ءتىلشىمىز زىڭ جاۋمەي، ەرىكتى ءتىلشى جاڭ ۋيچين حابارلايدى. جۋىقتا ساۋان اۋدانى انجىحاي قالاشىعى نۇڭجۋاڭ قىستاعىنىڭ پارتكوم شۋجيى چىن شاۋحۋا: «بۇرىن شارلاپ تەكسەرۋ گرۋپپاسى تەك ماسەلە ىزدەيدى دەپ ويلايتىنبىز. وسى رەت شارلاپ تەكسەرۋ گرۋپپاسى قىستاققا كەلگەننەن كەيىن،ەڭ الدىمەن قىستاق ‹ەكى كوميتەتى› مەن بىرلەسىپ، بۇقارانىڭ قيىنشىلىعى مەن ماسەلەسىن شەشىم ەتۋمەن بىرگە، بىزگە كومەكتەسىپ قىستاعىمىزدىڭ بۇرىنعى ەسەپ-قيسابىن انىقتاپ،قىستاق كوللەكتيۆىنە كومەكتەسىپ، 70 مىڭ يۋاننان استام ەكونوميكالىق زياننىڭ الدىن الدى» دەدى.
بىرنەشە كۇننىڭ الدىندا ساۋان اۋداندىق پارتكومنىڭ 4-شارلاپ تەكسەرۋ گرۋپپاسى نۇڭجۋاڭ قىستاعىندا شارلاپ تەكسەرۋ جۇرگىزگەندە نۇڭجۋاڭ قىستاعىنىڭ نۇڭجۋاڭ گرۋپپاسىنىڭ، انجياجۋاڭ گرۋپپاسى،يازىگۋ گرۋپپاسى ورتاق پايدالانىپ وتىرعان اۋىز سۋ قۇدىعى 20 نەشە جىلدىڭ الدىندا قازىلعان كىشكەنە قۇدىق بولىپ، قازىر سۋدان قالىپتى پايدالانۋ قاجەتىن قاناعاتتاندىرا الماي وتىرعاندىعىنان حابار تابادى.
نۇڭجۋاڭ قىستاعىنىڭ شينچۇي گرۋپپاسى بىرنەشە جىلدىڭ الدىندا سۋ تازارتۋ نىسانىن اتقارۋ بارىسىندا، زەردەلى سۋ ساعاتىن ورناتپاعاندىقتان، ءاربىر وتباسىنىڭ پايدالانعان سۋ مولشەرى انىق بولماي، سۋ اقىسىن باسقارۋى جۇيەسىز بولىپ، قىستاق تۇرعىندارى سۋدان قالىپتى پايدالانا الماۋمەن بىرگە، اقى الۋى ءادىل بولماعاندىقتان، سۋ اقىسىن تاپسىرماي كەلگەن.
4-شارلاۋ گرۋپپاسىنىڭ باستىعى ليۋ يانشين: «سۋدان پايدالانۋ ــ حالىق تۇرمىسىنداعى ءىرى ءىس، شارلاپ تەكسەرۋ گرۋپپاسى پارتيا ۇيىمدارىنىڭ ماسەلەسىنە عانا قادالىپ الماي، قىستاق پارتيا ۇيىمدارىنىڭ قىزمەت ونىمدىلىگىن جوعارىلاتۋىنا كومەكتەسۋى كەرەك» دەدى.
سونىمەن، شارلاپ تەكسەرۋ گرۋپپاسى قاتىستى تاراۋلارمەن قىزمەتتى بەلسەنە سايكەستىرىپ،قىستاق ‹ەكى كوميتەتى› مەن بىرگە اۋىز سۋ قۇدىعىن قازۋدى تەكسەرىپ-بەكىتۋ راسمياتىن ءبىتىردى، قىستاقتا تەز ارادا مەردىگەر شاقىرۋ سياقتى قىزمەتتەردى ءتارتىپتى ورىستەتىپ، دەر كەزىندە جۇمىس باستادى. جۋىقتا اۋىز سۋ قۇدىعى پايدالانۋعا بەرىلىپ، تۇتاس قىستاقتاعىلار اۋىز سۋدان الاڭسىز پايدالاندى. شارلاپ تەكسەرۋ گرۋپپاسى تاعى بۇرىنعى اۋىز سۋ قۇرىلعىلارىن جاڭالاۋ قۇرىلىسىن اتقارعان زاۆودتى تاۋىپ،شينچۇي گرۋپپاسىنا زەردەلى سۋ ساعاتىن ورناتتىرىپ، سۋ اقىسىن الۋ قىزمەتىن دۇرىس ارناعا ءتۇسىردى.
ساۋان اۋداندىق پارتكومنىڭ 3-شارلاپ تەكسەرۋ گرۋپپاسى شيگوبي قالاشىعىنىڭ بايتان قىستاعىندا شارلاپ تەكسەرۋ جۇرگىزگەندە، قىستاقتىڭ جالپىلىق مەنشىكتەگى مال-مۇلىكتى باسقارۋ جاعدايىنىڭ قىم-قۋىت ەكەنىن بايقايدى.
جاقىنعى جىلداردان بەرى بايتان قىستاعى ىلگەرىندى-كەيىندى 50 مىڭ يۋان قارجى قوسىپ، ەكى توپقا ءبولىپ 14 جول شىراعىن ساتىپ الادى. وسى جول شىراقتارى ءاسىلى قالىپتى پايدالانىلىپ كەلگەن بولاتىن،2017-جىلى قىستاق ورتالىق جولدى كەڭەيتىپ سالعان كەزدە جول شىراعىن الىپ تاستاعان ەكەن، جول شەتىنە تاس توسەلمەگەندىكتەن،جول شىراقتارى قايتادان ورناتىلماعان،قىستاقتا جول شىراعىن ءونىمدى ساقتاۋ شارالارىن ىستەمەگەن.
شارلاپ تەكسەرۋ گرۋپپاسى وسى جونىندە قىستاق پارتيا ياچەيكاسىنا دەرەۋ ارەكەتتەنىپ، دەرەۋ تۇزەتۋ ۇقتىرۋىن ءتۇسىرىپ، رەتتەۋ-تۇزەتۋگە بۇيىرادى. كەزەكتە، وسى قىستاق 14 جول شىراعىن نومىرلەپ،تىزىمگە الىپ،ولشەمدى باسقارعان.
بيىل ساۋان اۋدانى 71 قىستاققا (الەۋمەتتىك اۋماق) شارلاپ تەكسەرۋ جۇرگىزىپ،شارلاپ-تەكسەرۋ جۇرگىزۋ بارىسىندا نازاردى جۇرتشىلىق كوڭىل ءبولىپ وتىرعان، اڭىسى كۇشتى بولعان كورنەكتى ماسەلەلەرگە شوعىرلاندىرىپ، ارىز-شاعىمدى ىركىلىسسىز قابىلداۋ، وتباسىلارىن ارالاپ جاعداي ۇعىسۋ، ءتۇيىندى ارالاپ جاعداي ۇعىسۋ، ىزىنە ءتۇسىپ جاعداي ۇعىسۋ سياقتى تاسىلدەرمەن بۇقارامەن ىشكەرىلەي ارالاسىپ،ماسەلەنى شەشىم ەتۋدى قىستاق پارتيا ۇيىمىنىڭ قىزمەتىنە شارلاپ تەكسەرۋ جۇرگىزۋدىڭ تابان تىرەر تياناعى ەتىپ، دەرەۋ ارەكەتتەنىپ، دەرەۋ تۇزەتۋگە، ءبىر جاعىنان شارلاپ،ءبىر جاعىنان تۇزەتۋگە ، جاپپاي رەتتەۋ-تۇزەتۋگە باسا ءمان بەرمەكشى ەكەن.
«ۇقىق-مۇددەسىنە ساياتىن ىستەردىڭ بارلىعىنا، ءسوزسىز، ءمان بەرىپ، ءتۇرلى ءادىس-شارامەن شەشىمدەيمىز، قازىرگە دەيىن، 19 ورىنعا شارلاپ-تەكسەرۋ جۇرگىزىپ، دەرەۋ ارەكەتتەنىپ، دەرەۋ تۇزەتۋگە ءتيىستى 91 ماسەلەنى تومەنگە ءتۇسىرىپ،67 ءتۇرلى ماسەلەگە رەتتەۋ-تۇزەتۋ جۇرگىزدىك» دەدى ساۋان اۋداندىق پارتكومنىڭ تۇراقتى مۇشەسى، شارلاپ تەكسەرۋ كەڭسەسىنىڭ مەڭگەرۋشىسى ۋاڭ حىيان.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى