ءتىلشىمىز داي جياۋمەي حابارلايدى. 7-ايدىڭ 4-كۇنى ۇكىمەتتىڭ جاڭا بۇعالتىرلىق ولشەمدى ءتۇزىمىنىڭ ناقتى جۇمىسىن مەڭگەرۋ جانە ىشكى جاقتان مەڭگەرۋ ءتۇزىمى كۋرسى ايماقتىق پارتكوم پارتيا مەكتەبىنىڭ كوپ فۋنكتسيالىق عيماراتىنىڭ 2-قاباتىندا رەسمي اشىلدى، كۋرس مەرزىمى 7 كۇن.
كۋرس مازمۇنى «ۇكىمەت بۇعالتىرلىق تۇزىمىندەگى بۇعالتىرلىق ەسەپ تۇرلەرىنىڭ قولدانىلۋى، كىرىم، قاراجات جانە مەجە ەسەپتەگى كىرىم-شىعىمدى ەسەپتەۋدىڭ ناقتى جۇمىستارىن مەڭگەرۋدى ورنالاستىرۋ»، «مال-مۇلىك، قارىز، تازا مال-مۇلىك تۇرىندەگى كاسىپتىك ەسەپتەۋدىڭ ناقتى جۇمىستارىن مەڭگەرۋ»، «ۇكىمەت بۇعالتىرلىق تۇزىمىندەگى جاڭا، كونە تۇزىمدەردى ۇشتاستىرۋ» سياقتى 8 جاقتاعى مازمۇنداردى قامتيدى. ايماقتاعى 5 اۋدان، 2 قالاداعى جانە ايماققا توتە قاراستى قازىنا تاراۋلارىنىڭ كاسىپتىك تىرەكتىلەرى مەن اكىمشىلىك، ءىسورىندارىنداعى قازىنا ىستەرى قىزمەتكەرلەرىنەن 350 دەن استام ادام كۋرسكە قاتىناستى.
كۋرستا ايماقتىق ساۋدا ىستەرى مەكەمەسىنىڭ بۇعالتىرى لوۋ كى-يۋاننىڭ تابىسى وتە مول بولدى، ول: «ساباق وتەتىن وقىتۋشىنىڭ ءتۇسىندىرۋ ءادىسى جاندى دا ۇعىنىقتى، كەلتىرگەن مىسالدارى قاراپايىم دا تۇسىنىكتى ەكەن، بۇل ءبىزدىڭ جاڭا ءتۇزىمدى ءىس جۇزىندىك قىزمەت بارىسىندا ءتىپتى دە جاقسى قولدانۋىمىزعا كومەگى تيەدى» دەدى.
ايماقتىق پارتكومنىڭ ورىنباسار باس حاتشىسى،ايماقتىق قازىنا مەكەمەسى پارتگرۋپپاسىنىڭ شۋجيى چىن چاڭچيڭ: «ايماقتىق قازىنا مەكەمەسى شىعىس سولتۇستىك قازىنا-ەكونوميكا داشۋەسىنىڭ مامانىن وسى كەزەكتى كۋرسانتتارعا ساباق وتۋگە ۇسىنىس ەتتى. كۋرس ارقىلى ءارقايسى اۋدان، قالالاردىڭ ورگان، ءىسورىندارىنداعى قازىنا ىستەرى قىزمەتكەرلەرىنىڭ جاڭا ءتۇزىمدى ىشكەرىلەي تولىق ءتۇسىنىپ، كاسىپتىك ورەلەرىن جوعارىلاتىپ، قازىنا قىزمەتكەرلەرىنىڭ زاڭ بويىنشا قازىنا باسقارۋ، جوعارى ءونىمدى قازىنا باسقارۋ قابىلەتىن جوعارىلاتىپ، قازىنا قارجىسىنىڭ پايدالانىلۋ ونىمدىلىگىن شىن مانىندە ساۋلەلەندىرۋىنە مۇمكىندىك جاسادىق» دەدى.
ايماقتىق دەنە تاربيە سارايىن باسقارۋ ورتالىعىنىڭ بۇعالتىرى ياڭ يىڭ: «كۋرس ارقىلى مەن ۇكىمەتتىڭ جاڭا بۇعالتىرلىق ءتۇزىمىن ۇيرەنۋدىڭ ماڭىزدىلىعىن ءتىپتى دە تەرەڭ ءتۇسىندىم، بۇل مەنىڭ بۇعالتىرلىق ءتۇزىمدى ءتىپتى دە جاقسى قولدانۋىما نەگىز قالادى» دەدى.
ۇعىسۋعا قاراعاندا، ۇكىمەتتىڭ جاڭا بۇعالتىرلىق ءتۇزىمى 2019-جىلى 1-ايدىڭ 1-كۇنىنەن باستاپ اتقارىلعان ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى