ەەڭ جاڭا مازمۇندار
2019-جىلى 11-ايدىڭ 15-كۇنى 265-سان
-توپتاعى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى بارىسىندا پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن مۇقيات ۇيرەنەيىك، دايەكتىلەندىرەيىك
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-كەزەكتى ورتالىق كوميتەتى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-كەزەكتى ورتالىق كوميتەتى
ۇيرەنۋ مەن ىستەۋدى ۇشتاستىرۋعا تاباندى بولىپ، بۇقارا «اسىعاتىن،ۋايىمدايتىن» ىستەردى شەشىم ەتتى
جاپپاي دوڭگەلەك داۋلەتتى قوعام قۇرۋ
الەمدىك ساۋدا ۇيىمىنا كىرۋ
سيىر بورداقىلاپ كىرىسىن ارتتىردى
يۋبايسايدان مول ءونىم الدى
كەدەيلىكتەن ارىلتۋدىڭ جولىن اشىپ، اۋقاتتانۋ ارناسىن كەڭەيتتى
پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ
پارتيا ۋستاۆى تانىمىن بەرىك ورناتىپ، پارتيا ۋستاۆىنىڭ، پارتيا قاعيداسىنىڭ، پارتيا ءتارتىبىنىڭ بەدەلىن قورعاپ، نازاردى باس نىساناعا شوعىرلاندىرىپ، تارباعاتايدى ويداعىداي قورعايىق، ويداعىداي ورنىقتىرايىق، ويداعىداي دامىتايىق
2019-جىلى 11-ايدىڭ 14-كۇنى 264-سان
2019-جىلى 11-ايدىڭ 13-كۇنى 263-سان
2019-جىلى 11-ايدىڭ 12-كۇنى 262-سان
2019-جىلى 11-ايدىڭ 11-كۇنى 261-سان
پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ
2019-جىلى 11-ايدىڭ 9-كۇنى 260-سان
2019-جىلى 11-ايدىڭ 8-كۇنى 259-سان
2019-جىلى 11-ايدىڭ 7-كۇنى 258-سان
ناقتى ىستەۋ رۋحىمەن نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن ىلگەرىلەتەيىك
ءدوربىلجىن: ەگىنشى-مالشىلارعا سالاماتتىق «قامالىن» ورناتتى
ايناباستاۋ الەۋمەتتىك اۋماعى: «پارتيا قۇرىلىسى + يليان» قىزمەت وتەۋ تەكشەسى ارقىلى بۇقاراعا نولدىك ارالىقتان قىزمەت وتەدى
جالپى حالىق كوڭىل ءبولىپ، جاپپاي ات سالىسايىق
2019-جىلى 11-ايدىڭ 6-كۇنى 257-سان
2019-جىلى 11-ايدىڭ 5-كۇنى 256-سان
2019-جىلى 11-ايدىڭ 4-كۇنى 255-سان
2019-جىلى 11-ايدىڭ 2-كۇنى 254-سان
2019-جىلى 11-ايدىڭ 1-كۇنى 253-سان
2019-جىلى 10-ايدىڭ 31-كۇنى 252-سان

«ءجۇز جىلدىق ساۋدا قالاسى» تىڭ تىرشىلىك تىنىسىنا شومدى

جولدانعان ۋاقىتى : 2019/8/6 17:03:53

تىلشىلەرىمىز ۋىن بو، سۇڭ جۇنفاڭ
 
 رەداكتوردان: جاڭا جۇڭگو قۇرىلعان 70 جىلدان بەرى پارتيامىز تۇتاس ەلىمىزدەگى ءار ۇلت حالقىن باستاپ،ۇدەرە العا تارتىپ،ادامزات دامۋ تاريحىنداعى ۇلى حيكمەتتەردى جاراتتى. پارتيا 18-  قۇرىلتايىنان بەرى ايماقتىق پارتكوم مەن اكىمشىلىك مەكەمەسى پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن مىقتاپ تياناقتاندىرىپ، ايماعىمىزدىڭ ەكونوميكاسى مەن قوعامىنىڭ تەز قارقىنمەن دامۋىن جۇزەگە اسىردى. حالىقتىڭ تاماشا تۇرمىسقا دەگەن تالپىنىسى ءۇشىن، تارباعاتاي كۇش-قۋاتتى شوعىرلاندىرىپ، دامۋ جولىن قاراستىرىپ، ۇدەرە العا باسىپ، تىڭ داستان جازۋدا.

  بۇگىننەن باستاپ، گازەتىمىز ۇزدىكسىز «ايبىندى 70 جىل . كۇرەسكە تولى جاڭا ءداۋىر _ دامۋ جەتىستىكتەرى جونىندە» جەلىلەس حابارىن بەرەدى. وسى سانداعى «شاۋەشەك تاراۋىندا» شاۋەشەك قالاسى سىندى «ءجۇز جىلدىق ساۋدا قالاسىنداعى» ءار ۇلت حالقىنىڭ ىنتىماقتاسا العا باسىپ، قاجىرلىلىقپەن يگىلىك جاراتىپ، باقتى وتكەلىن تايانىش ەتىپ، ءتۇرلى سالالاردا شۇعىلالى جەتىستىكتەرگە قول جەتكىزگەندىگى باياندالادى.


شاۋەشەك قالاسىنىڭ كورىنىسى.

  10 مىڭ مۋلىق قۇنارلى اتىزدا التىن ءدان جايقالسا، باقتى وتكەلىنىڭ الدىندا اۆتوكولىكتەر قاز-قاتار ءتىزىلىپ،كوك زەڭگىر اسپان اياسىندا ءار جەردەن كەلگەن ساياحاتشىلاردى قارسى الدى... تاڭ شۇعىلاسى تارباعاتاي تاۋى باۋرايىن نۇرعا بولەگەن ساتتە، ءجۇز جىلدىق ساۋدا قالاسى بولعان شاۋەشەك قالاسى جاڭا ءبىر كۇندى قارسى الدى.

  ءوندىرىس جالپى قۇنى 1978-جىلعى 46 ميلليون يۋاننان 2018-جىلى 8 ميلليارد 690 ميلليون يۋانعا جەتتى؛

  ەگىنشى-مالشىلاردىڭ كىسى باسىندىق  كىرىسى 1994-جىلعى 1394 يۋاننان 2018-جىلى 16 مىڭ 390 يۋانعا جەتتى؛

  قالا-قالاشىق تۇرعىندارىنىڭ مەڭگەرۋگە بولاتىن كىرىسى 1994-جىلعى 2404 يۋاننان2018-جىلى 27 مىڭ 420 يۋانعا جەتتى؛

  قازىنا كىرىسى 1978-جىلعى 2 ميلليون يۋاننان 2018-جىلى 661 ميلليون يۋانعا جەتتى؛
         ... 
   ايلار اۋناپ، جىلدار جىلجىدى. 70 جىلدان بەرى وسى ءبىر شۇرايلى القاپتا شاۋەشەك  قالاسى نىق تا پارمەندى قاداممەن ۇزدىكسىز العا باسىپ، ءتۇرلى كاسىپتەرى ەمەن اعاشىنداي كۇشتى تىرشىلىك تىنىسى مەن ومىرشەڭدىك كۇشىن تاسقىنداتتى.

  وتكەل جاڭا تۇسكە ەندى

  شاۋەشەك قالاسىنان باتىسقا قاراي 12  كيلومەتر جۇرگەندە شينجياڭداعى قالاعا ەڭ  جاقىن وتكەل _ باقتى وتكەلىنە باراسىز.

  بۇگىنگى كۇندە شاۋەشەك باقتى جۇڭگو-قازاقستان شەكارا حالىقتارىنىڭ ءوزارا ساۋدا بازارىنىڭ تيپىن وزگەرتىپ دامىتۋ نىسانىنىڭ اينالىمعا تۇسۋىنە ىلەسە، باقتى وتكەلى دە قاربالاس كۇيگە ءتۇسىپ، ارلى-بەرلى قايشالىسقان اۆتوكولىكتەر ەكسپورت ەتىلەتىن زات پەن زات ساتىپ الماقشى بولعان ساياحاتشىلاردى الىپ، ۇقساس ءبىر كوزدەۋلى جەرگە قاراي جۇيتكۋدە.

 شاۋەشەك قالالىق شەكارا ەكونوميكالىق سەلبەستىك رايونى پارتيا قىزمەتى كوميتەتىنىڭ شۋجيى، ورىنباسار مەڭگەرۋشىسى شياۋ زۋۋىن : «7-ايدىڭ 18-كۇنىنە دەيىن كىرىپ-شىققان ادام مولشەرى 52 مىڭ ادام رەتكە، جالپى وتكىزىلگەن زات مولشەرى 1666 تونناعا، ەسەپ جابىلۋ مولشەرى 1486.6 تونناعا، ساۋدا جالپى سوماسى 12 ميلليون 523 مىڭ يۋانعا جەتتى. شاۋەشەك باقتى جۇڭگو-قازاقستان شەكارا حالىقتارىنىڭ ءوزارا ساۋدا بازارىنىڭ تيپىن وزگەرتىپ دامىتۋ نىسانى اينالىمعا تۇسكەن ءبىر ايدان بەرى كورنەكتى ناتيجەلەرگە قول جەتكىزدىك» دەدى.

  شاۋەشەك باقتى جۇڭگو-قازاقستان شەكارا حالىقتارىنىڭ ءوزارا ساۋدا بازارىنىڭ تيپىن  وزگەرتىپ دامىتۋ سىناق ءتۇيىنى نىسانى رەسمي اينالىمعا ءتۇسىپ، باقتى وتكەلىندە مەملەكەت كولەمىندەگى تۇڭعىش اۋىل شارۋاشىلىق ونىمدەرىن جەدەل وتكىزۋدىڭ «جاسىل ءدالىزى» اشىلىپ، باقتى وتكەلىنەن شەكارادان شىعىپ ساياحاتتاۋ جول لەنياسى بەكىتىلدى، ت.ب.   ءبىرقىدىرۋ تاماشا ساياساتتىڭ تياناقتانۋى باقتى وتكەلىن كۇن سايىن ومىرشەڭدىك كۇشكە يە ەتىپ قانا قالماستان، شاۋەشەك قالاسى ەكونوميكاسىنىڭ دامۋىنا دا تىڭ شۇعىلاسىن شاشتى.

 جۋىقتاعى جىلداردان بەرى شاۋەشەك قالاسى «ءبىر قالا، ەكى رايون قۇرۋ»،«وتكەل مەن قالا ءبىر تۇلعا» تانىمى بويىنشا،باقتى وتكەلى قۇرىلىسىن تياناق ەتىپ، سىرتقا باعىتتالعان  ەكونوميكانىڭ دامۋىن بار كۇشپەن جەبەدى. بيىل 1-ايدان 5-ايعا دەيىن باقتى وتكەلىنەن يمپورت-ەكسپورت ەتىلگەن زات 76 مىڭ 300 تونناعا جەتىپ، سايكەس مەزگىلدەگىدەن %9.49 ارتتى؛ زاتتىڭ قۇنى 166 ميلليون 842 مىڭ 100 امەريكا دوللارىنا   جەتىپ، سايكەس مەزگىلدەگىدەن %18.01 ارتتى.

 كەزەكتە، «وتكەل گۇلدەنسە،شاۋەشەك گۇلدەنەدى، وتكەل جاندانسا،شاۋەشەك   جاندانادى» تۇتاس شاۋەشەك قالاسىنىڭ ورتاق تانىمىنا اينالدى. باقتى وتكەلىنىڭ ەرەكشەلىگى، كومەسكى كۇشى جانە باسىمدىلىعىنىڭ بىرتىندەپ كورنەكتىلەنە تۇسۋىنە ىلەسە، شاۋەشەك قالاسىنىڭ سىرتقا باعىتتالعان ەكونوميكاسىنىڭ دامۋ اۋقىمىندا كۇن سايىن العا ىلگەرىلەۋ جاعدايى جارىققا شىقتى. 

  اۋىل شارۋاشىلىعى، اۋىل-قىستاق شىت جاڭا بەينەگە ەندى

  قازىر تارباعاتاي تاۋىنان وڭتۇستىككە كوز جىبەرەر بولساڭىز، جاسىل دالا مەن ساپ-سارى اتىز ءبىر-بىرىنە ۇلاسىپ، قىستاقتاردا  قىزىل توبەلى بەيقۇت ۇيلەر بوي كوتەرىپ، مول ءونىم مەن باقىتتىڭ كارتيناسى كوز   الدىڭىزدا مەنمۇندالايدى.

  «ەگۋدەن جيناۋعا دەيىنگى تۇتاس ءوندىرىس بارىسى ماشينامەن ورىندالادى، ەگىندى وراقپەن وراتىن، ارقالاپ، وگىز اربامەن تاسيتىن تاريح الدەقاشان اياقتالدى» دەدى شاۋەشەك قالاسى اشىلى داعۇر ۇلتتىق اۋىلى قۇرتوبە قىستاعىنىڭ تۇرعىنى تاڭ ميڭتيان. استىق جيناۋ مەزگىلىندە اتىزداردا اعىلىپ جۇرگەن كومبايىندار شاۋەشەك قالاسىنىڭ وسى زامانعى اۋىل شارۋاشىلىعىن دامىتۋىنىڭ جەتىستىگىن ايعاقتايدى.

  ءبيداي مەن جۇگەرىدەن مول ءونىم الىناتىن رايون بولعان شاۋەشەك قالاسى جاقىنعى جىلداردان بەرى ءداستۇرلى ەگىمشىلىك كاسىبىن دامىتۋمەن عانا قاناعاتتانىپ قالماي، اۋىل  شارۋاشىلىعىنىڭ قامداۋ جاعىنداعى قۇرىلىمدىق   رەفورماسىن تىڭعىلىقتى جۇرگىزىپ، كاسىپ  قۇرىلىمىن رەتتەپ، ساپالىلاندىرىپ، ەرەكشەلىككە يە داقىل ەگۋدى ىلگەرىلەتىپ، جوعارى ورەلى،ساپالى،جاسىل، ورگانيكالى، ەكولوگيالى ەگىن، مال شارۋاشىلىق ونىمدەرىن ءوندىرۋ بازاسىن  قۇلشىنا قۇردى.

  بوزداق ەگىس الاڭىندا ءشول كۇرىشى دەن قويا باپتالۋدا؛قاراقاباق اۋىلىندا بىتىك وسكەن جەر جاڭعاعى كوز سۇرىندىرەدى؛ ەمىل اۋىلىنىڭ جۇڭگوشا ءدارى ءشوپ ەگۋى تابىسقا جەتتى.... ەرەكشەلىككە يە ەگىمشىلىكتىڭ دامۋى شاۋەشەك قالاسىنىڭ اۋىل شارۋاشىلىق ەگىس قۇرىلىمىن رەتتەپ قالماستان، تۇتاس قالاداعى شارۋالاردىڭ كىرىستى ارتتىرۋىنا جاڭا جول اشتى.

  تۇنىق سۋ، زەڭگىر اسپان ساياحاتشىلاردى باۋرادى
  اشىلى اۋىلىنىڭ قىزبەيىت قىستاعىنىڭ تۇرعىنى داي جياۋجى جونىنەن ايتقاندا،بيىلعى جاز اسا قاربالاس بولدى. ءار اپتانىڭ سوڭىندا ونىڭ تارباعاتاي تاۋى كورىنىس رايونىنداعى قاراۇڭگىر وزەنىنىڭ بويىنداعى شارۋالار شاتتىعى تاعامجايى قىزا تۇسەدى.

  ۇرىمجىدەن كەلگەن ساياحاتشى لي رۇي تارباعاتاي تاۋىنىڭ كوركەم كورىنىسىن تاماشالاپ قايتقان سوڭ، داي جياۋجىنىڭ تاعامجايىنداعى كيىز ۇيگە كىردى. تاعام دايىندالعان ارەدىكتە ول بىرنەشە كۇننەن بەرگى كوركەم كورىنىستەردىڭ، ءدامدى تاعامداردىڭ سۋرەتىن دوستىق شەڭبەرىنە جولدادى.

  «اۋاسى تازا، قۇستار سايراپ، گۇلدىڭ جۇپار ءيىسى اڭقيدى، بۇل ارانىڭ اشىق اسپان،اقشا بۇلتى ادامعا ءلاززات سيلايدى» دەدى لي رۇي.

   تۇنىق سۋ، جاسىل تاۋ ــ باعا جەتپەس بايلىق، قارلى تاۋ، مۇزدى القاپ تا باعا جەتپەس بايلىق. جاقىنعى جىلداردان بەرى  تاماشا ەكولوگيالىق ورتاسى بار شاۋەشەك  قالاسى تۇتاس وڭىرلىك ساياحاتتى بار كۇشپەن ىلگەرىلەتىپ، ساياحاتتى دامىتۋ جاعىنداعى  ورنالاستىرۋدى ۇزدىكسىز ساپالىلاندىردى. 2018-جىلى تۇتاس جىلدا قابىلدانعان   ساياحاتشى سانى 700 مىڭ ادام رەتتەن    اسىپ،سايكەس مەزگىلدەگىدەن %61 ارتتى.  ساياحات جالپى كىرىسى 890 ميلليون يۋانعا جەتىپ، ساياحات جالپى كىرىسى %58 ارتتى.

  «تۇتاس جىلداعى اۋا ساپاسىنىڭ PM2.5 نىڭ كۇندىك ورتاشا مولشەرى ءار تەكشە مەترىنە 12 ميكروگرام بولىپ، اۋا ساپاسى ۇزاق ۋاقىت جاقسى بولدى». بۇل شاۋەشەك قالاسىنىڭ قورشاعان ورتانى قورعاۋ قىزمەتىندە قولعا كەلتىرگەن ناتيجەسى ءارى بۇل ارانىڭ ساياحاتشىلاردى باۋراۋىنداعى سەبەپتەردىڭ ءبىرى.

  مالشىلار كوشىپ شىعىپ، قۇلىستاي جايىلىمى قايتادان تىرشىلىك تىنىسىنا تولدى؛ ەلەكترلى جىلۋمەن قامداۋ پار قازانداردىڭ ورنىن باسىپ، تۇتاس قالانىڭ تازا جىلۋمەن قامدالۋ كولەمى 650 مىڭ شارشى مەترگە جەتتى؛ مال باعۋعا تيىم سالىنىپ، قاراءدوڭ شۇراتىنداعى باعىمشىلىق شاعىن رايونىن كوشىرۋ جۇمىسى تابىستى اياقتالدى....

  لاستانۋدان ساقتانۋ جانە ونى جونگە سالۋدان قامال الۋ شايقاسى بارىسىندا شاۋەشەك قالاسى ەكولوگيالىق قىزىل سىزىقتى، تومەنگى شەكتى قاتاڭ ساقتاپ، قورشاعان ورتانى قورعاۋدا  «ءبىر داۋىسپەن تەرىسكە شىعارۋ» ءتۇزىمىن قاتاڭ اتقارىپ، تۇتاس قالانىڭ ەكولوگيالىق ورتا ساپاسىن ۇزدىكسىز جاقسارتىپ، تۇتاس قالاداعى جۇرتشىلىققا اشىق اسپان، تۇنىق سۋ، تازا توپىراق سيلاۋعا قۇلشىنۋدا.
 
   ىنتىماقتىڭ، باقىتتىڭ شاتتىق لەبى ەستى
 
   «قازىرگى تۇرمىسىمىزدى بۇرىن مۇلدە  ويلاپ تا كورمەگەنبىز» دەدى بۇرىننان بەرگى وزگەرىستەردى ەسىنە العان شاۋەشەك قالاسى قاراقاباق اۋىلى كەنجەباي قىستاعىنىڭ تۇرعىنى اقان ماۋسىمباي.

  اقان 1949-جىلى 10-ايدىڭ 3-كۇنى تۋىلعان، شاۋەشەك قالاسىندا تۋىپ-وسكەن ول جاڭا جۇڭگو قۇرىلعاننان بەرگى مالشىلار  تۇرمىسىندا بولعان وراسان زور وزگەرىستەرگە كۋا بولىپ كەلەدى.

  اقان: «بۇرىن ءبىر جىلدىڭ 4 ماۋسىمىندا مالمەن بىرگە كوشىپ-قونىپ، بوران-شاشىنعا قالىپ جۇرەتىنبىز، قازىر بەيقۇت ۇيگە كوشىپ كىردىك، بوران-شاشىننان الاڭدامايمىز. مۇنان سىرت، ەسىگىمىزدىڭ الدىنا دەيىن اسفالت جول سالىنىپ، كوشەلەرگە كۇن ەنەرگيالى جول شىراعى ورناتىلىپ، بارلىق وتباسىلار قۇبىر سۋدان يگىلىكتەندى» دەدى. 70 جىلدان بەرگى وزگەرىستەردى تىلگە العان ونىڭ سوزىنەن  باقىت لەبى ەسەدى.

  شاۋەشەك قالاسى حالىقتى وزەك ەتكەن دامۋ يدەياسىن بەرىك ورناتىپ، تۇتاس قازىنالىق شىعىستىڭ %70 تەن استامىن حالىق تۇرمىسىنا پايدالانۋعا تاباندى بولىپ، حالىق تۇرمىسى  جاعىنداعى ولقىلىقتاردى تولىقتاۋعا كۇش   سالىپ، اقان مەن كوپتەگەن جۇرتشىلىقتىڭ  تابىس سەزىمىن، باقىت سەزىمىن، حاۋىپسىزدىك سەزىمىن ارتتىرا ءتۇستى.

  10 جىلدان بەرى ءوز ءۇيىنىڭ اۋلاسىندا تاباندىلىقپەن تۋ شىعارۋ سالتىن وتكىزىپ  كەلگەن سالىقجان يمىن، 4 ۇلتتان قۇرالعان وركەن وتباسى، كوماندالاستار ارا اعا-باۋىرلىق ەتەنە قاتىناس ورناتقان «تارباعاتاي بىرلەسپە فۋتبول قۇراماسى».... شاۋەشەك قالاسىنىڭ ۇلكەن-كىشى كوشەلەرىندە جۇرگەندە ۇلتتاردىڭ ىنتىماقتى، توعىسقان لەبى ەسىپ، ء وزارا ۇلتتار ىنتىماعىنىڭ اڭگىمەلەرى ەستىلەدى.
                .....
   جاڭا داۋىرگە قادام تاستاعان شەكارا قالا شىت جاڭا بەينەگە ەندى. جاڭا ساپارعا قادام تاستاعان شاۋەشەك قالاسىنداعى ءار ۇلت پارتيا مۇشەلەرى، كادر-جۇرتشىلىق زەيىن-زەردە، كۇش-قۋاتتى شوعىرلاندىرا وتىرىپ تاعى  اتتانىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ءتىپتى دە كوركەم   بولاشاقتى بەتكە الىپ العا باسۋدا.


 
رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn