ەەڭ جاڭا مازمۇندار
ماڭىزدى،ەلەۋلى ىستەردە نۇسقاۋ سۇراۋ،مالىمدەۋ ءتۇزىمىن قاز – قالپىندا دايەكتىلەندىرىپ اتقارىپ،تاۋقىمەت تانىمىن بۇلجىتپاي كۇشەيتىپ، حاۋىپ-قاتەردەن، سىن-سايىستاردان ساقتانۋ كەرەك
كەدەيلەردى دالمە-ءدال سۇيەمەلدەۋ،كەدەيلىكتەن دالمە-ءدال ارىلتۋ نەگىزگى جالپى جوباسىنان جازباي،نىسانانى كوزدەپ،كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزۋگە كەپىلدىك ەتۋ كەرەك
ارشىندى قاداممەن العا باسقان باي-باقىتتى تولى
2019-جىلى 8-ايدىڭ 22-كۇنى 193-سان
بالىق اۋلاۋ جارىسىن وتكىزدى
پويەز بەكەتىندە زاڭ ۇگىتىن جۇرگىزدى
ساياحات كىرىسى شارۋالاردىڭ قالتاسىن قامپايتتى
چىن چۋانگو قىزىلسۋ قىرعىز اۆتونوميالى وبلىسىندا تەكسەرۋ-زەرتتەۋ جۇرگىزگەندە بىلاي دەپ باسا دارىپتەدى
شي جينپيڭ «ءتىلشى ۇزاق جورىق جولىنا قايتا اتتاندى» نەگىزگى تاقىرىپتىق تىلشىلىك قيمىلىنا ماڭىزدى نۇسقاۋ بەرىپ بىلاي دەپ باسا دارىپتەدى
2019-جىلى 8-ايدىڭ 21-كۇنى 192-سان
اكىمشىلىك مەكەمەسى ايماقتىڭ قالا-اۋىل جوبا قۇرىلىسىن باسقارۋدى ىلگەرىلەتۋ ءماجىلىسىن اشتى
اۋەلگى ماقساتتى ۇمىتپاي، بورىشتى ەستە بەرىك ساقتاپ، نەگىزگى تاقىرىپتىق تاربيەنىڭ ناقتى ونىمدىلىككە قول
زەيىن سىناۋ جارىسىن وتكىزدى
«وزگەلەردىڭ قيىنشىلىعىن كورسەم بولدى،كومەكتەسەمىن»
قۇلىستايعا «جايىن اۋىز قۇس» كەلدى
اقىسىز ەمدەپ،«مەديتسينا قىزمەتكەرلەرى مەرەكەسىن» قارسى الدى
اكىمشىلىك مەكەمەسى 2019-جىلعى 8-رەتكى پارتيا باسشىلىق گرۋپپاسى ءماجىلىسىن اشتى
باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات دايەكتىلەندىرىپ، تياناقتاندىرىپ،
اكىمشىلىك مەكەمەسى ايماقتىڭ ساۋداگەر باۋراپ، قارجى ەنگىزۋ قىزمەتىن ىلگەرىلەتۋ ءماجىلىسىن اشتى
اكىمشىلىك مەكەمەسى ايماقتىڭ ونەركاسىپ ەكونوميكاسىن ىلگەرىلەتۋ ءماجىلىسىن اشتى
جىبەك جولى مادەنيەت تاۋارلارى قالاشىعى شاۋەشەككە ساياحاتتاي كەلگەندەردىڭ باراتىن جەرىنە اينالدى
جۇڭگو مەديتسينا داشۋەسى تارباعاتاي شيپاحاناسىنىڭ ومىرتقاعا وپەراتسيا جاساۋ تەحنيكاسى جاڭا ساتىعا كوتەرىلدى
ستۋدەنتتەر اۋىلعا قايتىپ شارۋاشىلىق قۇرىپ، شاعىن ۇجىم ۇلكەن ءىس تىندىردى
ءجۇزىم پىستى، كوڭىل توعايدى
كورىكتى اۋىل-قىستاق ءبىزدىڭ مەكەنىمىز
2019-جىلى 8-ايدىڭ 20-كۇنى 191-سان
التىن جاتسا دا قارامايتىن قاراپايىم اۋىل سالتى
ەڭبەك ىستەۋدىڭ ءوزى كوركەمدىك
تۋىسىم ياۋ اعاي باسقالارعا شىن پەيىلىمەن كومەكتەسىپ، ىنتىماقتى جەبەدى
2019-جىلى 8-ايدىڭ 19-كۇنى 190-سان

شەكارا حالىقتارىنىڭ ءوزارا ساۋدا بازارى اشىلىپ،بۇقارانى تيىمدىلىككە كەنەلتتى

جولدانعان ۋاقىتى : 2019/6/20 17:16:37


   6-ايدىڭ 18-كۇنى الارماندار داباۋ ساۋدا بازارىندا ەكىلىك ءنومىردى جايمالاپ العان زاتىنىڭ اقشاسىن تولەۋدە. سۋرەتىن تارتقان داي جياۋمەي
 
  بۇل جەردىڭ تاۋارلارى وتە كەرەمەت

  ءتىلشىمىز داي جياۋمەي حابارلايدى. 6-ايدىڭ 18-كۇنى تاڭەرتەڭ ەرتە شاۋەشەك قالاسىنىڭ تۇرعىنى لي حانىم دوستارىمەن بىرگە جىبەك جولى مادەنيەت تاۋارلارى قالاشىعىنا كەلىپ زات ساتىپ الدى، ول: «بۇگىن تۇڭعىش رەت كەلۋىم، تاۋارلاردىڭ وسىنشاما كوپ بولارىن ويلاماعان ەكەنمىن،اكە-شەشەمە دەنساۋلىق كۇتىمدەۋ ونىمدەرىن جانە بالاما پراندىك ساتىپ الدىم، بۇل جەردىڭ پراندىگى ءتاتتى ءارى باعاسى دا ارزان ەكەن» دەدى.

  شاۋەشەك باقتى جۇڭگو-قازاقستان شەكارا حالىقتارىنىڭ ءوزارا ساۋدا بازارىنىڭ تيپىن وزگەرتىپ دامىتۋ سىناق  ءتۇيىنى نىسانىنىڭ رەسمي اينالىمعا    ءتۇسۋى جانە تاۋار جارمەنكەسىنىڭ   اشىلۋ سالتى وتكىزىلگەن كۇنى جىبەك جولى مادەنيەت تاۋارلارى قالاشىعىنىڭ ىشىنە ەل ءىشى-سىرتىنان اكەلىنگەن ءساندى قولونەر بۇيىمدارى، اراق-تەمەكى، ءتۇرلى-ءتۇستى قانت-كامپيت، بالكۇلشەلەر، تۇرمىستىق  بۇيىمدار، كيىم-كەشەك، سومكە، شاباداندار جانە ءتۇرلى ەرەكشەلىككە يە ونىمدەر لىق تولىپ، ساياحاتشىلاردى وزىنە باۋرادى.

  «مىنا بەت جارعاعىنىڭ قايسىسى جاقسى، جۇبايىمىنىڭ بەت تەرىسى قۇرعاق ەدى».

  «وندا مىنا تۇردەگىسىن ىستەتسىن، بۇل تۇردەگىنىڭ سۋ ساقتاۋ ونىمدىلىگى ەڭ جاقسى».

  «وندا ماعان ەكى قاپشىق بەرىڭىز».

           ... ...
    داباۋ ساۋدا بازارىندا شاۋەشەك قالاسى شاعجى مال فەرماسىنىڭ تۇرعىنى  لي جيگىڭ جۇبايىنا تەرى قورعاۋ    بۇيىمدارىن الىپ بەردى.

  لي جيگىڭ: «بۇگىن بىرنەشە دوسىمدى ەرتىپ كەلدىم، تاۋارلاردىڭ وسىنشاما كوپ ءارى قالا رايونىنان ارزان  ەكەنىن ويلاماپپىن. ۇشەۋىمىز 1000 نەشە يۋاننىڭ زاتىن الدىق، نەگىزىنەن قانت-كامپيت،شوكالات،بالكۇلشە جانە جۇبايىما العان بەزەنۋ بۇيىمدارى بار» دەدى.

  لي جيگىڭنىڭ دوسى جۋ دى-يۇننىڭ بۇگىنگى تابىسى دا از بولمادى. ول جۇبايى مەن بالاسىنىڭ ۇناتاتىن تاۋارلارى مەن كۇندەلىكتى تۇتىنۋ بۇيىمدارىن ساتىپ الۋمەن بىرگە، وزىنە دە كيىم-كەشەك ساتىپ الىپتى. ول كيىپ العان كيىمىن كورسەتىپ، كيىمنىڭ ماتەريالى جاقسى، جايلى ەكەندىگىن، باعاسى دا ارزان نە بارى 100 نەشە يۋان عانا تۇرعاندىعىن، بۇل جەردىڭ تاۋارلارى جاقسى بولعاندىقتان كەيىن تاعى كەلەتىندىگىن ايتتى.

  لياۋنيڭ ولكەسىنەن شينجياڭعا كومەكتەسۋگە كەلگەن كادردىڭ جۇبايى جوۋ فاڭنىڭ شاۋەشەككە كەلگەنىنە 2 دە 3 كۇن بولىپتى، ول تۋىسشىلاپ   كەلگەن ەكەن.

  جوۋ فاڭ قۋانا: «جولىم بولعان    ەكەن، تۇڭعىش رەت بالامدى الىپ شاۋەشەككە كەلگەنىمدە تاۋارلار قالاشىعىنىڭ جۇمىس باستاۋىنا تۋرا كەلگەن  ەكەن، بۇل جەردەن ىشكى ولكەلەردە  كەزدەستىرە المايتىن ەرەكشەلىككە يە ونىمدەر مەن شەتەل تاۋارلارىن كوردىم، رەسەيدىڭ جەمىس شىرىنى مەن ۇساق-تۇيەك تاعامداردى ساتىپ الدىم. بۇل جەردىڭ بولكاسى، پراندىگى جانە بالكۇلشەسى،شىنىندا، وتە ءدامدى ءارى ارزان ەكەن. سونىمەن بىرگە، بۇل وڭىردە سىرت جەردىڭ سالت-ساناسى مەنمۇندالاپ، ىشكى ولكەلەردەن مۇلدە باسقاشا سەزىلەدى  ەكەن» دەدى.

  جوۋ فاڭ قايتىپ بارعاننان كەيىن تۋىس-تۋعان، دوس-جاراندارىنا شاۋەشەكتى تانىستىرىپ،ۇگىتتەيتىندىگىن، ورايى بولسا ولاردى باستاپ شاۋەشەككە كەلىپ سەيىل-سەرۋەن قۇرىپ، زات ساتىپ الاتىندىعىن ايتتى.

  سەلبەسىپ اقشا تابايىق

  ءتىلشىمىز جاڭ گوحۇي،      جاڭ پەيچي حابارلايدى. 6-ايدىڭ 18-كۇنى شاۋەشەك قالاسى شاعجى مال فەرماسى قىرىققۇدىق قىستاعىنىڭ تۇرعىنى ياڭ شى-يۇڭ، جاڭ گوشىڭ قاتارلى 20 ادامنان قۇرام تاپقان شەكارا حالىقتارىنىڭ ءوزارا سەلبەستىك گرۋپپاسى تاڭەرتەڭ ەرتە شاۋەشەك باقتى جۇڭگو-قازاقستان شەكارا حالىقتارىنىڭ ءوزارا ساۋدا بازارىنا كەلدى، بۇل ارا ولاردىڭ اۋقاتتانۋ  ارمانىن  جۇزەگە  اسىراتىن جەرىنە اينالدى.

  ءوزارا سەلبەستىك گرۋپپاسىنىڭ  مۇشەسى ياڭ شى-يۇڭ: «ۇزاق ۋاقىتتان بەرى ارمانداعان شەكارا حالىقتارىنىڭ ءوزارا ساۋدا بازارى اقىرى اشىلىپ رەسمي اينالىمعا ءتۇستى، بۇگىننەن باستاپ گرۋپپامىز سەلبەسىپ اقشا تابا الاتىن بولدى. بۇرىن تەك ەگىن ەگۋمەن شۇعىلداناتىنبىز، الداعى جەردە ەگىستىك ارەدىگىندە وسىندا كەلىپ جۇمىس   ىستەيتىن بولدىق» دەدى.

  سول كۇنى ياڭ شى-يۇڭمەن ءبىر سەلبەستىك گرۋپپاسىنداعى قىستاق تۇرعىنى جيڭ يۋەحۇڭ دا شەكارا    حالىقتارىنىڭ ءوزارا ساۋدا بازارى اشىلىپ، اينالىمعا تۇسكەننەن كەيىن تۇڭعىش ساۋداسىنىڭ كۇسەت بولۋىن ءۇمىت  ەتتى.

  جيڭ يۋەحۇڭ: «بىرنەشە جىلدىڭ الدىندا جەردى كوتەرمەگە بەرگەننەن كەيىن سىرتتا جۇمىس ىستەدىم. ىشتەي تاعى دا كىشى-گىرىم ساۋدامەن    شۇعىلدانىپ كىرىسىمدى ارتتىرسام دەپ ويلاپ جۇرەتىنمىن،قازىر شەكارا    حالىقتارىنىڭ ءوزارا ساۋدا بازارىنىڭ   اشىلىپ، اينالىمعا ءتۇسۋى سىندى تاماشا ورايعا يە بولدىق. قىستاق تۇرعىندارىمەن سەلبەسىپ، ساۋدا ورايىن ىزدەۋگە كىرىستىم. مەملەكەتتىڭ ابزال ساياساتىن سۇيەنىش  ەتىپ،بۇدان سىرت،ءوزىمىز قاجىرلىقپەن جۇمىس ىستەۋ ارقىلى،  ءسوزسىز، اۋقاتتانۋ جولىنا تۇسە الاتىندىعىمىزعا سەنەمىز» دەدى.

  كەزەكتە  شاۋەشەك قالاسىنىڭ    ماڭىنداعى اۋىل، قالاشىق، الاڭداردان 2500 شەكارا حالقى جانە بيڭتۋاننىڭ 500 شەكارا حالقى شەكارا حالىقتارىنىڭ ءوزارا ساۋدا بازارىنىڭ ساۋدا ساياساتىنان يگىلىكتەندى.

  ءوزارا سەلبەسۋ گرۋپپاسىنىڭ باستىعى جاڭ گوشىڭ: «شەكارا حالىقتارىنىڭ  ءوزارا ساۋدا بازارىنىڭ اشىلىپ اينالىمعا ءتۇسۋى بىرنەشە كۇننەن بەرى قىستاقتاعىلاردىڭ قىزۋ تالقى تاقىرىبىنا اينالدى. كوپشىلىكتىڭ بارلىعى بۇل جاقسى وراي بولدى دەپ قارادى، قىستاقتاعى ءوزارا سەلبەسۋ گرۋپپاسىنىڭ شەكارا حالىقتارىنىڭ ءوزارا ساۋدا بازارىن دامىتۋ سىندى شىعىس جەلىنەن پايدالانىپ، بارعان سايىن جاقسارا  ءتۇسىپ، الداعى جەردە كوپشىلىكتى بىرلىكتە اۋقاتتانۋعا باستاۋىن ءۇمىت ەتەمىن» دەدى.

  ساۋدا كۇسەت بولىپ، ساۋداگەر قۋاندى

  ءتىلشىمىز پان يانچي حابارلايدى. 6-ايدىڭ 18-كۇنى شاۋەشەك باقتى جۇڭگو-قازاقستان شەكارا حالىقتارىنىڭ ءوزارا ساۋدا بازارى دۋمانعا بولەنىپ، كۇن ازىراق ىستىق بولسا دا، ساۋداگەرلەردىڭ قىزۋ ىنتاسىن توسا المادى. ءارقايسى ساۋدا دۇكەندەرىنىڭ ءىشى قاربالاستىققا ءتۇسىپ، ساتىلۋ مولشەرى دە   ۇزدىكسىز جوعارىلادى.

  داباۋ ساۋدا دۇكەنىنىڭ جاۋاپتىسى ما باۋجۇن: «بىزگە جاقسى ساياساتتار اكەلدى، بۇقارا ءبىرىنىڭ قاجەتىن ءبىرى قامداپ، كىرىسىمىز دە   ارتىپ، تۇرمىسىمىز،راسىندا،ءتىپتى دە جاقسارا ءتۇستى» دەدى.

  «دۇكەنىمىز بۇگىن عانا اشىلدى، تۇستەن بۇرىن التى، جەتى تەرى كيىم ساتىلىپ، 30 مىڭ يۋان كىرىس كىرگىزدىم، بۇل ساۋداما وتە رازىمىن، شاۋەشەككە كەلىپ دۇكەن اشۋ شەشىمىم،راسىندا،دۇرىس بولعان   ەكەن» دەيدى لياۋياڭ قالاسىنداعى ايگىلى ماركالى ۋي-داي-ىر تەرى كيىمدەرى ساۋدا سارايىنىڭ     مەڭگەرۋشىسى مين چىن.

  انحىلين (安禾林)  بەس داقىل، مەرگيا، بۇعى ءمۇيىزى ساۋدا   دۇكەنىنە دامىلسىز كىرگەن الارمانداردىڭ اياعى ۇزىلمەدى. قوجايىن مەن دۇكەن قىزمەتكەرى  ساۋدا بۇيىمدارىن تانىستىرىپ قاربالاس، باعاسىن ەسەپتەپ، اقشاسىن السا،   الارماندار ساۋدا بۇيىمدارىن تاڭداپ، باعا تالاسۋمەن قاربالاس بولدى.

  انحىلين بەس داقىل، مەرگيا، بۇعى ءمۇيىزى ساۋدا دۇكەنىنىڭ جاۋاپتىسى باي جيە: «دۇكەنىمىز  نەگىزىنەن قۇرت ءشوپ، قوجا ءشوپ سياقتى قۋاتتاندىرۋ    بۇيىمدارىن ساتادى. بۇگىن جارىم كۇندە باعاسى 2000 يۋاننىڭ  اينالاسىندا ساۋدا بۇيىمدارىن ساتتىق. مۇنداي ساتىلۋ مولشەرىنە قاراپ، مۇنان كەيىنگى دامۋىما بولعان سەنىمىم  ءتىپتى دە ارتا ءتۇستى» دەدى.

  لياۋنيڭ ولكەسى حايچىڭ قالاسى لانشين شابادان، سومكە ساۋدا  دۇكەنىنىڭ جاۋاپتىسى ۋاڭ دا-ۋي بۇگىنگى ساۋداسىنا وتە رازى ەكەندىگىن ايتىپ: «بىرنەشە كۇننىڭ   الدىنداعى سىناق رەتىندە جۇرگىزگەن تيجاراتتا ءبىر كۇننىڭ وزىندە ەكى، ءۇش مىڭ يۋان كىرىس كىرگىزە  الدىم. بۇگىن جارىم ساعاتتا  2000 يۋاننىڭ اينالاسىندا كىرىس كىرگىزدىم، شاۋەشەكتىڭ ساۋدا بازارىنىڭ مۇنداي جاقسى ەكەندىگىن       ويلاماپپىن» دەدى.

  ەرىكتى قىزمەت وتەۋشىلەر قاربالاستىققا ءتۇستى

  ءتىلشىمىز سۇڭ جۇنفاڭ حابارلايدى. 6-ايدىڭ 18-كۇنى ستۋدەنتتەردىڭ  ەرىكتى قىزمەت وتەۋ باتىس بولەك جوسپارى  بويىنشا   شينجياڭعا قىزمەت وتەۋگە كەلگەن تارباعاتاي ايماعىنا ارناۋلى قىزمەت وتەۋ  اترەتىندەگى  ەرىكتى      شۇي دۇڭ: «ەرىكتى قىزمەت وتەۋشى بولىپ، وسى  جولعى قيمىلعا قاتىناسىپ، شەكارا حالىقتارىنىڭ ءوزارا ساۋدا بازارىنىڭ رەسمي اينالىمعا  تۇسكەندىگىنە  كۋا  بولعاندىعىمدى ەرەكشە داڭق سانايمىن ءارى ءوزىمنىڭ ءبىر كىسىلىك     ۇلەسىمدى قوسامىن،بۇعان وتە      قۋانىشتامىن» دەدى.

  سول كۇنى شاۋەشەك قالالىق 3-ورتا مەكتەپ، ايماقتىق پەداگوگيكا مەكتەبى،حاربين پەداگوگيكا داشۋەسىندەگى اسپيرانتتاردىڭ وقۋ-اعارتۋعا كومەكتەسۋ ۇيىرمەسى،باتىس بولەك جوسپارى بويىنشا ستۋدەنت ەرىكتىلەرىنەن 65 ەرىكتى جۇڭگو شينجياڭ شاۋەشەك باقتى جۇڭگو-قازاقستان شەكارا حالىقتارىنىڭ ءوزارا ساۋدا  بازارىنىڭ تيپىن وزگەرتىپ دامىتۋ سىناق ءتۇيىنى نىسانى رەسمي اينالىمعا ءتۇسۋ جانە تاۋار جارمەنكەسىنىڭ اشىلۋ سالتىنىڭ ەرىكتىلەر   قىزمەت وتەۋ قيمىلىنا قاتىناستى.

  الارماندارعا جول باستاۋ،   قىزمەتكەرلەردى ۇيىمداستىرۋ،   ءتارتىپتى ساقتاۋ، اقىل-كەڭەس بەرۋ، تازالىق ساقتاۋ سياقتى    جۇمىستاردى ىستەيتىن ەرىكتىلەر جىبەك جولى مادەنيەت تاۋارلارى قالاشىعى عيماراتىنىڭ ءىشى-سىرتىنا ورنالاستىرىلىپ، ءتۇرلى جۇمىستارعا سابىرلىلىقپەن مۇقيات قىزمەت     وتەدى.

  شاۋەشەك قالالىق وداق كوميتەتىنىڭ ورىنباسار شۋجيى چىڭ موشۋان: «6-ايدىڭ 15-كۇنى ءبىز بارلىق ەرىكتى قىزمەت وتەۋشىلەردى جيناپ شاۋەشەك قالاسىنا شەكارا حالىقتارىنىڭ ءوزارا ساۋدا رايونىنا قاتىستى بىلىمدەر، جىبەك جولى مادەنيەت تاۋارلارى قالاشىعىنىڭ نەگىزدىك قۇرىلعىلارى،قۇرمەت قاعيدا-ولشەمى،ءتارتىپ تالابى سياقتى مازمۇندار جونىندە تاربيە جۇرگىزدىك. 6-ايدىڭ 17-كۇنى تاعى دا ەرىكتىلەردى ۇيىمداستىرىپ، شەكارا حالىقتارىنىڭ ءوزارا ساۋدا رايونىندا سىناق، جاتتىعۋ جۇرگىزىپ، قىزمەتكەرلەرگە جۇمىس ءبولىپ، بۇگىن كوپشىلىككە ءتىپتى دە ىقىلاستى قىزمەت وتەۋگە شىنايى كەپىلدىك ەتتىك» دەدى.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى


 
powered by IlgharCMS 3.2 www.ilghar.cn