ەەڭ جاڭا مازمۇندار
اۋەلگى ماقساتقا،بورىشقا تاباندى بولىپ،مۇرات-سەنىمدى بەكەمدەدى
چىن چۋانگو قاشقار ايماعىندا تەكسەرۋ - زەرتتەۋ جۇرگىزگەندە مىنانى باسا دارىپتەدى
وڭايلىقپەن قولعا كەلمەگەن تاماشا جاعدايدى بەكەمدەپ جانە دامىتىپ، ورنىقتىلىقتىڭ،دامۋدىڭ ءتۇرلى ىستەرىنىڭ ىشكەرىلەي دامۋىن ىلگەرىلەتۋ كەرەك
ۇلتتىڭ گۇلدەنۋى جولىندا . ەرجۇرەك قۇرباندار شەجىرەسى
كورىكتى شيحۋ قوناقتاردى قىزۋ قارسى الدى
كۇش-قۋاتتى ۇيىستىرىپ، شينجياڭعا كومەكتەسۋدىڭ كوركەم پاراعىن بىرلىكتە جازدى
شيحۋ قالاسى نەگىزگى ساتىنىڭ اۋىرتپالىعىن جەڭىلدەتۋدى ناقتى تياناقتاندىردى
دۋ جۇڭيۋان: جاپون شاپقىنشىلارىنا قارسى تۇرىپ،وتاندى قۇتقارۋ -ءبىزدىڭ جاۋاپكەرشىلىگىمىز
ۇلتتىڭ گۇلدەنۋى جولىندا . ەرجۇرەك قۇرباندار شەجىرەسى
جاڭبىرداعى كوشى-قون...
شەكارا حالىقتارىنىڭ ءوزارا ساۋدا بازارىنىڭ 3 كۇندىك تيجارات سوماسى 513 مىڭ يۋانعا جەتتى
باس شۋجي شي جينپيڭنىڭ ماڭىزدى ءسوزىنىڭ رۋحىن باتىل دايەكتىلەندىرىپ،تياناقتاندىرىپ، جۇڭگوشا سوتسياليستىك شينجياڭ قۇرۋ ءۇشىن حاۋىپسىز، ورنىقتى ورتا جاراتايىق
ۇلتتىڭ گۇلدەنۋى جولىندا . ەرجۇرەك قۇرباندار شەجىرەسى
توڭكەرىستىك اندەردى شىرقاپ،پارتيانىڭ قامقورلىعىن جىرلادى
سۋرەت كورگىزبەسى وتانىمىزعا تارتۋ ۇسىندى
دەمالىسقا، زەينەتكە شىققان كادرلار وزگەرىستەردى تاماشالادى
ادەبيەت-كوركەمونەر كونسەرتىن وتكىزدى
پارتياعا جۇرەگىمىزدى ارناپ، وتانىمىزدى جىرلايىق
تەڭىز ونىمدەرىنىڭ دامىنەن ءلاززات الىڭىز
«اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىن قوزعاۋشى كۇش ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ جاڭا جاعدايىن قۇلشىنا اشايىق
تىڭ وراي، ويداعىداي وزگەرىس
قاتىناس حاۋىپسىزدىك بىلىمدەرى مەكتەپكە كىردى
تابيعي گازدى حاۋىپسىز پايدالانۋدى ۇگىتتەدى
حاۋىپسىز ءوندىرىستى كوكەيدە ساقتايىق
قورقىس قالاشىعى نەگىزگى ساتىنىڭ اۋىرتپالىعىن جەڭىلدەتىپ،قىزمەت وتەۋدى جەبەدى
سىرا مەكەنىنە قوناق بولىپ قايتىڭىزدار
بىلعارىعا ورنەك سالۋ شەبەرى ءپۇرىنجاپ
لياۋنيڭ كۇشى تارباعاتاي حالقىن يگىلىككە كەنەلتتى
تارباعاتايدىڭ سىرتقا باعىتتالعان ەكونوميكاسى دامۋىنىڭ جاڭا پاراعىن جازايىق
شەكارا حالىقتارىنىڭ ءوزارا ساۋدا بازارى اشىلىپ،بۇقارانى تيىمدىلىككە كەنەلتتى

ءتارتىپ تەكسەرۋ كوميتەتىنىڭ قىستاقتا تۇراتىن العان بەتىنەن قايتپايتىن ءادىل،تۋراشىل كادرلارى

جولدانعان ۋاقىتى : 2019/5/24 18:17:19

ءتىلشىمىز ۋاڭ گاۋشىڭ

  جاز ايىنىڭ جاندى جادىراتقان كۇنى ەدى، ءدوربىلجىن اۋدانى جەلاعاش قالاشىعى نارىنشاعانكول قىستاعىنا جەتتىك،جولدىڭ ەكى جاعىنا جاڭادان وتىرعىزىلعان بىتىك وسكەن جاپ-جاسىل اعاشتار، جاڭادان سالىنعان اۋلا قورعاندارى شىت جاڭا تۇسكە ەنىپ،قىستاق تۇرعىندارىنىڭ جۇزىنەن شاتتىقتىڭ لەبى ەسەدى. تاياۋ ماڭدا قازۋ ماشيناسىنىڭ گۇرىلى قۇلاق تۇندىرادى،ءاسىلى قىستاق كورىكتى اۋىل-قىستاق قۇرۋ جوباسىنا نەگىزدەلىپ، ءۇي، داۋالداردىڭ قيراندىلارىن جەدەل تازالاپ، تازا دا جانعا جايلى قونىس ورتاسىن قۇرۋدا ەكەن.

  جۇمىس ناق مايداندا ىستەپ جاتقان ماشينالارعا جەتەكشىلىك ەتىپ تۇرعان قىستاق پارتيا ياچەيكاسىنىڭ شۋجيى لي فۋجياڭ: «قاراشى،ءبىزدىڭ قىستاقتىڭ كەلبەتى بولاتىن شىعار،بۇل جاقىنعى نەشە جىلداردان بەرگى قىستاقتا تۇراتىن قىزمەت اترەتىنىڭ قىزمەتىنەن بولە قاراۋعا بولمايدى. ولاردىڭ قىزمەت تەبىنى كۇشتى العان بەتىنەن قايتپايدى، ونىڭ ۇستىنە قىزمەتتىڭ ءدال ءتۇيىنىن تاۋىپ ىستەيدى» دەدى.

  لي فۋجياڭ ايتىپ وتىرعان قىزمەت اترەتى ارت-ارتىنان 4 جىل ءار دارەجەلى تاڭداۋلى قىزمەت اترەتى بولىپ باعالانعان ءدوربىلجىن اۋدانىنىڭ «ۇعىسۋ،تيىمدىلىك جاساۋ،  توعىستىرۋ» بويىنشا قىستاقتا تۇراتىن ءتارتىپ تەكسەرۋ كوميتەتىنىڭ قىزمەت اترەتى ەدى.
 
نەگىزگى ساتى ۇيىمىن كۇشەيتۋدە جۇمساقتىق ىستەمەدى

  نارىنشاعانكول قىستاعى ەگىنشىلىكتى نەگىز ەتىپ، ەگىنشىلىك پەن مال شارۋاشىلىقتى   ۇشتاستىرعان قازاق قىستاق تۇرعىندارى باستى ورىندى ۇستايتىن ەگىنشىلىك قىستاعى. بۇل قىستاق بۇرىن بۇكىل اۋدانعا  تانىمالى «ارىزشىل قىستاق»،«ماسەلەسى كوپ قىستاق»  نەگىزگى ساتى پارتيا ۇيىمى ءالسىز،بىتىراڭقى قىستاق بولاتىن. قازىر بۇل قىستاقتىڭ تۇراقتى حالىق سانى 111 وتباسى 252 ادام، ارحيۆ تۇرعىزىلىپ، كارتچكا بەرىلگەن كەدەي    وتباسىنان 41 وتباسى 105 ادام بار.

  2014-جىلى اۋداندىق ءتارتىپ تەكسەرۋ كوميتەتىنىڭ قىزمەت اترەتى قىستاقتا تۇرعاننان بەرى،قىزمەت اترەتى شاشاۋىن شىعارماي ءار كەزەكتى تۇسكەن قىزمەت اترەتتەرى ءبىرىنىڭ ءىسىن ءبىرى جالعاستىرىپ «ارىزشىل قىستاق»، «ماسەلەسى كوپ قىستاق» تا وزگەرىس بولا باستادى.

  «پويەزدىڭ تەز ءجۇرۋى بۇكىلدەي     پاراۆوزدىڭ سۇيرەۋىنە سۇيەنەدى» دەگەندەي 2017-جىلى قىستاقتا تۇراتىن قىزمەت اترەتى بۇقارا اڭىس ەتكەن قىستاق كادرلارىنىڭ  جۇمىس تىندىرماۋ،جاۋاپكەرشىلىك ارقالاماۋ ماسەلەسىن كەڭ كولەمدە تەكسەرۋ جانە   ىشكەرىلەي ۇعىسۋ نەگىزىندە،«ەكى كوميتەت» القاسىن تولىقتاپ ءارى نىعايتۋدى  نەگىزگى ساتى ۇيىمىن كۇشەيتۋدەگى ماڭداي الدى قىزمەت رەتىندە ۇستادى.

  قىستاقتا تۇراتىن قىزمەت اترەتى قىستاق     «ەكى كوميتەتىنىڭ» القالارىنا قۇلاشىن كەڭ جايعان رەتتەۋ جۇرگىزدى. 5 قىستاق كادرى اراسىنان قىستاق پارتيا ياچەيكا شۋجيىن، قىستاق مەڭگەرۋشىسىن،قىستاق بۇعالتىرىن، قىستاق اماندىق قورعاۋ مەڭگەرۋشىسىن   قامتىعان 4 ادامعا رەتتەۋ جۇرگىزدى،مۇنىڭ  ىشىندە قىستاق پارتيا ياچەيكا شۋجيى مەن  اماندىق قورعاۋ مەڭگەرۋشىسى ورتا تەحنيكۋم ماعلۇماتىنا، قىستاق بۇعالتىرى تولىق ورتا ماعلۇماتىنا يە ەكەن.

  قىستاقتا تۇراتىن قىزمەت اترەتىنىڭ مۇشەسى حى تۇڭلين: «نەگىزگى ساتى پارتيا ۇيىمىنىڭ باستاماشىلدىق رولىن شىنايى ساۋلەلەندىرۋدە قىستاق كادرلارىن تاڭداۋ، وتە-موتە، «القا  جەتەكشىسى» بولعان قىستاق پارتيا ياچەيكا شۋجيىن دۇرىس تاڭداۋ شەشۋشى رول اتقارادى. بۇل «ساربازدىڭ مىقتى بولۋى سارداردىڭ مىقتى بولۋىنا بايلانىستى» دەگەن ءسوزدىڭ ماعىناسىن اڭعارتادى.

  ءبىر جىلدىق اماليات ارقىلى رەتتەلگەن قىستاق «ەكى كوميتەتىنىڭ» القالارى مادەنيەت ورەسى جوعارى جاس تا جالىندى بولىپ  قالماستان،جاپا-ماشاقاتقا توزىمدى،  جۇمىسقا شوگەل، ناقتىلى ءىس تىندىرا الاتىندار.

  2017-جىلدان بەرى ءار جىلى 3 ادامدى تاربيەلەپ پارتيا مۇشەلىگىنە قابىلداپ، قىستاق پارتيا ياچەيكاسىنىڭ باۋراۋ قۋاتى مەن ىقپالى بارعان سايىن كۇشەيىپ،پارتيا مۇشەلەرى قوسىنى زورايدى. 2018-جىلعى ەگىنشى -مالشىلاردىڭ ادام باسىنا تۋرا كەلەتىن كىرىسى 10170 يۋانعا جەتتى.

  قىستاق تۇرعىنى جاڭ گاڭجيان اسەرلەنە:   «قازىر ءبىزدىڭ قىستاقتاعى كادرلار جاۋاپكەرشىلىكتى باتىلدىقپەن ارقالاپ، حالىق   ءۇشىن ۇلكەن ءىس،كىشى-گىرىم ءىستىڭ ءبارىن دەموكراتيالى تۇردە شەشىم ەتىپ   بەرەتىن بولدى» دەدى.
 
نەگىزگى ساتىنىڭ نەگىزىن بەكەمدەۋدى بوساڭسىتپادى

  نەگىز بەكەم بولماسا،جەر قوزعالىپ،تاۋ شايقالادى. جاقىنعى جىلداردان بەرى قىزمەت اترەتى ىلگەرىندى-كەيىندى ءبىر ميلليون 833 مىڭ 500 يۋان نىسان قارجىسىن قولعا   كەلتىرىپ،2016-جىلدان 2018-جىلعا  دەيىن،ارحيۆ تۇرعىزىلىپ،كارتچكا بەرىلگەن كەدەي وتباسىلارىنا 45 شارشى مەترلىك   ۇيدەن 30 ىن جاڭادان سالىپ بەردى،بۇعان كەدەي وتباسىلارى ءبىر تيىن اقشا شىعارمادى؛كولەمى 100 شارشى مەتر دە 40 شارشى مەتر ارالىعىنداعى حالىقتى اۋقاتتاندىرۋ ۇيىنەن 22 سىن جاڭادان سالىپ،ءاربىر ۇيدەن 18 مىڭ 500 يۋان نەمەسە 28 مىڭ يۋان قوسىمشا  قاراجاتتان يگىلىكتەندىردى.

  2017-جىلدان 2018-جىلعا دەيىن قىزمەت اترەتى اۆتونوميالى رايوننىڭ ءبىر ميلليون يۋان «ۇعىسۋ،تيىمدىلىك جاساۋ، توعىستىرۋ» قيمىلى بويىنشا حالىق تۇرمىسىنا تيىمدىلىك جاساۋ قارجىسىنان پايدالانىپ، قىستاق ىشىندەگى 29 كوشە جولى مەن    نەگىزگى جولدارعا  70 دانا كۇن نۇرى شىراعىن ورناتىپ،6.5 كيلومەترلىك كوشە جولىنا شاعىل،6 كيلومەترلىك جولعا اسفالت جاتقىزعان،بۇعان جالپى 2 ميلليون 600 مىڭ يۋان قارجى قوسىلعان. سونىمەن جول قاتىناسى قولايسىز بولۋ ماسەلەسى شەشىمدەلۋمەن  بىرگە،قىستاق تۇرعىندارىنىڭ اۋدان-قالاشىعىنا بارىپ ءىس ءبىتىرۋ ۋاقىتى ۇنەمدەلدى.

  بيىل ءبىر ميلليون يۋان نىسان قارجىسىن قولعا كەلتىرىپ،ءدوربىلجىن اۋدانىندا    تۇڭعىش رەت قىستاق دارەجەلى ۇلتتىق سالت-سانا سارايىن سالۋدى جوسپارلاپ وتىر. كەزەكتە نەگىزدىك قۇرىلعىلارى نەگىزىنەن سالىنىپ بولعان.

  لي فۋجياڭ: «اۋداندىق ءتارتىپ تەكسەرۋ كوميتەتىنىڭ قىزمەت اترەتى كەلگەن بىرنەشە جىلدا قىستاعىمىزدا راسىندا وراسان زور وزگەرىستەر بارلىققا كەلىپ،قىستاق بەت-بەينەسىندە وزگەرىس بولۋدىڭ سىرتىندا قىستاق تۇرعىندارىنىڭ رۋحاني بەت-بەينەسى جاقسارىپ قىستاق تۇرعىندارى قىستاق ىستەرىنە سانالىلىقپەن ىرىقتى تۇردە ات سالىساتىن بولدى» دەدى.
 
كورىكتى اۋىل-قىستاق قۇرۋ قۇرىلىسىندا قاتاردان قالمادى

  جىل باسىنان بەرى قىزمەت اترەتى مەن   قىستاق «ەكى كوميتەتى» ءبىر جاعادان باس، ءبىر جەڭنەن قول شىعارىپ،قونىس ورتاسىن رەتتەۋ-وڭاۋدى وراي ەتە وتىرىپ كورىكتى اۋىل-قىستاق قۇرۋ قۇرىلىسىن جەدەلدەتتى.

  3-ايدىڭ باسىندا  قىستاق ىشىندەگى  نەگىزگى جولدىڭ ەكى جاعالاۋىنا 350 ءتۇپ كورىنىستىك اعاش ەگىپ،قاتارعا قوسىلۋى %99 كە جەتكەن. 

  كەزەكتە قىستاق كوللەكتيۆى 100 مىڭ  يۋانعا جۋىق قارجى قوسىپ،10 نەشە كۇندىك ۋاقىتتا جاراقسىز ەتىلگەن بوس تۇرعان 45 حاۋىپتى ءۇي جانە حاۋىپتى قالتقىلاردى تازالاپ،2 كيلومەترلىك ۇزىندىقتاعى كونە داۋالداردى قۇلاتقان.

  بۇل جۇمىس جايىندا حى دۇڭلين قۋانىشتى تۇردە: «قازىر قىستاقتىڭ جۇمىس ءبىتىرۋ   ونىمدىلىگى جوعارىلادى، باستىسى بۇقارا سايكەسىپ، قولداپ-قۋاتتاۋ سەرپىنى ارتتى» دەدى.

  بىلتىر جاڭادان اۋلا قورعانىن جيناعان كەزدە جول بويىنداعى 9 قىستاق تۇرعىنى ىرىقتىلىقپەن جەر بەرىپ، قىستاق جوباسىنىڭ ءساتتى  اتقارىلۋىنا كەپىلدىك ەتكەن.

  تىلەبالدى نۇرعالي بيىل 79 جاستا، 60جىلدىق پارتيالىق ستاجى بار، قاريا اۋلاسىنداعى 7 مەتر كەڭدىكتەگى جەرىن بەرەدى، ول كىسى ەڭ كوپ جەر بەرگەن قىستاق تۇرعىنى ەكەن.
 
 قيىنشىلىعى بارلارعا كومەكتەسۋدە سالعىرتتىق ىستەمەدى

  جاقىنعى جىلداردان بەرى نارىنشاعانكول قىستاعىنىڭ تۇرعىندارى قيىنشىلىققا جولىققاندا، الدىمەن قىزمەت اترەتىن ىزدەۋدى ادەتكە  اينالدىرسا،قىزمەت اترەتى دە قىستاق    تۇرعىندارىنىڭ ءۇمىتىن جەردە قالدىرىپ   كورمەدى.

  تۇرعىن مۇقتان نۇرسولتان بيىل 57 جاستا، ايەلىنىڭ كورۋ قۋاتى ءالسىز،ءۇيدىڭ ۇساق-تۇيەك جۇمىسىنا عانا شاماسى كەلەدى. ەكى بالاسى داشۋەدە وقيدى،ءبىر وتباسىنداعى 5 جان تۇگەلىمەن 50 مۋ ەگىستىك جەرىنىڭ 15 مىڭ يۋان كوتەرمەگە بەرگەن سوماسىنا   سۇيەنىپ كۇنەلتىپ كەلگەن.

  قىزمەت اترەتى مۇقتاننىڭ قيىنشىلىعىن كوزدەرىمەن كورىپ،كوڭىلدەرىنە ساقتايدى. 2017-جىلى قىزمەت اترەتىنىڭ كومەگىندە ول شەكارا قورعاۋشى بولىپ،ايىنا 2000 مىڭ يۋان تۇراقتى كىرىس كىرگىزىپ،كەزەكپەن دەمالعاندا تاعى دا كوتەرمە جۇمىس تاۋىپ ىستەپ،ەكى بالاسىنىڭ تۇرمىس قاراجاتىن شەشىم ەتىپ،كەدەيلىك سەبەبىنەن وقۋدان قول ءۇزۋدىڭ الدىن الادى. العىس سەزىمىن ءبىلدىرۋ ءۇشىن،مۇقتان قىزمەت اترەتىنە قامقا تۋ ۇسىنادى.

  29 جاستاعى قىستاق تۇرعىنى نوسەربايدىڭ شەشەسى رۋحاني اۋرۋعا شالدىققان،اكەسى ءۇش جىلدىڭ الدىندا وكپە راگنىڭ سوڭعى مەزگىلىنە وتكەندىگى انىقتالىپ،ءار جىلى 50 مۋ ەگىستىك جەرىنىڭ كوتەرمەگە بەرۋ اقىسىمەن اكەسىنىڭ ناۋقاسىن ەمدەتەتىن ناۋقاس سەبەبىنەن    كەدەيلەسكەن تيپتىك وتباسىنىڭ ءبىرى.

  بىلتىر قىزمەت اترەتىنىڭ كومەگىندە،ول شەكارا قورعاۋشى بولىپ،تۇراقتى كىرىسكە يە بولادى. ايەلى ۇيدە مالىن باعىپ،قارتتارعا قارايلاسىپ،كۇن كورىستەرى بىرتىندەپ جاقسارا باستايدى.

  كەزەكتە قىزمەت اترەتى ارحيۆ تۇرعىزىپ، كارتچكا بەرىلگەن كەدەي وتباسىلارىنان جيىنى 26 ادامدى جۇمىسقا ورنالاستىرىپ، قارىز   ەگىستىك جەر سياقتىلارعا قاتىستى 29 ءتۇرلى ماسەلەنى ءساتتى شەشىم ەتتى.

  قىزمەت اترەتىن جىبەرگەن ورىننىڭ   باسشىسى اۋداندىق پارتكومنىڭ تۇراقتى   مۇشەسى،ءتارتىپ تەكسەرۋ كوميتەتىنىڭ شۋجيى، باقىلاۋ كوميتەتىنىڭ مەڭگەرۋشىسى ۋاڭ چيڭجياڭ: «جىبەرگەن ورىن رەتىندە ءبىز قىزمەت اترەتىنىڭ كۇشتى تىرەگى بولىپ، قىزمەتتە بارىنشا قولداۋ كورسەتىپ،تۇرمىستا شىنايى قامقورلىق جاساپ، ولاردىڭ ءتۇرلى مىندەتتەرىن ايتارلىقتاي تابىستى ورىنداۋىنا كەپىلدىك ەتىپ، بۇقارانى ءتىپتى دە كوپ   يگىلىككە كەنەلدىرۋىمىز كەرەك» دەدى.   


  رەداكتورى : ارداق كامالقان قىزى
  
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn