تارباعاتاي ايماعى تەمىر جول تورابىمەن تۇتاسىپ،جەدەل دامۋ ارناسىنا ءتۇستى

ساۋدا سالاسى قارامايلى-شاۋەشەك تەمىر جولىنا زور ءۇمىت ارتۋدا
 

  ءتىلشىمىز جاڭ پەيچي حابارلايدى. قارامايلى-شاۋەشەك تەمىر جولىندا رەسمي پويەز قاتىناعاندىعى ءار ۇلت جۇرتشىلىعىنىڭ ءجۇرىس-تۇرىسىنا قولايلى بولۋمەن بىرگە، ايماعىمىزدىڭ ساۋدا سالاسىنا دا زور ءۇمىت اكەلدى.

  5-ايدىڭ 28-كۇنى شاۋەشەك قالالىق يۇڭلي ساۋدا شەكتى جاۋاپكەرشىلىك سەرىكتەستىگىنىڭ باس جوراسى        يۇي شينلي: «قارامايلى-شاۋەشەك تەمىر جولى ىسكە تۇسكەننەن كەيىن تاسىمال قۋاتىن اناعۇرلىم جوعارىلاتىپ، تاسىمال زات اينالىمىنىڭ وزىندىك قۇنىن تومەندەتىپ، سىرتقا جونەلتۋ ارناسىن ءتىپتى دە ىركىلىسسىزدەندىرەدى، بۇلءبىز جونىنەن جاقسى حابار» دەدى.
شاۋەشەك قالالىق يۇڭلي ساۋدا شەكتى جاۋاپكەرشىلىك سەرىكتەستىگى شينجياڭنىڭ ازىق -تۇلىك، جەمىس-جيدەك  پەن كوكونىس ونىمدەرىن ەكسپورت ەتۋدى نەگىز ەتكەن سىرتقى ساۋدا كاسىپورنى بولىپ، ونىمدەرى نەگىزىنەن قازاقستان، رەسەي، قىرعىزستان،    ازەربايجان، گەرمانيا، پولشا، اۆعانستان، يران سياقتى ەلدەرگە ساتىلادى، ءار جىلى ەل ىشىندەگى تاسىمال مولشەرى 60 تا 70 مىڭ تونناعا جەتەدى.

  يۇي شينليدىڭ تانىستىرۋىنشا، باقتى وتكەلىندەگى اۋىل شارۋاشىلىق ونىمدەرىن كەدەننەن جەدەل وتكىزۋ جاسىل  ءدالىزى  اشىلعاننان كەيىن كەدەننەن  وتكىزۋ شارت-جاعدايى توتەنشە قولايلى بولعان، قازىر  قارامايلى-شاۋەشەك  تەمىر جولىندا پويەز قاتىناعاننان كەيىن سەرىكتەستىكتىڭ ەرتەڭىنىڭ ءتىپتى دە جاقسى بولاتىنىنا سەنىمدەرى ارتا    تۇسكەن، ەسەپكە نەگىزدەلگەندە سەرىكتەستىكتىڭ 20 دا 30 مىڭ توننا زاتىن تەمىر جول ارقىلى تاسىمالداۋعا بولادى ەكەن.

  يۇي شينلي: «باقتى وتكەلى قازاقستاننىڭ شىعىس قازاقستان وبلىسىنا وتە جاقىن ءارى رەسەيگە  ەڭ جاقىن وتكەل سانالادى، قولايلى تەمىر جول تاسىمالى كوپتەگەن ساۋداگەردى تارباعاتايعا كەلۋگە باۋرايتىن بولادى، تەمىر جولمەن تاسىعاندا جەمىس-جيدەك، كوكونىستىڭ ءنارىن ساقتاۋمەن بىرگە، قىس ماۋسىمىنداعى قارلى بوران سۇركەيلى اۋا رايى تۋدىراتىن ىقپالدى     ازايتۋعا بولادى» دەدى.

  ءجۇرات جۇڭگو-قازاقستان باقتى شەكارا حالىقتارى ساۋدا قالاشىعىنىڭ ساۋداگەرى، ول ساۋدا قالاشىعىنداعى ساۋداگەرلەر سياقتى قارامايلى-شاۋەشەك تەمىر جولىندا پويەز قاتىناپ ىسكە قوسىلۋى جولاۋشى تاسىمالى مەن زات تاسىمالىن بىردەي ارتتىرۋ ارقىلى ساۋدا بازارىنىڭ ساۋداسىن بارعان سايىن  جاقسارتا ءتۇسۋىن ءۇمىت ەتتى.

  ءجۇرات: «پويەز قاتىنادى، تارباعاتايعا كەلەتىن ادامدار ءتىپتى دە كوبەيدى،وسى اراعا كەلىپ زات الاتىندار دا، ءسوزسىز، كوبەيەدى. سول كەزدە ساۋدامىز،       ءسوزسىز، بارعان سايىن جاقسارادى»  دەدى.