ءتىلشىمىز سۇڭ جيانلياڭ حابارلايدى. بىرنەشە كۇننەن بەرى،ساۋان اۋدانى سورتتى تۇقىم الاڭىنىڭ الاقاتى جيناۋ مەرزىمىنە ءوتتى، ەگىمشىلىك ءىرى وتباسى جاڭ پىڭنىڭ 100 مۋدان ارتىق جەرگە ەككەن الاقاتى قىزارىپ پىستى، جاڭ پىڭ مەن جۇمىسشىلار قاربالاس الاقات جيناۋدا، ال جەرگە شاشىلعان الاقاتتار جاڭ پىڭ باققان ءۇي قۇستارىنىڭ ءدامدى جەمىنە اينالدى.
بيىل جىل باسىندا،جاڭ پىڭ الاقاتتى سىناق رەتىندە ەگە باستايدى ءارى نەگىزىنەن نيڭشيا 7-ءنومىرلى جانە نيڭشيا 9-ءنومىرلى ەكى سورتتى الاقاتتى ەگەدى. الاقات ەگۋدەن بۇرىن جاڭ پىڭدا ەگىمشىلىك پەن باعىمشىلىقتى ۇشتاستىرۋداي وي تۋادى ءارى جەرلىك تاۋىق، قىزىل تۇمسىق قاز، كۇركە تاۋىق، جۇپار تاۋىق، قاز سياقتى 700 دەن ارتىق ءۇي قۇسىن ەنگىزدى.
جاڭ پىڭ: «قازىر ادامدار ازىق-تۇلىك پەن دەنساۋلىعىن قورعاۋعا بارىنشا كوڭىل بولەدى، ءبىز دە بازاردىڭ قاجەتىنە نەگىزدەلىپ، ەگىمشىلىك پەن باعىمشىلىقتى ۇشتاستىرۋ ءادىسىن ويلاپ تاپتىق. ەگىمشىلىك جاعىندا، ءبىز جاسىل، ورگانيكالى، زالالسىز بولۋ شاراسىنان پايدالانىپ، ورگانيكالى تىڭايتقىش بەردىك، ءۇي قۇستارىنان پايدالانىپ، ارام شوپتەردى جويىپ، ءۇي قۇستارىنىڭ ساڭعىرىعىن تىڭايتقىش رەتىندە پايدالاندىق ءارى بيولوگيالىق ساقتانۋ ادىسىنەن پايدالانىپ، دەرت-دەربەزدەن ساقتاندىق» دەدى.
جاڭ پىڭنىڭ الاقات اتىزىنان توپتاسىپ جەم ىزدەپ جۇرگەن ءۇي قۇستارىن كورە الاسىز،الاقات اعاشىنىڭ ءتۇبى ءۇي قۇستارىنىڭ كۇن نۇرىنان تاسالاناتىن تاماشا جەرىنە اينالعان. قازىر ءۇي قۇستارىن دا بازارعا سالىپ ساتۋىنا بولادى، جەرلىك تاۋىق جۇمىرتقاسى، قىزىل تۇمسىق قاز جۇمىرتقاسى جانە قاز جۇمىرتقاسى دا كىرىستى ارتتىرۋدىڭ ءبىر بولەگى بولعان.
جاڭ پىڭ: «بيىل ەككەن الاقاتتىڭ ءبىر ءبولىمىن ساتىپ، ءبىر بولىمىمەن ءۇي قۇستارىن باقپاقشىمىن، الاقات اتىزى ءۇي قۇستارىنىڭ جەم جەۋ الاڭى، الاقات، ارام ءشوپ جانە ناسەكومدار ولاردىڭ نەگىزگى جەمى. مەن ولارعا تاعى قوسىمشا جەم رەتىندە لايىقتى مولشەردە جۇگەرى بەرىپ، ءۇي قۇستارىنىڭ نە عۇرىلىم تابيعي جەتىلۋىنە مۇمكىندىك جاراتامىن» دەدى.
بىرنەشە ايدان بەرگى ىزدەنىس جاڭ پىڭنىڭ سەنىمىن بارىنشا بەكەمدەدى. ول: «كوزالداعى ساتىلۋ جاعدايىنان قاراعاندا، الارماندار ەت ساپاسى مەن ءدامىنىڭ ەرەكشە جاقسى ەكەندىگىن اڭىس ەتۋدە ءارى ۇزدىكسىز زاكاز بەرىپ جاتقاندار بار. كەلەر جىلى 5 مىڭ دا 10 مىڭ تاۋىق باعىپ، سەلبەستىك كووپەراتيۆىن قۇرىپ، ورمان ارقىلى تاۋىق باعۋ، تاۋىق ارقىلى ورماننىڭ جەتىلۋىن جەبەۋدەي تاماشا ەكولوگيالىق اينالىم دامۋ جولىمەن ءجۇرىپ،قالىڭ تۇتىنۋشىلاردى جاسىل، الاڭسىز تۇتىناتىن ازىق-تۇلىكپەن قامداماقشىمىن» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى