ۇسىنىس ەتىلگەن ءتىلشى حى چىڭچياڭ، ەرىكتى ءتىلشى ساڭگىر پۇربىجاپ حابارلايدى. 5-ايدىڭ 18-كۇنى اقجان تولەۋقازى: «50 مۋ ەگىستىك جەرىمدى جىلىنا 20 نەشە مىڭ يۋاندىق باعامەن ماقتا زاۆودىنا كوتەرمەگە بەردىم. وزىمدە زاۆودتا جۇمىس ىستەيمىن، جوعارى ات كۇشىندىك تراكتور جۇرگىزۋدى ۇيرەنىپ الدىم،ايىنا 600 يۋاننىڭ ۇستىندە ەڭبەكاقى الامىن» دەدى.
اقجان قوبىقسارى موڭعۇل اۆتونوميالى اۋدانى شاحتى اۋىلى شاعانتۇڭگى الەۋمەتتىك اۋماعىنىڭ تۇرعىنى، بۇرىن ۇساق جۇمىستار ىستەپ تۇرمىسىن قامدايتىن، جىلىنا ارەڭ دەگەندە 10 نەشە مىڭ يۋان كىرىس كىرگىزەتىن. سول جەردەگى حۋافىڭ شەكتى جاۋاپكەرلىك سەرىكتەستىگىنىڭ ورگانيكالىق ماقتا مانەرلەۋ زاۆودىنا كىرىپ اۋىل شارۋاشىلىق ماشيناسىن جۇرگىزۋشى بولعاننان باستاپ، كىرىسى دە جوعارىلاپ، تۇرمىسى دا جاقسارا ءتۇستى.
حۋافىڭ شەكتى جاۋاپكەرلىك سەرىكتەستىگىنىڭ ورگانيكالىق ماقتا مانەرلەۋ زاۆودىنىڭ باستىعى دۇڭ باڭچي: «ءبىز وتكەن جىلى ورگانيكالىق ماقتالى كورپەدەن 150 مىڭىن وندىردىك، ءاربىر ماقتالى كورپەگە 1000 دا 1800 يۋانعا دەيىن ۇقساماعان باعا قويىلىپ، ورگانيكالىق ماقتالى كورپە ورگانيكالىق كۋالاندىرۋ كۋالىگىنە يە بولدى، بارلىق ادامدارعا ۇيلەسەدى. ورگانيكالىق ماقتا مانەرلەۋ زاۆودى ەگىنشى-مالشىلار مەن ارتىق ەڭبەككۇشتەردى تاربيەلەۋ، جۇمىستاندىرۋ ارقىلى ولاردىڭ اۋقاتتانۋىنا جەتەكشىلىك ەتتىك» دەدى.
جاقىنعى ەكى جىلدان بەرى مەملەكەت ماقتا باعاسى رەفورماسىن ىشكەرىلەي ىلگەرىلەتۋ مەن اۋىل-قىستاقتى گۇلدەندىرۋ ستراتەگياسىنىڭ بىرتىندەپ اتقارىلۋىنا بايلانىستى، شاحتى اۋىلى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىمەن، قىستاق «ەكى كوميتەتىمەن» كەڭەسۋ ارقىلى ەگىمشىلىك قۇرىلىمىن رەتكە سالۋدى جەدەلدەتىپ، ءداستۇرلى ەگىمشىلىك فورماسىن وزگەرتىپ، بيىل 3200 مۋ جەرگە ورگانيكالىق ماقتا ەگىپ، اۋىل شارۋاشىلىق كاسىپ قۇرىلىمىن رەتكە سالۋدى جەبەپ، ورگانيكالىق اينالمالى ەكونوميكا مەن ورگانيكالىق ەگىن،مال شارۋاشىلىق ونىمدەرىن مانەرلەۋ كاسىبىن دامىتىپ، ەگىنشى-مالشىلاردىڭ كىرىسىن ارتتىرۋدى جوسپارعا الدى.
حۋافىڭ شەكتى جاۋاپكەرلىك سەرىكتەستىگىنىڭ ورگانيكالىق ماقتا مانەرلەۋ زاۆودىنىڭ سەحنداعى قاز-قاتار تىزىلگەن ورگانيكالىق ماقتالى كورپەلەر كاسىپورىننىڭ بىرەگەي ونىمىنە اينالدى.
حۋافىڭ شەكتى جاۋاپكەرلىك سەرىكتەستىگىنىڭ باس القاسى شۇي حۋ: «وتكەن جىلى ورگانيكالىق ماقتانىڭ مۋ باسىندىق ءونىمى 360 كيلوگرامعا، جالپى ءونىم مولشەرى 1600 تونناعا، تازا ماقتا 5000 تونناعا، جالپى ءونىم قۇنى 220 ميلليون يۋانعا جەتتى. مانەرلەۋ زاۆودىمىز بەن ەگىس الاڭى كاسىپ تىزبەگىن قالىپتاستىرىپ، ماقتانى تەرگەننەن كەيىن مانەرلەۋ ارقىلى ورگانيكالىق تازا ماقتا ءوندىرىپ، جانەدە ورگانيكالىق ماقتا مانەرلەۋ سەحى ارقىلى ورگانيكالىق ماقتالى كورپە وندىرەدى. بۇل زاۆودتار كوپتەگەن جۇمىستانۋ ورنىمەن قامداپ، توڭىرەكتەگى كەدەي، قيىنشىلىعى بار ەگىنشى-مالشىلاردى كىرىسىن ارتتىرۋىنا جەتەكشىلىك ەتتى» دەدى.
ۇعىسۋعا قاراعاندا، بازاردى اناعۇرلىم ويداعىداي اشۋ ءۇشىن حۋافىڭ شەكتى جاۋاپكەرلىك سەرىكتەستىگى شياڭگاڭداعى سەرىكتەستىكتەرمەن بەلسەنە سەلبەسىپ، قوبىقسارى اۋدانىنىڭ ورگانيكالىق ماقتاسىن ساتىپ، ءتىپتى دە كوپ ادامدارعا تارباعاتايدىڭ ورگانيكالىق ماقتاسىن تانىستىرادى ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى