ەەڭ جاڭا مازمۇندار
تارباعاتاي ايماقتىق اكىمشىلىك مەكەمەسى شينجياڭ جۇڭتاي (توبى) شەكتى جاۋاپكەرشىلىك سەرىكتەستىگىمەن،جۇڭگو پوچتا امانات بانكەسى شينجياڭ بولىمشە بانكەسىمەن سەلبەستىك كەلىسىمىنە قول قويىستى
قوعام حاۋىپسىزدىگى ساقشىلارىنان حال سۇرادى
كەدەي وتباسىلار سيىر شارۋاشىلىعىنا سۇيەنىپ جاقسى تۇرمىسقا قادام تاستادى
قىزمەت اترەتى كەڭاعىن قىستاعىنىڭ اۋقاتتانۋ قادامىن جەدەلدەتتى
جۇمىستاندىرۋدى ويداعىداي ىستەپ،كىرىستى ورنىقتى ارتتىرىپ،باقىت قاقپاسىن اشتى
ءبىر اراعا باس قوسىپ،ۋادەلەستى جاس جۇرەك
پارتيانى جاپپاي قاتاڭ جونگە سالۋدىڭ ۇزدىكسىز تەرەڭدەي دامۋىن ىلگەرىلەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋگە پارمەندى قامتاماسىزدىق ازىرلەۋ كەرەك
جاڭا دامۋ ۇستانىمىن ىشكەرىلەي دايەكتىلەندىرىپ، ەكونوميكانىڭ جوعارى ساپالى دامۋىن ىلگەرىلەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن مىعىم نەگىز قالايىق
ايماعىمىز اۋىل-قىستاق بەيقۇت ءۇي ينجەنەرياسىن بار كۇشپەن ىلگەرىلەتتى
الىم ەكىنشى اتا مەكەنىنە قايتا ورالدى
سۋ قاينارى جەرىندەگى قوقىر-قوقسىقتاردى تازالاپ،قىستاق تۇرعىندارىنىڭ اۋىز سۋ ماسەلەسىن شەشتى
مىڭ ادام بىرلىكتە ۇلتتىق بيگە باستى
جول حاۋىپسىزدىگىن تەكسەردى
كوڭىلىڭە شاتتىق سيلاپ اينالاڭ،اسەم قۇستار باقشا ىشىندە سايراعان
”التىنى ورنىقتىرۋ“، ”التىنى قامتاماسىز ەتۋ“ مىندەتتەرىن بار كۇشپەن تياناقتاندىرىپ ىندەتتەن ساقتانۋ - تىزگىندەۋدى ۇدايىلاندىرۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ويداعىداي يگەرۋ كەرەك
ءتۇرلى شارالاردى قاتار اتقارىپ،جوعارى مەكتەپ تاۋىسقان وقۋشىلاردىڭ جۇمىستانۋىن بار كۇشپەن قامتاماسىز ەتتى
لين يۇيگاڭ جىگەرىن جاني ءتۇسىپ،اۋقاتتانۋ جولىندا قاتاردان قالمادى
شىنايى سۇيىسپەنشىلىكتەرىمەن جۇرت جۇرەگىن جەلپىندىردى
ءۇش فازالى ەلەكتر جەتكىزىپ،تۇرعىنداردى رازى ەتتى
مىڭ گۇيليڭ مەن ءۇش تۋىسىنىڭ ەتەنە قاتىناسى
ەنەرگيا ۇنەمدەپ،ىعىستىرۋ مولشەرىن ازايتۋ ۇگىتىن جۇرگىزدى
جاسىل ساپار،تومەن كومىرتەكتى تۇرمىس
بيڭتۋان مەن جەرلىك ورىن اۋقاتتانۋ تاجىريبەلەرىن ءوزارا ۇيرەندى
ريزۋان مامەتتىڭ «ءتاتتى كاسىبى»
2020-جىلى 7-ايدىڭ 13-كۇنى 145-سان
2020-جىلى 7-ايدىڭ 11-كۇنى 144-سان
پارتيا مەن حالىق ەڭ قاجەت ەتكەن جەردە جاستىق جالىنىن لاۋلاتتى
شاعانتوعاي اۋدانى ءتۇرلى شارالاردى قاتار قولدانىپ،جازعى استىق ساتىپ الۋ-ساقتاۋدى قامتاماسىز ەتتى
تالپىن ءۇي اشەكەيلەۋ جۇمىسىمەن شۇعىلدانىپ،اۋقاتتانۋ جولىنا ءتۇستى
ماقتا شىرپيتىن كەز كەلدى

سارباس قىستاعىنىڭ شىت جاڭا بەينەگە ەنۋىندەگى «اسىلى»

جولدانعان ۋاقىتى : 2019/5/16 17:43:15

_ءدوربىلجىن اۋدانى كۇرتى اۋىلى سارباس قىستاعىندا تۇيىندە تۇرىپ تەكسەرۋ-زەرتتەۋ جۇرگىزۋ دوكلاتى

كەرپىش-بەتون قۇرىلىمدى جاڭا ءۇي.

توپىراق پەن اعاشتان سالىنعان كونە ءۇي.

شىت جاڭا بالالار باقشاسى.
 
  ءتىلشىمىز ۋاڭ گاۋشىڭ حابارلايدى.  مامىردىڭ مايدا شۋاعىنا مالىنعان ءدوربىلجىن  دالاسىنىڭ تىرشىلىگى ومىرشەڭدىك كۇشكە  تولدى. اۋدان قالاشىعىنان 30 كيلومەتر قاشىقتىقتاعى كۇرتى اۋىلى سارباس قىستاعىنداعى كەڭ ءارى تەگىس  توسەلگەن اسفالت جول، قاز-قاتار  سالىنعان بەيقۇت ءۇي، ەندى عانا بۇرلەپ   جاپىراق جايا باستاعان كورىنىستىك اعاش جانە تازا دا رەتتى جاياۋلار جولىنان بۇل قىستاقتىڭ شىت جاڭا بەينەگە ەنگەنىن بايقايسىز.

  الايدا، وسىنشاما زور وزگەرىسكە زايىرى  نەنىڭ سەبەپشى بولعاندىعى جونىندەگى سۇراقتىڭ جەتەگىندە سارباس قىستاعىنا ارناۋلى ات باسىن بۇرىپ وتىرمىز.

    نەگىزدىك قىزمەتتى جاقسى ىستەپ، نەگىزدى بەكەمدەدى

  سارباس قىستاعى قۇلىستاي جايىلىمىنىڭ  باۋرايىنداعى سارعۇسىن جەلى وتىنە ورنالاسقان، قىس پەن كوكتەم ماۋسىمىندا ازىناعان جەل  تولاستامايتىن، جاراتىلىستىق شارت-جاعدايى ەرەكشە ناشار، 2014-جىلى اۆتونوميالى  رايون دارەجەلى كەدەي قىستاق تىزىمدىگىنە ەنگىزىلىپ، ارحيۆ تۇرعىزىلىپ، كارتچكا   بەرىلگەن 93 كەدەي وتباسى، 243 كەدەي جان سانى بار.

    وسى قىستاقتىڭ نوپوسىندا 186 وتباسى، 443 جان سانى بار،مۇنىڭ ىشىندە حانزۋ ۇلتىنان 30 وتباسى،69 ادام، قازاق ۇلتىنان 152 وتباسى، 368 ادام، ۇيعۇر ۇلتىنان 2 وتباسى، 4 ادام، باسقا از ساندى ۇلتتان 2 وتباسى، 2 ادام بار. 12 مىڭ 600 مۋ ەگىستىك جەرى، 30 مىڭ 500 مۋ شاپپالىعى بار    بولىپ، جۇگەرى ەگىمشىلىگىن نەگىز ەتەدى.

  باس شۋجي شي جينپيڭ: «نەگىزى بەرىك بولماسا،جەر قوزعالىپ، تاۋ شايقالادى» دەگەن ەدى. سارباس قىستاعىنىڭ ەگىستىك جەرى مەن شاپپالىعى مول،الايدا، 2014-جىلدان بۇرىن كىسى باسىندىق كىرىسى نە بارى 8600 يۋان عانا ەدى، بۇل نەلىكتەن؟

    كۇرتى اۋىلدىق پارتكومنىڭ مۇشەسى  شى ۋانفاڭ: «قىستاقتىڭ ءوندىرىس، تۇرمىس نەگىزدىك قۇرىلعىلارىنىڭ ءالسىز بولۋى، تابيعي اپاتقا توتەپ بەرۋ قۋاتىنىڭ اۋىر     دارەجەدە جەتكىلىكسىز بولۋىن كەلتىرىپ  شىعاردى، ونىڭ ۇستىنە، جەل اپاتى ۇنەمى  تۋىلىپ تۇراتىندىقتان، كوپ ەگىپ، از ءونىم  الاتىن جاعداي ۇنەمى تۋىلىپ تۇرادى. مىنە بۇل قىستاق تۇرعىندارىن كەدەيلىككە اپارىپ   سوعاتىن تۇپكىلىكتى سەبەپكە اينالدى» دەدى.

  قونىس جايلى بولعاندا عانا الاڭسىز  تىرشىلىك ەتۋگە بولادى. 2015-جىلدان 2018-جىلعا دەيىن وسى قىستاق ءتۇرلى نىسان قارجىسىنان 7 ميلليون 840 مىڭ يۋاندى بىرىكتىرىپ، 94 بەيقۇت ءۇي سالىپ، ارحيۆ تۇرعىزىلىپ، كارتچكا بەرىلگەن كەدەي  وتباسىن تۇگەلدەي جاڭا ۇيگە كوشىرىپ  كىرگىزدى. 2018-جىلى كىسى باسىندىق ورتاشا كىرىسى 13086 يۋانعا جەتتى.

  قىستاقتىڭ كونە تۇرعىنى جۇماقان بيىل 63 جاسقا كەلدى. ول تەبىرەنە: « مەنىڭ 6 بالام بار، بالالارىم ۇيلەنبەي تۇرعاندا ءبىر ءۇيلى 8 جان ەكى اۋىزدى ۇيدە 23 جىل تۇردىق، بالالارىم ەسەيگەن سوڭ، شىنىندا، تىم قولايسىز بولدى، ءبىراق، جاڭا ءۇي سالۋعا شامام    كەلمەدى» دەدى.

  بۇل كۇندە 3 بالاسى ۇيلەندى، ءوزى دە قارتايدى، الايدا ءال-اۋقاتى تىم جاقسى  بولماسا دا، پارتيانىڭ ارقاسىندا 80 شارشى مەترلىك جاڭا ۇيگە كوشىپ كىردى.

  قاريا ماقتانىشپەن: «ءۇيدىڭ قابىرعاسىنا قابىرعا قاعاز شاپتالعان،ەدەنىنە تاقتاي   توسەلگەن، قوناق ءۇيدىڭ توبەسى دە توبەلىك تاقتايلارمەن اشەكەيلەنگەن، قالاداعى قابات ۇيدەن ەش پارقى جوق، مۇنداي تاماشا ۇيدە وتىرساڭ جانىڭ جادىراپ، كوڭىلىڭ جاي  تابادى ەكەن» دەدى.

  سونىمەن بىرگە، قىستاق جالعاستى 8 ميلليون 900 مىڭ يۋان قارجىنى قولعا كەلتىرىپ، 8 مەتر كەڭدىكتەگى 800 مەتر ۇزىندىقتاعى   اۋىل-قىستاق اسفالت جولىن جاڭادان جاتقىزىپ، جاڭادان 420 شارشى مەترلىك جۇمىس جۇرگىزۋ ورنىن، 350 شارشى مەترلىك حالىققا قولايلى قىزمەت وتەۋ ورتالىعىن، 80 شارشى مەترلىك قىستاق ەمدەۋ ءۇيى، 500 شارشى مەتردەن ارتىق بالالار باقشاسىن سالدى، اۋىز سۋمەن قامداۋ، لاس سۋ ىعىستىرۋ جانە لاس سۋدى ءبىر جاقتىلى ەتۋ كولشىگىن سالدى، 293 ءتۇپ كورىنىستىك اعاش ەگىپ،  ءوندىرىس، تۇرمىس نەگىزدىك قۇرىلعىسى جاقساردى.

    جاعدايعا قاراي ءىس تىندىرىپ، يدەيانى ازات ەتتى

  وي جەلىسى شىعار جولدى بەلگىلەيدى. جۋىق جىلداردان بەرى ءوندىرىس، تۇرمىس نەگىزدىك قۇرىلعىلارىن بەكەمدەۋمەن بىرگە، اۋداندىق مال شارۋاشىلىق-مال دارىگەرلىك مەكەمەسىنىڭ قىستاقتا تۇراتىن قىزمەت اترەتى مەن قىستاق «ەكى كوميتەتى» يدەيانى شىنايى ازات ەتۋ مەن كوزقاراسقا بۇرىلىس جاساۋدى كەدەيلىكتەن ارىلتۋدان قامال الۋ جەتىستىكتەرىن بەكەمدەۋ مەن دارەجەسىن جوعارىلاتۋداعى ۇنەمىلىك ماڭىزدى قىزمەت رەتىندە مىقتى ۇستاپ، بوساڭسىتپاي، كورنەكتى ونىمدىلىككە قول جەتكىزدى.

  قىستاقتىڭ ءبىرىنشى شۋجيى،قىزمەت   اترەتىنىڭ باستىعى يۇي جاڭ-ي: «قىزمەت اترەتى مەن قىستاق ‹ەكى كوميتەتى› مەملەكەت تۋى استىنداعى ۇگىت-لەكسيا جانە ەگىنشى-مالشىلار كەشكى مەكتەبى سىندى تۇعىرلاردان تولىق پايدالانىپ، ماڭىنداعى جانە وسى  قىستاقتاعى ەگىمشىلىك-باعىمشىلىق شەبەرلەرىنىڭ اۋقاتتانۋى جونىندەگى حيكايالار ارقىلى قىستاق تۇرعىندارىنىڭ يدەيانى ازات ەتىپ، كوزقاراسقا بۇرىلىس جاساۋىنا بەلسەندى   جەتەكشىلىك ەتتى» دەدى.

  سونىمەن بىرگە، پايدالانۋعا بولاتىن بارلىق ورايدان پايدالاندى، ماسەلەن،ماڭىزدى    مەرەكەلەردەگى ادەبيەت-كوركەمونەر قيمىل مايدانى، كوللەكتيۆ ەڭبەك مايدانى سياقتى  ورىنداردا ءجون-جوسىقتى ءتۇسىندىرىپ، پارتيا مۇشەلەرىن قىستاق تۇرعىندارىنا     جەتەكشىلىك ەتۋدى جالعاستىرۋ مەن تاماشا ءداستۇرلى مادەنيەتتى ساۋلەلەندىرۋگە    باستاپ، تازالىقتى دارىپتەپ، ورتانى قورعايتىن تاماشا تۇرمىس داعدىسىن جەتىلدىردى.

  «قۇلشىنا ەڭبەك ەتكەندە عانا تەمىر تاياق تەبەنگە اينالادى» دەيتىن ءتامسىل بار. بۇگىنگى كۇندە ءاربىر وتباسىنىڭ الدىنداعى تازالىق  رايونىن قىستاق تۇرعىندارى سانالىلىقپەن تازالايتىن بولدى.

    قىستاق تۇرعىنى دۋ شىڭميڭ بيىل 70 جاسقا شىقتى، ول پارتيا مۇشەسى بولماعانىمەن، قىستاق تۇرعىندارى ونىڭ جاسىلداندىرۋ   اۋماعىنداعى ءشوپتى وتاپ، قوقىر-قوقسىقتاردى تەرىپ، اعاشتى سۋارىپ،توپىراق  قومداپ جۇرەتىندىگىن ۇنەمى كورەدى.

  قاريا: «قازىرگى وتىرعان ءۇيىمىز، قىستاق جولدارى وتە جاقسى، تەك ءۇيىمىزدى عانا تازا ۇستاۋ جارامايدى،تۇتاس قىستاق تازا بولعاندا عانا شىنايى تازالىق سانالادى» دەدى.

  قاريانىڭ ىستەرىنەن قىزمەت اترەتى حاباردار بولعاننان كەيىن، سۋرەتكە تارتىپ، قىستاقتىڭ ۋيچات توبىنا جاريالاپ، مەملەكەت تۋى استىندا ۇگىت-لەكسيا جاساعاندا ماداقتاعاننان كەيىن، ونىڭ ءسوز-ارەكەتى ۇلگىلىك رول اتقاردى.

  سونىمەن بىرگە،ارتىق ەڭبەككۇشتەردىڭ سىرتقا شىعىپ جۇمىس ىستەپ، اقشا تابۋى سانالى قيمىلعا اينالدى.

  2018-جىلى تۇتاس قىستاقتاعى ارتىق ەڭبەككۇشتەردەن جۇمىستانىپ، شارۋاشىلىق قۇرعاندار 101 ادامعا جەتىپ، كىسى باسىندىق ارتقان كىرىسى 10 مىڭ يۋان اينالاسىندا   بولعان. بيىل العاشقى توقساندا جۇمىستانىپ، شارۋاشىلىق قۇرعاندار 78 ادامعا جەتكەن. قىستاق تۇرعىنى گۇلجان دۇيسەن انە سولاردىڭ ءبىر تيپتىك ۋاكىلى.

  گۇلجان بيىل 34 جاستا، ءبىر ۇيدە 5 جان بار، ءۇش بالاسىنىڭ ەكەۋى باستاۋىش مەكتەپتە، بىرەۋى بالالار باقشاسىندا وقيتىندىقتان، ول سىرتقا شىعىپ جۇمىس ىستەۋگە لاجسىز ەدى.

  2018-جىلى 3-ايدا ءبىر ءۇيلى جان 80 شارشى مەترلىك بەيقۇت ۇيگە كوشىپ  كىردى. 9-ايدا قىستاقتا تۇراتىن قىزمەت اترەتىنىڭ شابىتتاندىرۋى مەن قولداپ-قۋاتتاۋىندا قايراتىنا ءمىنىپ، وتباسىلىق اسحانا اشتى، قازىر ايىنا 2000 يۋان مولشەرىندە كىرىس كىرگىزەدى.

  سونىمەن ءبىر ۋاقىتتا، 2016 -2017-جىلدارى گۇلجان 16 تۇياق كەدەيلەردى  سۇيەمەلدەۋ قويىنا يە بولىپ،قازىر ءوسىرىپ 50 تۇياققا جەتكىزدى. بىلتىر 13 تۇياعىن ساتىپ،3200 يۋان تازا كىرىس كىرگىزدى. بۇعان 85 مۋ جەرىنىڭ  34 مىڭ يۋان كوتەرمەگە بەرگەن اقىسىن قوسقاندا جىلدىق تازا  كىرىسى 50 مىڭ يۋاننان اسىپ،كىسى باسىندىق ورتاشا كىرىسى 10 مىڭ يۋانعا جەتتى.

  بۇل جونىندە گۇلجان: «بۇرىن مەن بالالارىم مەن وتباسىما ويداعىداي قارايلاسسام بولدى دەپ ويلايتىنمىن. قىزمەت اترەتى  بىرنەشە رەت كەلگەننەن كەيىن، مەنىڭ كوزقاراسىمدا وزگەرىس تۋىلىپ،وتباسىلىق اسحانا اشۋ بەكىمىنە كەلدىم، ويلاماعان جەردەن ساۋدام جاقسى بولدى، قازىر ءبىر جاعىنان، وتباسىمداعىلارعا قارايلاسىپ، ەندى ءبىر  جاعىنان،اقشا تاپتىم،وتە جاقسى بولدى» دەدى.

  ۇزدىكسىز سوڭىنا ءتۇسىپ،ورەسىن جوعارىلاتتى

  5 -ايدىڭ 8-كۇنى قىستاق تۇرعىنى نۇرموللا قوجاقاننىڭ 3 مۋلىق اۋلاسىندا    اۋداندىق پارتكوم ۇيىمداستىرۋ ءبولىمىنىڭ كادرلارى بوس قالعان جەردى تەگىستەدى، مۇنىڭ ىشىندە ءبىر مۋ جەرگە كوكونىس    ەگىپ، ونىڭ اۋلا ەكونوميكاسىن دامىتۋىنا جەتەكشىلىك ەتىپ، تۇرمىستىق قاراجاتىن   ۇنەمدەپ بەرسە؛ 2 مۋ جەرگە جۇگەرى     ەگىپ، باعىمشىلىقتى دامىتۋىنا كومەكتەسىپ، ءوندىرىستىڭ وزىندىك قۇنىن تومەندەتتى.

    بۇل جونىندە نۇرموللا تەبىرەنىستى كوڭىل كۇيمەن: «پارتيانىڭ ابزال ساياساتىنىڭ    دەمەۋىندە جاڭا ۇيگە كوشىپ كىردىم،  ۇيىمداستىرۋ بولىمىندەگى كادرلار جەردى  تەگىستەپ،اۋلا ەكونوميكاسى مەن باعىمشىلىقتى دامىتۋىما قولداۋ كورسەتتى، وسىنداي تاماشا شارت-جاعدايدا ەندى قۇلشىنباسام پارتيا مەن ۇكىمەتكە كىنالى بولارمىن» دەدى.

  اۋداندىق پارتكوم ۇيىمداستىرۋ ءبولىمىنىڭ ورىنباسار باستىعى ليۋ شۋاڭبيننىڭ تانىستىرۋىنا نەگىزدەلگەندە،بيىلدان باستاپ اۋداندىق پارتكوم سارباس قىستاعىنداعى 98 وتباسىنا اۋدانعا توتە قاراستى 98 ورىن قىستاق تۇرعىندارىمەن تولىق بايلانىس جاساپ، ءبىر    اۋىزدىلىققا كەلگەننەن كەيىن، تۇيىندەر بويىنشا «تامشىلاتىپ سۋارۋ ۇلگىسىندە» سۇيەمەلدەۋ جانە كومەكتەسۋ قىزمەتىن ورىستەتىپ،  شارۋاشىلىقتى دامىتىپ، كىرىستى ارتتىرىپ، كەدەيلىكتەن ارىلتۋدان قامال الۋ جەتىستىگىن بەكەمدەپ، دارەجەسىن جوعارىلاتۋدا ۇلگى  كورسەتۋ ءتۇيىنىن قۇرۋدى بەلگىلەگەن ەكەن.

  ۇلگى كورسەتۋ ءساتتى بولعاننان كەيىن تۇتاس اۋداندا جالپىلاستىرىپ، 2020-جىلى تۇتاس اۋدانداعى ارحيۆ تۇرعىزىلىپ، كارتچكا بەرىلگەن كەدەي وتباسىنىڭ كەدەيلىكتەن  تۇگەلدەي ارىلۋىن جۇزەگە اسىرۋعا كەپىلدىك ەتپەكشى.



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى


 
powered by IlgharCMS 3.2 www.ilghar.cn