شاۋەشەك باقتى جۇڭگو-قازاقستان شەكارا حالىقتارىنىڭ ءوزارا ساۋدا بازارى 6-ايدىڭ 18-كۇنى رەسمي اشىلادى

□ جۇڭگو شينجياڭ شاۋەشەك باقتى جۇڭگو-قازاقستان شەكارا حالىقتارى ءوزارا ساۋدا بازارىنىڭ كىرەر قاقپاسى. سۋرەتىن تارتقان ءتىلشىمىز جاڭ پەيچي
 

  تىلشىلەرىمىز داي جياۋمەي،   جاڭ پەيچي حابارلايدى. جاقىندا ۇعىسۋىمىزشا، شاۋەشەك باقتى جۇڭگو-قازاقستان شەكارا حالىقتارىنىڭ ءوزارا ساۋدا بازارى   6-ايدىڭ 18-كۇنى رەسمي اشىلىپ ىسكە تۇسەدى ءارى ءبىر اي ۋاقىتپەن جارمەنكە وتكىزىلىپ، جەر-جەردەن كەلگەن ساياحاتشىلاردى، ساۋداگەرلەردى قارسى الادى ەكەن.

  ۇعىسۋعا قاراعاندا،2018-جىلى 8-ايدا اۆتونوميالى رايوندىق حالىق ۇكىمەتى باقتى وتكەلىن شەكارا حالىقتارى ءوزارا ساۋداسىنىڭ تيپىن وزگەرتىپ دامىتۋداعى سىناق ءتۇيىندى وتكەل ەتىپ تۇراقتاندىرعان ەكەن. كەزەكتە شاۋەشەك باقتى جۇڭگو-قازاقستان شەكارا حالىقتارىنىڭ ءوزارا ساۋدا بازارىنىڭ  نەگىزدىك قۇرىلعىلارى مەن قوسىمشا قۇرىلعىلارى قۇرىلىسىءساتتى جۇرگىزىلگەن ءارى ءارقايسى قاتىستى تاراۋلاردىڭ تەكسەرىپ وتكىزىپ   الۋىنان وتكەن.

  شاۋەشەك باقتى جۇڭگو-قازاقستان شەكارا حالىقتارىنىڭ ءوزارا ساۋدا بازارىنىڭ جوباداعى جالپى جەر كولەمى 4090 مۋ،ءبىرىنشى مەرزىمدىك جوباداعى قۇرىلىس كولەمى 1017 مۋ بولىپ،جالپى 550 ميلليون يۋان قارجى قوسۋ جوسپارلانعان. 2018-جىلى 8-ايدا 360 مۋ اۋماقتى يەلەيتىن ءبىرىنشى دارەجەلى ساۋدا بازارى مەن 30 مۋ اۋماقتى يەلەيتىن ەكىنشى دارەجەلى زات ساتىپ الۋ بازارى قۇرىلىسىن سالۋ نىسانى جاپپاي اتقارىلىپ،160 ميلليون يۋان قارجى قوسىلعان. مۇنىڭ ىشىندە، لياۋنيڭ ولكەسىنىڭ شينجياڭعا كومەكتەسۋ قارجىسى 119 ميلليون يۋان بولىپ،جىبەك جولى مادەنيەت تاۋارلارى قالاشىعى،تەكسەرۋ-كارانتيندەۋ،ساۋدا قويماسى،ەكىنشى رەتكى ساۋدا قويماسى، جۇڭگو-قازاقستان ەكى جاقتىڭ شەكارادان كىرىپ-شىعۋ رايونىنا قىزمەت وتەۋ ۇيلەرى جانە ەلەكترمەن قامداۋ،قۇبىر سۋمەن قامداۋ،لاس سۋ ىعىستىرۋ سياقتى كوپتەگەن نەگىزدىك قۇرىلعىلار مەن تەكسەرۋ-كارانتيندەۋ قۇرىلعىلارى قۇرىلىسى نىسانى اتقارىلعان.

  كەزەكتە شاۋەشەك باقتى جۇڭگو-قازاقستان شەكارا حالىقتارىنىڭ ءوزارا ساۋدا بازارىنداعى وزەكتى قۇرىلىس بولعان جىبەك جولى مادەنيەت تاۋارلارى قالاشىعىنىڭ ىشىندەگى كوپتەگەن ساۋدا دۇكەندەر جارمەنكەگە زات دايىنداۋدا. حايليىر ساۋدا دۇكەنىنىڭ قوجايىنى ساۋ يۇيحۋا: «شەكارا حالىقتارى ساۋدا بازارىنىڭ ءتيىمدى ساياساتتارى مەن شاۋەشەكتىڭ شەكارا ساۋدا بازارىنا بارىنشا سەنىم ارتۋدامىز،شەكارا حالىقتارىنىڭ ءوزارا ساۋدا بازارى رەسمي اشىلعاننان كەيىن ءتىپتى دە كوپ ساۋداگەرلەردى باۋراۋىن ءۇمىت ەتەمىز» دەدى.

  ۇعىسۋعا قاراعاندا،جىبەك جولى   مادەنيەت تاۋارلارى قالاشىعى مەن قوسىمشا قۇرىلعىلارى شاۋەشەك باقتى جۇڭگو-قازاقستان شەكارا حالىقتارى ءوزارا ساۋدا بازارىنىڭ ءبىرىنشى مەرزىمدىك وزەكتى قۇرىلىسى بولىپ،جالپى 84 ميلليون 670 مىڭ يۋان قارجى قوسىلعان ءارى لياۋنيڭ ولكەسى شىنياڭ قالاسىنىڭ شينجياڭعا كومەكتەسۋدەگى كىلت تاپسىراتىن ينجەنەرياسى سانالىپ، 50 مىڭ شارشى مەتر اۋماقتى يەلەيدى ەكەن. قۇرىلىس كولەمى 15 مىڭ 720 شارشى مەتر بولعان جىبەك جولى مادەنيەت تاۋارلارى قالاشىعى قازاقستان   تاۋارلارى جانە سىرتقى ساۋدا تاۋارلارى جارمەنكەسى، ساۋدا كەڭەسى، ساۋدا، ەلەكتروندى ساۋدا سياقتىلار ءبىر تۇلعالاندىرىلعان وسىزاماندانعان ساۋدا    تۇعىرى سانالىپ، ساۋدا ىستەرى، فينانستىق قىزمەت وتەۋ، اس-سۋ سياقتى سايكەستى قىزمەت وتەۋ يقۋاتىنا يە. بۇل نىساننىڭ يقۋاتى تولايىم جانە بولشەك ساتۋ ورتالىعى، تاۋار كورگىزبە ورتالىعى، ساۋدا كەڭەسى ورتالىعى، شەكارا اتتاعان ەلەكتروندى ساۋدا ورتالىعى،فينانستىق ەسەپ جابۋ ورتالىعى سياقتى    «بەس ورتالىق» دەپ تۇراقتاندىرىلعان. دامۋ وي جەلىسى جىبەك جولى ەكونوميكالىق بەلدەۋىندەگى وزەكتى رايون قۇرىلىسىمەن، شەكارانى بەكەمدەپ، حالىقتى اۋقاتتاندىرۋمەن،كەدەيلىكتەن ارىلتۋدان قامال الۋمەن،نەگىزگى ساتى پارتيا قۇرىلىسىمەن،لياۋنيڭ مەن شينجياڭنىڭ كاسىپ جاعىنداعى سەلبەستىگىمەن، جەرگىلىكتى ورىندا مانەرلەۋمەن، شەكارا اتتاعان ساياحاتپەن ۇشتاستىرۋ سياقتى «جەتىمەن ءوزارا ۇشتاستىرۋ» عا تۇراقتاندىرىلعان.

   شاۋەشەك قالالىق شەكارا ەكونوميكالىق سەلبەستىك رايونى پارتيا قىزمەت كوميتەتىنىڭ مۇشەسى،باسقارۋ كوميتەتىنىڭ ورىنباسار مەڭگەرۋشىسى شى شيڭحۋا: «شەكارا حالىقتارى ءوزارا ساۋدا بازارىن دامىتۋ مەملەكەت پەن اۆتونوميالى رايوننىڭ حالىقتى اۋقاتتاندىرۋ، شەكارا ءوڭىردى گۇلدەندىرۋ،كورشى ەلدەر تاتۋلىعىن نىعايتۋداعى ماڭىزدى ساياساتى سانالىپ، ەكونوميكانى دامىتۋ،ەسىك اشۋدى كەڭەيتۋ،كاسىپتەنۋدى مولايتۋ، باجى قاينارىن جەتىلدىرۋ، كەدەيلەردى دالمە-ءدال سۇيەمەلدەۋ،شەكارانى ورنىقتىرىپ، شەكارا ءوڭىردى گۇلدەندىرۋ سياقتى جاقتاردا ماڭىزدى رول اتقارادى. باقتى جۇڭگو-قازاقستان شەكارا حالىقتارى ءوزارا ساۋدا بازارىنىڭ رەسمي اشىلۋى وتكەلدىڭ ومىرشەڭدىك قۋاتىن  اناعۇرلىم جوعارىلاتىپ،سىرتقى ەكونوميكاسىنىڭ دامۋىن جەبەپ، شاۋەشەك قالاسىنىڭ سىرتقا باعىتتالعان ەكونوميكانى  دامىتۋىندا،سونداي-اق شەكارانى كۇزەتىپ،شەكارانى بەكەمدەۋ، شەكارا ءوڭىردى گۇلدەندىرىپ، حالىقتى اۋقاتتاندىرۋدا   ماڭىزدى رول اتقارماق» دەدى.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى