ەەڭ جاڭا مازمۇندار
كوك زەڭگىر اسپان، اقشا بۇلت، كوز جاۋىن الار كوركەم كورىنىس
لياۋنيڭ ولكەسىنىڭ مادەنيەت-كوركەمونەر شاعىن ۇيىرمەسى ايماعىمىزعا كەلدى
ايماقتىق ساياسي كەڭەس قىزمەت كوميتەتى 2019-جىلعى 2-توقسانداعى 2-رەتكى ءماسليحات ءماجىلىسىن اشتى
پارتيانىڭ ساياسي قۇرىلىسىن ىلگەرىلەتۋدەگى سانالىلىق پەن تاباندىلىقتى كۇشەيتەيىك
شۇعىل قۇتقارۋ بىلىمدەرىنەن ساۋات بەردى
قاسيەتىن ماڭگى ساقتايتىن تۋ بولدى
شاعانتوعاي اۋدانىنىڭ 150 مىڭ مۋلىق ماقسارىسى كوركەم كورىنىسكە اينالدى
شيحۋ توراڭعى ورمانى سۋ ءۇستى باقشاسى ءسىزدى جازدى كوڭىلدى وتكىزۋگە شاقىرادى
ءسىز اڭساعان جاز كەلبەتى وسىندا
شينجياڭعا كومەكتەسۋ بارىسىندا ءومىرىن ارلەندىرە ءتۇستى
بۇقارانىڭ كوڭىل تۇپكىرىنەن ورىن الدى
الۋان ءتۇر، اسقاق كوڭىلمەن مەرەكەنى قارسى الدى
شاۋەشەك قالاسى شارلاپ تەكسەرۋدىڭ كولەمىن اتىز باسىنا دەيىن كەڭەيتتى
وقۋ-اعارتۋ ىستەرىنە تاباندى بولىپ، شۇعىلالى تابىستارعا قول جەتكىزدى
ەڭ سۇيىكتى ءورت ءوشىرۋشى
پارتيا قۇرىلىسىنىڭ نەگىزگى كاسىبىن مىقتى يگەرىپ، جاۋىنگەرلىك قامالدى بەكەمدەيىك
ازىق-تۇلىك حاۋىپسىزدىگى وتكەلىن
ماڭايىمىزداعى كوركەمونەرشىلەرمەن تانىسايىق
ايماعىمىزدىڭ الدىڭعى جارىم جىلداعى جۇمىستاندىرۋ جاعدايى ورنىقتى ارتتى
چىن چۋانگو ۇرىمجىدە كاسىپورىنداردىڭ ءوندىرىس،تيجارات جاعدايىنا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
شاۋەشەك قالاسى 90 ميلليون يۋان قارجى قوسىپ،50 كيلومەتر ۇزىندىقتاعى جىلۋمەن قامداۋ قۇبىر تورابىن جاڭالادى
«جاقسى ىستەپ، تىپتى دە جوعارى ەڭبەكاقى الۋعا كۇش سالامىن»
قۇرىلىم رەفورماسىنىڭ جاڭا جاعدايىن بارشا جۇرت القادى
ىنتا-پەيىلىمەن كۇش سالا قىزمەت وتەدى
مەيىرگە تولى جانۇيا قۇردى
ەكولوگيالىق ورتاسى كوركەم سۋرەتتەي شاعانتوعاي
شاۋەشەكتە باس قوسىپ، اككوردەون مەرەكەسىنەن ءلاززاتتانايىق
شاعانتوعاي اۋدانىندا ماقسارى گۇل اشىپ، شارۋالار شاتتىققا شومدى
ءبيدايعا وراق سالىندى
تاربيە ايىندا ستيل تازارتۋ قيمىلى تەبىندى ورىستەتىلدى

قاجىرلىلىقپەن ىستەپ، قىستاق تۇرعىندارىنا قىزمەت وتەدى

جولدانعان ۋاقىتى : 2019/7/10 20:12:47

_ءدوربىلجىن اۋدانى جەلاعاش قالاشىعى جوعارعى جەلاعاش قىستاعى پارتيا ياچەيكاسىنىڭ شۋجيى الماگۇل قالي جايلى



الماگۇل (وڭدا) قىستاق تۇرعىنى ليۋباعا قاز بالاپانىن جەتكىزىپ بەرۋدە.    (سۋرەتپەن قامداعان الماگۇل)

   ءتىلشىمىز ۋاڭ شۋشيا

  ول ۇنەمى قىستاق تۇرعىندارىنىڭ وتباسىنا بارىپ، قاجەتى مەن تالابىن   ۇعىسادى؛ ول بار زەيىن-زەردەسىن قىستاقتىڭ دامۋىنا ارناپ، قىزمەتتەستەرىنىڭ سەنىمىنە، قىستاق تۇرعىندارىنىڭ القاۋىنا بولەندى. بۇل ادام ءدوربىلجىن اۋدانى جەلاعاش قالاشىعى جوعارعى جەلاعاش قىستاعى پارتيا ياچەيكاسىنىڭ شۋجيى    الماگۇل قالي ەدى.

  بيىل 36 جاستاعى الماگۇل قاراپايىم قىزمەت ورنىندا ءىس جۇزىندىكتى شىعار ءتۇيىن ەتىپ، كاسىپكە شوگەل بولىپ،    «ادال بولۋ، جۇمىستى تىڭعىلىقتى ىستەۋ» پرينسيبى بويىنشا جۇرتشىلىقتىڭ القاۋىنا بولەندى.

  وي جەلىستى ايقىنداپ، دامۋدى جوسپارلادى

  2016-جىلدان قازىرگە دەيىن،  الماگۇلدىڭ جوعارعى جەلاعاش قىستاعى پارتيا ياچەيكاسىنىڭ شۋجيى مىندەتىن اتقارعانىنا 3 جىلدىڭ ءجۇزى بولدى.  العاش پارتيا ياچەيكاسىنىڭ شۋجيى بولىپ تاعايىندالعان كەزدە ونىڭ ءار كۇنى، ءسوزسىز،ىستەيتىن ءىسى وتباسىلارىن ارالاپ،قىستاقتىڭ احۋالى مەن حالىق جاعدايىن ۇعىسىپ،بۇقارانىڭ قيىنشىلىعىن شەشىم ەتۋ ەدى.

  ءىشىنارا قىستاق تۇرعىندارىنىڭ   جالقاۋلىقتان كىرىسى تومەن بولۋ،جالاڭ ەگىمشىلىكپەن شۇعىلدانۋ، قىستاق    كوللەكتيۆىنىڭ ەكونوميكالىق زيان تارتۋ جاعدايى اۋىر بولۋ سياقتى ماسەلەلەرگە قاراتا الماگۇل قىستاق «ەكى كوميتەتىن»  باستاپ،ەگجەي-تەگجەيلى جوسپار جاساپ، «ەكى جىلدا ەسەپ اداقتاپ، ءۇش جىلدا قور جيناۋ، بەس جىلدا وزات قىستاق-اترەتتەردەن وزۋ» دامۋ     نىساناسىن ورتاعا قويدى.

  الماگۇل قىستاق «ەكى كوميتەتىنە» جەتەكشىلىك ەتىپ،كوپ رەت ارالاپ پىكىر الىپ،جەردى كوتەرمەگە بەرۋ   اقىسىن رەتكە ءتۇسىردى. بيىل «ءۇش جىلدا كەدەيلىكتەن ارىلتۋدان قامال الۋ، ەكى جىلدا بەكەمدەۋ جانە دارەجەسىن جوعارىلاتۋ» تالابى بويىنشا 27 كەدەي وتباسى كەدەيلىكتەن ارىلدى.

  «قىستاق-اترەتتەردى دامىتۋدا يدەياعا بۇرىلىس جاساۋ بارىنەن ماڭىزدى». بۇل الماگۇلدىڭ ۇنەمى ايتاتىن ءسوزى.    الماگۇل تۇتاس قىستاقتاعى پارتيا    مۇشەلەرى مەن كادرلاردىڭ ۇيرەنۋىن مىقتى ۇستاۋعا تاباندى بولىپ، قىستاق   «ەكى كوميتەتى» القاسىنداعىلاردى ساياسي نازاريا مەن ساياساتتىق قۇجاتتاردى  ۇيرەنۋگە ۇيىمداستىرۋدان تىس،الىس ارالىقتى وقىتۋ تۇعىرىن سۇيەنىش ەتىپ، ەگىنشى-مالشىلار كەشكى مەكتەبىمەن بىرلەستىرىپ، الىس ارالىقتى وقىتۋمەن پارتيا مۇشەلەرى مەن كادرلاردى تاربيەلەۋدى، قىستاق تۇرعىندارىنىڭ كاسىپ جاراتۋىن، شارۋاشىلىق قۇرۋىن،ءمورال ساباقحاناسىن ءوزارا ۇشتاستىرىپ، قىستاق تۇرعىندارىن پارتيانىڭ اۋىل-قىستاققا باعىتتالعان   ءتۇرلى باعىت-ساياساتتىق بىلىمدەرىن ۇيرەنۋگە ۇيىمداستىرىپ، قىستاق   تۇرعىندارىنىڭ ساپاسىن جوعارىلاتىپ، ۇقساماعان جاس،ۇقساماعان مادەنيەت دەڭگەيىندەگى پارتيا مۇشەلەرىنىڭ، كادرلاردىڭ، جۇرتشىلىقتىڭ قاجەتىن  قاناعاتتاندىردى.

  قىستاقتاعى ساقا پارتيا مۇشەسى   كادىرقان: «قىستاق شۋجيىنىڭ باستاماشىلىعىندا قىستاعىمىز بارعان سايىن دامىدى، قىستاق تۇرعىندارىنىڭ يدەياسىندا دا بۇرىلىس بولدى، كوپ وتپەي تۇرمىس  ورەمىزدىڭ ءتىپتى دە جاقسارا تۇسەتىندىگىنە كامىل سەنەمىز» دەدى.  
  
  ءوزى باستاماشىلدىقپەن ىستەپ، حالىقتى ۋايىمنان ارىلتتى

    پويەزدىڭ جۇردەك بولۋى بۇكىلدەي پاراۆوزدىڭ العا سۇيرەۋىنە بايلانىستى. الماگۇل تارتىپكە قاتاڭ بويسۇنىپ،   ونەگە كورسەتىپ،قىستاقتا كىمنىڭ   وتباسىندا قيىنشىلىعى بولسا الدىمەن سوعان كومەكتەستى.

  قىستاق تۇرعىنى داۋلەتقاننىڭ قىزى وقۋ قاراجاتىن تاپسىرا الماعان كەزدە  الماگۇل جانىنان 1000 يۋان شىعارىپ، وقۋىن جالعاستىرۋىنا كومەكتەستى.
قىستاق تۇرعىنى مادەنگۇلدىڭ ۇلى اسقاتتىڭ نەسەپپەن ۋلانۋ ناۋقاسىنا  شالدىققاندىعىنان حاباردار بولعان سوڭ، الماگۇل قىستاق تۇرعىندارىن جىلۋ   جيناۋعا جۇمىلدىرىپ،اسقاتقا 17500 يۋان جىلۋ اقشاسىن جەتكىزىپ بەرىپ، ونىڭ دەر كەزىندە ەمدەلۋىنە مۇمكىندىك جاراتتى.

  مادەنگۇل: «پارتيانىڭ جاقسى ساياساتىنا راقىمەت،ۇلىم سالماقتى ناۋقاسقا    شالدىققاندا،قىستاقتاعىلاردىڭ كومەگى بولماعاندا قالاي ىستەيتىنىمدى ءوزىم دە بىلمەيمىن» دەدى.

  الماگۇل مۇرات-سەنىممەن،     كۇرەسكەرلىك رۋحپەن پارتيا مۇشەلەرى مەن بۇقارانى تاربيەلەۋگە، جەتەكشىلىك ەتۋگە تاباندى بولىپ،ساياساتتى دارىپتەۋ، پارتيا ساباعىن ءوتۋ قيمىلدارىن ورىستەتىپ، پارتيا مۇشەلەرى مەن كادرلارعا پارتيا مەن مەملەكەتتىڭ ءىرى باعىت-ساياساتىن دەر كەزىندە جەتكىزدى. ەكى جىلدان بەرى قىستاقتاعى پارتيا مۇشەلەرىنە 30 رەتتەن استام ۋيچات پارتيا ساباعىن وتكەن.

  قىستاق كادرى مارالبەك: «الماگۇل شۋجي قىستاعىمىزداعى بارلىق ادامنىڭ جاناشىر جاقىنى،قىستاقتا كىم قيىنشىلىققا تاپ بولسا سوعان كومەك قولىن سوزادى. جۋىقتاعى بىرنەشە جىلدان بەرى ونىڭ باستاماشىلدىعىندا قىستاعىمىزدىڭ بەت-بەينەسى مەن قىستاق تۇرعىندارىنىڭ   يدەياسىندا زور وزگەرىستەر تۋىلدى، ءبىز وعان شىنايى سۇيىنەمىز» دەدى.

  شىن ىنتا-پەيىلىمەن ناقتىلى ءىس ىستەدى

  الماگۇل جوعارعى جەلاعاش قىستاعىنىڭ «كوشباسشىسى» رەتىندە، باسشىلىق   القاسىن ويداعىداي باسقارىپ،قوسىنعا جەتەكشىلىك ەتۋدى قىزمەتتىڭ ماڭىزدى ءتۇيىنى ەتە وتىرىپ، وسكەلەڭ جاۋاپكەرشىلىك ارقالايتىن ساياسي جاۋاپكەرشىلىك سەزىمى جانە كۇشتى ىسكەرلىك جىگەرمەن ءتۇرلى قىزمەتتى مىقتى ۇستادى.

  ورتانى رەتتەۋ-وڭاۋ قىزمەتىن مىقتى ۇستاۋدا،ول تالاي رەت قىستاق «ەكى كوميتەت» باسشىلىق القاسىنداعىلارمەن بىرلىكتە جيىن اشىپ،شوعىرلى تالقى  ورىستەتىپ، نىسان قارجىسىن بەلسەنە قولعا كەلتىرىپ،قىستاق تۇرعىندارىن وزدەرى 30 مىڭ يۋان قارجى توپتاۋعا جۇمىلدىرىپ،قىستاق-اترەت 50 مىڭ يۋان قارجى شىعارىپ، تۇرعىنداردىڭ اۋلا ورتاسىن رەتتەدى.

  بيىل 7 كيلومەتر كەلەتىن اۋلا قورعانى مەن 20 دان ارتىق حاۋىپتى ءۇيدى جوندەپ، قىستاق-اترەتتىڭ بەت-بەينەسىن جاقسارتتى.

  قىستاقتاعى ەگىستىك جەردى سۋارۋ قيىنعا سوعۋ،كاسىپ قۇرىلىمىنىڭ جالاڭ بولۋى سياقتى قىستاق تۇرعىندارىنىڭ دامۋىنا ورالعى بولعان قيىن ماسەلەلەرگە قاراتا، الماگۇل قىستاق-اترەتتەگى پارتيا مۇشەلەرىن باستاپ سۋارمالى جەردى سۋارۋدى سۋدى ەڭ ۇنەمدەيتىن، ءونىمدى ارتتىرۋ ونىمدىلىگى كورنەكتى بولعان جارعاق استىنان تامشىلاتىپ سۋارۋ ۇلگىسىنە وزگەرتتى. ەگىنشىلىكتەگى     سۋارۋدىڭ جاڭا تەحنيكاسىنان پايدالانۋدا قىستاق تۇرعىندارى تۇسىنبەگەن، قولداماعان جاعدايدا، ول قىستاق-اترەتتەگى پارتيا مۇشەلەرىن باستاماشىلدىقپەن وزدەرىنىڭ ەگىستىك جەرلەرىنە تامشىلاتىپ سۋارۋ قۇبىرىن جاتقىزۋىنا جەتەكشىلىك ەتتى، قىستاق تۇرعىندارى كورگەن سوڭ   بەلسەنە ات سالىسىپ،قىستاقتاعى 10 مىڭ مۋدان ارتىق جەرگە تامشىلاتىپ سۋارۋ تەحنيكاسىن جالپىلاستىرۋدى  جۇزەگە اسىرىپ، قىستاق تۇرعىندارىنىڭ كىرىسىن ارتتىرىپ،جەردەن پايدالانۋ دەڭگەيىن جوعارىلاتتى.

  ول پارتيا مۇشەلەرىنە باستاماشىلدىق ىستەپ،جوعارى دارەجەلى ورىننىڭ قولداۋىنا يە بولۋ،قىستاق تۇرعىندارى وزدەرى قارجى توپتاۋ ارقىلى قىستاق تۇرعىندارىن اتتانىسقا كەلتىرىپ، ولاردىڭ ەگىمشىلىك كاسىپ ۇلگىسىن جالاڭ كوكونىس ەگىمشىلىگىنەن ەگىمشىلىك، باعىمشىلىق، ساياحات ۇشتاستىرىلعان كوپ ءتۇرلى كاسىپ ۇلگىسىنە وزگەرتىپ،150 دەن ارتىق ەڭبەككۇشتى ءساتتى تۇردە باسقا كاسىپكە ويىستىردى.

  2018-جىلى قىستاق تۇرعىندارىنىڭ كىسى باسىندىق تازا كىرىسى 8000   يۋاننان 13000 يۋانعا،قىستاق كوللەكتيۆىنىڭ جىلدىق كىرىسى 390 مىڭ يۋاننان 550 مىڭ يۋانعا ارتتى.

  الماگۇل پارتيانىڭ مەيىر-شاپاعاتىنا  العىس ايتاتىن جىگەرمەن پارتيا مۇشەلەرى مەن بۇقارانى باستاپ،قايشىلىقتاردى، داۋ-شارلاردى ءبىر-بىردەن شەشىپ، ءىس جۇزىندىك قيىنشىلىقتاردى ىدراتىپ،شەشىم ەتتى. ول بەرىك سەنىممەن ماڭگى ءتۇسى سولمايتىن تۋ تىكتەپ، پارتيا  ياچەيكاسىنا جەتەكشىلىك ەتىپ، قىستاق-اترەتتىڭ كەدەيلىك تامىرىنا بالتا شاۋىپ،كوكىرەگى سەنىمگە تولى قىستاق تۇرعىندارىن ارشىندى قاداممەن العا باسۋعا جەتەلەدى.



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn