ەەڭ جاڭا مازمۇندار
تارباعاتاي ايماقتىق اكىمشىلىك مەكەمەسى شينجياڭ جۇڭتاي (توبى) شەكتى جاۋاپكەرشىلىك سەرىكتەستىگىمەن،جۇڭگو پوچتا امانات بانكەسى شينجياڭ بولىمشە بانكەسىمەن سەلبەستىك كەلىسىمىنە قول قويىستى
قوعام حاۋىپسىزدىگى ساقشىلارىنان حال سۇرادى
كەدەي وتباسىلار سيىر شارۋاشىلىعىنا سۇيەنىپ جاقسى تۇرمىسقا قادام تاستادى
قىزمەت اترەتى كەڭاعىن قىستاعىنىڭ اۋقاتتانۋ قادامىن جەدەلدەتتى
جۇمىستاندىرۋدى ويداعىداي ىستەپ،كىرىستى ورنىقتى ارتتىرىپ،باقىت قاقپاسىن اشتى
ءبىر اراعا باس قوسىپ،ۋادەلەستى جاس جۇرەك
پارتيانى جاپپاي قاتاڭ جونگە سالۋدىڭ ۇزدىكسىز تەرەڭدەي دامۋىن ىلگەرىلەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋگە پارمەندى قامتاماسىزدىق ازىرلەۋ كەرەك
جاڭا دامۋ ۇستانىمىن ىشكەرىلەي دايەكتىلەندىرىپ، ەكونوميكانىڭ جوعارى ساپالى دامۋىن ىلگەرىلەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن مىعىم نەگىز قالايىق
ايماعىمىز اۋىل-قىستاق بەيقۇت ءۇي ينجەنەرياسىن بار كۇشپەن ىلگەرىلەتتى
الىم ەكىنشى اتا مەكەنىنە قايتا ورالدى
سۋ قاينارى جەرىندەگى قوقىر-قوقسىقتاردى تازالاپ،قىستاق تۇرعىندارىنىڭ اۋىز سۋ ماسەلەسىن شەشتى
مىڭ ادام بىرلىكتە ۇلتتىق بيگە باستى
جول حاۋىپسىزدىگىن تەكسەردى
كوڭىلىڭە شاتتىق سيلاپ اينالاڭ،اسەم قۇستار باقشا ىشىندە سايراعان
”التىنى ورنىقتىرۋ“، ”التىنى قامتاماسىز ەتۋ“ مىندەتتەرىن بار كۇشپەن تياناقتاندىرىپ ىندەتتەن ساقتانۋ - تىزگىندەۋدى ۇدايىلاندىرۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ويداعىداي يگەرۋ كەرەك
ءتۇرلى شارالاردى قاتار اتقارىپ،جوعارى مەكتەپ تاۋىسقان وقۋشىلاردىڭ جۇمىستانۋىن بار كۇشپەن قامتاماسىز ەتتى
لين يۇيگاڭ جىگەرىن جاني ءتۇسىپ،اۋقاتتانۋ جولىندا قاتاردان قالمادى
شىنايى سۇيىسپەنشىلىكتەرىمەن جۇرت جۇرەگىن جەلپىندىردى
ءۇش فازالى ەلەكتر جەتكىزىپ،تۇرعىنداردى رازى ەتتى
مىڭ گۇيليڭ مەن ءۇش تۋىسىنىڭ ەتەنە قاتىناسى
ەنەرگيا ۇنەمدەپ،ىعىستىرۋ مولشەرىن ازايتۋ ۇگىتىن جۇرگىزدى
جاسىل ساپار،تومەن كومىرتەكتى تۇرمىس
بيڭتۋان مەن جەرلىك ورىن اۋقاتتانۋ تاجىريبەلەرىن ءوزارا ۇيرەندى
ريزۋان مامەتتىڭ «ءتاتتى كاسىبى»
2020-جىلى 7-ايدىڭ 13-كۇنى 145-سان
2020-جىلى 7-ايدىڭ 11-كۇنى 144-سان
پارتيا مەن حالىق ەڭ قاجەت ەتكەن جەردە جاستىق جالىنىن لاۋلاتتى
شاعانتوعاي اۋدانى ءتۇرلى شارالاردى قاتار قولدانىپ،جازعى استىق ساتىپ الۋ-ساقتاۋدى قامتاماسىز ەتتى
تالپىن ءۇي اشەكەيلەۋ جۇمىسىمەن شۇعىلدانىپ،اۋقاتتانۋ جولىنا ءتۇستى
ماقتا شىرپيتىن كەز كەلدى

ساحاراداعى شەبەر شيپاگەر

جولدانعان ۋاقىتى : 2019/5/20 12:50:39

_ مەملەكەتتىك ەڭبەك وزاتى وقاس سۇلەيمەن جايلى

وقاس بوس ۋاقىتى شىعا قالسا، دارىگەرلىك ۇيرەنۋىن ۇزدىكسىز جالعاستىرىپ كەلەدى.
  ءتىلشىمىز ۋاڭ شۋشيا 

  ناۋقاستىڭ اياق استىنان شۇعىل حاراكتەرلى سوقىر ىشەك وسىگىنىڭ قابىنۋ اۋرۋى  ۇستاپ، قىزۋى ورلەپ، ومىرىنە كەز كەلگەن ۋاقىتتا حاۋىپ تونۋدە. سىرتتا قارلى-بوران سوعىپ، جولدى توسىپ تاستاعاندىقتان،  شيپاحاناعا  بارىپ ەمدەلۋگە شاراسىز قالعان ەدى. الايدا، ونىڭ ەمدەۋى ارقىلى ناۋقاس حاۋىپتەن امان قالدى.

  جۇكتى ايەل ۇيىندە تولعاتىپ، بوسانۋعا تاياعان ەدى،الايدا،قالىڭ قار جاۋىپ   جولدى توسىپ تاستاعان سوڭ، شيپاحاناعا بارۋعا شاراسىز قالدى، وسى ساتتە ول ونى بوساندىردى، بوساندىرۋ بارىسىندا نارەستەنىڭ جىلاماعانىن ءارى تىنىسى جوق ەكەنىن بايقايدى دا كوپ جىلدىق تاجىريبەسىنە نەگىزدەلىپ، اۋىزىمەن نارەستەنىڭ اۋىزىنداعى شارانانى سورىپ شىعارىپ تاستايدى، وسىلايشا، بالا دا،انا دا امان قالادى.

  ونىڭ ءار رەتكى بوي كورسەتۋى ناۋقاستاردى اجال اۋىزىنان امان الىپ قالىپ،  ناۋقاستاردىڭ اۋرۋ ازابىن جەڭىلدەتەدى.

  40 جىلدان بەرى ول بۇرىندى-سوڭدى بولىپ، 90 مىڭ ادام رەتتەن ارتىق ناۋقاس  كورگەن،9000 نان ارتىق ادام رەت حال ۇستىندەگى جانە سالماقتى ناۋقاستى قۇتقارعان، 1800 دەن ارتىق ادام رەت نارەستەنى   دۇنيەگە اكەلدى.

  مىنە ول شاعانتوعاي اۋداندىق مال   شارۋاشىلىق شيپاحاناسىنىڭ 63 جاسقا كەلگەن قاراپايىم شيپاگەرى وقاس سۇلەيمەن ەدى.

  ناۋقاستاردىڭ اۋرۋ ازابىن جەڭىلدەتتى

  1971-جىلى 16 جاستاعى وقاس مال شارۋاشىلىق رايونىندا جالاڭاياق شيپاگەرلىك قىزمەتىن باستايدى. ەكى جىلدان كەيىن، تارباعاتاي ايماقتىق مەديتسينا مەكتەبىنە قابىلدانادى. مەديتسينا مەكتەبىنەن وقۋ تاۋىسقان سوڭ، اۋدان قالاشىعىنداعى شاعانتوعاي اۋداندىق مال شارۋاشىلىق شيپاحاناسىنا بولىنەدى،    الايدا، ول مال شارۋاشىلىق رايوندارىنا بارىپ قىزمەت ىستەۋدى ءوز ەركىمەن تالاپ ەتەدى.

  وسىلايشا، ءبىر جىلدىڭ ءتورت ماۋسىمىندا كەڭ بايتاق ساحارادا،وركەشتەنگەن بۇيراتتى جونداردا ءدارى ساندىعىن اسىنعان وقاستى كەزدەستىرەتىن بولدى.

  ول: «مالشىلار اۋىرىپ قالسا، ادەتتە اۋدانعا بارىپ ەمدەلمەيدى،ۇساق اۋرۋلاردى ەلەمەيدى، سالماقتى اۋرۋعا شالدىقسا دا ءتوزىپ جۇرە بەرەدى، قاستارىندا ءجۇرىپ، ولاردىڭ ناۋقاس جاعدايىن دەر كەزىندە يگەرگەندە عانا جاقسى ەمدەۋگە بولادى» دەدى.

  1978-جىلى 12-ايدىڭ ءبىر كۇنى شاۋەشەك اۋدانى شىڭلي مال فەرماسىنىڭ  ( قازىرگى شاۋەشەك قالاسى ويجايلاۋ مال فەرماسى) مالشىسى گۇلقايشانىڭ بالاسى ايگۇل شۇعىل حاراكتەرلى سوقىر ىشەك وسىگىنىڭ قابىنۋ اۋرۋىنا شالدىعىپ،قىزۋى ورلەپ،   اۋىرىپ شىداتپايدى. وقاس سوقىر ىشەگى جارىلىپ كەتكەن بولۋى مۇمكىن،ەگەر دەر كەزىندە وپەراتسيا جاساماسا، بالانىڭ ومىرىنە حاۋىپ تونەتىندىگىن ايتادى.

  ەڭ جاقىن بولعان ەمدەۋ قۇرىلىمىنا بارۋدىڭ وزىنە 160 كيلومەتردەن ارتىق تاۋ  جولىن باسۋ قاجەت،ونىڭ ۇستىنە، تاۋدا قالىڭ قار جاۋىپ جول توسىلىپ قالعاندىقتان، جول ءجۇرۋ مۇمكىن ەمەس ەدى.

  وقاس قاتتى ابىرجىدى ءارى اتا-اناسىنىڭ ماقۇلداۋىن العاننان كەيىن، دەرەۋ باتىلدىقپەن شەشىم جاساپ،ايگۇلگە وپەراتسيا جاساۋعا دايىندالدى. ەكى ساعاتتان كەيىن، وپەراتسيا ءساتتى اياقتالىپ،ايگۇلدىڭ اۋرۋى باسەڭدەدى.

  وسىدان كەيىن وقاس كاسىپتىك تەحنيكانى ءتىپتى دە مۇقيات زەرتتەپ، بالالار اۋرۋى، ايەلدەر اۋرۋى، ىشكى اۋرۋلار مەن سىرتقى اۋرۋلاردىڭ بارلىعىن ۇيرەنىپ، امبەباپ شيپاگەر بولۋعا تىرىستى.

  1991-جىلى 7-ايدىڭ ءبىر كۇنى مالشى مالەننىڭ ايەلىنىڭ ەسكىلىكتى اۋرۋى قوزىپ، توسەك تارتىپ جاتىپ قالادى. وقاس جاعدايدان حاباردار بولعان سوڭ، دەرەۋ اتىنا ءمىنىپ 22 كيلومەتر شالعايداعى اقشوقىداعى مالەننىڭ  ۇيىنە بارىپ، ناۋقاستىڭ تامىرىن ۇستاپ، اۋرۋىن كورىپ،ۋكول سالىپ، ءدارى بەرەدى. وسىلايشا وقاستىڭ 10 نەشە كۇن ۇيىنە دە قايتپاي زەرسالا ەمدەۋىندە ناۋقاستىڭ اۋرۋى بىرتىندەپ ساۋىعا باستايدى.

  مالەن ەرەكشە اسەرلەنىپ، قايتا-قايتا   العىس جاۋدىرىپ: «وقاس شيپاگەر جۇبايىمنىڭ جانىن ءسىز الىپ قالدىڭىز،ءسىز ءبىزدىڭ شاپاعاتشىمىزسىز» دەدى.

  2002-جىلى 3-ايدا جاڭاجەر اۋىلىنداعى جۇكتى ايەل شاراپات ءوزىنىڭ كيىز ۇيىندە تولعاتىپ، 3 كۇن بۇرىن شاراناسى جارىلىپ، بوسانۋ الدىندا تۇر ەدى. بارلىق تاۋىنا قالىڭ قار جاۋىپ، جول توسىلىپ قالعاندىقتان، ۇلكەندى-كىشىلى ءبىر ءۇيلى جان بوساناتىن ايەلدى اينالسوقتاپ، قاتتى تىقىرشىعان ەدى.

  وسىنداي قىسىلتاياڭ جاعدايدا وقاس ءدارى ساندىعىن كوتەرىپ كىرىپ كەلەدى، ول اۋرۋ جاعدايىنان حاباردار بولعاننان كەيىن، شۇعىل قۇتقارۋعا كىرىسەدى. ءبىر ساعاتتان ارتىق  ۋاقىت شۇعىل قۇتقارۋ ارقىلى نارەستەنى  امان-ەسەن دۇنيەگە اكەلدى.

  الايدا، جاڭا تۋىلعان نارەستەدە جىلاعان داۋىس پەن تىنىسى جوق،كىشكەنتاي    بەتتەرى قىزارىپ كەتكەن ەدى، وقاس ۇزاق جىلدىق ەمدەۋ تاجىريبەسىنە نەگىزدەلىپ،  اۋىزىمەن نارەستەنىڭ اۋزىنداعى شارانانى   سورىپ شىعارىپ تاستايدى.

  وسىلايشا وقاس بار كۇشىمەن نارەستەنىڭ اۋزىنان بەسىنشى رەت قالدىق زاتتى شىعارعاندا نارەستەنىڭ ىڭگالاعان ءۇنى ەستىلەدى.

  كيىز ءۇيدىڭ ىشىندەگى شۇعىل جاعداي لەزدە باسىلىپ، وقاستىڭ ابىرجىعان كوڭىل كۇيى ورنىقتى، الايدا، ول قاتتى قالجىراعاندىقتان، اۋزى سوزگە كەلمەي قالدى. مۇنداي مىسالدار وقاستىڭ باسىنان كوپ ءوتتى. ول بوساندىرعان بالالار العىستارىن ءبىلدىرۋ   ءۇشىن وقاستى «كىندىك اكە» دەپ اتاپ كەتتى.

   ونىڭ ءار رەتكى بوي كورسەتۋى تورىققان ناۋقاستار مەن وتباسىنداعىلارعا زور ءۇمىت سيلايدى، ونىڭ ءار رەتكى دەر كەزىندە   ەمدەۋىندە اۋرۋ ازابىن تارتقان جاندار ءونىمدى ەمدەۋگە يە بولدى.      

  اۋىلداستارىنان قامقورلىعىن ايامادى

    وقاستىڭ تۇرمىسى ونشا اۋقاتتى بولماعانىمەن، قيىنشىلىققا جولىققاندا ۇنەمى امالىن تاۋىپ ءوزى شەشىم ەتەدى، ەجەلدەن    مالشىلاردان كومەك تىلەپ كورگەن ەمەس.   العاش باس قۇراعان كەزدە، ول ەڭبەكاقىسىمەن ۇيىنە ءبىر ساباق ينە-ءجىپ تە الىپ كورمەگەن، بارلىعىن قيىنشىلىعى بار ناۋقاستارعا ىستەتىپ، بۇكىل وتباسىنىڭ شىعىنىن ايەلى  العان ەڭبەكاقىسىمەن تولەيتىن.

  1981-جىلى وقاستىڭ اكەسى قايتىس بولادى،سول كەزدە ول مايلىنىڭ قىستاۋلىعىندا بولعاندىقتان، اكەسىمەن سوڭعى رەت بەت كورىسە الماي قالادى؛ 1997-جىلى  اعاسى قايتىس بولعان كەزدە دە ول فەرمانىڭ ەمدەۋ تۇيىنىندەگى قىزمەت ورنىندا بولاتىن؛ 1991-جىلى قاتتى زورىعۋ سەبەبىنەن ايەلى رەۆماتيزمدىك جۇرەك اۋرۋىنا شالدىعىپ، ەمدەلۋ بارىسىندا تىكە تۋىسى قول قويۋ   قاجەت بولادى، الايدا ول قىستاۋلىقتا   كەزەكشىلىك ىستەپ جاتقاندىقتان، ايەلىنە  قارايلاسا المايدى.

   وتباسىنداعى ءاربىر ۇلكەندى-كىشىلى جۇمىستارعا قولعابىس تيگىزىپ كورگەن  ەمەس، الايدا مالشىلاردىڭ كىشى-كىرىم  ىستەرىنە دەيىن ول الدىدا ءجۇرىپ، ءبىرىنشى بولىپ جەتىپ باراتىن.

  التىن ەمىل اۋىلىنداعى بەستە قامدالاتىن ريزا جوعارى قان قىسىم ناۋقاسىنا شالدىققان، ۇل-قىزدارى ەرتە قايتىس بولعان ەدى،  وقاس وسى جاعدايدى بىلگەننەن كەيىن، باستان-اياق ريزانىڭ ەمدەۋ قاراجاتىن  تولەپ كەلگەن.

  جاڭاجەر اۋىلىنىڭ مالشىسى مۇراتقان تۇرمىسىن باسقارۋ قابىلەتى جوق بولۋمەن بىرگە، ۇزاق جىلدار بويى ۇزبەي ءدارى ىشەدى.  وقاس ونىمەن ىرىقتى تۇردە «تۋىستىق    قاتىناس» ورناتىپ، ءوز قالتاسىنان اقشا شىعارىپ وعان ءدارى اپارىپ بەرىپ، ۋكول سالىپ، ونىڭ سىرتىندا دەمالىس ۋاقىتىنان پايدالانىپ كيىم-كەشەكتەرىن جۋىپ بەرەدى.

  شاعانتوعاي مال فەرماسى 1-اترەتىنىڭ مالشىسى تۇرسىنعازى تۇلا بويى قان-جوسا بولىپ، مايلى تاۋىنىڭ ەمدەۋ تۇيىنىنە بارىپ وقاسقا جاراقاتىن ەمدەتكەن كەزدەگى   كورىنىستى كۇنى بۇگىنگە دەيىن ۇمىتا المايدى.

  وقاس ونىڭ ناۋقاسىن ەمدەگەن كەزدە، ونىڭ ارتىندا 100 دەن استام سيىر-قويىنىڭ قاراۋسىز قالعانىن بىلەدى.

  وقاس ونىڭ ايەلىنە: «ۇيىڭە قايتىپ كەت، ۇيگە قاراۋعا دا ءبىر ادام قاجەت، ناۋقاستى ماعان تاپسىر» دەيدى.

  10 نەشە كۇندىك ۋاقىتتا، وقاس ءبىر  جاعىنان تۇرسىنعازىنى ەمدەسە؛ءبىر جاعىنان، ونىڭ ءىشىپ-جەم، تۇرمىسىنا قارايلاسادى.

  جاراقاتى ساۋىققاننان كەيىن، تۇرسىنعازى وقاستىڭ قولىنان ۇستاپ تۇرىپ اسەرلەنە   العىس جاۋدىرادى.

  ول قۇلىستاي مال فەرماسىندا شيپاگەر  بولىپ ىستەگەندە،قاراجات شەكتى، ەمدەۋ تۇيىنىندە جۇمىس ءبىتىرۋ ورنى بولماعاندىقتان، ۋاقىتتىق مالشىلاردىڭ ۇيىندە تۇرادى. ەمدەۋ جابدىعىنان تەك قانا ءبىر ءدارى ساندىقشاسى بار بولاتىن.

  مالشى جاكەن ءشوپ شاۋىپ جۇرگەندە  ابايسىزدا سول قولىن جارالاپ الادى دا، كورسەتپەگەندىكتەن اسقىنىپ سول جاق    بىلەزىگىن كەسىپ تاستاۋعا تۋرا كەلەدى، ەڭبەك قۋاتىنان ايرىلعان جاكەننىڭ كۇن  كورىسى قيىنعا سوعادى.

  وقاس مۇنى بىلگەننەن كەيىن، ءار رەت اۋدان قالاشىعىنان كەلگەن سايىن ۇن، كۇرىش جانە ازىقتىق ماي قاتارلى تۇرمىستىق بۇيىمداردى الا كەلىپ،بوس كەزدەرىندە جاكەننىڭ ءۇي سالۋ، ءشوپ شابۋ، سۋ تاسۋ جۇمىستارىنا كومەكتەسەدى.

  4 جىلدا وقاس جاكەن وتباسىنا 3000   يۋاننان ارتىق قارجىلاي كومەك بەرگەن.

  سونىمەن بىرگە، وقاس تاعى دا  مالشىلاردىڭ تولەي الماعان از بولعاندا نەشە 10 يۋان، كوپ بولعاندا 1000 يۋانعا جۋىق ەمدەلۋ اقىسىن ءوزى تولەپ وتىرعان.

5-ايدىڭ 9-كۇنى وقاس ءوزىنىڭ داڭق كۋالىكتەرىن كورۋدە.
 
    شىنايى سۇيىسپەنشىلىگى ارقىلى  كوپشىلىكتىڭ القاۋىنا بولەندى

  2015-جىلى وقاس زەينەتكە شىققاننان كەيىن دە شيپاگەرلىك كىتاپتار كورىپ،  ۇزدىكسىز ۇيرەندى،كەي كەزدەرى ونى  ارنايى ىزدەپ كەلىپ اۋرۋ كورسەتكەندەردىڭ اۋرۋىن ول قاباق شىتپاي كورەتىن ەدى.  شاعانتوعاي اۋداندىق مال شارۋاشىلىق شيپاحاناسى جالپى حالىقتىڭ دەنساۋلىق تەكسەرۋ قىزمەتىن ورىستەتكەندە وقاس ءوز ەركىمەن شيپاحاناعا بارىپ كومەكتەستى.

   وقاستىڭ قىزمەتتەسى قايشا: «كوپتەگەن مالشىلار ءتۇن جارىمىندا وقاستى ىزدەپ  كەلىپ اۋرۋ كورسەتكەندە، ول اسا بايىپتىلىقپەن تەكسەرىپ-داۋالايدى، ونىڭ ىستەگەن ىزگى ىستەرى ايتىپ تاۋىسقىسىز» دەدى.

  8 جىلدىڭ الدىندا جوعارى قان قىسىم اۋرۋىنا شالدىققان بەستە قامتاماسىزداندىرىلاتىن وتباسى چىن شيۋيىڭنىڭ بىردەن-ءبىر جاقىنى 17 جاستاعى نەمەرەسى تۋما جۇرەك اۋرۋىنا شالدىعادى.

  وقاس جاعدايدان حاباردار بولعاننان  كەيىن، بۇل وتباسىنداعىلاردىڭ ىلگەرىندى-كەيىندى 3000 يۋاننان استام ەمدەلۋ اقىسىن تولەيدى.

  چىن شيۋيىڭ: «وقاس شيپاگەر اۋىزعا الىنسا، جۇرەگىمدى مەيىرىمدىلىك كەرنەيدى، ول مەيلى قايسى ۇلت بولسىن، قيىنشىلىققا  ۇشىراعاندارعا كومەكتەسەدى، ءبىزدىڭ ۇيرەنۋ ۇلگىمىز» دەدى.

  وسى تەكتەس 70 جاستاعى گۇلبارشىن  قارابۋرا اۋىلى جالپاقتال قىستاعىنىڭ مالشىسى  ونىڭ وتباسى وقاستىڭ كومەگىنە يە بولعان، ول وقاستى اۋىز جاپپاي ماقتايدى.

   ول: «وقاس ءبىزدىڭ شاپاعاتشىمىز، كۇيەۋىم ۇزاق جىلدار بويى اۋرۋ ازابىن تارتىپ كەلەدى، وقاس كۇيەۋىمنىڭ اۋرۋىن ەمدەگەنىمەن ەمدەۋ اقىسىن المايدى. ول شىن پەيىلىمەن بىزگە كومەكتەستى، ءبىز وعان شىن جۇرەگىمىزدەن العىس ايتامىز» دەدى.

  وقاس ءبىر قاراپايىم پارتيا مۇشەسى، ول سۇيىسپەنشىلىكتى ءار ۇلت بۇقاراسىنىڭ   جۇرەگىنە ۇيالاتىپ، قالىڭ ەگىنشى-مالشىنىڭ سەنىمىنە يە بولدى، قازاق، حۇيزۋ، حانزۋ سياقتى ءار ۇلت اۋىلداستارىنا تەرەڭ سۇيىسپەنشىلىگىن ارنادى. ءبىر قاراپايىم شيپاگەر   اسا قۇنتتى قىزمەت پوزيتسيامەن ءار ۇلت جۇرتشىلىعىنىڭ سەنىمىنە يە بولدى.

  2008-جىلى 1-ايدا وقاس دەنساۋلىق ساقتاۋ سالاسىنداعى مەملەكەتتىك وزات   قىزمەتكەر اتاعىنا يە بولسا، 2009 -جىلى  9-ايدا ۇلتتار ىنتىماعى العاباسارلىعىنداعى مەملەكەتتىك ۇلگىلى جەكە داڭقتى اتاعىن الدى. سونىمەن بىرگە، ىلگەرىندى-كەيىندى   مەملەكەتتىك «1-مامىر» ەڭبەك وردەنى، اۆتونوميالى رايوندىق تاڭداۋلى اۋىل-قىستاق شيپاگەرى، اۆتونوميالى رايوندىق تاڭداۋلى كوممۋنيستىك پارتيا مۇشەسى سياقتى 30 دان ارتىق داڭقتى اتاققا يە بولدى. 



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى



 
powered by IlgharCMS 3.2 www.ilghar.cn