قازىنالىق باقىلاۋدىڭ باقىلاۋىن زاڭ بويىنشا جاپپاي كۇشەيتىپ،قوعام ورنىقتىلىعى مەن باياندى تىنىشتىق باس نىساناسىنىڭ جۇزەگە اسۋىن پارمەندى كەپىلدىكپەن قامدايىق

ايماقتىق پارتكوم قازىنالىق باقىلاۋ كوميتەتىنىڭ ءماجىلىسىن اشتى
 

  ءتىلشىمىز ۋىن بو حابارلايدى. جاقىندا ايماقتىق پارتكومنىڭ شۋجيى،ايماقتىق پارتكوم قازىنالىق باقىلاۋ كوميتەتىنىڭ مەڭگەرۋشىسى شۋە بين ايماقتىق پارتكوم قازىنالىق باقىلاۋ كوميتەتىنىڭ ءماجىلىسىن باسقارىپ اشىپ،ايماقتىڭ قازىنالىق باقىلاۋ قىزمەتىن زەرتتەپ ورنالاستىردى.

    ءماجىلىس ايماقتىڭ 2018-جىلعى  قازىنالىق باقىلاۋ قىزمەتى جاعدايى، سونداي-اق 2019-جىلعى قىزمەت جوسپارى دوكلاتىن تىڭدادى،«جۇڭگو كوممۋنيستىك پارتياسى تارباعاتاي ايماقتىق كوميتەتى قازىنالىق باقىلاۋ كوميتەتىنىڭ قىزمەت قاعيدا» سىن،«جۇڭگو كوممۋنيستىك پارتياسى تارباعاتاي ايماقتىق كوميتەتى قازىنالىق باقىلاۋ كوميتەتى كەڭسەسىنىڭ  ەگجەي-تەگجەيلى قىزمەت ەرەجەسى» ن قارادى،ماقۇلدادى.

  شۋە بين مىنالاردى اتاپ كورسەتتى: ساياسي دەڭگەيدى جوعارىلاتىپ،قازىنالىق باقىلاۋ قىزمەتىن جاقسى ىستەۋدىڭ كەلەلى ءمانىن تەرەڭ تانۋ كەرەك. ايماقتاعى ءار دارەجەلى پارتيا،ۇكىمەت ورىندارى قازىنالىق باقىلاۋدىڭ باقىلاۋ جۇرگىزۋىنىڭ كەلەلى ءمانىن جەتە تانىپ،  يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قازىنالىق باقىلاۋ قىزمەتى جونىندەگى شەشىمدەرىمەن باتىل بىرلىككە كەلتىرىپ،اۆتونوميالى رايوندىق پارتكومنىڭ قازىنالىق باقىلاۋ قىزمەتى جونىندەگى ورنالاستىرۋلارىمەن بىرلىككە كەلتىرىپ،جاڭا ءداۋىر جۇكتەگەن قازىنالىق باقىلاۋدىڭ باقىلاۋىنىڭ جاڭا ورنىن،جاڭا مىندەتىن جانە جاڭا تالاپتارىن دۇرىس يگەرىپ جانە وعان ۇيلەسىپ،قوعام ورنىقتىلىعى مەن  باياندى تىنىشتىق باس نىساناسىن مىقتاپ ارقاۋ ەتە وتىرىپ قازىنالىق باقىلاۋ قىزمەتىن جوبالاپ جانە ىلگەرىلەتىپ،جۇڭگوشا سوتسياليستىك شينجياڭ قۇرۋعا تارباعاتاي ۇلەسىن قوسۋ كەرەك.

     شۋە بين مىنالاردى باسا دارىپتەدى:     وزەكتى جالپى جاعدايدى توڭىرەكتەي وتىرىپ،قازىنالىق باقىلاۋدىڭ پارتيا مەن مەملەكەتتىڭ باقىلاۋ جۇيەسىندەگى ماڭىزدى رولىن تولىق ساۋلەلەندىرۋ كەرەك. باس نىسانانى ءبىرتۇتاس باسشىلىققا الۋعا تاباندى بولىپ،نازاردى باس نىساناعا شوعىرلاندىرا  وتىرىپ قازىنالىق باقىلاۋ قىزمەتىن ىلگەرىلەتىپ، قازىنالىق باقىلاۋدىڭ باقىلاۋىنىڭ اياسى مەن دەڭگەيىن ۇزدىكسىز ءوسىرىپ، قازىنالىق باقىلاۋدىڭ ورەلى رولىن تولىق ساۋلەلەندىرۋ؛ جوعارى ساپالى دامۋدى ءتۇيىن ەتۋگە تاباندى بولىپ،ورنىقتىلىق بارىسىندا ىلگەرىلەۋ جالپى قىزمەت ارناسىنان جازباي،جاڭا دامۋ ۇستانىمىنا تاباندى بولىپ، نازاردى اۋىر حاۋىپ-قاتەردەن ساقتانۋ جانە ونى جويۋ، كەدەيلىكتەن ارىلتۋدان قامال الۋ،لاستانۋدان جانە ونى وڭاۋ سىندى «ءۇش ۇلكەن قامال الۋ شايقاسى» نا شوعىرلاندىرىپ، نازاردى جىبەك جولى ەكونوميكالىق بەلدەۋىندەگى    وزەكتى رايون قۇرىلىسى، اۋىل-قىستاقتى گۇلدەندىرۋ، ساياحاتتى قاۋىرت دامىتۋ سىندى «ءۇش ءتۇرلى ءتۇيىن» گە شوعىرلاندىرىپ،نازاردى رەفورما جاساۋعا،سىرتقا ەسىك اشۋعا شوعىرلاندىرىپ، قازىنالىق باقىلاۋ قىزمەتىن تىڭعىلىقتى جاقسى ىستەۋ؛ كادرلاردى باقىلاۋدى وزەك ەتۋگە تاباندى بولىپ، قازىنالىق باقىلاۋدىڭ باقىلاۋىن كادرلاردى پارتيا باسقارۋمەن،ءتارتىپ تەكسەرۋ تەكسەرۋىمەن، جاۋاپكەرشىلىكتى قۋزاستىرۋ،جاۋاپقا تارتۋمەن ۇشتاستىرۋعا تاباندى بولىپ، قازىنالىق باقىلاۋدىڭ شىرىكتەسۋگە قارسى تۇرۋداعى وتكىر قارۋلىق رولىن اناعۇرلىم ساۋلەلەندىرىپ،    «قايتا قاداعالاۋ» دى مىقتى ۇستاپ، قازىنالىق باقىلاۋدىڭ باقىلاۋىن پارمەندى، جۇيەلى، ءونىمدى ورىستەتۋ كەرەك.

  شۋە بين مىنالاردى تالاپ ەتتى: ۇيىمدىق باسشىلىقتى كۇشەيتىپ، قازىنالىق باقىلاۋدىڭ باقىلاۋىن پارمەندى قامتاماسىز ەتۋ كەرەك. باسشىلىق جاۋاپكەرشىلىكتى كۇشەيتۋ كەرەك،ءار دارەجەلى پارتكومدار باسشىلىق جاۋاپكەرشىلىكتى تياناقتاندىرۋى، پارتكومنىڭ شۋجيى ءبىرىنشى جاۋاپكەر ادامدىق جاۋاپكەرشىلىگىن ادا ەتۋى،ءار دارەجەلى باسشى كادرلار قازىنالىق باقىلاۋ قىزمەتىنە بەلسەنە ىرىقتى سەلبەسۋى كەرەك؛ ءبىرتۇتاس جوبالاۋ جاۋاپكەرشىلىگىن كۇشەيتۋ كەرەك،ءار دارەجەلى پارتكومنىڭ قازىنالىق باقىلاۋ كوميتەتتەرى ماكرولىق جاقتان جوبالاۋدى، ۇيىمدىق جاقتان سايكەستىرۋدى، تياناقتاندىرۋعا قۋزاۋشىلىق ەتۋدى كۇشەيتۋى، ءار دارەجەلى پارتكومنىڭ قازىنالىق باقىلاۋ كوميتەتى كەڭسەلەرى ۇشتاسۋى ىركىلىسسىز، قامتاماسىز ەتۋى پارمەندى،سەلبەسۋى   ءونىمدى قىزمەت مەحانيزمىن تۇلعالاۋى  كەرەك؛ تۇلعالىق جاۋاپكەرشىلىكتى كۇشەيتۋ كەرەك، ءار دارەجەلى قازىنالىق باقىلاۋ   ورگاندارى قازىنالىق باقىلاۋدىڭ باقىلاۋ  جاۋاپكەرشىلىگىن زاڭ بويىنشا جاپپاي اتقارۋى، ءار دارەجەلى قازىنالىق باقىلاۋ كادرلارى قالتقىسىز،جۇرەكتى بولۋعا،قيىندىققا جولىققاندا باتىل بولۋعا،باتىلدىقپەن جاۋاپكەرشىلىك ارقالاۋعا تاباندى بولۋى كەرەك؛سەلبەسۋ جاۋاپكەرشىلىگىن كۇشەيتۋ كەرەك،ءارقايسى قاتىستى تاراۋلار سەلبەسۋ جاۋاپكەرشىلىگىن تياناقتاندىرىپ، قازىنالىق باقىلاۋ قىزمەتىنىڭ ورىستەتىلۋىنە قولداۋ كورسەتىپ، شارت-جاعداي ازىرلەۋ كەرەك.

  ايماق باسشىلارىنان ليۋ لي،شۋە گۇيچياڭ، ايماققا توتە قاراستى قاتىستى تاراۋلاردىڭ جاۋاپتى جولداستارى ماجىلىسكە قاتىناستى.





رەداكتورى : ارداق كامالقان قىزى
  
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى