«ولار ءبىزدىڭ ۇيرەنەتىن ۇلگىمىز»

  ءتىلشىمىز داي جياۋمەي حابارلايدى. 7-ايدىڭ 2-كۇنى تولى اۋدانى    اقبەلدەۋ اۋىلى سەنترلى مەكتەبىنىڭ   وقىتۋشىسى باي تيڭ لەكسيانى تىڭداپ بولعاننان كەيىن: «ولاردىڭ حيكاياسىن ەستىپ قاتتى تەبىرەندىم، ولار ءبىزدىڭ ۇيرەنەتىن جاقسى ۇلگىمىز. قىزمەت ورنىما قايتقاننان كەيىن قىزمەتتەستەرىم مەن وقۋشىلارىما ولاردىڭ ىزگى ىستەرىن ۇگىتتەپ، كوپشىلىكتى ولاردان ۇيرەنۋگە ۇندەيمىن» دەدى.

  6-ايدىڭ 27-كۇنىنەن 7-ايدىڭ 2-كۇنىنە دەيىن،تولى اۋداندىق  پارتكوم بىرلىكساپ ءبولىمى، «ۇلتتار ىنتىماعىنىڭ بەرەكەلى شاڭىراعى» قيمىلىنا باسشىلىق ەتۋ گرۋپپاسى كەڭسەسى   «ۇلتتار ىنتىماعىنىڭ بەرەكەلى شاڭىراعى» وزات تيپتەرىنىڭ ىزگى ىستەرىنەن  ارالاپ بايانداما جاساۋ جينالىسىن     وتكىزدى. 9 وزات ۇلگىلى كوللەكتيۆ پەن وزات ۇلگىلى جەكە ۇلتتار ىنتىماعىنىڭ اسەرلى حيكاياسىن ءبىر-بىرلەپ بايانداپ، ءار ۇلت كادر، جۇمىسشى-قىزمەتكەرلەرىن تەرەڭ اسەرلەندىردى.

  ارالاپ بايانداما جاساۋ ۇيىرمەسىنىڭ ۇگىتشىسى ۋاڭ حۇڭچۋان كوپشىلىككە تولى اۋدانى قوعام حاۋىپسىزدىگى    مەكەمەسى پارتكومىنىڭ «ۇلتتار ىنتىما عىنىڭ بەرەكەلى شاڭىراعى» قيمىلىنداعى تيپتىك ىزگى ىستەرىن ۇگىتتەدى. ول:   «ءتىپتى دە كوپ حيكاياتتار ارقىلى ءتىپتى دە كوپ ادامدى اسەرلەندىرىپ،‹ۇلتتار ىنتىماعىنىڭ بەرەكەلى شاڭىراعى› قىزمەتىن العا جەبەۋىن ءۇمىت ەتەمىن» دەدى.

  ۇعىسۋعا قاراعاندا،وسى رەتكى ارالاپ بايانداما جاساۋ جينالىسى «ۇلتتار ىنتىماعىنىڭ بەرەكەلى شاڭىراعى» نەگىزگى  تاقىرىبىن ارقاۋ ەتە وتىرىپ، ماڭايىنداعى ادامدار مەن ماڭايىنداعى ىستەردى    بايانداپ، ماڭايىنداعى ىستەر مەن    ماڭايداعى ادامداردى تاربيەلەۋدى   ماقسات ەتەدى ەكەن. اۋدانداعى   ورگان، اۋىل، قالاشىق، الاڭ كادرلارىنىڭ ۋاكىلدەرى باياندامانى تىڭدادى.

  ۇتى قالاشىق ۇكىمەتىنىڭ قىزمەتكەرى جارقىن: «ۇگىت-لەكسيا ۇيىرمەسىندەگىلەر بىزگە كوپتەگەن اسەرلى حيكايالار ايتتى، ‹ۇلتتار ىنتىماعىنىڭ بەرەكەلى شاڭىراعى› قىزمەتىن ىستەيتىن كادر رەتىندە،الداعى جەردەگى قىزمەت بارىسىندا ءبىز دە  ماڭايىمىزداعى تيپتىك ىزگى ىستەردى تاۋىپ شىعىپ،جاقسى ۇگىتتەپ، ۇلتتار ىنتىماعىنىڭ وڭ ەنەرگياسىن بىرلىكتە تاراتۋىمىز كەرەك» دەدى.

  تولى اۋداندىق پارتكوم بىرلىكساپ ءبولىمىنىڭ ورىنباسار باستىعى ساۋ مينجي:   «كەلەسى قادامدا ‹ۇلتتار ىنتىماعىنىڭ بەرەكەلى شاڭىراعى› جانە ۇلتتار ىنتىماعى بىرلەسكەن دوستىق قيمىلىنداعى جاقسى تاجىريبەلەردى،جاقسى ادىستەردى  ۇزدىكسىز ۇگىتتەپ،وزات تيپتەردى، تيپتىك ىزگى ىستەردى ويداعىداي تۇلعالاپ كۇشتى راي قالىپتاستىرىپ، ءار ۇلت كادرلارى مەن جۇرتشىلىعىن ۇلتتار ىنتىماعىن كوز قاراشىعىنداي قورعاۋعا، ۇلتتار   ىنتىماعىن ءوز ءومىرىن قاستەرلەگەندەي قاستەرلەۋگە باستاپ، جاراسىمدى،    ەكولوگياسى كوركەم، قونىستانۋعا جايلى تولىنىڭ جاڭا جاعدايىن جاراتۋعا بەلسەنە ۇلەس قوسامىز» دەدى.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى