ءتىلشىمىز ليۋ ۋي حابارلايدى 6-ايدىڭ 6- كۇنى ساۋان اۋداندىق پارتكوم ۇگىت ءبولىمى تىرەكتى ۇگىتشىلەر كۋرسىن اشىپ، بۇكىل اۋدان كولەمىندە 500 دەن استام تىرەكتى ۇگىتشىنى شوعىرلى تاربيەلەدى.
بۇل رەتكى كۋرس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن،پارتيا 19- قۇرىلتاي رۋحىن،مەملەكەتتىك ەكى ءماجىلىس رۋحىن ارقاۋ ەتىپ،پارتيانىڭ حالىققا ءتيىمدى ساياساتىن،اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن، ايماقتىق پارتكومنىڭ قىزمەت تالابى، سونداي-اق قاتىستى زاڭ-ەرەجە قاتارلى مازمۇنداردا ارناۋلى تاقىرىپتىق كۋرس اشتى.
ارناۋلى تاقىرىپتىق ساباق ءوتۋ بارىسىندا ساباق وتەتىن وقىتۋشىلار وزدەرىنىڭ قىزمەت امالياتىمەن بىرلەستىرىپ، جاندى مىسالدارمەن، قاراپايىم ۇعىنىقتى تىلمەن اۋىل ۇگىتشىلەرىنە باي مازمۇندى نازاريالىق جاقتان ءبىلىم بەردى.
«بۇنداي كۋرس وتە جاقسى بولدى،ماعان كوپتەگەن جاڭا بىلىمدەردى ۇيرەتتى،‹نەنى سويلەۋ› جانە ‹قالاي سويلەۋ› ماسەلەسىن ءتۇسىندىردى،بۇدان بىلاي ۇيرەنۋگە باسا ءمان بەرىپ،پارتيانىڭ باعىت-ساياساتتارىن كوبىرەك يگەرەمىن،تەك ءوزىمىز الدىمەن ۇعىنعاندا عانا،قىستاق تۇرعىندارىنا انىق تۇسىندىرۋگە،سوندا عانا پارتيانىڭ ءۇنىن ‹ەڭ سوڭعى ءبىر شاقىرىمعا› دەيىن جەتكىزۋگە بولادى» دەدى دۇڭۋان قالاشىعى شۋاڭچياۋ قىستاعىنىڭ اۋىل ۇگىتشىسى حۋ لين.
ۇگىت-لەكسيادان تاجىريبە الماستىرۋ بارىسىندا اۋىل ۇگىتشىلەرى «ۇگىت-لەكسيا+» فورماسىمەن،ءبي،تەاتر،جەلدىرمە،سانجۇيبان سياقتى تاسىلدەرمەن تاجىريبە الماستىرىپ،ۇگىت –لەكسيا جاسادى.
اڭگىمەلەسۋ،پىكىر الماستىرۋ بارىسىندا كوپشىلىك گرۋپپاعا ءبولىنىپ تالقى وتكىزىپ، كۋرسانتتار ۋاكىلى پىكىر الماستىرىپ،ۇيرەنۋ اسەرلەرىن بىرلىكتە تالقىلادى.
«پارتيانىڭ جاقسى ساياساتى بۇقاراعا تيىمدىلىك جەتكىزگەنىن شىنايى سەزىندىم،بارلىق وتباسى بەيقۇت ءۇي سالىپ،اۋىل-قىستاق قاتىناسى قولايلى بولىپ،ورتاسى كورىكتەنە ءتۇستى. مەن ماڭايىمداعى وزگەرىستەردى اۋىلداستارىما جاقسى ۇگىتتەپ،كوپشىلىكتى پارتياعا العىس ايتىپ،پارتيانىڭ سوزىنە قۇلاق اسىپ،پارتياعا ىلەسۋگە جەتەكتەيمىن» دەيدى داچۋان اۋىلى جۇڭچۋان قىستاعىنىڭ ۇگىتشىسى سۇڭ يانلان.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى