ەەڭ جاڭا مازمۇندار
ماڭىزدى،ەلەۋلى ىستەردە نۇسقاۋ سۇراۋ،مالىمدەۋ ءتۇزىمىن قاز – قالپىندا دايەكتىلەندىرىپ اتقارىپ،تاۋقىمەت تانىمىن بۇلجىتپاي كۇشەيتىپ، حاۋىپ-قاتەردەن، سىن-سايىستاردان ساقتانۋ كەرەك
كەدەيلەردى دالمە-ءدال سۇيەمەلدەۋ،كەدەيلىكتەن دالمە-ءدال ارىلتۋ نەگىزگى جالپى جوباسىنان جازباي،نىسانانى كوزدەپ،كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزۋگە كەپىلدىك ەتۋ كەرەك
ارشىندى قاداممەن العا باسقان باي-باقىتتى تولى
2019-جىلى 8-ايدىڭ 22-كۇنى 193-سان
بالىق اۋلاۋ جارىسىن وتكىزدى
پويەز بەكەتىندە زاڭ ۇگىتىن جۇرگىزدى
ساياحات كىرىسى شارۋالاردىڭ قالتاسىن قامپايتتى
چىن چۋانگو قىزىلسۋ قىرعىز اۆتونوميالى وبلىسىندا تەكسەرۋ-زەرتتەۋ جۇرگىزگەندە بىلاي دەپ باسا دارىپتەدى
شي جينپيڭ «ءتىلشى ۇزاق جورىق جولىنا قايتا اتتاندى» نەگىزگى تاقىرىپتىق تىلشىلىك قيمىلىنا ماڭىزدى نۇسقاۋ بەرىپ بىلاي دەپ باسا دارىپتەدى
2019-جىلى 8-ايدىڭ 21-كۇنى 192-سان
اكىمشىلىك مەكەمەسى ايماقتىڭ قالا-اۋىل جوبا قۇرىلىسىن باسقارۋدى ىلگەرىلەتۋ ءماجىلىسىن اشتى
اۋەلگى ماقساتتى ۇمىتپاي، بورىشتى ەستە بەرىك ساقتاپ، نەگىزگى تاقىرىپتىق تاربيەنىڭ ناقتى ونىمدىلىككە قول
زەيىن سىناۋ جارىسىن وتكىزدى
«وزگەلەردىڭ قيىنشىلىعىن كورسەم بولدى،كومەكتەسەمىن»
قۇلىستايعا «جايىن اۋىز قۇس» كەلدى
اقىسىز ەمدەپ،«مەديتسينا قىزمەتكەرلەرى مەرەكەسىن» قارسى الدى
اكىمشىلىك مەكەمەسى 2019-جىلعى 8-رەتكى پارتيا باسشىلىق گرۋپپاسى ءماجىلىسىن اشتى
باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات دايەكتىلەندىرىپ، تياناقتاندىرىپ،
اكىمشىلىك مەكەمەسى ايماقتىڭ ساۋداگەر باۋراپ، قارجى ەنگىزۋ قىزمەتىن ىلگەرىلەتۋ ءماجىلىسىن اشتى
اكىمشىلىك مەكەمەسى ايماقتىڭ ونەركاسىپ ەكونوميكاسىن ىلگەرىلەتۋ ءماجىلىسىن اشتى
جىبەك جولى مادەنيەت تاۋارلارى قالاشىعى شاۋەشەككە ساياحاتتاي كەلگەندەردىڭ باراتىن جەرىنە اينالدى
جۇڭگو مەديتسينا داشۋەسى تارباعاتاي شيپاحاناسىنىڭ ومىرتقاعا وپەراتسيا جاساۋ تەحنيكاسى جاڭا ساتىعا كوتەرىلدى
ستۋدەنتتەر اۋىلعا قايتىپ شارۋاشىلىق قۇرىپ، شاعىن ۇجىم ۇلكەن ءىس تىندىردى
ءجۇزىم پىستى، كوڭىل توعايدى
كورىكتى اۋىل-قىستاق ءبىزدىڭ مەكەنىمىز
2019-جىلى 8-ايدىڭ 20-كۇنى 191-سان
التىن جاتسا دا قارامايتىن قاراپايىم اۋىل سالتى
ەڭبەك ىستەۋدىڭ ءوزى كوركەمدىك
تۋىسىم ياۋ اعاي باسقالارعا شىن پەيىلىمەن كومەكتەسىپ، ىنتىماقتى جەبەدى
2019-جىلى 8-ايدىڭ 19-كۇنى 190-سان

بارلىق بالاۋساعا نۇرىن قۇيىپ، شۇعىلاسىن توكتى

جولدانعان ۋاقىتى : 2019/6/28 16:58:48

_ شينجياڭعا كومەككە كەلگەن 23 وقىتۋشى شيحۋ قالاسىنىڭ وقۋ-اعارتۋ ىستەرىنە تىڭ ومىرشەڭدىك كۇش قوستى

□ ءتىلشىمىز لي يانرۇڭ


  مەملەكەتتىڭ شينجياڭعا كومەكتەسۋ ۇندەۋىنە ءۇن قوسقان لياۋنيڭ     ولكەسىنىڭ يىڭكوۋ قالاسىنداعى 23 وقىتۋشى نەشە مىڭ شاقىرىم شالعايدان شيحۋ قالاسىنا كەلىپ، شينجياڭعا   كومەكتەسۋ قىزمەتىن ورىستەتتى. ولار ادال جۇرەكتەرىنىڭ،اق پەيىلدەرىنىڭ، شىنايى سۇيىسپەنشىلىكتەرىنىڭ نۇرىن قۇيىپ، شۇعىلاسىن توگىپ، شيحۋدىڭ تۇلەكتەرىنىڭ اقاۋسىز ەسەيۋىنە   جاعداي جاراتتى.

  قيىنشىلىقتاردى جەڭىپ،قاسيەتتى بورىشتارىن ەستە بەرىك ساقتادى

  سۋ جيڭ-ۋىن لياۋنيڭ ولكەسى يىڭكوۋ قالاسى باتىس قالا رايونىنداعى شاۋشان باستاۋىش مەكتەبىنىڭ وقىتۋشىسى،بىلتىر 8-ايدا شيحۋ قالاسىنا العاش كەلگەننەن باستاپ شيحۋ قالالىق 3-باستاۋىش مەكتەپتە شينجياڭعا   كومەكتەسۋ قىزمەتىن ورىستەتىپ     كەلەدى. جاڭا ورتانىڭ كليماتى مەن جەر جاعدايىنا ۇيلەسە الماعاندىقتان،سۋ جيڭ-ۋىننىڭ دەنساۋلىعى السىرەي باستايدى.

  «العاش كەلگەن كەزىمدە قايتا-قايتا تۇماۋراتىپ، ءدارىنى تاماق ورنىنا     ىشكەندەي بولدىم» دەدى سۋ جيڭ-ۋىن.

  سۋ جيڭ-ۋىننىڭ وڭ جاق تىزەسىندە قابىنۋ بار ەدى،ءبىراق،ول ءار كۇنى قىزمەتكە بارىپ-قايتۋعا ءبىر ساعات جول باسادى،تاعى دا 4 تە 5 ساعات ساباق وتەدى. «كوپ تۇرسام تىزەم اۋىرادى،قالىپتان تىس ارەكەت ىستەسەم،اۋرۋىم ءتىپتى دە اسقىنادى» دەدى ول.

  «قيىنشىلىققا شىداپ،وقۋشىلاردى ريزا ەتىپ،باسشىلاردىڭ كۇتكەن ۇمىتىنەن شىعۋىم كەرەك» دەپ سۋ جيڭ-ۋىن ءوزىن جىگەرلەندىرىپ كەلەدى. وقۋشىلارعا مۇقيات جاۋاپتى بولۋ پوزيتسياسىن ۇستانعان ول قىزمەتتە قيىنشىلىقتان،شارشاپ-شالدىعۋدان قورىقپاي،وقۋ-وقىتۋعا بۇكىل ىنتا-پەيىلىن ارنادى...

  ۋاڭ ىن-ي يىڭكوۋ قالالىق جوعارى دارەجەلى 2-ورتا مەكتەپتىڭ فيزيكا وقىتۋشىسى. شيحۋ قالاسىنا كەلىپ شينجياڭعا كومەكتەسۋ قىزمەتىن ورىستەتكەننەن بەرى شيحۋ قالالىق 5-ورتا مەكتەپتىڭ فيزيكا وقىتۋشىسى بولعان.

  ۋاڭ ىن-ي: «مەن تولىق ورتا مەكتەپ فيزيكا وقىتۋشىسىمىن،شيحۋ قالالىق 5-ورتا مەكتەپتە فيزيكا وقىتۋشىسى كەمشىل ەكەنىن ەستىپ،ۇيىمنىڭ ورنالاستىرۋىن قۋانا قابىل الدىم» دەدى.

  تولىق ورتا مەكتەپكە ساباق ءوتىپ كەلگەن ۋاڭ ىن-ي جونىنەن ايتقاندا،ورتالاۋ مەكتەپ مىندەتتى وقۋ-اعارتۋىنا ات سالىسۋ تىڭ سايىس بولدى. ورتالاۋ مەكتەپتىڭ وقىتۋ ءتاسىلى،وقىتۋ  ۇستانىمى تولىق ورتادان بۇكىلدەي باسقاشا ەدى.

  ۇيىمنىڭ تاپسىرماسى مەن ءوزىنىڭ ارقالاعان قىزمەت جاۋاپكەرشىلىگىنىڭ ۇددەسىنەن شىعۋ ءۇشىن، ۋاڭ ىن-ي تىنباي جاڭا ءبىلىم ۇيرەنىپ، جاڭا ورتاعا ۇيلەسۋگە قۇلشىندى.

  ۋاڭ ىن-ي: «وقۋشىلاردىڭ فيزيكا ساباعىنا بولعان اۋەسىن قوزعاۋ    ءۇشىن جەتەكتەۋ، تالقى ورىستەتۋ، كوپ مەديالى وقىتۋ تاسىلدەرىنەن پايدالانىپ ساباق مازمۇنىن قاراپايىم، ۇعىنىقتى ەتىپ سويلەۋگە قۇلشىندىم؛ ساباققا ىنتاسى جوق وقۋشىلاردىڭ  ءتۇرلى تاسىلدەرمەن اۋەسى مەن  بەلسەندىلىگىن قوزعادىم...» دەدى.

  وقۋشىلاردىڭ فيزيكا ساباعىنا اۋەسى ارتىپ، ناتيجەلەرى بىرتىندەپ جوعارىلاي ءتۇستى... ۋاڭ ىن-يدىڭ دە جۇزىنەن شاتتىق كۇلكىسى ەستى.

  ۇلگى ارقىلى جەتەكتەپ، جوعارى ونىمدىلىككە يە ساباقحانا قۇردى

  لي يانحۇڭ لياۋنيڭ ولكەسى   يىڭكوۋ قالاسى بايىرعى شەتكەرى  رايون تاجىريبە ورتا مەكتەبىنەن   كەلگەن، ورتالاۋ مەكتەپ ءتىل-    ادەبيەت ساباعىن وتكەنىنە 23 جىل بولعان، وقىتۋ تاجىريبەسى اسا مول.

  بيىل 2-ايدىڭ 22-كۇنى كانيكۋلدى اياقتاتقان ول يىڭكوۋدان شيحۋ قالالىق 5-ورتا مەكتەپكە كەلگەن كۇننىڭ ەرتەسىندە-اق جاڭا ماۋسىمداعى وقىتۋ قىزمەتىنە كىرىسىپ كەتتى.
 
  لي يانحۇڭ: «وقۋشىلاردىڭ ۇيرەنۋ بەلسەندىلىگىن قوزعاۋ ءۇشىن،الدىڭعى ماۋسىمداعى وقىتۋ تاجىريبەلەرى مەن العان ساباقتاردى قورىتىندىلاي وتىرىپ،ۇزدىكتەر السىزدەرگە كومەكتەسۋ جوسپارى مەن باسەكەلەسە ۇيرەنۋ تاكتيكاسىن قولدانىپ،ءبىر گرۋپپاداعى ۇيرەنۋ ناتيجەسى ءبىرىنشى ورىنداعى وقۋشىنى ءتورتىنشى ورىنداعى وقۋشىعا كومەكتەسۋگە،ەكىنشى ورىنداعى وقۋشى مەن ءۇشىنشى ورىنداعى  وقۋشىنى باسەكەلەسە ۇيرەنۋگە    ورنالاستىردىم. سونىمەن بىرگە، ءار گرۋپپانىڭ باستىقتارىنىڭ باسەكەلەسىن ءوزى تاڭداۋىنا ىرىق بەرىپ، ساباقحانا تارتىبىنە بويسۇنۋى،تاپسىرما ورىنداۋ جانە ەمتيحان ناتيجەسى سياقتى   جاقتارداعى بەينەلەرىن باعالاپ، ءنومىر قويىپ، وقۋشىلاردىڭ ۇيرەنۋ بەلسەندىلىگىن ءونىمدى قوزعادىم. وقۋشىلاردىڭ ءبىر-بىرىنە كومەكتەسىپ، ءبىرىن-ءبىرى باقىلاپ، باسەكەلەسە ۇيرەنۋى ءتىل-ادەبيەت ساباعىنا بولعان اۋەسى مەن ۇيرەنۋ ناتيجەسىن جوعارىلاتا  ءتۇستى» دەدى.

  شينجياڭعا كومەككە كەلگەن    وقىتۋشى رەتىندە لي يانحۇڭ  «ۇيرەتۋ،كومەكتەسۋ، جەتەكتەۋ» رولىن بەلسەنە ساۋلەلەندىردى. وقۋ باستالعاندا ول وقىتۋدى زەرتتەۋ گرۋپپاسىندا ۇلگى ساباق وتۋمەن بىرگە،«تايانىش كادرلاردى باۋلۋ ينجەنەرياسى» ن مۇقيات تياناقتاندىرىپ، شاكىرتى سىچيندانامەن ءوزارا ساباق تىڭداۋ،ساباق ونىمدىلىگىن باعالاۋ قيمىلىن ورىستەتىپ، ولقىلىقتارىن تولىقتاپ، ساباقحانا وقىتۋىن     ساپالىلاندىردى. 
 
  لي يانحۇڭ: «مۇنان تىس، ول گرۋپپا ىشىندەگى جاس وقىتۋشىلاردىڭ اشىق ساباق وتۋىنە بەلسەنە كومەكتەسىپ، جاڭا ساباق نىساناسى مەن وقىتۋ نازارياسى جونىندە باعىتتامالى تۇردە ۇيرەنۋ، پىكىر اۋىستىردى؛ وقىتۋ   بارىسىنداعى ماسەلەلەردى دەر كەزىندە رەتتەپ، شەشىمدەۋ ءادىسىن زەرتتەدى» دەدى.

  بيىل 51 جاسقا كەلگەن رىن ۋيدۇڭ يىڭكوۋ قالالىق دەنساۋلىق ساقتاۋ  مەكتەبىنىڭ وقىتۋشسى.

  رىن ۋيدۇڭ: «ءوز كاسىبىم سىرتقى اۋرۋلار جانە سىرتقى اۋرۋلاردى كۇتىمدەۋ ءىلىمى، ايماقتىق دەنساۋلىق ساقتاۋ مەكتەبىنە كەلگەننەن كەيىن  اناتوميا ساباعىن ءوتۋدى، مۇنان تىس، تاعى شۇعىل قۇتقارۋ، كۇتىمدەۋ ساباعىن ءوتۋدى ۇستىمە الدىم» دەدى.
 
تارباعاتاي ايماقتىق دەنساۋلىق ساقتاۋ مەكتەبىنىڭ وقىتۋشىلارى سالىستىرمالى تۇردە از، وقىتۋشىلار قوسىنى ءبىرشاما جاس بولعاندىقتان، ءوزىنىڭ قىمباتتى تاجىريبەلەرىن مەكتەپكە قالدىرىپ كەتۋ ءۇشىن، رىن ۋيدۇڭ ۇلگى ساباق   دايىنداپ، وقىتۋشىلار مەن وقۋشىلاردىڭ جاقسى باعاسىنا يە بولدى.

  رىن ۋيدۇڭ: «ساباق دەتالدارى مەن كەسكىن سياقتىلاردان پايدالانىپ، كلينيكالىق تاجىريبەلەرىمدى ۇشتاستىرا وتىرىپ، وقىتۋ مازمۇنىن وقۋشىلارعا قىزىقتى ەتىپ كورسەتىپ، وقۋشىلاردىڭ ۇيرەنۋگە بولعان قىزعىندىلىعىن ارتتىردىم. وقۋشىلار بەلسەنە تالقى ورىستەتىپ، تالاسا-تارماسا پىكىر ءبىلدىرىپ، ساباقحانا وقىتۋ نىساناسىن ءساتتى    ورىندادىم» دەدى.

  رىن ۋيدۇڭ وقىتۋ مىندەتىن ورىنداۋدان تىس، تاعى 3 جاس وقىتۋشىعا كومەكتەستى.

  رىن ۋيدۇڭ: «ساباق تىڭداۋ،   كوللەكتيۆ ساباق دايىنداۋ ارقىلى ءوزىمنىڭ تاجىريبەلەرىمدى ليۋ باۋشيا،      ما شياۋرۋ، ما چۇنچۇن سياقتى ءۇش جاس وقىتۋشىمەن ورتاقتاستىم ءارى  ولاردىڭ ساباق دەتالدارىن دايىنداۋ،  وقىتۋ جوسپارىن جاساۋ،وقىتۋ قولدانباسىن جازۋىنا جەتەكشىلىك ەتىپ،ولاردىڭ وقىتۋ قابىلەتىن جوعارىلاتۋىنا مۇمكىندىك جاسادىم» دەدى.

  قۇندى تارجىريبەلەرىن قالدىرىپ، شينجياڭعا كومەكتەسۋدىڭ داستانىن جازدى

  گاۋ يۇڭتاي لياۋنيڭ ولكەسى يىڭكوۋ قالالىق 6-ورتا مەكتەپتەن كەلگەن، وسى رەتكى شينجياڭعا كومەكتەسۋدە ول شينجياڭعا كومەكتەسۋگە كەلگەن وقىتۋشىلار قوسىنىنىڭ ورىنباسار باستىعى ءارى شيحۋ قالالىق 5-ورتا مەكتەپتىڭ    ورىنباسار باستىعىندىق مىندەتتى ۇستىنە الدى.

  گاۋ يۇڭتايدىڭ يىڭكوۋ قالاسىنىڭ ورتالاۋ مەكتەپ جاعراپيا ساباعىنىڭ   ايگىلى وقىتۋشىلارى قىزمەت كەڭسەسىنىڭ باسقارۋشىسى سىندى تاعى ءبىر سالاۋاتى بار.

  بيىل 4-ايدا گاۋ يۇڭتاي شيحۋ  قالاسىنداعى ورتا-باستاۋىش مەكتەپتەگى 33 ايگىلى وقىتۋشى قىزمەت كەڭسەسىندەگى بارلىق مۇشەلەرگە قۇندى  تاجىريبەسىن تارتۋ ەتتى.
 
  گاۋ يۇڭتاي ايگىلى وقىتۋشىلار   قىزمەت كەڭسەسىنىڭ ۇستانىمى جونىندە پىكىر اۋىستىرۋ لەكسياسىن جاسادى. ول تالاي جىلدىق وقىتۋ امالياتىمەن     ۇشتاستىرا وتىرىپ، كوپتەگەن دالەلدەردى كەلتىرۋ ارقىلى ءمورال تاربيەسىنىڭ  ماڭىزدىلىعىن بايانداپ، ءمورال تاربيەسىن-تامىر، قابىلەتتى-ساباق، جاڭالىق جاراتۋدى- گۇل، ناتيجەنى- جەمىس ەتۋدى باسا دارىپتەدى. ول تاعى دا ءوز باسقارۋىنداعى يىڭكوۋ قالاسىنداعى جاعراپيا ساباعىنىڭ  ايگىلى وقىتۋشىلار قىزمەت كەڭسەسىنىڭ وسى ءبىر ۇستانىمىن امالياتتا ايگىلەۋ بارىسىندا قولدانعان  نەگىزگى ءادىسى مەن قول    جەتكىزگەن جەتىستىكتەرىن كوپشىلىكپەن ورتاقتاستىردى.
 
گاۋ يۇڭتاي: «شينجياڭعا كومەكتەسۋ جاۋاپكەرشىلىگىنىڭ ماڭىزدىلىعى مەن بورىشىنىڭ داڭقتىلىعىن شىنايى سەزىندىم، شينجياڭعا كومەكتەسۋدىڭ شەكتى ۋاقىتى ىشىندە،ءسوزسىز، ۋاقىتتى مىقتى ۇستاپ، شيحۋ قالاسىنداعى وقىتۋشىلاردىڭ وقىتۋ تانىمى مەن كاسىپتىك ساپاسىن ۇزدىكسىز جوعارىلاتىپ، ءپان وقىتۋىنا جەتەكشىلىك ەتۋ، ۇلگى  كورسەتۋ جانە تاربيەلەۋ ارقىلى كومەككە يە بولعان ورىنداردىڭ وقىتۋ-وقۋ   ساپاسىن جوعارىلاتامىن» دەدى.
 
   جاڭ كاي يىڭكوۋ قالالىق وقىتۋشىلار ءبىلىم اسىرۋ شۋەيۋانى عىلىمي زەرتتەۋ باسقارماسىنان كەلگەن. شينجياڭعا    كومەكتەسۋ ساپارىنا قادام قويعاننان  كەيىن شيحۋ قالالىق وقۋ-اعارتۋ،  عىلىم-تەحنيكا مەكەمەسىنىڭ وقىتۋدى زەرتتەۋ بولىمىنە قىزمەتكە ورنالاستى، سونىمەن بىرگە  لياۋنيڭ ولكەسى   يىڭكوۋ قالاسىنان شينجياڭعا كومەككە  كەلگەن وقىتۋشىلار قىزمەت اترەتىنىڭ باستىعىندىق مىندەتتى اتقاردى.

  شيحۋ قالاسىندا جاڭ كاي شيحۋ   قالاسىنىڭ وقىتۋدى زەرتتەۋ، عىلىمي زەرتتەۋ جۇرگىزۋ، وقۋ-وقىتۋدى باسقارۋ قىزمەتتەرىن ۇيىمداستىردى     جانە ات سالىستى. بيىل 5-ايدىڭ ورتا شەنىنەن 6-ايدىڭ ورتا شەنىنە دەيىن  جاڭ كاي ءبىر ۇلكەن جۇمىس بولىسىنە يە بولدى.

  شيحۋ قالالىق وقۋ-اعارتۋ،   عىلىم-تەحنيكا مەكەمەسىنىڭ وقىتۋدى زەرتتەۋ كەڭسەسى جاڭ كايعا 2019-جىلعى اۆتونوميالى رايون مەن تارباعاتاي ايماعىنىڭ شاعىن زەرتتەۋ تاقىرىبىن جوسپارعا ەنگىزۋ جانە 2018-جىلعى شاعىن زەرتتەۋ تاقىرىبىن قورىتىندىلاۋ جونىندە تاربيەلەۋ، ماتەريالداردى العاش تەكسەرۋ جانە جولداۋ قىزمەتىن   ۇيىمداستىرىپ اتقارۋعا ورنالاستىردى.

  جاڭ كاي: «زەرتتەۋ تاقىرىبى قىزمەتى شيحۋ قالاسى جونىنەن  سالىستىرمالى تۇردە ءالسىز قىزمەت سانالادى، الايدا ءوزىم جونىنەن وتە قانىق قىزمەت سانالادى» دەدى.

  ءوزىنىڭ ارتىقشىلىعىمەن ۇشتاستىرا وتىرىپ، جاڭ كاي شيحۋ قالاسىنداعى بارلىق نەگىزگى ساتى مەكتەپتەرى مەن ءبىرىنشى شەپتەگى     وقىتۋشىلارعا شاعىن زەرتتەۋ تاقىرىبىن جوسپارعا ەنگىزۋ مەن قورىتىندىلاۋ جونىندە ارناۋلى تاقىرىپتىق تاربيەلەۋ جۇرگىزدى ءارى وقىتۋدى زەرتتەۋ كەڭسەسىندەگى قىزمەتكەرلەرمەن بىرگە، اۆتونوميالى رايون جوسپارعا ەنگىزگەن 42 زەرتتەۋ تاقىرىبىن العاش تەكسەرىپ، 22 زەرتتەۋ تاقىرىبىن جولدادى. اۆتونوميالى رايوننىڭ 4 زەرتتەۋ تاقىرىبى مەن ايماق دارەجەلى 8 زەرتتەۋ   تاقىرىبىنىڭ قورىتىندى ماتەريالىنا جەتەكشىلىك ەتتى ءارى العاش  تەكسەرۋىنە قاتىناستى.
جاڭ كاي: «شينجياڭعا كومەككە  كەلگەن 23 وقىتۋشى مەن شيحۋ  قالاسىنداعى وقۋ-اعارتۋ سالاسىنداعى  قىزمەتكەرلەردىڭ قول ۇستاسا وتىرىپ وقۋ-اعارتۋدى دامىتۋدىڭ ۇلى جوباسىن بىرلىكتە جاساپ شىعۋىنا جەتەكشىلىك ەتەمىن» دەدى.

  يىڭكوۋ قالاسىنان شينجياڭعا  كومەككە كەلگەن وقىتۋشىلار مىڭداعان شاقىرىمدىق جول باسىپ، شينجياڭدا ۇرپاق تاربيەلەدى. شينجياڭعا كومەككە كەلگەن 23   وقىتۋشى شىنايى سۇيىسپەنشىلىگىن شيحۋ قالاسىنا ارنادى، شيحۋ قالاسىنداعى وقىتۋشى-وقۋشىلار شىنايى سۇيىسپەنشىلىكتەن ءنار الدى.



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn