سالىقجان يمىن قاتارلى 30 ادام ءمورال ۇلگىسى ەرەكشە داڭقىنا يە بولدى
ەلەۋسىز تۇستارى ارقىلى ءمورال نۇرىن جارقىراتىپ، جاي ادامنىڭ ىزگى ىستەرى ارقىلى وركەنيەت بيىگىن اسقاقتاتتى. 6-ايدىڭ 26-كۇنى تۇستەن كەيىن شينجياڭ راديو-تەلەۆيزيا ستانسياسىنىڭ ويىن قويۋ ۇلكەن زالىندا شاپالاق ءۇنى تولاستامادى، اۆتونوميالى رايوندىق پارتكومنىڭ ۇگىت ءبولىمى قاتارلى 6 تاراۋ بىرلەسىپ ۇيىمداستىرعان«ءمورال شۋاعى تيانشاندى نۇرلاندىردى» 6-كەزەكتى اۆتونوميالى رايوندىق ءمورال ۇلگىلەرىنە سيلىق تاراتۋ سالتى وسى ارادا وتكىزىلدى، سالىقجان يمىن قاتارلى 30 ادام ءمورال ۇلگىسى ەرەكشە داڭقىنا يە بولدى.
سيلىق تاراتۋ سالتى «ۇلتتار ىنتىماعى»،«وزگەلەرگە كومەكتەسۋدى قۋانىش ساناۋ،«ادىلەت جولىندا ەرلىك كورسەتۋ»، «ادال، سەنىمدى بولۋ»، «كاسىپتى ارداقتاپ، ۇلەس قوسۋ»، «ۇلكەندەرگە وپالى بولىپ، جان اشىر جاقىندارىن ايالاۋ» سىندى 6 تاراۋدان قۇرالعان، ءاربىر تاراۋ قىسقا فيلم قويۋ، ۇستىندە سۇحباتتاسۋ، سيلىق ساۋىتىن تاراتۋ، قۇرمەت ءبىلدىرىپ، القاۋ ايتۋ سياقتى تاسىلدەر ارقىلى جۇرتتى تاڭ قالدىرعان ءمورال كوركىن تەرەڭ بايىمداپ، ءمورال ۇلگىلەرىنىڭ رۋحاني قۇنىن جاندى ءتۇسىندىردى.
بيىل 4-ايدىڭ باسىندا اۆتونوميالى رايوندىق پارتكومنىڭ ۇگىت ءبولىمى، شينجياڭ اسكەري رايونىنىڭ ساياسي قىزمەت ءبولىمى، اۆتونوميالى رايوندىق ۇلت ىستەرى كوميتەتى (ءدىن ىستەرى مەكەمەسى)، اۆتونوميالى رايوندىق باس جۇمىسشى ۇيىمى، اۆتونوميالى رايوندىق وداق كوميتەتى، اۆتونوميالى رايوندىق ايەلدەر بىرلەستىگى 6 - كەزەكتى اۆتونوميالى رايوندىق ءمورال ۇلگىلەرىن سارالاۋ، ماداقتاۋ-سيلاۋ قيمىلىن باستادى. كەڭ كولەمدە اتتانىسقا كەلتىرۋ، ساتىلار بويىنشا سارالاۋ ارقىلى جان - جاقتى ويلاستىرۋ، تاڭداۋلىلاردىڭ ىشىنەن تاڭداۋلىلاردى تاڭداۋ پرينسيبى بويىنشا 200 گە تارتا كانديداتتىڭ اراسىنان «ۇلتتار ىنتىماعى»، «وزگەلەرگە كومەكتەسۋدى قۋانىش ساناۋ» سياقتى 6 ءتۇر بويىنشا 6 - كەزەكتى اۆتونوميالى رايوندىق 30 ءمورال ۇلگىسىن سارالادى.
نەگىزگى ساتىدان كەلگەن، قاراپايىم ورىندارعا تامىر تارتقان. ۇقساماعان ۇلتتاردان جارىققا شىققان وسى ءمورال ۇلگىلەرى بۇكىل شينجياڭنىڭ جەر- جەرىنەن، ءار كاسىپ، ءار سالادان كەلگەن، ولاردىڭ اراسىندا كەيبىرەۋى «ءىرى ەل ۇستالارى جىل ادامى»، مەملەكەتتىك 1-مامىر ەڭبەك مەدالى، ۇلتتار ىنتىماعى العاباسارلىعىنداعى مەملەكەتتىك ۇلگىلى جەكە، «جۇڭگوداعى جاقسى ادام»، وزات شەكارا قورعاۋشى سياقتى داڭقتارعا دا يە بولعان.
اپتا سايىن ءۇيىنىڭ اۋلاسىندا تۋ شىعارۋ سالتىن وتكىزەتىن سالىقجان يمىن، جىڭعىلدان پايدالانىپ، قۇمايتتانۋدى تىزگىندەپ، جاسىل جامىلعى وسىرگەن «قۇمايتتانۋدى تىزگىندەۋ مامانى» ليۋ ميڭتيڭ، شىن پەيىلىمەن، شىنايى سۇيىسپەنشىلىگىمەن ۇيعۇر مۇگەدەك تۋىسىنىڭ بايۋىنا كومەكتەسكەن چىن ياۋپيڭ،10 نەشە جىل بويى توعاندى مىندەتتى شارلاپ، ىلگەرىندى-كەيىندى سۋعا كەتكەن 7 ادامدى قۇتقارعان ما جيانچىڭ، 11 كەدەي سۇيەنىشسىز قارتتى جان اشىر جاقىنىنداي كورىپ، ولارعا قارايلاسىپ كەلگەن باعيگۇل نيعىمەت... ءمورال ۇلگىلەرىنىڭ جان تەبىرەنتەرلىك ىزگى ىستەرى مەن وسكەلەڭ قاسيەتىنەن سول مايدانداعى كوپتەگەن كورەرمەندەردىڭ كوزدەرىنە جاس ىركىلىپ، قىزۋ قول شاپالاق ءۇنى ارقىلى ءمورال ۇلگىلەرىنە شىنايى قۇرمەت ءبىلدىردى.
ۇعىسۋعا قاراعاندا، اۆتونوميالى رايوندىق ءمورال ۇلگىلەرىن سارالاۋ، ماداقتاۋ-سيلاۋ قيمىلى 2008-جىلدان باستاپ وتكىزىلگەن، قازىرگە دەيىن 176 ادام اۆتونوميالى رايوندىق ءمورال ۇلگىسى بولىپ باعالانعان.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى