پارتياعا جۇرەگىمىزدى ارناپ، وتانىمىزدى جىرلايىق

  ايماقتىڭ «ءداۋىردىڭ جاڭا ادامدارى ايتادى ـ مەن وتانىممەن بىرگە ەسەيدىم» اتتى دەكلاماتسيا جارىسىنىڭ «پارتيا قۇرۋداعى اۋەلگى ماقسات» نەگىزگى تاقىرىپتىق جارىسى باستالدى

  ءتىلشىمىز ليۋ ۋي حابارلايدى. 6-ايدىڭ 18-كۇنى ايماقتىڭ «ءداۋىر جاڭا ادامدارى ايتادى ـ مەن وتانىممەن بىرگە ەسەيدىم» اتتى دەكلاماتسيا جارىسىنىڭ «پارتيا قۇرۋداعى اۋەلگى ماقسات» نەگىزگى تاقىرىپتىق جارىسى ساۋان اۋدانىندا باستالدى.

  ايماقتىڭ بەس اۋدان،ەكى قالاسىنان كەلگەن 14 شاباندوز ارت-ارتىنان ساحناعا شىعىپ، ءوز كەشىرمەلەرىمەن ۇشتاستىرا   وتىرىپ نەمەسە تۇرمىسىمىزدا تۋىلعان وراسان زور وزگەرىستەردى بايانداۋ جانە توڭىرەگىندە تۋىلعان جان تەبىرەنتەرلىك اڭگىمەلەردى بايىمداۋ ارقىلى پارتيا مەن وتانعا بولعان شەكسىز سۇيىسپەنشىلىگىن بەينەلەدى.

  ساۋان اۋدانىنان كەلگەن شاباندوز دي ۋىنلي: «ءبىز ءداۋىردىڭ يگىلىگىن كورۋشىلەرمىز، سوندىقتان قازىرگى  باقىتتى تۇرمىسىمىزدى بارىنشا قاستەرلەپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ۇلى وتانىمىز بەن كورىكتى شينجياڭدى قول ۇستاسا گۇلدەندىرۋىمىز كەرەك» دەدى.

  ۇعىسۋعا قاراعاندا، بۇل رەتكى قيمىل ەڭبەك ارقىلى ارمانعا جەتۋ، تۇنىق سۋ، جاسىل تاۋ، پارتيا قۇرۋداعى اۋەلگى ماقسات،  كەدەيلىكتەن ارىلتۋدان قامال الۋ سياقتى 11 جەلىلەس قيمىلعا   ءبولىنىپ، نەگىزگى تاقىرىپتىق جارىس ايماعىمىزدىڭ ءارقايسى اۋدان، قالاسىندا ورىستەتىلەدى، سونىمەن بىرگە 10-ايدىڭ  باسىندا  ايماقتىق راديو، تەلەۆيزيا ستانسياسىندا شوعىرلى قيمىل وتكىزىلەدى ەكەن.

  وسى رەتكى دەكلاماتسيا جارىسى ناق مايداندا لەكسيا سويلەۋ جانە قاتىستى بىلىمدەر جونىندە سۇراق-جاۋاپ سىندى ەكى   بۋىنعا بولىنەدى. شاباندوزدار لەكسيا سويلەپ بولعان سوڭ  جۇرگىزۋشىنىڭ ناق مايداندا ورتاعا قويعان سۇراۋىنا جاۋاپ  قايتارۋى كەرەك، دۇرىس جاۋاپ بەرگەندەرگە ۇستەمە ءنومىر قوسىلادى ەكەن. ءبىر قىدىرۋ قيان-كەسكى بەلدەسۋدەن كەيىن شاعانتوعاي اۋدانىنىڭ شاباندوزى قاراقات قايرات اعا جۇلدەگەرلىكتى ەنشىلەدى، شيحۋ قالاسى مەن قوبىقسارى موڭعۇل اۆتونوميالى اۋدانى ۇزدىك ۇيىمداستىرۋ سيلىعىنا يە بولدى.

  جان تەبىرەنتەرلىك دەكلاماتسيا جانە قاتىستى بىلىمدەر جونىندەگى ناق مايدانداعى سۇراق-جاۋاپ شاباندوزداردى پارتيانى، وتاندى سۇيۋگە ىنتالاندىرىپ، پارتيانىڭ، وتاننىڭ ءۇمىتىن اقتاۋعا بولعان جىگەرىن تاسقىنداتتى، سونىمەن بىرگە  ءار ۇلت كادرلارى مەن بۇقارانىڭ پارتياعا ىلەسۋگە بولعان سەنىمىن بەكەمدەپ، ءبىر    نيەتپەن سەلبەسىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن كۇن ىلگەرى جۇزەگە اسىرۋ ءۇشىن بىرلىكتە   ۇلەس قوسۋىنا جەتەلەدى.

  كورەرمەن گۇلجار باقىت: «بۇگىنگى دەكلاماتسيالار مەنى قاتتى اسەرلەندىردى،جاس جەتكىنشەكتەر رەتىندە ءبىز ارقالاعان جاۋاپكەرشىلىگىمىز بەن بورىشىمىزدى جەتە تانىپ،كوركەيۋ  جولىندا قايراتتانىپ، قۇلشىنا ۇيرەنىپ، وتانىمىزدىڭ گۇلدەنىپ-كوركەيۋىنە وزىندىك ۇلەسىمىزدى قوسۋىمىز كەرەك» دەدى.