قىستاق تۇرعىندارىن قويان باعىپ اۋقاتتانۋعا باستادى

  6-ايدىڭ 27-كۇنى 6-كەزەكتى اۆتونوميالى رايوندىق ءمورال ۇلگىسى چىن ياۋپيڭ داڭقپەن ورالدى،پويەز  بەكەتىنەن شىعا كەلگەندە گۇل الىپ شىققاندار مەن شاپالاق سوعىپ قارسى العاندار ونى اينالا قاۋمالاپ الدى. اقسۋ قالاسى بەستيىرمەن اۋىلى ارالدىڭگار قىستاعىنا  قايتىپ كەلگەن چىن ياۋپيڭنىڭ ۇلگىلى ىستەرىن تانىستىرۋ جينالىسىندا،تەبىرەنىسپەن تۋىسقانى تۇرسىن توقتىمەن قول الىسىپ،قۇشاقتاسىپ امانداسقانى  ولاردىڭ اراسىن ءتىپتى دە جاقىنداتا   ءتۇستى.

  چىن ياۋپيڭ: «مەن تەك شامام كەلەتىن ىستەردى ىستەدىم،ال،اۆتونوميالى  رايوندىق ءمورال ۇلگىسى بولعان  ەرەكشە ناتيجەمدى تۋىسقانىم تۇرسىنمەن بولعان قويۋ قاتىناسىمنان بولە قاراۋعا بولمايدى، تۋىسقانىم تۇرسىن ەكەۋىمىز بىرلىكتە قويان باققاندىقتان وسى داڭققا يە بولدىم» دەدى.

    ۇلگىلى ىستەرىن تانىستىرۋ جينالىسى اياقتاسا دا،كوپتەگەن قىستاق تۇرعىندارى تاراي قويمادى،ولار چىن ياۋپيڭنەن  انا-مىنانى سۇراستىرىپ،چىن ياۋپيڭ مەن تۇرسىننىڭ قويان باعۋ سەلبەستىك كووپەراتيۆىنە كىرۋ ويلارى بار ەكەنىن ايتتى. قىستاق تۇرعىنى ءيۇسىپ تۇرسىن:«مەن چىن ياۋپيڭنەن ۇيرەنىپ، قاجىرلى قوس قولىما سۇيەنىپ،باقىتتى تۇرمىس  جاراتىپ،ۇلتتار ىنتىماعىنىڭ ۇلگىسى بولۋعا قۇلشىنامىن» دەدى.

  2013-جىلدىڭ باسىندا چىن ياۋپيڭ مەن ايەلى حىنان ولكەسىنەن ارالدىڭگار قىستاعىنا جالدانبا جۇمىس ىستەۋگە  كەلگەن كەزدە،قاتىناس شىرعالاڭىنان اياعى مەرتىگىپ،مۇگەدەك بولىپ قالعان تۇرسىنمەن تانىسقان،ولار ارالاسا كەلە تۋىستاي بولىپ كەتەدى. چىن ياۋپيڭ:   «سول كەزدە تۇرسىننىڭ بەيقۇت ءۇيى سالىنۋ ۇستىندە ەكەن،ءبىر ءۇيلى جان قابىرعالارى جارىلىپ كەتكەن،جالعىز دىڭگەكپەن تىرەپ قويعان تام ۇيدە   وتىراتىن،3 بالاسىنىڭ ۇستىنە ىلەرلىك ءوڭى ءتۇزۋ كيىمدەرى دە جوق بولاتىن»دەيدى.

  سول كەزدەن باستاپ،چىن ياۋپيڭ ۇنەمى تۇرسىننىڭ ۇيىنە بارىپ،بارعان سايىن كۇرىش، ۇن، ازىقتىق ماي اپارىپ،كەي كەزدەرى بازارعا ارنايى بارىپ، 3 بالاسىنا كيىم-كەشەك، وقۋ قۇرالدارىن اكەلىپ بەرسە، تۇرسىن مەن ايەلى اقسۋ قالاسىنا ناۋقاس كورسەتە بارىپ، شيپاحاناعا جاتىپ قالعاندا،چىن ياۋپيڭ مەن ايەلى 3 بالانى قاستارىنا اكەلىپ، ولاردىڭ تۇرمىسى مەن ۇيرەنۋىنە قارايلاسادى ءارى    تۇرسىننىڭ قارىزدانىپ، قاۋعالانىپ  ناۋقاس كورسەتىپ جاتقانىن بىلگەن سوڭ، بالالاردىڭ قالتاسىنا بىلدىرتپەي اقشا سالىپ قويادى.

  «چىن ياۋپيڭنىڭ كىرىسى دە جوعارى ەمەس، الايدا بىزگە جاساعان قامقورلىعى بارلىق تۋىس-تۋعان، جاناشىر-    جاقىنداردان اسىپ كەتتى» دەيدى     چىن ياۋپيڭنىڭ كومەگىندە وتباسى  تۇرمىسى بىرتىندەپ وڭالا باستاعان تۇرسىن.

  كەدەيلىكتەن ارىلۋ ءۇشىن قۇلشىنا ىستەپ كىرىس كىرگىزۋ كەرەك. قويان باعۋ تاجىريبەسى بار چىن ياۋپيڭ   تۇرسىندى قويان باعىپ كەدەيلىكتەن  ارىلۋعا جىگەرلەندىردى ءارى حىنان  ولكەسىنە ارناۋلى بارىپ 5 مىڭ يۋان اقشا شىعارىپ، ءبىرىنشى توپتاعى قوياندى كىرگىزدى.

  قويان باعىمشىلىعىندا ازىقتاندىرۋ، ىندەتتەن ساقتانۋ، ۇرىقتاندىرۋ سياقتى نەگىزگى تۇيىندەر توتەنشە ماڭىزدى، باعىمشىلىق جاعىنان تاجىريبەسىز   تۇرسىننىڭ تەك چىن ياۋپيڭنەن كومەك سۇراۋىنا تۋرا كەلەتىن. چىن ياۋپيڭ: «ەشكىم كومەكتەسپەسە ول جۇمىسىن جۇرگىزە المايتىن ەدى. سول كەزدە مەن جالدانبا جۇمىس ىستەمەي،ونىڭ ۇيىندە تۇرىپ،قويان باعۋىنا كومەكتەسۋ    بەكىمىنە كەلدىم» دەدى.

  2015-جىلدىڭ باسىندا چىن ياۋپيڭ تۇرسىننىڭ ۇيىنە بارىپ، وعان باعىمشىلىق تاجىريبەسىن ۇيرەتە باستايدى جانە  قويان باعۋ الاڭىنىڭ ارناعا ءتۇسۋى  ءۇشىن ءوز قالتاسىنان 100 مىڭ يۋان اقشا شىعارادى.

  چىن ياۋپيڭ مەن تۇرسىننىڭ بىرلىكتە قۇلشىنۋىندا 2015-جىلدىڭ اياعىندا، چىن ياۋپيڭ مەن تۇرسىن ءبىرىنشى توپتاعى ءبىر اۆتوموبيل قوياندى بازارعا سالىپ، نە بارى 40 مينۋتتىڭ ىشىندە قالتالارىنا 10 مىڭ يۋان تۇسەدى.     وسىدان كەيىنگى بىرنەشە جىلدا ولار  باعىمشىلىق كولەمىن ۇزدىكسىز كەڭەيتىپ، قوراداعى قويان سانى 3200 گە جەتىپ، 2018-جىلعى كىرىستەرى 200 مىڭ يۋاننان اسادى.

  قازىر تۇرسىننىڭ وتباسىندا تەلەۆيزور، كىر جۋۋ ماشيناسى سياقتى ەلەكتر   جابدىقتارى تولىق، اۋلاسى رەمونتتالىپ شىت جاڭا تۇسكە ەنگەن،اۋلا ىشىندە كۇيلى-قوڭدى قوياندار اسىر سالىپ جايىلىپ جۇرسە؛ اۋلا سىرتىنداعى بوس جەر تەگىستەلىپ، قويانعا جاڭا قورا سالۋدىڭ دايىندىعى جاسالۋدا.

  چىن ياۋپيڭ: «بۇل داڭق مەن ءۇشىن العاندا ءبىر ءتۇرلى جاۋاپكەرشىلىك.   الداعى جەردە ءتىپتى دە كوپ قىستاق تۇرعىنىمەن ىنتىماقتاسا وتىرىپ، ءبىر نيەت، ءبىر تىلەكتە بولىپ، ولاردى بىرلىكتە قويان باعىپ اۋقاتتانۋعا باستايمىن» دەدى.



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى