ەەڭ جاڭا مازمۇندار
كوك زەڭگىر اسپان، اقشا بۇلت، كوز جاۋىن الار كوركەم كورىنىس
لياۋنيڭ ولكەسىنىڭ مادەنيەت-كوركەمونەر شاعىن ۇيىرمەسى ايماعىمىزعا كەلدى
ايماقتىق ساياسي كەڭەس قىزمەت كوميتەتى 2019-جىلعى 2-توقسانداعى 2-رەتكى ءماسليحات ءماجىلىسىن اشتى
پارتيانىڭ ساياسي قۇرىلىسىن ىلگەرىلەتۋدەگى سانالىلىق پەن تاباندىلىقتى كۇشەيتەيىك
شۇعىل قۇتقارۋ بىلىمدەرىنەن ساۋات بەردى
قاسيەتىن ماڭگى ساقتايتىن تۋ بولدى
شاعانتوعاي اۋدانىنىڭ 150 مىڭ مۋلىق ماقسارىسى كوركەم كورىنىسكە اينالدى
شيحۋ توراڭعى ورمانى سۋ ءۇستى باقشاسى ءسىزدى جازدى كوڭىلدى وتكىزۋگە شاقىرادى
ءسىز اڭساعان جاز كەلبەتى وسىندا
شينجياڭعا كومەكتەسۋ بارىسىندا ءومىرىن ارلەندىرە ءتۇستى
بۇقارانىڭ كوڭىل تۇپكىرىنەن ورىن الدى
الۋان ءتۇر، اسقاق كوڭىلمەن مەرەكەنى قارسى الدى
شاۋەشەك قالاسى شارلاپ تەكسەرۋدىڭ كولەمىن اتىز باسىنا دەيىن كەڭەيتتى
وقۋ-اعارتۋ ىستەرىنە تاباندى بولىپ، شۇعىلالى تابىستارعا قول جەتكىزدى
ەڭ سۇيىكتى ءورت ءوشىرۋشى
پارتيا قۇرىلىسىنىڭ نەگىزگى كاسىبىن مىقتى يگەرىپ، جاۋىنگەرلىك قامالدى بەكەمدەيىك
ازىق-تۇلىك حاۋىپسىزدىگى وتكەلىن
ماڭايىمىزداعى كوركەمونەرشىلەرمەن تانىسايىق
ايماعىمىزدىڭ الدىڭعى جارىم جىلداعى جۇمىستاندىرۋ جاعدايى ورنىقتى ارتتى
چىن چۋانگو ۇرىمجىدە كاسىپورىنداردىڭ ءوندىرىس،تيجارات جاعدايىنا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
شاۋەشەك قالاسى 90 ميلليون يۋان قارجى قوسىپ،50 كيلومەتر ۇزىندىقتاعى جىلۋمەن قامداۋ قۇبىر تورابىن جاڭالادى
«جاقسى ىستەپ، تىپتى دە جوعارى ەڭبەكاقى الۋعا كۇش سالامىن»
قۇرىلىم رەفورماسىنىڭ جاڭا جاعدايىن بارشا جۇرت القادى
ىنتا-پەيىلىمەن كۇش سالا قىزمەت وتەدى
مەيىرگە تولى جانۇيا قۇردى
ەكولوگيالىق ورتاسى كوركەم سۋرەتتەي شاعانتوعاي
شاۋەشەكتە باس قوسىپ، اككوردەون مەرەكەسىنەن ءلاززاتتانايىق
شاعانتوعاي اۋدانىندا ماقسارى گۇل اشىپ، شارۋالار شاتتىققا شومدى
ءبيدايعا وراق سالىندى
تاربيە ايىندا ستيل تازارتۋ قيمىلى تەبىندى ورىستەتىلدى

تولەۋ تىڭ تىرشىلىگىن باستادى

جولدانعان ۋاقىتى : 2019/7/10 18:05:36

   ءتىلشىمىز زىڭ جاۋمەي،ەرىكتى   ءتىلشى شىن شينيۇي حابارلايدى. 7-ايدىڭ 1-كۇنى ساۋان اۋدانى شيگوبي قالاشىعى قىزىل شوقى اترەتىنىڭ قىستاق تۇرعىنى پاريدا قاينوللا: «ءار كۇنى 20 كيلوگرام قىمىز ساتامىن،ءبىر كيلوگرامى 20 يۋان، قازىرگى كىرىس جاعدايىما قاراعاندا ەكى جىلدان كەيىن قارىزىمدى قايتارىپ بولادى ەكەنمىن، جارقىن شۋجي مەن قىزمەت اترەتىنىڭ مۇشەلەرىنىڭ كوڭىل ءبولىپ كومەكتەسكەنىنە شىنايى العىس ايتامىن» دەدى.

   ساۋان اۋداندىق دامۋ جانە رەفورمالاۋ كوميتەتىنىڭ قىستاقتا تۇراتىن قىزمەت اترەتىنىڭ مۇشەسى مادەي ىرىسبەك پەن قىزىل شوقى اترەتىنىڭ شۋجيى جارقىن كاكىم تولەۋ احىماديدىڭ ۇيىنە قايتالاي جاعداي ۇعىسقالى بارعانىندا،تولەۋ اۋلاسىنداعى ەندى عانا كوكتەپ كەلە جاتقان جوڭىشقانى سۋارىپ جۇرسە،  ايەلى پاريدا بيە ساۋعان شەلەگىن كوتەرىپ كەلە جاتقان ەدى. ەكى ادامنىڭ كەلگەنىن كورگەن پاريدا ولاردى    كوڭىلدى بەينەمەن دەرەۋ ۇيگە باستايدى ءارى ولارعا اشۋى بابىنا كەلگەن قىمىزىن قۇيىپ: «ءدامىن تاتىپ   كورىڭىزدەرشى، وسى رەتكى اشىتقان قىمىز، قازىر ءدال بابىندا» دەدى.

    مىنە وسىنداي جاراسىمدى تۇرمىس كارتيناسىنىڭ استارىندا مەيىر-شاپاعاتقا تولى اڭگىمە جاتىر.

   اسىلىندە تولەۋ اۋقاتتى وتباسى   بولماسا دا، ورنىقتى دا باقىتتى تۇرمىس كەشىرىپ كەلگەن،وتباسىندىق كىرىسى نەگىزىنەن مال باعۋدان كەلەتىن، الايدا، ەكى جىلدىڭ الدىندا تاۋدا مال باعىپ جۇرگەنىندە ءوزىنىڭ جانە كوتەرىپ الىپ باققان باسقا مالشىلاردىڭ قويىن قامتىعان 200 تۇياقتان ارتىق قويدى جوعالتىپ الادى دا،وتباسى ءبىر-اق جولدا قيىنشىلىق قىسپاعىندا قالادى. ول باسقا مالشىلاردىڭ قويىن تولەپ بەرۋدەن تىس، ءوزى قوي ساتىپ الۋعا العان  قارىزىن قايتارۋداي اۋىر قيىنشىلىققا ءدوپ كەلەدى. مۇنداي قىسىم مەن    اۋىرتپالىق ونىڭ جىگەرىن مۇقالتىپ، ومىردەن دە تۇڭىلدەرگەن كەزدەرى بولدى.

   بيىل 4-ايدا مادەي مەن جارقىن   تولەۋدىڭ قيىنشىلىعىن بىلگەن سوڭ، وتباسىنا بارىپ يدەيالىق قىزمەت جۇرگىزىپ، تۇرمىسقا دەگەن سەنىمىن    بەكەمدەيدى، الايدا، سوعان سايكەستى جاڭا ماسەلەلەر دە تۋىلا باستايدى، تولەۋدىڭ باسقا  ونەرى جوق، مەملەكەتتە ءبىرتۇتاس قولدانىلاتىن تىلدە دە جاتتىق سويلەي المايدى، اسىرەسە، وتكەن جولعى قوي جوعالتۋ ءىسى قىستاق تۇرعىندارىنىڭ وعان دەگەن سەنىمىن بارىنشا تومەندەتكەن ەدى.

   تولەۋ سىرتقا شىعىپ جۇمىس ىستەمەكشى بولادى، الايدا، لايىقتى جۇمىس تابا الماي شاراسىزدان قىستاققا قايتىپ كەلىپ، ماڭايىنداعى كورشى-قولاڭداردىڭ قوي، سيىرىن باعۋىنا كومەكتەسىپ كۇن كورەدى. ونىڭ جاعدايى مادەي مەن جارقىندى قاتتى الاڭداتىپ، ەشقاشان ەستەرىنەن كوتەرىلمەيدى، دەسەدە، دەر كەزىندە وعان كومەكتەسىپ، قيىنشىلىق قىسپاعىنان قۇتىلدىرۋدىڭ امالىن تابا المايدى.

   ءبىر جولى مادەي مەن جارقىن قىستاقتا تۇراتىن قىزمەت اترەتىنىڭ تاعى ءبىر مۇشەسى لۋ شيمەن      اڭگىمەلەسىپ وتىرعاندا، تولەۋدىڭ جاعدايىن اۋىزعا الادى، لۋ شي: «نەگە ونىڭ ءوز ابزالدىلىعىن ساۋلەلەندىرمەيمىز، ول مال باعۋعا باپانداي   بولار، جارقىن شۋجي جىلقىڭىزدى    ەجەلدەن باسقالارعا باقتىرىپ كەلە جاتسىز ەمەس پە، ەندى تولەۋگە  باقتىرىپ، وعان ءبىر وراي  بەرىڭىز» دەدى.

   مۇنى ەستىگەن جارقىن قاتتى     قۋانىپ: «راس-اۋ،جىلقىمدى باسقالارعا باقتىراتىنىمدى نەگە ەسىمنەن شىعارىپ قويعانمىن،قولىمداعى 11 بيە دە ءسۇتتى بيەلەر، تاۋدا قىمىزدىڭ ءوتىمى دە جاقسى بولمادى،جىلقىمدى تاۋدان ويعا ءتۇسىرىپ، تولەۋگە   باقتىرايىن، ونان سوڭ ۇيىمدەگى قىمىز اشىتاتىن جابدىق تا ىستەتىلمەي  بەكەر تۇر،ونى دا وعان بەرەيىن، قىمىز ساتقاننان كىرگەن كىرىس تە سونىكى بولسىن، سول ارقىلى قايتا ەڭسەسىن كوتەرسىن» دەدى.

   قازىر تولەۋ مەن جۇبايىنىڭ ءار كۇنى جارقىننىڭ 15 جىلقىسى مەن ءوزىنىڭ ەكى جىلقىسىن باعىپ،    قىمىزىن ساتىپ قاربالاستىققا تۇسكەن جاڭا تۇرمىسقا دەگەن سەنىمى    بەكەمدەلە ءتۇستى. ول: «جارقىننىڭ اقشا تابۋ ورايىن بەرگەنىنە، قىزمەت اترەتىندەگىلەردىڭ ۇگىت       جۇرگىزىپ، قىمىز ساتۋىما كومەكتەسكەنىنە ەرەكشە العىس ايتامىن، قايراتتانا ىستەپ، كوپشىلىكتىڭ  كومەگى مەن قامقورلىعىن جەردە قالدىرمايمىن» دەدى.



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn