرىپ-ادەت، ۇقسامان تۇرمىس داعدىسى. بۇنداي وتباسى قۇرامى سىرت ادامنىڭ قيالىنا دا كىرىپ شىقپايدى. الايدا،بۇل وتباسىنىڭ ءاربىر مۇشەسى جونىنەن العاندا، باقىتتى ءارى تالەيلى بولسا كەرەك.

   جالىندى دا اشىق-جارقىن حان ليان وسى وتباسىنىڭ ءبىر مۇشەسى. ول:  «اجەم وتكەن عاسىردىڭ 50-جىلدارىندا شەكارا رايونعا كومەككە شينجياڭعا  كەلىپ اتاممەن ۇيلەنگەن ەكەن، وتباسىمىزداعىلار ءبىر اراعا باس قوسىپ اڭگىمەلەسكەندە ۇلكەندەردەن ۇنەمى بۇرىنعى اڭگىمەلەردى ەستيتىنبىز، وتە قىزىقتى ەدى،اسىرەسە، اتام مەن اجەمنىڭ ءبىر-بىرىنە قولداۋ كورسەتىپ، بىرلىكتە قۇلشىنعان اڭگىمەسى مەنى قاتتى تەبىرەنتتى» دەدى.

   بۇل وتباسىندا ومىرلىك سەرىگىن تاڭداۋدا ۇلتقا،سالت-داستۇرگە جانە تۇرمىس داعدىسىنىڭ شەكتەمىنە ۇشىرامايدى، جاستاردىڭ توي تالعامىنا وتباسىنداعىلاردىڭ بارلىعى قۇرمەت ەتەدى ەكەن.

   حان ليان: «ءبىزدىڭ ۇيدە جاستار ءوز تەڭىن تاڭداعاندا مەيلى،قايسى ۇلت بولسا دا تەك ادامگەرشىلىگى جاقسى،ءوزى  لايىق ساناسا بولعانى ۇيدەگىلەر قارسى تۇرمايدى، كوپ ۇلتتان قۇرام تاپقان وتباسىندا ءبىر جىلدا كوپتەگەن مەرەكە وتكىزەمىز، كوپتەگەن ءدامدى تاعامداردى جەيمىز، وتە باقىتتىمىز. مەنىڭشە، مەيلى قانداي وتباسى بولسىن، ءوزارا قۇرمەتتەسىپ، ماڭگى بىرگە بولساق،ءبىر-  بىرىمىزدى ءوزارا ايالاساق باقىتتىڭ شەشۋشى ءتۇيىنى وسىندا بولماق» دەدى.

الەۋمەتتىك اۋماق كادرى وتباسىلارىن ارالاپ حالىق جاعدايىن ۇعىسۋدا. سۋرەتتى الەۋمەتتىك اۋماق قامداعان.
 
  ءبىر-بىرىنە قارايلاساتىن الىستاعى تۋىستان جاقىنداعى كورشى ارتىق

   كامال اققازى قاريا بايىنشىرگ الەۋمەتتىك اۋماعىنىڭ تۇرعىنى. ءۇش بالاسى سىرتتا جۇمىس ىستەيتىندىكتەن، ول  جالعىز تۇرادى. وتباسىنداعى ۇلكەن- كىشى جۇمىستارىنا كورشى-قولاڭدارى  كومەكتەسىپ كەلگەن. قاريا دا كورشىلەرىنىڭ كومەگىن كوكەيىنە ءتۇيىپ، مەرەكە-مەيرامدا ءوز قولىمەن بالكۇلشە   پىسىرىپ، كەپتىرىلگەن جەمىس، جەمىس–جيدەك سياقتى تارتۋ-تارالعىلارىن ءبىر-بىرلەپ دايىنداپ، ءار وتباسى سايىن جەتكىزىپ بەرىپ، العىسىن ءبىلدىرىپ جاتادى.

   «بالالاردىڭ قىزمەتى قاربالاس،ۇنەمى قاسىمدا تۇرىپ ماعان قارايلاسا المايدى. ءبىر ءتاۋىرى كورشى-قولاڭدارىم وتە جاقسى، ۇنەمى ماعان كومەك كورسەتەدى. وسىنداي جاقسى كورشىلەرىمنىڭ بولعانى مەنىڭ باقىتىم»،-دەدى كامال.

   الەۋمەتتىك اۋماقتاعى كەيبىر جاستاردىڭ بالالارىنا قارايلاساتىن ۇلكەندەر بولماعاندىقتان، ۇيعۇر اپاي اتكام ابىلەز قاراپ وتىرا المادى. ول مىندەتتى تۇردە «مەيىربان انا» بولىپ،جاستاردىڭ بالالارىنا قارايلاسىپ، ولاردى الاڭداۋشىلىقتان   ارىلتىپ، قىزمەتتەرىن الاڭسىز ىستەۋلەرىنە مۇمكىندىك جاراتتى. دي مەي-يدىڭ ەكى جاسار بالاسى اتكام ابىلەزدىڭ تۇراقتى قوناعى ەدى.

   «قىزمەت ىستەي ءجۇرىپ بالاعا قاراۋعا، شىنىندا، مۇرسامىز كەلمەيدى. ءبىر ءتاۋىرى اتكام اپاي كومەكتەسىپ، بالاما قارايلاسىپ كەلەدى. بالام دا اتكام اپايدىڭ ۇيىندە ءوز الدىنا دەربەس تاماق جەۋدى ۇيرەنىپ، كىشكەنتاي دوستارىنىڭ سەرىك بولۋىندا مىنەزى دە اشىق (شيراقى) بولىپ وزگەردى» دەدى دي مەي-ي.

   دي مەي-ي سياقتى قىزمەتى ءۇشىن نەمەسە ماڭىزدى جۇمىستارىن ءبىر جاقتىلى ەتۋ ءۇشىن، بالالارىنا قارايلاسا المايتىن جاستار بالالارىن الاڭسىز اتكام اپايعا  تاپسىراتىن بولعان،ال اتكام اپاي دا بىرەر قيىنشىلىققا جولىققاندا كوپشىلىك وعان بار كۇشىن سالىپ كومەكتەسەتىن ەدى.

   اتكام: «مەن قازىر پەنسياعا شىقتىم، ۇيدە بوس وتىرا المايمىن، ماڭايىمىزداعى جاستارعا كومەكتەسىپ،بالالارىنا قارايلاسۋ وتە جاقسى بولدى. بۇرىن بارىس-كەلىسىمىز از بولىپ، ءوزارا تۇسىنىگىمىز دە تىم شىركىن-اي ەمەس ەدى، تانىساتىن وراي دا از بولاتىن. قازىر الەۋمەتتىك  اۋماق ۇنەمى قيمىل ورىستەتىپ، ءبارىمىز ءبىر اراعا باس قوسىپ، تانىستارىمىز دا كوبەيىپ، قارىم-قاتىناسىمىز قويۋلاي  ءتۇستى. مەنىڭشە، وسىنداي اۋقىم وتە جاقسى. كوپشىلىك تاتۋ-ءتاتتى بولسا، تۇرمىسىمىز ءتىپتى دە ءماندى بولماق» دەدى.

   ادىلەت تاۋەكەلدىڭ ءۇيىنىڭ قارسىسىندا ەكى موڭعۇل قاريا تۇرادى. جاستارى   ەگىدە تارتقان، قاريانىڭ ۇلى مال شارۋاشىلىق رايونىندا مال باعاتىندىقتان، ۇيىنە ورالار ورايى دا از ەدى. جايشىلىقتا سۋ، توك اقىسىن تاپسىرۋ سياقتى جۇمىستارىنا ادىلەت كومەكتەسەدى. ول تاعى قاريالارعا كومەكتەسىپ كوكونىس ساتىپ الىپ، تاماق ىستەپ، ەكى قاريانىڭ تۇرمىسىنا   قارايلاسىپ كەلگەن.

   «مىنە وسىنداي كورشى-قولاڭدار اراسىنداعى كومەكتەسۋ، ءوزارا قارايلاسۋ  ءبىزدىڭ الەۋمەتتىك اۋماعىمىزدا وتە كوپ،الەۋمەتتىك اۋماقتىڭ ءبىر مۇشەسى رەتىندە ءاربىرىمىز سانالىلىقپەن جاۋاپكەرشىلىگىمىزدى ارقالاپ، بورىشىمىزدى وتەگەندە عانا ءبىزدىڭ ۇلكەن شاڭىراق ءتىپتى دە باقىتتى بولماق» دەدى ادىلەت.




رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn