ءتىلشىمىز داي جياۋمەي حابارلايدى. «جاڭ شۋجي، سالەمەتسىز بە؟ سونشالىقتى قاربالاس بولساڭىزدا بىزگە دوڭگەلەكتى ورىندىق اكەلۋدى ۇمىتپاپسىز عوي. ءوزىڭىزدى اۋرەلەدىك». 6-ايدىڭ 6-كۇنى شاۋەشەك قالاسىنىڭ تۇرعىنى لۋ گىنحۇي مەن جۇبايى ەرتە كەلگەن «قوناقتار» دى قارسى الدى، ولار مۇگەدەكتەر بىرلەستىگىنەن ءوتىنىش ەتىپ العان دوڭگەلەكتى ورىندىق اكەلگەن جاڭا جامبىل ءمالى باسقارماسى وتانشىلدىق الەۋمەتتىك اۋماعىنىڭ كادرلارى ەدى.
لۋ گىنحۇي مەن جۇبايى ەكەۋى دە اياعىن باسا المايتىن ءارى تۇراقتى قىزمەتى جوق، بالاسى مەكتەپتە وقيدى، تۇرمىستىق قيىنشىلىقتارى ءبىرشاما اۋىر بولاتىن. ولاردىڭ جاعدايى الەۋمەتتىك اۋماق كادرلارىنىڭ نازارىن اۋدارىپ كەلگەن.
ــ الدا قانداي جوسپارىڭىز بار؟
ــ تۇستە ۇيگە قايتۋعا بولاتىن جۇمىس تاۋىپ ىستەپ،اقشا تابۋمەن قوسا، ۇيىمە دە قارايلاسسام دەيمىن.
ــ جارايدى، بىرگە امال قاراستىرايىق.
دوڭگەلەكتى ورىندىققا يە بولعان ەرلى-زايىپتى ەكەۋى ەندى جۇمىس تاۋىپ ىستەپ، ءوز كۇشتەرىنە سۇيەنىپ اقشا تاپپاقشى ەكەندىكتەرىن الەۋمەتتىك اۋماق كادرلارىنا ايتتى. «تارباعاتاي ايماعىنىڭ فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى اتقارۋ جوباسى» نىڭ اتقارىلۋى نەگىزگى ساتىنىڭ ءبىرىنشى شەبىندە قىزمەت ىستەپ جاتقان پارتيا مۇشەلەرى مەن كادرلاردىڭ ءتىپتى دە كوپ ۋاقىتتارىن بۇكىل ىنتا-پەيىلىمەن كىرىسىپ،جۇرتشىلىق وتباسىلارىن ارالاپ، جۇرتشىلىقتىڭ جاعدايىن ۇعىسىپ، جۇرتشىلىققا قىزمەت وتەۋگە ارناپ، نەگىزگى ساتىداعى جۇرتشىلىقتىڭ تىلەگىنە قۇلاق اسىپ، جۇرتشىلىققا ناقتى ىستەردى ىستەپ بەرۋىنە مۇمكىندىك اكەلدى.
لۋ گىنحۇي مەن جۇبايىنىڭ ءجۇرىپ-تۇرۋى قولايسىز بولعاندىقتان الەۋمەتتىك اۋماقتىڭ كادرلارى كوبىندە ولاردىڭ ۇيلەرىنە بارىپ كومەكتەسەتىن، جاقىننان بەرى لۋ گىنحۇي الەۋمەتتىك اۋماق كادرلارىنىڭ كەلۋى جيىلەي تۇسكەندىگىن ايقىن اڭعاردى.
لۋ گىنحۇي: «قازىر الەۋمەتتىك اۋماقتىڭ كادرلارى وتباسىمىزعا ءجيى كەلىپ جاعداي ۇعىسۋمەن بىرگە،كوپتەگەن قيىنشىلىعىمىزدى شەشىمدەپ بەرىپ، ارا قاتىناسىمىز جاقىنداپ، ءبىر شاڭىراقتىڭ ادامدارىنداي بولىپ كەتتىك. ولارعا قانداي جۇمىس ايتساق تا شەشىمدەپ بەرەدى» دەدى.
جاڭا جامبىل ءمالى باسقارماسى وتانشىلدىق الەۋمەتتىك اۋماعىنىڭ ءبىرىنشى شۋجيى جاڭ جۋان: «بيىل پارتيا ورتالىق كوميتەتى نەگىزگى ساتىنىڭ اۋىرتپالىعىن جەڭىلدەتۋدى ورىستەتكەننەن بەرى جيىن، قۇجات ازايىپ، كادرلارىمىز تۇرعىندار وتباسىلارىن ارالاپ، تۇرعىنداردىڭ ءىس جۇزىندىك جاعدايلارىن ۇعىسىپ، تۇرعىنداردىڭ ناقتى قيىنشىلىعىن شەشىمدەۋگە زەيىندەرىن شوعىرلاندىرا الاتىن بولدى» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى