ەەڭ جاڭا مازمۇندار
2020-جىلى 4-ايدىڭ 8-كۇنى 67-سان
قىس ىزعارى قايتىپ، شىعىستان كوكتەم سامالى ەستى
كەدەيلىكتەن ارىلتۋدان قامال الۋدى جاپپاي تەكسەرۋ قىزمەتىن جوعارى ساپامەن ويداعىداي ىستەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزۋگە ساندى مالىمەتتىك نەگىز ازىرلەۋ كەرەك
شاعانتوعاي اۋدانى كوكتەمگى تۇقىم ءسىڭىرۋ جۇمىسىن ءدال ۋاعىندا باستادى
ساۋان اۋدانى جۇگەرى تۇقىمىن ءسىڭىرۋ جۇمىسىن باستادى
ۋان جينگاڭ: بورىشى ءۇشىن ءومىرىن ارناعان ادال قورعاۋشى
گۇڭچۇي سىلي: باقىتتى مەكەندى تاپجىلماي كۇزەتكەن قارلى تاۋ قىرانى
لي حۇڭجۋان: قانعا بويالىپ جىعىلسا دا توناۋشىنى قويا بەرمەدى
«ءبىر ءۇيلى جاندار ءوزارا كوڭىل ءبولىپ تۇرۋى كەرەك»
قىزىعا كىتاپ وقىپ،اقاۋسىز ەرجەتەيىك
«جەتىلىم بوگەلىسى كۇنى» ۇگىتىن ورىستەتتى
قالا تۇرعىندارى قاجەتىنە قاراي تارتىپپەن جانارماي قۇيدىردى
2020-جىلى 4-ايدىڭ 5-كۇنى 66-سان
2020-جىلى 4-ايدىڭ 4-كۇنى 65-سان
بۇكىل ەلدىڭ جەر - جەرىندەگى ءار ۇلت حالقى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە قازا بولعان قۇرباندار مەن قايتىس بولعان باۋىرلاستارعا قايعىلى ازا ءبىلدىردى
قازا بولعانداردى ساعىنىشپەن ەسكە الىپ، قايسارلىقپەن العا ىلگەرىلەيىك
تۇتاس رايونىمىزداعى ءار ۇلت كادرلارى مەن بۇقاراسى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە قازا بولعان قۇرباندار مەن قايتىس بولعان باۋىرلاستارعا قايعىلى ازا ءبىلدىردى
ءسوزسىز جەڭىسكە جەتۋ سەنىمىن بەكەمدەپ، حاۋىپ - قاتەردى ورايعا اينالدىرۋعا شەبەر، قامال الىپ قيىندىقتاردى جەڭۋگە باتىل بولىپ، تۇتاس جىلداعى ەكونوميكالىق، قوعامدىق دامۋ نىسانالارىن، مىندەتتەرىن جاپپاي ورىنداۋعا شىنايى كەپىلدىك ەتۋ كەرەك
جىڭ جۇڭحۋا: حالىق ءۇشىن باسىن ءباي تىككەن قاتەردەن قۇتقارۋشى قاھارمان
لي جۋەرۇڭ: حاۋىپتى ساتتە گراناتتىڭ پىلتەسىن تارتقان سودىرعا تاپ بەردى
سۇڭ بينشي: قىزىل قانىمەن ەسكەرتكىش ورناتتى
ءورت ءوشىرۋ،ورتتەن ساقتانۋ اۆتوموبيلى جولىنا بەلگى سىزدى
دۋ جۋان 13 ساۋداگەردىڭ 260 مىڭ يۋان ماياقىسىن كەشىرىم ەتتى
«قاتىسسىز ىسكە» ارالاسۋعا جانى قۇمار ساقا پارتيا مۇشەسى گۋ شىچىڭ
تۋىستاسۋدان تۋىنداعان تەرەڭ سۇيىسپەنشىلىك
 ىندەتتەن ساقتانۋ-تىزگىندەۋ جانە ەكونوميكالىق،قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، بيىلعى ەكونوميكالىق،قوعامدىق دامۋ نىسانالارىن،مىندەتتەرىن قايراتتانا جۇزەگە اسىرۋ كەرەك
حاۋىپسىزدىكتىڭ تومەنگى شەگىن ويداعىداي ساقتاپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتەيىك سوتسياليستىك مەكتەپ باسقارۋ بەتالىسىنا تاباندى بولىپ، وقۋ - اعارتۋدىڭ وسىزاماندانۋىن جەدەل ىلگەرىلەتەيىك
پارتيا ورتالىق كوميتەتىنىڭ شەشىمدەرىن،اۆتونوميالى رايوندىق پارتكومنىڭ ورنالاستىرۋلارىن بۇلجىتپاي دايەكتىلەندىرىپ، دەڭگەيدى جوعارىلاتىپ،جاۋاپكەرشىلىك ارقالاۋدى كۇشەيتىپ،ءتۇرلى قىزمەتتىڭ ناقتى،ەگجەي-تەگجەيلى تياناقتانۋىن ىلگەرىلەتۋ كەرەك
اكىمشىلىك مەكەمەسى 2020-جىلعى 9-رەتكى پارتيا باسشىلىق گرۋپپاسى ءماجىلىسىن اشتى
اكىمشىلىك مەكەمەسى «تومەنگە بەرۋ،باسقارۋ،قىزمەت وتەۋ» رەفورماسىن ۇزدىكسىز تەرەڭدەتۋدى ىلگەرىلەتۋ ارناۋلى تاقىرىپتىق ءماجىلىسىن اشتى

ۇدەرە العا باسىپ،باي-باقىتتى قالا قۇردى

جولدانعان ۋاقىتى : 2019/8/27 19:09:17

ۇدەرە العا باسىپ،باي-باقىتتى قالا قۇردى
□ شاعانتوعاي اۋدانىنىڭ تولىق كورىنىسى. سۋرەتىن تارتقان ەرىكتى ءتىلشى چىن شۋاڭشي
ءتىلشىمىز ۋاڭ گاۋشىڭ
 
□ ۇشى-قيىرىنا كوز جەتكىسىز قۇنارلى اتىز. سۋرەتىن تارتقان ەرىكتى ءتىلشى چىن شۋاڭشي

  رەفورما جاساپ، ەسىك اشقاننان بەرى، اسىرەسە، پارتيا 18-قۇرىلتايىنان بەرى، شاعانتوعاي اۋداندىق پارتكوم مەن  ۇكىمەت بايلىق باسىمدىعىن تياناق ەتۋگە باستان-اياق تاباندى بولىپ، ماقسارى كاسىبىن ۇزدىكسىز زورايتىپ، ساياحات كاسىبىن ۇزدىكسىز نىعايتۋ ارقىلى تۇتاس اۋدان  ەكونوميكاسى مەن قوعامىنىڭ قارىشتاپ دامۋىن جەبەدى جانە جەتەكشىلىك ەتتى.

  سونىمەن بىرگە، «ەكىدەن تارىقتىرماۋ،ءۇشتى قامتاماسىز ەتۋ» كەدەيلەردى سۇيەمەلدەۋ نىساناسىن مىقتاپ ارقاۋ ەتىپ، كەدەيلىكتەن ارىلتۋدان قامال الۋ جاعىنداعى ءتۇرلى ساياسات، شارالاردىڭ ناقتى تياناقتانىپ، ناتيجە بەرۋىن جاپپاي ىلگەرىلەتتى. 2016-جىلى تۇتاس اۋداننىڭ قالا مەن اۋىل تۇرعىندارىنىڭ كىسى باسىندىق ورتاشا كىرىسى 11 مىڭ 723 يۋان بولىپ، 2018-جىلى 13 مىڭ 388 يۋانعا جەتتى. ءار ۇلت جۇرتشىلىعىنىڭ تابىس سەزىمى، باقىت سەزىمى، حاۋىپسىزدىك سەزىمى اناعۇرلىم جوعارىلاپ، بىرلىكتە اۋقاتتانىپ، دوڭگەلەك داۋلەتتى ورەگە جەتۋگە ءتىپتى دە نىق قادام تاستادى.

  اۋىل شارۋاشىلىعىنىڭ دامۋ جاعدايى جاقسى بولدى

  جاقىنعى جىلداردان بەرى،شاعانتوعاي اۋدانى استىق ءوندىرىسىنىڭ حاۋىپسىزدىگىنە كەپىلدىك ەتۋ العى شارتى استىندا ماقسارى كاسىبىن جەتەكشى كاسىپ ەتە وتىرىپ، جەردى بىرىكتىرۋ جانە ەرەكشەلىككە يە ەگىمشىلىكتى دامىتۋ ارقىلى اۋىل شارۋاشىلىعى كاسىپ قۇرىلىمىن ۇزدىكسىز ساپالىلاندىرىپ، اۋىل شارۋاشىلىعىنىڭ قاۋىرت دامۋىن جەبەدى.

  قارابۋرا اۋىلى قوسقاباق قىستاعىنىڭ تۇرعىنى ۋاڭ ي-ميڭ 2001-جىلدان باستاپ ماقسارى ەگىپ، سول جىلى 50 مۋ جەردەگى ماقسارى گۇلىن  ءوزى تەرىپ، كەپتىرگەننەن كەيىنگى مۋ باسىندىق ءونىمى 10 كيلوگرام مولشەرىندە بولىپ، 30 مىڭ يۋاننان ارتىق ساپ كىرىس كىرگىزگەن. بيىل ول 260 مۋ جەرگە ماقسارى ەككەن، سورتىن ساپالىلاندىرعاننان كەيىنگى كەپتىرىلگەن ماقسارى گۇلىنىڭ مۋ  باسىندىق ءونىم مولشەرى 20 كيلوگرامعا جەتىپ،100 گە جۋىق ادامدى مايلاپ تەرگىزىپ، 200 مىڭ يۋانعا جۋىق تازا كىرىس كىرگىزدى.

  2016-جىلى تۇتاس اۋدان بويىنشا 129 مىڭ مۋ جەرگە ماقسارى ەگىلىپ، ءونىم قۇنى 110 ميلليون يۋانعا جەتسە؛ 2019-جىلى ەگىلگەن ماقسارىنىڭ كولەمى 158 مىڭ مۋعا   جەتىپ، ءونىم قۇنى 127 ميلليون   يۋانعا جەتەتىندىگى مەجەلەنىپ، ماقسارى كاسىبىنىڭ ارتقان كىرىسى جان باسىندىق جىلدىق ساپ كىرىسىندە ۇستايتىن  سالىستىرماسى 2016-جىلعى %23 تەن 2018-جىلعا كەلگەندە %29 كە  جوعارىلادى.

  قارابۋرا اۋىلىنىڭ قاراشوقى قىستاعىندا 6200 مۋ ەگىستىك جەر بار، كىسى باسىنا 7 مۋدان تۋرا كەلەدى. 2018-جىلى وسى قىستاق تامشىلاتىپ سۋارىلاتىن 5100 مۋ جەردى اينالىمعا   سالىپ، مۇنىڭ 2300 مۋىنا ماقسارى، 2800 مۋىنا ءبيداي ەگىپ، جەردى  اينالىمعا سالۋعا قاتىناسقان 82 وتباسى  يگىلىگىن كوردى.
قىستاق پارتيا ياچەيكاسىنىڭ شۋجيى چىن يۇيفىڭنىڭ تانىستىرۋىنشا، جەردى اينالىمعا سالىپ، سەلبەستىك كووپەراتيۆىنە وتكىزگەننەن كەيىن، شوعىرلى باسقارۋعا الىنعان. وسى جەرلەردىڭ مۋ باسىندىق كوتەرمەگە الۋ اقىسى 100 يۋان جوعارىلاپ، ماشينامەن ەگۋ اقىسى، توك  اقىسى سياقتى ءوندىرىس شىعىنى 30 يۋان ۇنەمدەلىپ، كىسى باسىندىق  كىرىس 730 يۋان ارتقان.

  2016-جىلدان بەرى، تۇتاس  اۋدان بويىنشا اينالىمعا سالىنعان جەر 217 مىڭ مۋعا جەتىپ، تۇتاس اۋدانداعى 590 مىڭ مۋ ەگىستىك   جەردىڭ %36.7 ىن ۇستاعان. جەردى بىرىكتىرۋ ارقىلى كولەم  جاعىنان كورنەكتى ونىمدىلىك جاراتىلىپ،  تۇتاس اۋدانداعى 6 اۋىل، قالاشىق، فەرماعا قاراستى 50 قىستاقتاعى 4000 نان استام قىستاق تۇرعىنى يگىلىگىن كورگەن.

  كەدەيلىكتەن ارىلتۋدان قامال الۋ شايقاسىنىڭ ناتيجەسى كورنەكتى بولدى

  شاعانتوعاي اۋدانى بۇرىن اۆتونوميالى رايون دارەجەلى كەدەي اۋدان بولاتىن. جاقىنعى جىلداردان بەرى،اۋداندىق پارتكوم مەن ۇكىمەت ءار ۇلت جۇرتشىلىعىن ىنتىماقتاستىرىپ جانە باستاپ، «جەتى ءبىر توپ» تى تۇتقا ەتىپ، ورتالىقتىڭ، اۆتونوميالى رايوندىق پارتكومنىڭ جانە ايماقتىق پارتكومنىڭ ورنالاستىرۋلارى مەن شەشىمدەرىن قاز-قالپىندا بۇلجىتپاي تياناقتاندىرىپ، دايەكتىلەندىرىپ، 2017 -جىلى ءساتتى تۇردە كەدەيلىك قالپاعىن الىپ تاستادى. جۋىق جىلداردان بەرى، كوپ ءتۇرلى شارانى بىرگە قولدانا وتىرىپ، قىزمەت تەبىنىن ۇزدىكسىز ارتتىرىپ، كەدەيلىكتەن   ارىلتۋدان قامال الۋدى بەكەمدەۋدىڭ ناتيجەسى كورنەكتى بولدى.

  اۋدان بويىنشا ارحيۆ تۇرعىزىلىپ، كارتچكالاندىرىلعان 3343 وتباسى 9999 ادام بار بولىپ، تۇتاس اۋدانداعى 6 اۋىل، قالاشىق، فەرماداعى 49 قىستاق-دۇيدى شارپىدى. قونىس  جاڭالاۋ اۋىر كەدەيلەرگە قاراتا اتقارىلعان نەگىزگى شارا بولىپ، اۋدان بويىنشا 118 وتباسىنىڭ قونىسىن  جاڭالادى، بۇل 4 اۋىل، قالاشىق، فەرماداعى 5 قىستاقتى شارپىدى.

  التىن ەمىل اۋىلى جاڭابۇلاق قىستاعى — تۇتاس اۋدانداعى ەڭ ۇلكەن ۇلتتىق قىستاق، قىستاقتا جيىنى 636 وتباسى بار بولىپ، مۇنىڭ ىشىندە 2016-جىلى 63 وتباسىنىڭ قونىسىن جاڭالاعان، ولار 2017-جىلى تىنىش تا شات-شادىمان جاڭا تۇرمىسىن باستادى، بۇعان جيىنى 11 ميلليون 340 مىڭ يۋان قارجى قوسىلدى.

  قىستاق كوميتەتىنىڭ ورىنباسار مەڭگەرۋشىسى سالتانات ءناسىپ: «قونىس جاڭالاپ كەلگەن ءار وتباسىنا 180 مىڭ يۋان قارجى قوسىلىپ، قىستاق تۇرعىندارى ءبىر تيىن اقشا شىعارمادى، جاڭادان 60 شارشى مەترلىك تۇرعىن ءۇي، 80 شارشى مەترلىك جىلى قورا سالىنىپ، سۋ،  ەلەكتر، جىلىتۋ قۇرىلعىلارى ورناتىلدى، ءۇيدىڭ ءىشى قاراپايىم اشەكەيلەنگەن، قىستاق تۇرعىندارى نارسە-كەرەكتەرىن الىپ قانا كوشىپ كىردى» دەدى.

  جۇمىستاندىرۋدى شەشىم ەتۋ ارقىلى كىرىستى ارتتىرۋ كەدەيلىكتەن ارىلتۋدان قامال الۋ شايقاسىنىڭ ناتيجەسىن  بەكەمدەۋدىڭ نەگىزگى جولى. جانكىسى اۋىلى جانكىسى قىستاعى 2014-جىلى  كەدەيلەردى سۇيەمەلدەۋدەگى ءتۇيىندى قىستاق  بولىپ تۇراقتاندىرىلادى، بۇل قىستاقتا ارحيۆ تۇرعىزىلىپ، كارتچكالاندىرىلعان 91 وتباسى 226 ادام بار.

  2018-جىلى قىستاق پارتيا  ياچەيكاسىنىڭ باستاماشىلىعىندا بۇل قىستاق جەمىس تەرۋ باقشاسىن قۇردى. كەدەي وتباسىلارىنان جەمىس تەرۋ باقشاسىندا جۇمىستانعاندار 80 ادام رەتكە جەتسە، قۇرىلىس مايدانىندا جۇمىستانعاندار 70 ادام رەتكە  جەتىپ، كىسى باسىندىق ەڭبەكتەن كەلگەن ارتقان كىرىسى 20 نەشە مىڭ يۋان بولدى.

  قازىر اۋدان بويىنشا 952 كەدەي وتباسىنداعى ەڭبەككۇش ءتۇرلى جولدارمەن جۇمىستانىپ، كىرىسىن ارتتىردى.

  ساياحات كاسىبى جەدەل دامىدى

  تاۋ گۇلى مەرەكەسى شاعانتوعاي اۋدانىنىڭ مادەنيەت تانىسقىسى، سونداي-اق شاعانتوعاي اۋدانىنىڭ ساياحاتىنىڭ ايگىلى ماركاسى ءارى جەرگىلىكتى ورىننىڭ ەكونوميكاسى مەن  قوعامىنىڭ قاۋىرت دامۋىن ىلگەرىلەتۋدىڭ «قوزعاۋشىسى» جانە «دەمەۋشىسى».

قازىرگە دەيىن، اۋداندىق پارتكوم مەن ۇكىمەت تاۋ گۇلى مەرەكەسىنە  جيىنى 35 ميلليون 140 مىڭ يۋان قارجى قوسىپ، جانكىسى اۋىلى جۇنجۇرەك قىستاعى ساياحات ونىمدەرى شاعىن  بازارىن، جەكە كولىگىمەن ساياحاتتاۋشىلار تۇراعىن جاڭادان قۇرىپ، جوبالانىپ سالىنۋ ۇستىندەگى كورىنىس رايوندارىنداعى اعاش كوپىر، سۋ ءۇستى كوڭىل اشۋ نىساندارى سياقتى نەگىزدىك   قۇرىلعىلار كەمەلدەنىپ، تاۋ گۇلى مەرەكەسىنىڭ ساپاسى تىڭ دەڭگەيگە كوتەرىلدى.

  ۇزاق جىلدان بەرى،شاعانتوعاي  اۋدانى تاۋ گۇلى مەرەكەسى ساياحاتىنىڭ ايگىلى ماركاسىن بار كۇشپەن قۇرىپ، ساياحات كاسىبىن جەدەل دامىتىپ، ساياحات جالپى كىرىسى جىل سايىن   ارتىپ، جەرلىك ورىنداعى ەگىنشى-مالشىلار اۋىل شارۋاشىلىق ەرەكشە ونىمدەرىن ساتۋ جانە قىزمەت وتەۋ كاسىبىمەن شۇعىلدانۋ ارقىلى كىرىستەرىن ارتتىردى.

  ىرىسگۇل شاعانتوعاي مال فەرماسى مال شارۋاشىلىق 1-قىستاعىنىڭ تۇرعىنى، 2014-جىلدان باستاپ قۇرت  جاساپ ساتۋمەن شۇعىلدانادى، سول جىلعى تاۋ گۇلى مەرەكەسى كەزىندە قۇرت ساتىپ 5000 يۋان ساپ كىرىس كىرگىزەدى. سودان باستاپ ءار كەزەكتى تاۋ گۇلى مەرەكەسىندە ول ەرتە-باستان دايىندىق كورىپ، كىرىسى دە جىلدان-جىلعا ارتا تۇسەدى. ءدال وسى تاۋ گۇلى  مەرەكەسى تۇعىرى ارقىلى ونىڭ قولدان جاساعان، ءدامدى قۇرتىنىڭ ءوتىمى جاقسى بولىپ، ساۋداسى بارعان سايىن كۇسەت بولا ءتۇستى.

  2018-جىلى ول جالعىز ءوزى جەتىسە الماعاندىقتان، قۇرت جاساۋعا كومەكتەسۋگە 3 ادام قابىلداپ، كىشى تۇرپاتتى جۇك ماشيناسىن ساتىپ  الىپ، ونىمدەرىن ماڭايداعى اۋدان، قالالارعا دەيىن جەتكىزىپ، سول جىلى ساپ  كىرىسى 250 مىڭ يۋانعا جەتتى.

  ۇعىسۋعا قاراعاندا، 2007-جىلعى 1-كەزەكتى تاۋ گۇلى مەرەكەسىندە شينجياڭنىڭ ءىشى-سىرتىنان 112 مىڭ ادام رەت ساياحاتشى قابىلداپ، ساياحات جالپى كىرىسى 76 ميلليون 160 مىڭ يۋانعا جەتسە؛ 2018- جىلعى 12-كەزەكتى تاۋ گۇلى مەرەكەسىندە شينجياڭنىڭ   ءىشى-سىرتىنان جيىنى 300 مىڭ ادام رەت ساياحاتشى  قابىلداپ، ساياحات جالپى كىرىسى 204 ميلليون يۋانعا جەتكەن.

  وقۋ-اعارتۋ ىستەرى دامي ءتۇستى

  شاعانتوعاي اۋداندىق پارتكوم مەن ۇكىمەت باستان-اياق وقۋ-اعارتۋ  ىستەرىن دامىتۋدى ماڭداي الدى ورىنعا قويدى. اسىرەسە، 18-قۇرىلتايدان بەرى ۇسىنىلىمدى ۇزدىكسىز ارتتىرىپ، نەگىزدىك قۇرىلعىلاردىڭ ساپاسى جاقسارىپ، وقىتۋ ورەسى مەن ساپاسى كورنەكتى جوعارىلادى.

  2015-جىلى جاڭاجەر اۋىلى مۇقىر قىستاعىنىڭ وقىتۋ تۇيىندەرىنە جالپى 5 ميلليون يۋانعا جۋىق قارجى قوسىلىپ، كونە مەكتەپ ۇيلەرى وزگەرتىپ سالىنىپ، مۇقىر قىستاعى مەن اقتوبە جاڭا قىستاعىنىڭ بالالار باقشاسى  جاڭادان سالىنىپ، جالپى كولەمى 988 شارشى مەتر بولىپ، قوسىمشا قۇرىلعىلارىن تۇگەلدەي  تولىقتادى.

  وقىتۋ ءتۇيىنى پايدالانۋعا بەرىلگەننەن كەيىن مۇقىر قىستاعى، اقتوبە جاڭا قىستاعى، سولتۇستىك قىستاق، وڭتۇستىك قىستاق، باتىس قىستاق  سياقتى 5 قىستاق-دۇيدەگى وقۋ  جاسىنداعى 112 بالانىڭ بالالار باقشاسىنا كىرۋ جانە 1-دەن 3-جىلدىققا دەيىنگى 35 وقۋشىنىڭ وقۋعا ءتۇسۋ ماسەلەسى شەشىمدەلدى.

  وقىتۋ ءتۇيىنى پارتيا ياچەيكاسىنىڭ شۋجيى حۋ رۇيحۋا: «وقىتۋ تۇيىنىنە ىلگەرىندى-كەيىندى 10 نەشە وقىتۋشى ءبولىنىپ كەلدى. بيىل الدىڭعى جارىم جىلدا وقىتۋ تۇيىنىندەگى  مەكتەپ ۇيلەرىنىڭ بارلىعىنا ەلەكترمەن جىلىتۋ جابدىعى ورناتىلدى. قازىر   اۋىل-قىستاقتاعى بالالار قالاداعى  بالالار سياقتى ساپالى وقۋ-اعارتۋ بايلىعىنان يگىلىكتەنەتىن بولدى» دەدى.

  2016-جىلدان بەرى، تۇتاس  اۋدان مەجەمەن 110 ميلليون يۋان قارجى قوسىپ، ورتا، باستاۋىش  مەكتەپ جانە بالالار باقشاسىنان 16 سىن جاڭادان كەڭەيتىپ سالسا، 35 مىڭ 830 شارشى مەتر كەلەتىن  مەكتەپ ۇيلەرىن جاڭادان وزگەرتىپ سالىپ، وقىتۋ جابدىعىنان 10 مىڭ 41 ىن جاڭادان ساتىپ الىپ، كوپ يقۋاتتى بولمەدەن 28 ىن جاڭادان سالىپ، قالا مەن اۋىلداعى 3500   وقىتۋشى-وقۋشى يگىلىككە كەنەلدى.

رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn