ەەڭ جاڭا مازمۇندار
ماڭىزدى،ەلەۋلى ىستەردە نۇسقاۋ سۇراۋ،مالىمدەۋ ءتۇزىمىن قاز – قالپىندا دايەكتىلەندىرىپ اتقارىپ،تاۋقىمەت تانىمىن بۇلجىتپاي كۇشەيتىپ، حاۋىپ-قاتەردەن، سىن-سايىستاردان ساقتانۋ كەرەك
كەدەيلەردى دالمە-ءدال سۇيەمەلدەۋ،كەدەيلىكتەن دالمە-ءدال ارىلتۋ نەگىزگى جالپى جوباسىنان جازباي،نىسانانى كوزدەپ،كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزۋگە كەپىلدىك ەتۋ كەرەك
ارشىندى قاداممەن العا باسقان باي-باقىتتى تولى
2019-جىلى 8-ايدىڭ 22-كۇنى 193-سان
بالىق اۋلاۋ جارىسىن وتكىزدى
پويەز بەكەتىندە زاڭ ۇگىتىن جۇرگىزدى
ساياحات كىرىسى شارۋالاردىڭ قالتاسىن قامپايتتى
چىن چۋانگو قىزىلسۋ قىرعىز اۆتونوميالى وبلىسىندا تەكسەرۋ-زەرتتەۋ جۇرگىزگەندە بىلاي دەپ باسا دارىپتەدى
شي جينپيڭ «ءتىلشى ۇزاق جورىق جولىنا قايتا اتتاندى» نەگىزگى تاقىرىپتىق تىلشىلىك قيمىلىنا ماڭىزدى نۇسقاۋ بەرىپ بىلاي دەپ باسا دارىپتەدى
2019-جىلى 8-ايدىڭ 21-كۇنى 192-سان
اكىمشىلىك مەكەمەسى ايماقتىڭ قالا-اۋىل جوبا قۇرىلىسىن باسقارۋدى ىلگەرىلەتۋ ءماجىلىسىن اشتى
اۋەلگى ماقساتتى ۇمىتپاي، بورىشتى ەستە بەرىك ساقتاپ، نەگىزگى تاقىرىپتىق تاربيەنىڭ ناقتى ونىمدىلىككە قول
زەيىن سىناۋ جارىسىن وتكىزدى
«وزگەلەردىڭ قيىنشىلىعىن كورسەم بولدى،كومەكتەسەمىن»
قۇلىستايعا «جايىن اۋىز قۇس» كەلدى
اقىسىز ەمدەپ،«مەديتسينا قىزمەتكەرلەرى مەرەكەسىن» قارسى الدى
اكىمشىلىك مەكەمەسى 2019-جىلعى 8-رەتكى پارتيا باسشىلىق گرۋپپاسى ءماجىلىسىن اشتى
باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات دايەكتىلەندىرىپ، تياناقتاندىرىپ،
اكىمشىلىك مەكەمەسى ايماقتىڭ ساۋداگەر باۋراپ، قارجى ەنگىزۋ قىزمەتىن ىلگەرىلەتۋ ءماجىلىسىن اشتى
اكىمشىلىك مەكەمەسى ايماقتىڭ ونەركاسىپ ەكونوميكاسىن ىلگەرىلەتۋ ءماجىلىسىن اشتى
جىبەك جولى مادەنيەت تاۋارلارى قالاشىعى شاۋەشەككە ساياحاتتاي كەلگەندەردىڭ باراتىن جەرىنە اينالدى
جۇڭگو مەديتسينا داشۋەسى تارباعاتاي شيپاحاناسىنىڭ ومىرتقاعا وپەراتسيا جاساۋ تەحنيكاسى جاڭا ساتىعا كوتەرىلدى
ستۋدەنتتەر اۋىلعا قايتىپ شارۋاشىلىق قۇرىپ، شاعىن ۇجىم ۇلكەن ءىس تىندىردى
ءجۇزىم پىستى، كوڭىل توعايدى
كورىكتى اۋىل-قىستاق ءبىزدىڭ مەكەنىمىز
2019-جىلى 8-ايدىڭ 20-كۇنى 191-سان
التىن جاتسا دا قارامايتىن قاراپايىم اۋىل سالتى
ەڭبەك ىستەۋدىڭ ءوزى كوركەمدىك
تۋىسىم ياۋ اعاي باسقالارعا شىن پەيىلىمەن كومەكتەسىپ، ىنتىماقتى جەبەدى
2019-جىلى 8-ايدىڭ 19-كۇنى 190-سان

ۇلتتىڭ گۇلدەنۋى جولىندا . ەرجۇرەك قۇرباندار شەجىرەسى

جولدانعان ۋاقىتى : 2019/7/2 11:46:47

چياۋ گوجىن: جەتى رەت تۇتقىندالعان جۇمىسشى - شارۋا قوزعالىسىنىڭ قاھارمانى


 
  «اپەكەم تۇرمەدە تۋعان، اكەمدى كورگەم جوق، اكەمنەن قالعان جالعىز مۇرا ونىڭ كوز جۇمار الدىندا وزىمەن بىرگە تۇرمەدە جاتقان ادامعا تاپسىرىپ كەتكەن كىشكەنە قايشىسى. كىشكەنتاي كەزىمىزدەن شەشەمنەن اكەمنىڭ ەرلىك ىستەرىن تىڭداپ وستىك،اكەم تۇرمىس پەن قىزمەتتە دە وزىنە قاتاڭ تالاپ قويادى ەكەن، اپەكەم ەكەۋىمىز   اكەمنىڭ توڭكەرىستىك اۋەلگى ماقساتىن ۇمىتپاي، ءومىر بويى حالىق وقىتۋشىسى بولدىق». چياۋ گوجىن قۇرباننىڭ ۇلى چياۋ شى ءوزىنىڭ بالالارىن تاربيەلەگەندە اكەسىنىڭ توڭكەرىستىك رۋحىمەن ساباقتاستىرىپ وتىرعانىن ايتتى.

   چياۋ گوجىن، اسىلگى  ەسىمى چياۋ رۋجىن، 1907 - جىلى 3 - ايدىڭ 15 - كۇنى شانشي ولكەسى جياشيان اۋدانى ديانجىن قالاشىعى  چياۋجياجاي قىستاعىندا شارۋا وتباسىندا دۇنيەگە كەلگەن. 1924-جىلى سۇيدى ولكەگە قاراستى 4-پەداگوگيكا مەكتەبىنە وقۋعا ءتۇسىپ، سول جىلى قىستا جۇڭگو سوتسياليستىك جاستار وداعىنا كىرەدى، كوپ وتپەي جۇڭگو كوممۋنيستىك پارتياسىنىڭ مۇشەسى بولادى.

  1926-جىلى  چياۋ گوجىن    گۋاڭجوۋعا بارىپ شارۋالار قوزعالىسى ساباقحاناسىنىڭ 6-كەزەكتەگى ۇيرەنۋىنە قاتىناسادى، شانشيگە قايتقان سوڭ ۋيبەي رايونىنا شارۋالار قوزعالىسى قىزمەتىن ىستەۋگە جىبەرىلەدى. ول اۋىل - قىستاققا بارىپ، وتباسىلارىن ارالاپ، كەدەيلەردىڭ حال - جاعدايىن ۇعىسىپ، شارۋالاردىڭ شارۋالار قوعامىن قۇرۋىنا كومەكتەسىپ، شارۋالار قوزعالىسىنىڭ سانچين دالاسىندا جالىنداپ دامۋىنا مۇمكىندىك جاسايدى. شارۋالار ونى جاقىن تارتىپ «شارۋالار قوزعالىسىنىڭ ءپىرى»، «يگى ءىس ىستەيتىن چياۋ گولاۋ» دەپ   اتايدى.

  1927-جىلى 6-ايدا چياۋ گوجىن تۇتقىندالىپ تۇرمەگە جابىلادى، كەيىن پارتيا ۇيىمى جاعىنان قۇتقارىلىپ  تۇرمەدەن شىعادى. سول جىلى 12 - ايدا حۋاشيان اۋدانىنداعى گاۋتاڭ جەرگىلىكتى جاساعىنا بارىپ اسكەر تاسۋ قىزمەتىن ىستەپ، شارۋالار قارۋلى كۇشتەرىن ۇيىمداستىرىپ، ۋيحۋا كوتەرىلىسىنە قاتىناسادى. كوتەرىلىس جەڭىلىسكە ۇشىراعاننان كەيىن، چياۋ گوجىن حىبەيگە بارىپ پارتيانىڭ قۇپيا قىزمەتىمەن اينالىسىپ، ىلگەرىندى - كەيىندى جۇڭگو كوممۋنيستىك پارتياسى جيڭشيڭ اۋداندىق كوميتەتىنىڭ شۋجيى، تاڭشان قالالىق كوميتەتىنىڭ مۇشەسى، قوسىمشا  جۇمىسشى-قىزمەتشىلەر قوزعالىسى كوميتەتىنىڭ شۋجيى مىندەتىنە تاعايىندالادى. 1929 - جىلى 12 - ايدا ءۇشىنشى رەت تۇتقىندالىپ تۇرمەگە قامالادى، تۇرمەدەن قاشقان سوڭ     تيانجينگە قايتىپ، جۇڭگو كوممۋنيستىك پارتياسى شۇنجى ولكەلىك  كوميتەت جۇمىسشى-قىزمەتشىلەر قوزعالىسى كوميتەتىنىڭ شۋجيى بولىپ تاعايىندالادى. بەيپيڭ، تيانجين،  حىبەي وڭىرلەرىندە جۇمىسشىلاردى كۇرەس جۇرگىزۋگە ۇيىمداستىرادى.

  1938-جىلى چياۋ گوجىن يان-انعا بارادى. كەلەسى جىلى سوۆەت وداعىنا بارىپ ەمدەلەدى. 1941 - جىلى ەلگە ورالعان سوڭ، ۇرىمجىدەگى 8 - ارميانىڭ شينجياڭداعى ءىس باسقارماسىندا قىزمەت ىستەيدى. 1943-جىلى تۇتقىندالىپ،شينجياڭ 1-تۇرمەسىنە قامالادى.

  چياۋ گوجىن ىلگەرىندى - كەيىندى 7 رەت تۇتقىندالىپ تۇرمەگە  قامالىپ، جاۋدىڭ جان توزگىسىز   ازاپتى جازاسىنا ۇشىراپ، اۋىر وكپە اۋرۋىنا شالدىعادى، سويتە تۇرا قايتپاس قايسارلىق تانىتىپ، ولىمنەن تايسالمايدى. ول تۇرمەدە دە پارتيا ءۇشىن قىزمەت ىستەۋدى ەستەن  شىعارماي، امالىن تاۋىپ تۇرمەدەگى پارتيا ۇيىمىمەن بايلانىس جاساپ، ءوزى جاتاتىن تۇرمەنىڭ كۇتىمدەلۋ بولمەسىن تۇتاس تۇرمەدەگى جاۋىنگەر سەرىكتەرىمەن بايلانىس جاسايتىن  بايلانىس پۋنكتىنە اينالدىرادى ءارى ءوزىنىڭ بۇرىنعى تۇرمەدە جاتقان كەزدە جاۋمەن كۇرەسكەندەگى باي تاجىريبەلەرىن 10 مىڭ ءارىپتىڭ ۇستىندە تۇرمەدەگى كۇرەس پىكىرى  ەتىپ جازىپ،  تۇرمەدە جاسىرىن تاراتىپ، تاۋقىمەتتى بىرگە تارتقاندارعا، اسىرەسە، جاس جولداستارعا ءوزىنىڭ تۇرمەدە قۇپيا كۇرەس  جۇرگىزۋ جانە اشىق كۇرەس جۇرگىزۋ تاجىريبەسىن ۇيرەتەدى. ول ۇنەمى تاۋقىمەتتى بىرگە تارتقاندارعا: «ۋاقىت قىمباتتى،ءتىرى بولادى ەكەنبىز، ۇيرەنۋىمىز، كۇرەسۋىمىز كەرەك»،-دەيدى. تۇرمەنىڭ ناشار شارت - جاعدايىندا ونىڭ وكپە اۋرۋى بارعان سايىن اسقىنادى، تاۋقىمەتتى بىرگە تارتقاندار امالىن تاۋىپ وعان ءنارلى ازىقتار ساتىپ اكەلىپ ونىڭ دەنساۋلىعىن كۇتىمدەيدى. ول ىلعي دا تاۋقىمەتتى بىرگە تارتقانداردىڭ ىقىلاسىن كومەككە ەڭ مۇقتاج جاندارعا ارنايدى. ول تۇرمەدەگى پارتيا ۇيىمىنا جازعان ەڭ سوڭعى حاتىندا بىلاي دەيدى:   «مەن اۋرۋ ازابىندا تەرەڭ تولعانۋدامىن، ومىرىمدە پارتيا مەن حالىقتىڭ ءۇمىتىن اقتاي الدىم دەسەم دە،ءبىراق كوپ ۋاقىتىم كەرتارتپاشىلاردىڭ تۇرمەسىندە زايا كەتتى، پارتيا ءۇشىن ءتىپتى دە كوپ قىزمەت ىستەي المادىم، بۇعان ايرىقشا وكىنەمىن. جالعىز تىلەگىم _ تۇرمەدەگى بارلىق جولداستىڭ، ءسوز جوق، جاۋعا ىنتىماقتاسا قارسى تۇرىپ، سوڭىنا دەيىن كۇرەس جۇرگىزۋىن ءۇمىت ەتەمىن».

  1945-جىلى 7-ايدىڭ 31 - كۇنى چياۋ گوجىن جاۋدىڭ قىسىمى جانە وكپە اۋرۋىنىڭ ازابىندا 38   جاسىندا قايتىس بولادى.

  2010-جىلى 10-ايدىڭ 17 - كۇنى چياۋ گوجىن ەسكەرتكىش سارايى شانشيدىڭ جياشيان اۋدانىندا سالىندى، ول جياشياننىڭ «بۇكىل اۋداننىڭ پارتيا تاريحى تاربيەسى بازاسى»، «پارتيالى كادرلاردىڭ توڭكەرىستىك ءداستۇر تاربيەسى بازاسى» جانە «جاستار مەن ورەندەردىڭ وتانشىلدىق تاربيە    بازاسى». 2013-جىلى «يۇيلين   قالاسىنىڭ وتانشىلدىق تاربيە ۇلگى  بازاسى» دەگەن ات بەرىلدى.

دىڭ فا: جۇمىسشى قوسىنىندا جەتىلگەن توڭكەرىسشى
 
  گۋاڭدۇڭ ولكەسى يۇنفۋ قالاسى يۇنچىڭ كوشەسى چىڭشي تانشىتاڭ قىستاعىندا چيڭ پاتشالىعى مەزگىلىندە باستاپ سالىنعان ءبىر تۇراق بار. ءار جىلى چيڭميڭ مەن 1-شىلدەنىڭ  الدى-ارتىندا ادامدار بۇل اراعا ارت-ارتىنان كەلىپ ازا ءبىلدىرىپ، وسىندا 14 جىل تۇرعان توڭكەرىستىك قۇربان دىڭ فانى ەسكە الادى. دىڭ فانىڭ بايىرعى تۇراعىنىڭ جانىنان دىڭ فا باستاۋىش مەكتەبى مەن دىڭ فانى ەسكە الۋ ورتا مەكتەبى سالىندى.

  دىڭ فا، اسىلگى ەسىمى دىڭ يۋانجاۋ،لاقامى جيانجاۋ،1906-جىلى گۋاڭدۇڭ ولكەسى يۇنفۋ اۋدانىندا (قازىرگى يۇنفۋ قالاسى) شارۋا وتباسىندا دۇنيەگە كەلگەن. تومەنگى جىلدىق باستاۋىش مەكتەبىن بىتىرگەننەن كەيىن ءۇيىنىڭ كەدەيلىگى سەبەبىنەن وقۋدان قول ۇزەدى، 14 جاسىندا گۋاڭجوۋ،  شياڭگاڭ سياقتى جەرلەرگە بارىپ جالدانبا جۇمىس ىستەيدى. 1921 - جىلى ىلگەرىندى - كەيىندى شياڭگاڭ تاي - ۋ كەمەجايىندا جانە ۇلى بريتانيانىڭ شياڭگاڭدا تۇرعان اسكەري كەمەسىندە جۇمىسشى بولادى ءارى شياڭگاڭ ماتروس جۇمىسشى ۇيىمىنا قاتىناسادى. ماتروس جۇمىسشى ۇيىمىنىڭ باستىعى سۋ جاۋجىڭمەن    تانىسقاننان كەيىن، ول توڭكەرىستىك يدەيانى قابىلداپ، جۇمىسشىلار  قوزعالىسىنا ات سالىسا باستايدى.

  1922 - جىلى دىڭ فا شياڭگاڭ ماتروستارىنىڭ زور جۇمىس تاستاۋىنا قاتىناسادى، 1925 - جىلى شىڭگاڭ زور جۇمىس تاستاۋىنا قاتىناسىپ، جۇمىسشىلار تەكسەرۋشىلەر اترەتىنىڭ باستىعى مىندەتىن ۇستىنە الادى، سول جىلى 10 - ايدا جۇڭگو كوممۋنيستىك پارتياسىنا مۇشە بولادى. كەيىن سولتۇستىككە جورىق شايقاسىنا قاتىناسادى. 1927 - جىلى كوكتەمدە جۇڭگو كوممۋنيستىك پارتياسى گۋاڭدۇڭ ماي كاسىبى باس جۇمىسشى ۇيىمى ياچەيكاسىنىڭ شۋجيى مىندەتىن ارقالايدى. سول جىلى 12 - ايدا گۋاڭجوۋ  كوتەرىلىسىنە قاتىناسىپ، 5-رايوننىڭ ورىنباسار قولباسشىسى مىندەتىن ارقالاپ، ماي كاسىبى جۇمىسشىلارىنىڭ شايقاسىنا قولباسشىلىق ەتەدى. كوتەرىلىس ساتسىزدىككە ۇشىراعاننان  كەيىن، گۋاڭجوۋ، شياڭگاڭ،شاڭحاي سياقتى جەرلەردە اينالىپ ءجۇرىپ جۇمىسشىلار قوزعالىسى جانە قارۋلى كۇرەسپەن اينالىسادى، جۇڭگو كوممۋنيستىك پارتياسى گۋاڭجوۋ قالالىق كوميتەتىنىڭ شۋجيى، فۋجيان - گۋاڭدۇڭ - جياڭشي شەكارا ەرەكشە كوميتەتىنىڭ شۋجيى، قوسىمشا   اسكەري ىستەر كوميتەتىنىڭ ءتوراعاسى سياقتى مىندەتتەردى وتەيدى.

  1931-جىلى 7-ايدا دىڭ فا ورتالىق سوۆەتتىك رايونعا بارىپ، قىزىل ارميا باس سىليڭبۋىنىڭ ساياسي قورعاۋ باسقارماسىنىڭ باستىعى،  مەملەكەتتىك ساياسي قورعاۋ مەكەمەسىنىڭ باستىعى مىندەتىن وتەپ،  ورتالىق قىزىل ارميا ساياسي قورعاۋ قىزمەتىنە باسشىلىق  ەتەدى.  ىلگەرىندى-كەيىندى جۇڭگو كوممۋنيستىك پارتياسى سوۆەتتىك رايون ورتالىق بيۋروسىنىڭ مۇشەسى، جۇڭحۋا سوۆەتتىك رەسپۋبليكاسى ورتالىق  اتقارۋ كوميتەتىنىڭ مۇشەسى، ورتالىق كوميتەت ساياسي بيۋروسىنىڭ كاندايدات مۇشەسى  بولىپ سايلانادى. 1934 - جىلى 10 - ايدا ۇزاق جورىققا قاتىناسىپ، اسكەري ىستەر كوميتەتى 2-دالالىق شايقاس زۇڭدۇيىنىڭ ورىنباسار سىليڭيۋانى،   قوسىمشا ورىنباسار ساياسي كوميسسارى، ورتالىق زۇڭدۇيى 1-تىركەسپەلى قوسىنىنىڭ سىليڭيۋانى، قوسىمشا ساياسي كوميسسارى، شانشي- گانسۋ تارماق قوسىنى 3-زۇڭدۇيىنىڭ   ساياسي كوميسسارى سياقتى مىندەتتەردى  وتەيدى. 1936-جىلى 6-ايدا سوۆەت وداعىنا جىبەرىلىپ، جۇڭگو كوممۋنيستىك پارتياسىنىڭ كوممۋنيستىك ينتەرناتسيونال ۋاكىلدەر ۇيىرمەسىنىڭ ۋاكىلى مىندەتىن وتەيدى. 1937 - جىلى 9-ايدا ەلگە قايتا ورالىپ، جۇڭگو كوممۋنيستىك پارتياسىنىڭ شينجياڭداعى ۋاكىلى جانە 8-ارميانىڭ شينجياڭ ءىس باسقارماسىنىڭ  مەڭگەرۋشىسى مىندەتىن وتەيدى. 1939-جىلى كۇزدە يان-انعا بارىپ، جۇڭگو كوممۋنيستىك پارتياسى ورتالىق پارتيا مەكتەبىنىڭ باستىعى بولادى.

  1940-جىلدىڭ باسىندا،پارتيا ورتالىق كوميتەتى جۇمىسشى-قىزمەتشىلەر قوزعالىسىنا باسشىلىقتى كۇشەيتۋ ءۇشىن،دىڭ فانى  ورتالىق  جۇمىسشى-قىزمەتشىلەر قوزعالىسى كوميتەتىنىڭ شۋجيى ەتىپ اۋىستىرادى.    وسىدان كەيىن، ول ازات رايوندارداعى جۇمىسشى-قىزمەتشىلەر قوزعالىسىنىڭ باسشىلىق قىزمەتىن ۇستىنە الادى.    «جۇڭگو جۇمىسشىلارى» ايلىق جۋرنالىن باسقارىپ شىعارادى. 1945 - جىلى 9-ايدا جۇڭگو ازات رايوندارىنداعى جۇمىسشى-قىزمەتشىلەر    اتىنان جۇڭگو ەڭبەكشىلەر قوعامىنىڭ ۋاكىلدەر ۇيىرمەسى قۇرامىندا پاريج دۇنيە جۇزىلىك جۇمىسشىلار  بىرلەستىگىنىڭ قۇرىلۋ جينالىسىنا قاتىناسادى.

  1946-جىلى 4-ايدىڭ 8 - كۇنى دىڭ فا ۋاڭ روفەي،  چين باڭشيان، يە تيڭ قاتارلى جولداستارمەن بىرگە چۇڭچيڭنەن يان - انعا قايتقان جولدا ۇشاق شىرعالاڭى سەبەبىنەن سانشيدىڭ شيڭشيان اۋدانى حيچاشان تاۋىندا قازا تابادى، سول كەزدە ول 40 جاستا بولاتىن.

  دىڭ فا جولداستىڭ ءومىرى جۇڭگو كوممۋنيستىك پارتياسىنىڭ باسشىلىعىنداعى جۇمىسشىلار قوزعالىسىمەن تىعىز بايلانىستى. ول قاتارداعى ماتروستان جۇڭگو جۇمىسشىلار قوزعالىسىنىڭ  ارداگەرى جانە كوسەمى بولىپ جەتىلدى. جوۋ ىنلاي جولداس ونى «جۇمىسشىلار قوسىنىندا جەتىلىپ  شىققان كوسەم» دەپ اتادى.

  قاھارمان قايتىس بولعانىمەن، توڭكەرىستىك رۋحى ۇرپاقتان-ۇرپاققا جالعاسادى. تالاي جىلدان بەرى،  دىڭ فانىڭ بايىرعى تۇراعى قوعامنىڭ ءار سالاسىنداعى بۇقارادان جيىنى 150 مىڭنان استام ادام-رەت قابىلدادى، بايىرعى تۇراق قوعامنىڭ ءار سالاسىنا 100 كەزەككە تاياۋ تۇسىندىرمە     ازىرلەدى. 2018-جىلى 6-ايدا  دىڭ فانىڭ بايىرعى تۇراعىندا «جاڭا ءداۋىر قىزىل مادەنيەت ساباقحاناسى» قۇرىلدى.

«ءبىرىنشى دارەجەلى سوعىس قاھارمانى» ساۋ چيڭگۇڭ: شوقىداعى ەڭ سوڭعى جاۋىنگەر
 
    يۇننان ولكەسى چۋشيۇڭ يزۋ   اۆتونوميالى وبلىسى موۋديڭ اۋدانى گۇڭحى قالاشىعىنىڭ ساۋحى قىستاعىندا  «ءبىرىنشى دارەجەلى  سوعىس    قاھارمانى» ساۋ چيڭگۇڭنىڭ داڭقتى ىزگى ىستەرى ۇرپاقتان-ۇرپاققا  جالعاسىپ كەلەدى. اۋىلداس جاۋىنگەر سەرىكتەرىنىڭ سامايىن اق شالعانىمەن،ونى ەسكە الۋ ءۇشىن جازىلعان سول ءبىر قاھارمانعا ماداق جىر اۋىزدان-اۋىزعا تارالىپ كەلەدى.

  ساۋ چيڭگۇڭ 1925-جىلى يۇننان ولكەسى موۋديڭ اۋدانى جۇنتۇن اۋىلى (قازىرگى گۇڭحى قالاشىعى) ساۋحى قىستاعىندا ءبىر كەدەي ديقان وتباسىندا دۇنيەگە كەلگەن، ول وتباسىنىڭ  ۇلكەنى بولاتىن. 17 جاسىندا گومينداڭ  جاعىنان اسكەرلىككە ۇستالادى. 1948-جىلى جينجوۋ ازات بولعاننان كەيىن جۇڭگو حالىق ازاتتىق ارمياسىنا قوسىلىپ، 4 -دالالىق سوعىس ارمياسى 29-شىسى 356-تۋانى 1-يىڭى 1-ليانىنىڭ بانجاڭى بولادى. ازاتتىق ارمياعا قاتىناسقاننان كەيىن، پارتيا مەن حالىق  ارمياسىنىڭ  ماپەلەۋىندە،  ساۋ چيڭگۇڭ تەز ارادا وسكەلەڭ  ساياسي ساناعا يە تاڭداۋلى جاۋىنگەر بولىپ جەتىلىپ شىعادى. 1950 - جىلى حاينان ارالىن ازات ەتۋ شايقاسىندا ول ەرلىكپەن سوعىس جۇرگىزىپ،سوعىستا ەڭبەك كورسەتەدى.

  1951-جىلى 3-ايدا ساۋ چيڭگۇڭ تۇرعان حالىق ەرىكتىلەر ارمياسىنىڭ ليان-دۇيى حۇڭچۋانجياڭنىڭ سولتۇستىك جاعاسىنداعى ۋاڭيۋەشاننىڭ سولتۇستىك تاۋىندا جىلجىمالى قورعانىس مىندەتىن اتقارادى. ول ءبىر سوعىس گرۋپپاسىن باستاپ، وزەن جاعاسىنداعى الدىڭعى شەپكە وتە جاقىن 286 شوقىسىن تاباندىلىقپەن قورعايدى. 18-كۇنى جاۋلار 4 بومبى اتار جانە 20 نەشە مينومەتپەن شوقىنى سۇراپىل اتقىلايدى. جاۋلاردىڭ كوپ رەتكى شابۋىلىنا تويتارىس بەرگەننەن كەيىن، جاۋىنگەر سەرىكتەرى تۇگەل قۇربان بولادى، شوقىدا تەك ساۋ چيڭگۇڭ جالعىز قالادى.

  قۇمىرىسقاداي قاپتاپ كەلە جاتقان قالىڭ جاۋدىڭ الدىندا، وڭ جاق  بىلەگىن وق جۇلىپ كەتكەن، تۇتاس دەنەسى اۋىر جارالانعان ساۋ چيڭگۇڭ ەڭ سوڭعى گراناتتىڭ بىلتەسىن تارتىپ،جاۋلاردى وزىمەن بىرگە الا كەتەدى،سول جىلى 26 جاستا عانا ەدى. اسكەري شتاپ ونىڭ قاھارماندىق ىزگى ىستەرىن جىرعا قوسىپ، بۇكىل ارميادا كەڭىنەن شىرقاپ، قولباسىلار مەن جاۋىنگەرلەردى جاۋدى ەرلىكپەن جويىپ،وتاندى قورعاۋعا جىگەرلەندىرەدى.

  قاھارمان ارامىزدان كەتكەنىمەن، رۋحى ماڭگى جالعاسادى. بۇگىنگى كۇنى ساۋ چيڭگۇڭ قۇرباننىڭ   شوبەرەسى ساۋ ميڭشين اكەسىمەن  زامانداس ادامداردىڭ وعان اتاسىنا بەرىلگەن اسكەري مەدالدى ءبىرىنشى رەت كورسەتكەن كەزدەگى كورىنىستى قايتالاي ەسكە العاندا تەبىرەنگەن  كوڭىل كۇيىن باسا الماي: «قابات-قابات ورالعان قىزىل تورعىندى    اشىپ،ءتوراعا ماۋ زىدۇڭنىڭ باس سۋرەتى تۇسىرىلگەن مەدالدى سيپادىم، قۇرباننىڭ ۇرپاعى بولعان مەن داڭق سەزىنەمىن» دەدى. ساۋ ميڭشين مىناعان كامىل سەنەتىندىگىن ايتتى: قۇربانداردىڭ رۋحى، ءسوز جوق، ۇرپاقتان-ۇرپاققا جالعاسادى، ماڭگى الاۋلايدى، «قاھارماندى ەسكە الۋ جانە ساعىنۋ _ اتا-بابالارىمىزدىڭ قۇربان بولعاندىعىن ەسىمىزدەن شىعارماۋىمىزدىڭ ءارى تاماشا تۇرمىسقا تالپىنۋىمىزدىڭ رۋحاني قوزعاۋشى كۇشى».


ماقالالار «شينجياڭ گازەتىنەن» الىندى.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn