ايماقتىق پارتكومنىڭ باسشىلارى «1-شىلدە» دە امانداسا بارىپ، حال سۇراۋ قيمىلىن ورىستەتتى

6-ايدىڭ 27-كۇنى شۋە بين قيىنشىلىعى بار بۇقارا يلي سامەتاحۇن وتباسىنا امانداسا بارىپ،حال سۇرادى. سۋرەتىن تارتقان ءتىلشىمىز ۋىن بو

  تىلشىلەرىمىز ۋىن بو، جاڭ پەيچي   

  «1-شىلدە» پارتيا قۇرىلعان مەرەكە قارساڭىندا، ايماقتىق پارتكومنىڭ شۋجيى شۋە بين قاتارلى ايماق باسشىلارى  ءارقايسى اۋدان، قالاعا بارىپ، نەگىزگى ساتىداعى ساقا پارتيا مۇشەلەرىنە جانە  قيىنشىلىعى بار بۇقاراعا امانداسا بارىپ، حال سۇرادى. قالىڭ پارتيا مۇشەلەرىنە مەرەكەلىك سالەم جولداپ، ىزگى تىلەكتەرىن ءبىلدىردى.

  6-ايدىڭ 27-كۇنى شۋە بين  شاعانتوعاي اۋدانى جاڭاجەر اۋىلى العا قىستاعىنا بارىپ،مەرەكەلىك سالەمى  مەن ىزگى تىلەگىن نەگىزگى ساتىداعى پارتيا مۇشەسى ياڭ يۇڭشىڭنىڭ وتباسىنا جەتكىزە: «‹1-شىلدە› پارتيا قۇرىلعان مەرەكە تاياپ قالدى،بيىل مول ءونىم الۋىڭدى،وتباسىڭنىڭ بارلىق ءىسى   ءساتتى بولۋىن،قىستاققا كوپتەپ ۇلەس قوسۋىڭدى تىلەيمىن! » دەدى.

  جاز ورتاسى جازعى جيىن–تەرىن باستالاتىن مەزگىل، ياڭ يۇڭشىڭ وتباسىنداعىلارىنىڭ جۇزدەرىنەن مول ءونىم شاتتىق لەبى ەسەدى. شۋە بين ياڭ يۇڭشىڭمەن اڭگىمە دۇكەنىن   قۇرىپ، ونىڭ بيىلعى ەگىس داقىلدارىنىڭ ءوسۋ جاعدايىن ىشكەرىلەي ۇعىستى، ياڭ يۇڭشىڭنىڭ ەككەن ءبيداي مەن ماقسارىنىڭ ءوسۋى جاقسى بولعانىن بىلگەننەن كەيىن شۋە بين ەرەكشە قۋاندى ءارى ونىڭ  اتىز-ارىق باسقارۋدى ۇزدىكسىز كۇشەيتىپ، قاجىرلى ەڭبەكپەن مول ءونىم الۋىن ءۇمىت ەتتى.

  جازعى كۇنى شاعىن اۋلا تازا دا رەتتى. ءجۇزىم سورەسىندەگى بۇتاق بىتىك  ءوسىپ، شوق-شوق گۇلدەر قۇلپىرا  اشىلىپ، شالقىعان تاماشا تۇرمىستى    ايشىقتاپ تۇرعانداي. جاڭاجەر اۋىلى مۇقىر قىستاعىنداعى قيىنشىلىعى بار بۇقارا يلي سامەتاحۇننىڭ وتباسىنا بارعاندا   شۋە بين حال سۇراۋ قاراجاتى مەن حال سۇراۋ بۇيىمىن ۇسىنىپ، ولارمەن پارتيانىڭ جاقسى ساياساتى تۋرالى اڭگىمەلەسىپ، ءۇي ىشىنەن شاتتىق كۇلكىسى تولاستامادى.

  بيىل يلي سامەتاحۇننىڭ جاڭادان سالعان بەيقۇت ءۇيىنىڭ نەگىزگى تۇلعاسى سالىنىپ بولىپ، اشەكەيلەۋ باسقىشىنا  وتكەن. ءبىر ءۇيلى جاننىڭ قىزمەتى كوڭىلدەگىدەي، كىرىستەرى ورنىقتى،تۇرمىستارى بارعان سايىن باقىتتى   بولعان. ولاردىڭ ءاربىر اۋىز سوزىنەن پارتيانىڭ قامقورلىعىنا بولعان العىس سەزىمدەرى مەنمۇندالايدى.

  شۋە بين: «بۇگىنگى باقىتتى تۇرمىستىڭ بارلىعى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىنان كەلگەن، پارتياعا العىس ايتىپ، پارتيانىڭ سوزىنە قۇلاق اسىپ،پارتياعا ىلەسىپ، پارتيانىڭ  جاقسى ساياساتىنىڭ كومەگىندە، ءوز قۇلشىنىسىمىز بەن كۇرەسىمىز ارقىلى  ءتىپتى دە جاقسى تۇرمىس كەشىرۋىمىز كەرەك» دەدى يلي سامەتاحۇن وتباسىنا تاپسىرىپ.

  6-ايدىڭ 30-كۇنى ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ  ۋاليى  مۇقيات  جارمۇحامبەت تولى اۋدانى كۇپ اۋىلى لاڭگوتەل قىستاعىنا بارىپ، نەگىزگى ساتىداعى ساقا  پارتيا  مۇشەسى  جالەلبەك يمانباي وتباسى مەن قيىنشىلىعى بار بۇقارا نۇرلان ۇلىقبەك وتباسىنا امانداسا بارىپ،حال    سۇرادى.

  جالەلبەك يمانباي وتباسىندا  مۇقيات جارمۇحامبەت ونىمەن    شۇيىركەلەسىپ، ونىڭ دەنساۋلىق جاعدايىن، ەكونوميكالىق كىرىسى مەن وتباسى جاعدايىن سۇراپ، ساقا پارتيا مۇشەسىنىڭ قارتايعاندا كورەتىن قىزىعى بولۋى، دەنىنىڭ ساۋ بولىپ، سوڭعى تۇرمىسىن جايلى  وتكىزۋىنە تىلەكتەستىك ءبىلدىردى. نۇرلان ۇلىقبەك وتباسىنا مۇقيات جارمۇحامبەت حال سۇراۋ قاراجاتى مەن حال سۇراۋ بۇيىمىن ۇسىنىپ، ولاردى سەنىم ورناتىپ، جىگەرلەرىن تاسقىنداتىپ، تۇرمىس جاعدايىن بىرتىندەپ وزگەرتۋگە، تۇرمىستى بارعان سايىن جاقسى وتكىزۋگە شابىتتاندىردى.

  ۇعىسۋعا قاراعاندا، «1-شىلدە» پارتيا قۇرىلعان مەرەكەنىڭ الدى-ارتىندا ايماقتىق پارتكوم باسشىلىق القاسىنىڭ مۇشەلەرى نەگىزگى ساتىداعى ساقا پارتيا مۇشەلەرى مەن   قيىنشىلىعى بار بۇقارانىڭ وتباسىنا  امانداسا بارىپ، حال سۇراۋ قيمىلىن ورىستەتەدى ەكەن.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى